波記燒臘粉麵店

营业中

休息中

聽HKU朋友介紹 話呢間燒味店好好食😆 呢日去開附近就去試吓~~🦢燒鵝髀瀨粉 $98去到好好彩 仲有燒鵝髀食🤩大大隻燒鵝髀上枱 外皮燒得好有光澤😆食落口充滿油香 鵝肉香 肉質鮮嫩🤤 不過個皮就唔太脆🥲瀨粉份量正常 質感爽滑😋價錢方面 其他燒味都多數係$30-40 只不過係燒鵝髀相對上貴價啲 所以整體都算係抵食嘅😌~~評分📈味道 7/10環境 6.5/10性價比 7.5/10—Rating 📈Taste 7/10Environment 6.5/10Worthiness 7.5/10~~🏠波記燒臘粉麵店📍西環石塘咀皇后大道西425號P舖地舖

叉燒燒鴨飯 Char Siu and Roast Duck RiceCP值：4/5價錢Price: $45環境Environment：2.5/5 Comment: 尼間燒味拎過米之蓮推介，但價錢都算抵嘅，雙拼只係45蚊，中上環一間普通茶餐廳都唔只啦。買個外賣返去中環食，計埋車費都唔洗60蚊😂但質素真係唔係好穩定， 第一次食個叉燒係好食，又juicy又稔，但第二次去食就勁硬，硬過我條命。相對上燒鴨就質素穩定啲。 This restaurant was recommended by Michelin but the price is relatively reasonable as compared with the cha chaan teng in Central. If you take mtr or tram to buy takeaway there and return back to your office in Central, it costs you less than $60😂However, the quality of cha siu is not so stab

波記燒臘粉麵店, 石塘咀🍜我相信西環既街坊對波記一D都唔陌生。呢到既叉燒、雞、燒鴨無論係味道同份量方面，以呢個價錢都相當抵食。睇相都睇得出叉燒同燒鴨係相當靚，"令立立"咁。一定會再幫襯。瀨粉份量唔算特別多，肚餓的話叫飯就會感覺會再抵食D。早排係YOUTUBE睇飲食男女，發現做燒味既工序其實係非常繁複，但多數都只係收你30，40蚊，真係物超所價。下次去埋係灣仔好出名既再興(都係黃店)試下先，物色一間我最喜愛既燒味店。 .叉燒豉油雞瀨粉 $45叉燒燒鴨瀨粉 $45.📍西環石塘咀皇后大道西425號P舖地舖🌟Rating: 8/10💰Price: $40-50 pp #黃店推介

難得今日放假就決定同男朋友仔去西環半日遊🥳波記燒臘原來係西環已經屹立了四十多年，完全係老字號既店舖啊👍🏻😳-🎈燒鴨瀨粉 $32燒鴨同瀨粉真係絕配❤️鴨皮好脆口配埋必點既酸梅醬～最正最正一定係每一啖都係肉🤤岩哂我呢啲勁懶唔鐘意啃骨既人🤣而瀨粉就煮得唔會好碎配埋清湯底都幾正～-這裏吃的不只是一種味道，更是一份傳統老店獨有的人情味。-🔸波記燒臘粉麵店📍西環石塘咀皇后大道西425號P舖地舖

星期六經過西環都知呢間燒味出名抵食，見到都有7-8個人排緊，難得黎到就照排喇。等咗大約半個鐘左右就入得。燒鴨瀨粉$35 雙拼就再加$8 (燒鴨叉燒瀨粉$43)份量都滿意，不過略嫌今次嗌既燒鴨同叉燒都偏瘦，食落冇燒味果種油脂香。如果燒鴨同叉燒可以肥小小就仲好食，瀨粉唔會太碎，正常水準。以呢個價位食燒味瀨，我覺得幾唔錯。不過要留意既係坐既位置真係唔太舒服，圓枱要同人搭枱既，我覺得最大問題係當日安排我同友人既位置係條渠隔離，條渠就充斥住大家食完既湯汁，感覺真係唔好。所以我建議住附近既不妨嗌外賣翻屋企，坐得舒服慢慢嘆。

今年秋天天氣特別好，天晴又乾爽，特登放假去港島西一日遊。出發之前梗係醫左肚仔先，今次揀左一間位於西環相當有名氣的燒味店，12點半到達都要等一陣先有得入座，全個lunch time都會不時聽到有人買外賣，以叉燒、燒鴨為主。聽聞小店既燒味全部都係自己即場燒，加上去貨去得快，所以特別新鮮。必食推介有燒鵝全脾，但真係好睇運氣，今次壽星朋友幸運地食到，之後果枱已經無得食。燒鵝全脾瀨 $98一枝長骨既上枱方法，相當令人喜悅，配埋閃令令既焦啡顏色，非常吸睛，令人垂涎三尺!! 期待已耐既友人表示有少許失望，第一燒鵝皮唔脆，第二食唔出同燒鴨有咩分別，不過油膩感唔重，肉質彈牙。叉燒燒鴨瀨 $45而我就揀左雙併，叉燒同燒鴨既份量都係出面餐廳既1.5倍，有一種食極都有既感覺，所以食完好飽。唔知係咪越無期望，就越有驚喜呢，三款燒味內面，我同友人都覺得叉燒最好味。我碗粉入面有兩款叉燒，一款係半肥瘦，另一款係瘦叉；前者固然好味，入口有油香、香甜；後者見佢好似鞋颯颯，但原來一d都唔痴牙、亦唔韌，仲幾鬆添!!燒鴨係胸位，肉質少少鞋，但浸湯既關係，唔會覺得好乾；不過同燒鵝皮一樣唔脆。叉燒同燒鴨油滲哂落個清湯度，加埋少許蔥

身為石磄咀街坊街里，當然有食過波記！我最鍾意嘅係佢嘅燒鴨，皮燒得好香，肉質林林的燒鵝當然都係十分高汁！不過個人實在怕怕肥膏，一次半次唔怕肥的話，記得試試燒鵝喇！朋友仔聽我推介咁耐，忍不住由屯門出來品嚐（順便探我）另外我最鍾意嘅，就係切雞佢係非一般嘅滑呢

呢日咁啱黎到石塘咀，緊係要嘆返餐燒味先至完美啦！⚽️波記係喺西環呢邊最出名嘅燒味店，而且好容易搵，就喺石塘咀街市對面，所以點都要試下嘅！佢呢度係出名原隻燒鵝髀🦃！！不過真係好睇你去個時間啦～因為鋪頭十一點半開，我呢日遲左少少黎，差唔多十二點多少少，已經賣晒！🥺係連燒鴨髀都賣晒了！所以我叫左 燒鵝鴨瀨粉($61)，好過無啦😹😹圖上👆🏻碗上面係燒鴨🦢，下面係燒鵝🦃份量唔太多，係正常嘅份量！燒鵝鴨熱辣辣夠新鮮😋，食落啖啖肉，唔鞋口又juicy🥰，配埋脆卜卜嘅薄皮真係絕配😻👆🏻右邊嗰碗係 燒鵝叉燒瀨粉，叉燒同樣都係大大舊，而且都燒得幾靚👍🏻肉香多汁，咬落鬆軟唔會韌🥰波記燒味確實不錯，有機會可以去試下啊！不過記住早啲去！！！

呢間餐廳一早已經係我嘅checklist 之一。第一次去唔知點解冇開門。第二次去嗰個地段好難泊車放棄左...今次搭地鐵過嚟，超近地鐵站出口👍。一早已經做咗research佢係11:30開門。我11:33 分已經到咗。門口竟然已經有人等緊外賣。餐廳內座咗九成🤦🏻‍♀️⋯⋯等咗一陣入到去。第一時間梗係食佢嘅燒鵝脾瀨。據聞脾位再晏少少時間賣晒就冇㗎啦🤷🏼‍♀️🤷🏼‍♀️🤷🏼‍♀️⋯⋯燒鵝真係好香，個皮好脆好鬆化，油脂感好強👍配埋個瀨粉一齊食感覺就可以減少少油膩。雖然對於新界人來講係有啲遠嘅，不過我應該有機會都會再去❤️

波記絕對係我嘅私心推介！平、靚、正！前鋪後燒味工場，所有燒鵝、燒鴨、叉燒都係每日新鮮出爐～ 👍🏻$100都唔駛就食到原隻燒鵝髀！有成對竹筷子咁長 🤗一咬就燒鵝嘅油脂就係口入面爆曬出嚟，鵝肉嫩滑Juicy，肉味香濃～ 🤤燒鵝髀真係手快有手慢無，想食一定要早啲到，通常1pm 後就會賣晒！燒鴨髀都係一整隻上～雖然油脂無燒鵝髀咁爆汁，但都香而甘口，肉質一樣嫩滑多汁。😋食燒鵝、燒鴨當然要配湯瀨粉啦！呢度嘅湯底都充滿住香濃嘅鵝肉鮮味，瀨粉口感唔錯，係偏碎咗啲啲。

|燒鵝髀瀨粉🥢| HKD 98|燒鵝飯🥄| HKD 53喺疫症期間，如果要出街嘅話，就會同一個區食晒你想食嘅嘢～就最efficient!所以繼續喺西環美食🤭喺香港可以食到真正燒鵝瀨粉嘅地方唔多，西環呢一間波記就好出名！燒鵝髀瀨粉🥢：佢嘅賣相好靚仔，全髀斬件上，食落口好有我鵝油香味，個皮係薄脆既😳佢嘅瀨粉就冇傳說當中碎得好誇張，都仲可以維持到一條條夾得起🙉佢個髀位既肉好厚好大份，淡淡肉係過癮既💫另外一提，佢嘅酸梅醬要另外問佢先拎俾你，就唔好傻豬豬以為冇酸梅醬係佢嘅特色😂燒鵝飯🥄：冇諗到佢個燒鵝飯好足料，而且佢比嘅位置都係厚肉、貨真價實～佢連薑蔥一齊上，正港燒鵝飯味☺️基本上，我自己覺得燒鵝飯同隻燒鵝髀嘅味道質素差唔多，所以下次嘅話我叫燒鵝瀨粉個性價比應該係最高💓

『波記』哩個名相信係好多西環街坊、附近返工返學嘅人都會聽講過🙊。一間連續多年入選米芝蓮推介🌟🌟🌟但又冇坐地起價嘅良心街坊食堂。佢地有自家工場，每日即燒即賣🔥🐓，保證每日新鮮製作🤎！每逢午餐時段店外都大排長龍，只要燒味去貨夠快，燒味會不停換新😛，唔怕淋哂凍哂，影響口感👄。波記嘅燒味一賣哂就會關門，所以要食就要早啲去喇🤞🏻🤞🏻。⠀🦢燒鵝叉燒瀨粉🐖（$61）⠀燒鵝外皮通透、漲卜卜又夠脆🤩🤩，肉質鬆軟又有油香🌝💦。叉燒半肥瘦💓，鬆化唔會乾柴。瀨粉正正常常，瀨粉條條分明，湯底飲到淡淡大地魚嘅清香又有雞湯嘅鮮味🐟，但又唔會喧賓奪主。⠀⠀🐷燒肉油雞瀨粉🐔（$45）⠀燒肉冇甩皮甩骨，唔會食到好咸好種醃料味🤪✨。油雞浸得岩岩好，今次咁啱食到雞髀仔🐓，肉質夠哂嫩滑🧚🏻🧚🏻。⠀

住西環嘅無可能未食過 我以前住都成日食 嗰時仲係舊舖 新舖呢度都有食過外賣 堂食都係第一次舖面比舊舖細咗好多 不過食物質素不變 價錢仍然合理一心諗住食鴨脾瀨粉 當時大概兩點 已經賣晒 唯有食燒鴨啦 一上枱已經流口水 份量充足 而且見到少骨多肉 咬落真係啖啖肉簡單而又十分滿足嘅一個lunch

人稱Kong U燒臘飯堂，前舖小小，後舖即燒即斬，新鮮熱辣辣。街坊老店追求不是好好的招呼，而係一份親切傳統感覺。落單向樓面阿叔叫碗燒鵝髀瀨粉，他會大聲叫出嚟問：「燒鵝髀瀨仲有冇。」真係好嘢係限量供應嘅！ 後來真係有其他食客落單，聽到樓面話：「燒鵝未出爐呀，食燒鴨啦！」鵝脾的騷香味，鴨髀真是有些遜色，雖然放上湯瀨粉上，令到鵝皮浸淋了一點點，但依然香脆，肉質實而嫩並有鵝油流出，油脂感咬下去，寫起上來都記得吃的時候邪惡，清湯混合鵝油，吃起剛好把清湯濃郁化。｛燒鵝髀加瀨粉這個絕配，真係仲夾過肉醬配意粉。｝食物賣相＝(滿分20) 16食物味道＝(滿分20) 18服務質素＝(滿分20) 14裝修整潔＝(滿分20) 12性價比率＝(滿分10) 7回頭指數＝(滿分10) 9總評分。（滿分100) 76分

☀️叉燒瀨 $37☀️今日來波記食中午，十二點半堂食兩位，唔使五分鐘就有得坐☀️落完order唔使兩分鐘野食就到，成個過程都好有效率☀️落單時無特別要求，來到叉燒略瘦，下次可以試下落半肥瘦☀️好少地方有得食瀨粉，呢到瀨粉爽滑，用筷子食都跣左好多次先夾到 ☀️位置都無想像咁迫陝，坐門口都有冷氣。三十五度既夏天來食都無問題☀️見好多人食燒鵝，會再來試佢燒鵝☀️都有好多人叫外賣，外賣都好快手。見砍料哥哥全部都有帶口罩