波記甜品 (已結業)

Delivery this dessert and arrived in perfect condition. But I was surprise to find that the composition was made with a flashy orange ice cream and some pieces of watermelon! They have some pieces of banana and chocolate ice cream, but the mix of all doesn't really match.My childhood memories for a perfect banana split was 3 flavors of ice creams: chocolate, vanilla, strawberry + 1 banana + hand made liquid dark chocolate, done, enjoy 🤤.

咁啱去屯門置樂食泰國野，食完見旁邊有間甜品小店，上網睇相外貌好似都唔錯就去試下啦👀當時夜晚一個客人都無，坐到入去灰黑主題嘅環境好似salon一樣😂而Menu都好殘舊咁，因為懶揾第二間，所以都照食啦，點知甜品味道真係超一般😩而價錢都唔係話好平咋bor😮‍💨後來問返屯門嘅朋友，幾個都問返我轉頭點解食呢間😂🔸 夏雪（HK$58）甜品上枱後同menu張相都唔一樣😂(可能係器皿嘅改變令到有啲出入啦)，都有幾多水果嘅(香蕉/奇異果/火龍果/哈密瓜/香蕉)，不過全部都睇落唔新鮮😶顏色超暗淡個種，而底下嘅西米露就好稀🙈🔸 香蕉脆脆窩夫（HK$65）擺盤造型都唔錯嘅，窩夫食落個陣覺得超脆口🧇仔細一睇，將窩夫上嘅粉同醬抹開之後先發覺，原來係燶底左😮而香蕉面頭有層燒焦糖，都係燒得過左，食到苦味😶‍🌫️

我和老公想去搵甜品食，入去見到個價錢就唔想食兩份，於是叫咗一個外賣：楊枝甘露返去打開，見到咁細碗都算啦，佢又可以冇碌柚-一粒粒嗰d，其實我好想問老闆你知唔知咩係楊枝甘露㗎？滿記甜品都係💰42，係紅磡d小店💰24-28，味道絕不會差，佢係屯門可以賣到💰48，簡直佩服，咁都可以經營，犀利犀利👎我知道佢心太軟賣💰65，紅磡💰43，點解？點解你可以咁自信？希望大家不要再踩雷，一定要避雷！！！！

睇戲前食左個lunch就係附近再搵間甜品食今次係第一次食波就啊下午茶時間冇乜人 餐廳得我地一枱客我想食抺茶窩夫但無🥲我又想食榴連乳酪冰 又無 最後仲上錯左個芒果乳酪冰 但我係唔食芒果架 最後拎起芒果雪糕硬食左🥺🥺🥺 sooo disappointed!!!於是叫左雪糕窩夫 有3球雪糕口味揀 我揀左2球抺茶 1球朱古力雪糕味道正常 好大球😙而窩夫好香蛋香味 雖然有點燶 但香脆 我個人好滿意😂😆而另外既芒果乳酪冰 乳酪冰幾好味 但芋圓 小丸子同其他配料 凍到有啲硬🤨😣 芋圓味道正常其他配料偏甜 接受唔到 最後食哂啲冰就算啦🥲🥲

雪糕窩夫，有三隻味道嘅雪糕選擇，我點了朱古力、芒果、抹茶，非常好食，吸引埋隔離兩台客跟住嗌，造型打卡影相一流，味道也非常好。另外叫了一碗咋喳芋圓，芋圓唔夠煙韌，咋喳也較少。

飯後一點甜 呢區都幾多小店 今次搵到呢間試下甜品有港式又有西式,選擇都多~芒金撈係招牌黎既芒金撈主要用楊枝甘露做底加上蘆薈、芒果布甸仲有鮮芒果肉成個配搭簡直芒果三重滋味 鮮芒肉加楊枝甘露!果肉係用台灣芒果,好香甜多汁!心太軟配抹茶雪糕一上枱就聞到好香 一刀切下去時，內層朱古力漿流出有如火山熔岩般慢慢流動!有雪糕，一冷一熱完美的配搭賣相也很精緻!地址: 屯門屯門置樂康景花園地下11號舖消費$100

幾個月前去食過，西式同中式都好食，第一次去叫芝麻糊，真係磨既，但昨天去。。。個芝麻糊竟然多多開出黎，仲要明顯未開得好，有一舊舊，呢一點係失望。。。仲要收35元一碗。。。朋友食西式甜品，食上去都正常既，唔係特別好食，不過係都願意用呢個價錢去食，飯後同朋友聊天坐下都可以係一個好地方不過中式甜品就唔好，因我今次係因對上食過係真係磨既芝麻糊先帶朋友再黎，但真係好失望，所以建議一班人，叫幾個西式一齊分黎食會穩陣啲

約左朋友食完喺附近食埋甜品🍦叫左呢個芋圓乳酪雪冰外賣去附近食😝店員好友善提醒左幾次雪冰外賣會好快溶🥺，重覆確認我地係咪即刻喺附近食😂😂行左幾分鐘都無事✨雖然賣相一定無堂食咁靚不過我覺得味道唔會有太大分別啲冰好綿好好食，有少少乳酪味唔錯，好fresh☺️雪糕係cookies&cream，正常發揮芋圓就普通，唔係太彈牙，無乜味，不過份量都多，所以方便幾個人share🙆🏻‍♀️

同朋友食完一餐濃味菜，想食甜品清口，用google map找了最近的一間，感覺不過不失。牆身有句“Count the memories, not the calories”，相當玩味。店入面仲有大量lego做擺設，十分有趣。叫了蜜瓜西米露🍈加一球雲呢哪雪糕🍨，蜜瓜好甜，稍嫌切得略為大舊。西米露有椰奶香味，入口順滑。雪糕另上，雪得頗硬同食到冰塊，有少少扣分。有機會要試呢度嘅車仔麵 🍜 同窩夫🧇，好似好多人推介喲。

自從食過某間甜品嘅窩夫，就愛上左食。可惜平時食開嗰間冇開，就試一試波記甜品呢間甜品店除咗食甜品，仲有小食同車仔麵。由於食飽飯，食唔到好多嘢。所以只可以見到一個抹茶窩夫（$65）等左大約10分鐘就有，雪糕可以揀唔同味。抹茶窩夫緊係揀返抹茶味。入邊有四件窩夫，海邊上邊有類似麻薯嘅東西。但又唔係真係麻薯，味道有些少奇怪。窩夫味道唔錯，再配上西瓜哈密瓜同火龍果，帶出清新嘅感覺如果窩夫入面有麻薯應該會更加好味

波記除左糖水甜品好食之外，原來佢地嘅車仔麵都好高質👍🏻車仔麵嘅配料落得好足，而且仲有好多芫茜，芫茜愛好者一定會好有驚喜😬特別鍾意佢哋嘅滷肉，入味得嚟又唔會過鹹，而且肥瘦半參，十分惹味😋芒果乳酪雪冰都好鬼正😊d芒果新鮮多肉多汁又夠甜😋雪冰真係做到好輕飄飄，十分冰凍，大熱天時食呢個真係一大享受朱古力脆脆香蕉窩夫真係一個好豐富嘅甜品。窩夫外脆內軟，雪糕球大大個，香蕉切得好整齊，上面仲加咗啲焦糖架🥰十分推薦👍🏻

因為工作走到屯門，見到天氣熱唔算太肚餓隨便入咗一間甜品店，諗住食碗凍甜品涼一涼，朋友見到老闆娘話有車仔麵🍜就轉軚支持😅，叫吓叫吓叫到成枱都係餸，即管試一試🧐———————————————————————————🍜車仔麵$34（兩餸麵）💬老闆娘話南乳豬手🐽同腩肉🐽都係招牌，整咗兩碟嚟，都算燜得好腍，味道偏甜；仲叫咗自家製水餃🥟、豬皮、蘿蔔、雞翼🐔、大腸、菜🥬，好似叫得太多，份量超多勁大碗😳，仲有個芫荽醬，不過唔算好濃烈😅.🥭芒果芋圓小丸子 $52💬老實說，芒果🥭同芋圓、涼粉都係相當高質，用料係100%頂級，但如果天氣熱加多少少🤏冰底，多點椰汁🥥同甜味會更開心🤓

山長水遠入屯門搵朋友，熱到死，朋友仲話帶我去食熱辣辣既車仔麵。本身仲好嬲，諗佢係咪玩我。🙄點知，去到見到係黃店之餘，仲要有得叫甜品，咁鬼熱有甜品食，即刻開心曬！😛波記兩餸車仔麵 （$34）我地叫左碗牛腩+自家製水餃配米線 （牛腩汁）一齊share。我只可以話34蚊黎講，佢份量真係多到痴線！😳牛腩好淋，牛味都足，口感幾好！個自家製水餃我覺得超好食，好juicy，又足料，真心正。米線都幾彈牙，個牛腩汁都香。整體黎講，34蚊呢個價真係超值。👍波仔腩肉（$18）好大碟既腩肉，係唔錯既。肥瘦比例算係適中，口感好爽。👍南乳豬手（$18）又係好多份量！啖啖肉，個皮又彈牙，口感十足。肉唔會太腍，而且個南乳都幾入味，不錯。😋芒金撈 （$50）超正呀！有布甸，椰果，西米露同超甜既芒果。🤤布甸好正，成個甜品好重芒果味，個汁都整得好香。最正佢係用左一個靚既芒果，加好多分！🥰心太軟配朱古力雪糕 （$55）心太軟焗既時間做到得好好，令到流心好靚，而個外皮又夠脆。朱古力味都好濃郁，好正呀！😋 朱古力奶昔 （$42）奶昔好smooth，又唔會太甜，又可以令個朱古力好突出！夏日熱辣辣，飲左呢杯奶昔真係爽到爆！😆

車仔麵好食湯底有濃厚又特別好似有豬骨濃湯感覺，加入芫荽湯香味，中和返件事，好美味，完全唔怕膩!(我本身完全唔識芫荽,都覺得又香又好味)今次係外賣自取油麵 紅腸 牛腩 腩肉 秘製波仔汁配料正正常常好味湯底就最有驚喜(平時食車仔麵都唔會對湯底有期望😂) 呢個湯底絕對會令你留下深刻印象😎麵質 優質有彈性！(即使外賣自取焗左一輪 都冇影響麵質)😎值得一讚外賣盒設計特別高身碗 湯麵分隔 溫度都keep到 仲有好多湯！同場加映楊枝甘露好多新鮮芒果成大半個芒果喺入面，好味!(完全係”抵食之選”)

屯門置樂都好多美食， 今晚想食車仔麵，原來呢間波記甜品，除咗食甜品都有車仔麵，就幫襯下佢。兩餸車仔麵好抵食，$34而已，我們二人各點一碗。米線配牛腩、水餃，加秘製波仔汁， 雖然只是$34但份量不算少，先讚秘製波仔汁，加在湯裏很好味，有鹵水汁味道的香濃，配米線吃一流，米線有口感不會太淋，牛腩炆得超入味，份量也不少，好吃！水餃是韭菜餃，很香而且餡料多，有驚喜，值得一試！雞翼、牛丸配幼麵，也是$34,幼麵份量比起米線更多， 覺得好抵食，雖然朋友沒有加汁，但湯底本身已是奶白色的骨湯底，有鮮甜味道， 幼麵爽口，鹵水雞翼很入味而且大隻，牛丸有彈性，煮完吸收湯水會爆汁，不錯！由於覺得這裡的鹵水煮得很出色，追加兩份招牌小食，波仔腩肉和南乳豬手，各$18。女士們最愛的豬手，充滿骨膠原，炆得夠淋，鹵水入味，又不會太鹹。腩肉是半肥瘦，入口即溶的脂肪非常好吃，最緊要是吃完兩款鹵水都不會覺得鹹，但味道香濃。吃完鹹食就要吃甜品，這裏真的太方便了，直接就上甜品吧！芝麻糊燉蛋$38, 將以燉好的燉蛋刮走一半，在空出的半碗倒上芝麻糊，就是這個鴛鴦色的甜品。要讚芝麻糊很香而不會太甜，吃到芝麻細碎的口感，燉蛋香滑，點彈得破