泰原味

营业中

休息中

為香港努力左幾日,都要休息下,今日下午放假,同戰友去左泰原味食野。 這商場本身唔多食肆 一到午飯時間 好多學生， 每間門口都擠滿人。下午茶餐牌都有不少選擇。選了海南雞飯，雞肉新鮮，充滿雞味， 雞皮不多肥膏。配的雖然不是油飯，但飯很軟熟,味道不錯。似乎係地道傳統嘅海南雞飯。 醬汁都相當有味道另外食左青咖哩豬扒飯。 青咖喱汁好濃郁,味道都唔錯。 青咖哩裏面嘅茄子都好有鮮味子， 豬扒亦好有肉地。。熱檸茶茶膽唔錯,可以一試加配了豬串燒， 又係值得推介。食物味道正宗,份量唔錯，一定夠飽。

今天不想煮飯，一行三人隨便吃晩飯，吃膩了茶餐廳，今天吃泰菜，第一次在這裡晚餐，原來選擇也很多哦！海南雞很入味，美味可口，雞脾嫰滑，沾上我至愛海南雞辣汁，一流！點了這個蒜蓉炒雜菜，很喜歡這味道濃淡適中，因為平日在九龍城吃泰國菜，一般也是比較咸，最後會很好口渴，今天這店沒有這情況。平生第一次在餐廳點烏頭，因為愛人不太愛吃魚，但今天他竟然提議點這個，很喜歡這調味-酸子肉碎，喜歡它甜甜酸酸鹹鹹，有機會帶我的媽媽來，她愛吃烏頭。這個軟殼蟹咖喱醬汁十分可口，小愛人追着吃麵包！軟殼蟹香脆可口，只是略嫌軟殼蟹份量不是太多。這個是水準之作，跟九龍城傳統泰國店的蝦餅一樣出色，沒有得挑剔！這兩杯特飲也是水準之作，紅豆份量十足，我至愛的紅豆夠淋但不會碎開，正！

今日與老友在調景嶺打完籃球，非常肚餓要補充體力。我們經過彩明商場，發現有一間「泰原味」吃泰國菜的。看看餐牌食物款式也很多，價錢很大眾化，而且還不用加一。我們便不作他選， 決定在這裏吃晚餐。餐廳面積都頗大，有卡位、半卡位和圓桌，適合不同的食客人數的要求。其中一邊採用半腰玻璃窗，明亮光猛，更可以望到商場內的景象。我們叫了泰人大蝦冬陰湯(細)$68，用一個小砂煲盛載著，份量很多，湯裏面有四隻中蝦，蝦的size也不少，小蕃茄和草菇等配料。味道酸酸甜甜，有香草、冬陰功香料的香辣味，開胃醒神。馬拉盞通菜$68，夠鑊氣，樣子翠綠，味道帶微辣夠惹味，不錯。古法馬沙文咖哩雞肉 $68，咖哩汁帶椰香味道，有雞肉、洋蔥、青椒、薯仔伴菜，帶香甜味道的咖哩汁好多，好餸飯。泰式海南雞半隻80，海南雞肉嫩滑，沾上所配的醬汁更加惹味。我們配了雞油飯和白飯，讓自己吃得滿足一點。皮爽肉滑的去骨海南雞泰式牛肉炒河$68，份量足夠，不油膩夠鑊氣。跟主菜可以用半價叫飲品，很抵，所以叫了杯菠蘿梳打，最適合夏天飲用。「泰原味」位於彩明商場內，鄰近調景嶺港鐵站，十分方便。走的是大眾化路線，味道不錯，價錢經濟實惠。

將軍澳要食泰菜其實唔太多選擇，有都唔平。見到呢間新開嘅泰菜，本著不妨一試嘅心態同老公黎食晚餐。餐牌都幾豐富，好似食乜都有咁，先叫左個大頭蝦冬蔭功湯，二人份量都好大! 味道呢，其實有點偏酸，不過竟然有4隻蝦! 另外，我地叫左個小食拼盤，又係好大份，魚餅蝦餅春卷都勁大舊! 味道係唔錯，亦好有咬口，不過有點偏咸。岩哂d濃味友馬拉盞通菜就係我每次到泰菜必食嘅，呢度炒得相當唔錯，調味亦好近似泰國食到嘅 ，辣味剛好!我地個主菜叫左咖哩軟殼蟹農夫包，賣相就真係一流，又係勁大份! 即刻試左一口咖哩，切個少少包食，嘩，好正!軟殼蟹都有2大隻!食咁多野都唔使400蚊，因為唔使加一!!!唔使加一!唔使加一!都話重要嘅事講3次下次會同一家人去，再叫多d野食!

彩明商場新開的這家泰國菜，裝修簡潔，地方寬敞，看餐牌價錢合理，值得試試。泰式生蝦，6件，$72生蝦最緊要新鮮，系唔系新鮮一入口就知道，肉質彈牙爽滑，味道清甜，確係新鮮，加埋泰式醬汁，醒胃！泰式海南雞，半隻，$80滑溜，火候控制得唔錯，有甘香雞味，好食。鐵板泰式滷水無骨豬手，$78豬手夠淰，肉汁豐富，個滷水汁超惹味，必食！芒果白糯米飯，$56我一直覺得尼個係一個甜品，芒果好香甜，糯米飯煙煙韌韌，椰汁味好香濃，精彩的配搭。椰青，$33好清甜，連椰肉都好好食。味道好，地方舒適，價錢合理，無加一服務費，會介紹朋友黎！

媽媽好鐘意食泰國野，見到有未試過嘅泰國野，梗係要捉下媽媽去試下呢。調景嶺呢間泰原味，餐廳都幾大下，座位數量都幾多，而座位同座位之間有一定距離，有一定私隱度，我地簡左梳化位去坐，貪佢舒舒服服，又夠哂多空間可以放野。Menu上面都有勁多選擇，侍應亦都好有禮貌同熱情咁我地介紹食物。雖然我地只係得2個人，但我地都叫左幾多野食下，事關價錢都幾平，搞到我地叫起上黎好似唔洗錢咁，哈哈。我地叫左金柚子沙律、椰香青咖哩雞、蒜蓉炒芥蘭、泰式鮮蝦金邊粉同印式燒餅。金柚子沙律 $58去親泰國餐廳就好鐘意叫呢個沙律黎食，個沙律色彩繽紛材料豐富，有柚子、腰果、車厘茄、乾蒜等拌埋一齊，食落有少少辣，配埋柚子，酸酸甜甜、辣辣地，口感不錯，清涼又好食，仲好開胃添，夏天非常岩食！椰香青咖哩雞($68) 配 印式燒餅($25)青咖哩雞，咖喱香氣四散，因為有椰汁嘅關係，雞肉入口會滑好多，而雞肉入口都幾嫩滑，青咖喱帶微辣帶少少甜度，食食下忍唔住叫多左個燒餅黎沽咖哩汁食。蒜蓉炒芥蘭 $68平時食街食多好少有機會食菜，泰國餐廳點都一定會有菜食，多多少少都要食返啲菜balance XD，呢度嘅芥蘭本身夠新靚夠綠，入口好爽唔會帶苦，帶

今日到將軍澳探朋友，及與朋友一起到其附近晚餐。朋友介紹食泰國菜，泰國菜是我喜愛的菜式，我當然贊成，於是在朋友帶領下，來到泰原味。餐廳卡位整齊，裝修簡約時尚。烏頭$128與朋友一致地都喜愛明爐烏頭，要了少辣。烏頭比較肥美，面上鋪了很多芫茜，烏頭肉質嫩滑，㸃上餐廳跟配的特製的秘製醬汁，酸酸甜甜，很是可口惹味。馬拉盞炒通菜$68馬拉盞炒通菜，通菜炒得菜的莖很爽口，葉腍中帶㸃滑，每口都食到馬拉盞的惹味。香辣肉碎生菜包$73香辣肉碎生菜包，份量都很多，肉碎帶香辣，被生菜包著食，味道及口感都倍覺豐富。泰國椰青$33泰國椰青，通常食泰國菜，飲品我都比較喜愛泰國椰青，喜愛椰青冰冰涼涼夠清甜。

我耐唔耐都會去將軍澳搵朋友。今日朋友推薦了這間新開的《泰原味》。我們叫了一些食物開心share。先上的是《泰式小食拼盤》材料豐盛，有：泰式春卷。蝦餅。魚餅。鳳凰丸 （雞肉丸）。每樣水淮平均。我尤其喜歡泰式魚餅，肉質彈牙，有香濃的泰國香料味道，味道剛好不會太鹹。《泰式生蝦》去泰國料理必點的菜式。生蝦肉質新鮮彈牙，而且都幾大隻，配上特色醬汁，特別開胃。《泰式扎肉沙律》清新之選。蔬菜有西芹生菜等。扎肉有超過十片。個汁酸酸的。十分開胃😋。《鮮蝦金邊粉》味道不錯，炒得幾香，大人細路都啱食。《鐵板泰式滷水無骨豬手》豬手肥瘦平均。豬皮很淋膠質豐富。豬肉亦醃得很入味而且肉質鬆軟。滷水味重但不會太鹹。大家都讚不絕口！飲品叫了《椰青》，十分清甜，很能解渴，亦很大個！《菠蘿冰》，味道清新，很適合小朋友喝！餐廳座位闊落，食物水準亦不錯，會再來的！

好耐無嚟彩明商場食嘢，原來多咗好多新餐廳，其中一間人好多人都鐘意食嘅泰式餐廳，約咗兩個朋友試食下午茶。餐廳裝修一般，卡座幾多，座位闊落，服務方面職員態度可以，食物方面下午茶款式幾多，炒粉麵飯輕食甜品都有，味道就唔係難食但真係好一般。+$19追加小食串燒沙爹豬(2pcs)，個汁幾香，豬肉都新鮮。海南雞飯，雞肉唔算滑，無咩雞味，飯亦無咩油香。扎肉湯河粉，得兩片札肉一件蘿蔔。泰式炒金邊粉，都係一般，唔香。泰式鹵水豬手飯，呢個最好味，豬手都淋同入味，唔會太鹹，汁多可以撈飯。芒果白糯米飯，芒果較酸，椰汁唔夠，糯米飯較乾。成杯都未溶嘅好立克。龍眼冰椰汁紅豆冰

調景嶺中午食咩好？同同事一起去食中午，就近原則所以食碗湯粉好啦。中午食飯都幾多人，但是都不用等位，仲安排我地坐卡位。環境比較寬敞，乾淨整齊。上餐都好快手。中午餐一般45-50蚊，包飲料。奶茶無意外，就是普通茶餐廳奶茶啦。但是杯周邊有點淤積樣的紋，匙羹都是，不過抹不乾淨。我叫咗豬頸肉湯河粉。睇下個湯底，醬油色，淡味，完全唔係骨湯底？有豆芽青菜，都好，健康d豬頸肉算可以，外面無烤過的脆煎，但肉質算嫩。湯粉好薄，分量好少

落雨，諗住唔搭車唔使去寶琳， 試下樓下海南雞，伏伏伏伏伏，只限一次。 大家一樣價錢。我寧願搭車去寶琳嗰間雞飯專門店食。# 明明調景嶺開咗好多新嘢,但係都仲係覺得冇啖好食#仍覺得肚餓# 寶琳海南雞飯

見新舖諗住試下個早餐 一落完單見到搭枱啲人個個等到唔耐煩已經知中伏 漏單催單都無用 最厲害係隔離客人多次催單啲野食都唔嚟 跟住一個貌似老闆既男人係餐廳中心大嗌：「好喇！唔好再催喇！」服務態度...唔係差咁簡單 結果同枱同隔離左右全部人，連埋我自己，都要催先有得食。前後等左成半個鐘，炒蛋係凍既，五香肉丁麵得兩粒仔肉丁，多士亦都凍哂又唔好食。早餐嚟講價錢偏貴，受氣漏單又等咁耐仲係咁既食物份量同質素，絕對冇下次！

今日我去食叫咗個31蚊嘅早餐，雞翼加太陽蛋米粉，之前吃都不是這個水準，現在改了平時有兩隻雞翼今日原來改咗變返一隻雞翼完全唔值這個價錢味道也不好吃，湯底也沒有味。

彩明商場大翻新後多了不少新餐廳進駐，中日韓泰樣樣有，令乏味的調景嶺添色不少。今晚就試下呢間【泰原味】，新開張當然人頭湧湧唯有多等一會。原本有電腦取飛，但新開張系統未準備好，改為人手派飛有些混亂。取飛後才發現【泰原味】是翠河餐廳旗下。彩明商場大翻新前有間翠河餐廳但印象不太好， 翠河餐廳捲土重來有些失望。【泰原味】裝修佈置以柔和的綠色為主色調，加上時尚吊燈令環境氣氛更加舒服。不過枱櫈擺放似茶餐廳格局，氣氛稍為嘈雜。Menu有不少食物選擇, 價錢合理, 唔知味道如何呢?【海南雞飯 $56】 好味的海南雞飯要皮爽肉滑，要配上鮮香油飯及雞湯，及配上惹味的酸辣雞汁。這個海南雞皮滑而且皮下脂肪不太多，用的不是雞腿位置，但肉質都不太嚡口。肉味欠奉，不過不失。海南雞飯的油飯同樣重要；好味的油飯要加入香茅、葱油、雞油和黃薑粉末炒過，做出的油飯要有淡淡的香料味。 這個海南雞油飯單看淡淡黄色又不太均勻，已經非常失望，放進口沒有半點香料味，而且又乾又不分明 …… 筆者寧願要碗白飯。另外這個海南雞飯沒有雞湯好像不太完整。 【泰式鮮菠蘿海鮮炒飯  $83】 半個鮮菠蘿盛著滿滿的海鮮炒飯賣相好吸引。表面有腰果和肉鬆增

首先 ，13:5x分1 ） 門口經理 問佢今日下午茶係咩 ，隨手指 一邊餐牌 ， 明明沒既， 明既 ，實好忙啦2 ）落單阿姐 ，指住餐牌叫下午茶 ，想飲杯 青檸梳打 ，阿姐 （大聲 ） ：下 ？我 （呆一呆 ）：（ 指住餐牌 ，禮貌語氣）青檸梳打 阿姐 ：（溫柔返 ）賣哂. 嗯，明既 賣哂 沒問題 3 ）食物方面，海南飯飯下午茶勁白痴 ，比平時正價平$4，但份量超少 ，d雞起碼少一半。另外叫左個冬陰公雞肉河粉，湯是溝粉出來的,雞是冰鮮肉。不好吃👎🏼4）重點 ！！！我地叫左2個下午茶餐，張單一黎就見到一個餐是下午茶價，一個餐是正價，同佢理論，佢竟然話電腦入（同一張單黎架）個時間前後一個夠2點一個唔夠2點...初頭佢死都唔肯改，話係電腦問題，最後講到佢員工都知我地係叫下午茶餐先死死氣去改，經理態度惡劣😡調景嶺野食唔好食 係基本既 接受到既但咁既服務 ，咁樣既態度 ，免費 都唔會接受到 囉 ！！！