泰國味館 (已結業)

第一次光顧, 感覺不錯, 價錢合理, 2人點了4餸, 1湯(當然是吃不完, 打包回家), 每人平均 $110.

今日中午公司部門食飯, 由我帶隊落呢度首先, 付近車位好多 - 後邊有多層停車場, 對面有水邊圍村可以泊入去又得另一樣低讚係佢上個月換左新枱椅, 以前既摺枱摺椅真係一個令我唔想帶女同事去既主因一行 8 人坐好, 一人叫一個 lunch - 一個海南雞飯, 一個紅架哩海鮮炒飯, 三個要泰式仔飯, 三個要金不換海鮮炒金邊粉海南雞飯 - 雞嫩, 飯香, 冇偷雞用黃姜飯, 女同事搶食紅架哩海鮮炒飯 - 真係唔辣, 唔食得辣既同事都 ok, 不過價錢所限, 所謂海鮮只有蝦, 尤魚同蟹柳金不換海鮮炒金邊粉 - 所謂既海鮮同上, 不過金不換都好重手, 油醬都唔輕手, 成為所謂既 "重口味" 一般女同事都唔多岩泰式仔飯 - 今日最冇得批評既, 香, 滑, 新鮮; 點少少泰國魚露就完美啦同場都點左泰式拼盤, 一打串燒 (本來想要糯米雞翼, 不過要夜晚先有, 全部女同事一齊扁哂嘴), 馬拉盞炒椰菜苗

nov 11, 09,7人嚟lunch,叫咗 : 1) 套餐d (hk$448)i) 燒豬頸肉-外都燒得合格-不過肉質未見鬆軟-醬汁少辣,收其惹味效果 ii) 馬拉盞炒雜菜-合格 iii) 咖喱海鮮焗麵包 (大)-1條麵包磚,挖空-外面白雪雪,唯獨頂部有似樣d焗過嘅顏色-所以近頂部份都鬆脆-咖喱汁幾有椰香味,唔辣-料我就無嘜點食,有菜,青口,車厘茄等 iv) 菠蘿炒飯-本來想將個菠蘿炒飯轉成1個海南雞飯同炒河,最多+差價,不過店員話只可以1個轉1個-店員覺得咁樣我哋會唔抵,所以建議我哋保留呢個飯,仲話個炒飯都幾好食添-有肉鬆,腰果,菠蘿,蝦,魷魚,扎肉同提子乾-可以咁啦 v) 鐵板蠔仔 (+hk$10)-本來喺泰式生蝦,但友人本唔想食生蝦,所以+$10升格做鐵板蠔仔-上枱時熱氣大量冒上,又多-味道不錯呢 vi) 柚子蝦球沙律-本來喺泰式拼盤-見到牆上嘅相片,有大大隻蝦同柚子-所以改咗呢個同價嘅炒律-可惜上枱時同張相都有幾大距離-不過論味道是可以的,只是柚子又唔酸又唔甜,純帶來不同的口感而已-蝦就無"霉",但無鮮味 vii) 薄餅 (4件)-正常 viii) 明爐烏頭-店員建議跟冬蔭功底

星期一晚同朋友及朋友的家人去左呢間泰國菜食晚飯,我第一次嚟呢間食,朋友他們說呢間好味過之前食的另一間,我們叫左一個套餐,都好多野食呀.生蝦刺身-好好味,一隻生蝦上面有一片蒜片,一小辣椒絲,夾埋一齊加一些特式醬汁食,配撘好好,辣辣地但係好爽口,套餐包一碟,我們另再加多一碟燒豬頸肉-都好味喎,燒都好和口,力一些醬汁一齊食,好彈牙泰式拼盤-有蝦餅,春卷,魚餅等.....配一些甜酸醬食,都好多及大件,好味菠蘿炒飯-不是用原個菠蘿裝,但係都有好多粒喎,飯都算幾乾身,好味泰式炒雜菜-都有一些菇,黑木耳,都幾好味通菜-好青綠,都好新鮮,好味明爐魚-好味呀,成個爐上,夠晒熱及d魚肉都好新鮮入味呀另喱飽-嘩,好大個,麵包好軟好味,個飽入面好多料,有魚塊,蝦,青椒,洋蔥等等.....好味薄餅-有好重牛油味,加些咖喱汁一齊食,好味呀甜品-有一些火龍果味道的啫喱,一些西米糕我雖然唔知幾錢,但係聽他們說也不貴的,份量都好足夠,味道又好.值得推介的地方.

女友之前在元朗工作，被她發現間正野，吃泰國菜，但它的海南雞飯簡直一絕，所以一到就叫了海南雞飯…賣相一流，雞肉都十舊，配上瓜番茄，一口含雞，雞的香味散發在口中，雞無骨，好滑，有BB肌膚咁滑，見到都想吃哂，雞肉河粉…雞肉鞋些，不過河粉味道好些。我見其色都好吸引，下次會再來。價錢合理，員工有泰國人，可以放心，能操流利廣東話。唔會雞同鴨講。

而家經濟唔好,出年仲話大簫條,而家真係慳得就慳。此店係泰國人開,每日有超過7款lunch set,大大碟,配熱/凍飲只需25蚊,真係物超所值。所以小小的店, 長期坐滿。 雖然lunch set唔會轉款, 但我就食極唔厭。金不換海鮮抄金邊粉,lee 度用豉油炒,非常有獲氣,有少少似干抄牛河,加上金不換,不但增加香氣,亦賣相更靚,但一點也不油膩,且都用料不俗,有蝦, 魷魚等,煙煙韌韌的金邊粉令人一食再食。 青咖喱雞脾飯,我不太嗜辣,所以青咖喱較適合我。青咖喱煮得好香,大大增加食慾, 大雞脾已切件, 泰式茄子索滿青咖喱, 非常好吃。

很少會主動建議食泰菜，一晚特別想念泰式生蝦刺身，於是同媽咪&龍去食媽廟路泰菜店。餐廳招牌不明顯，當晚才知餐廳叫泰國味館。人氣是極旺了，不過食物只是一般：　龍眼冰-味道較淡，有欠甜香泰式生蝦刺身-醬汁辣辣地很開胃，可惜主角生蝦不夠新鮮，因而口感不夠爽脆彈牙，幾失望的泰式肉碎生菜包-味道可以，但肥肉比例過多，超標指數爆燈，龍又不好此味，搞到我食了很多...青咖哩牛腩煲-容器頗有心思，落足香料烹調的咖哩很香，但味道較淡，或者多煮片刻乾水後會好點吧；牛腩煮得十分稔，而且又夠肥美，可惜沒有濃香咖哩帶出肉味薄餅-媽咪必吃的一味，惜不夠鬆化，同咖哩亦夾唔埋，我們要改點白飯送咖哩汁　　價錢倒是不貴，三個人食$200都有找，不過應該不會再來了。