泰國大城船麵

营业中

休息中

我地兩個女仔，一個食牛肉船麵，一個食雞肉咖哩麵 lunch set, 兩碗麵既份量都比較少,兩個都食唔飽。叫左熱泰式奶茶，味道太甜。食物味道還可以但不是很出色那種。不會再回頭。

有名睇，泰國大城船麵當然是船麵最正，我們點了招牌大城船麵。正如想像中，湯底深色牛肉湯的味，好濃郁，材料令人滿足，牛丸、安格斯牛、肉片、豬肉丸、豬潤、半熟蛋，最重要有豬油渣。配幼麵，吸汁，入口多汁味豐宙，湯內滿是香料，加少少青檸汁，很有風味。酸辣豬頸肉生菜包一般吃肉碎，今次試新，想像到豬頸肉更好口感。蟹頭膏炒飯不過不失。龍眼冰甜味好，果甜蜜糖甜。班蘭椰子湯圓真有班蘭香，有種熟悉香味，後來想到係椰漿，甜湯內有芝麻，少少鹹味，幾得意。

起銅鑼灣區番工已經幾年了，受著疫情影響下，很蟹小店都光榮結業，昔日食既飯堂一一倒閉，新開張的太多是集團式經營，真係食到好厭，近排經同事下發現有一間新開嘅泰國餐廳試左一次之後就變成我哋同事之間的飯堂，餐廳裝潢類似茶餐廳，雖然很普通，但食物非常好食出眾，好食是令到客人會不斷回頭，生意才會滾滾來！今次試左佢最出名既泰式濃湯船麵牛肉$58價錢可以接受，銅鑼灣中心地段普通吃個午飯的價錢大概都要$50以上，先講講個濃湯，個濃湯好好飲，帶小小甜味，感受到廚師用左好多肉去熬煮個湯底，就算飲哂成合湯都唔口喝，個味道好似係肉骨茶果種味但唔加藥材果種感覺，而佢個船麵好爽滑，好似食緊金邊粉果種，牛肉都多，有成4-5片，牛丸好彈牙，同埋佢加左超多脆脆落個船麵度，個脆脆索哂D濃湯，又脆又濃味，好正，食過好多間自稱係泰國師父煮既船麵，得喱間做得最好食，同起曼谷好出名依船麵果間一樣泰式奶茶奶茶好滑，好香口，茶味很濃，個底仲加左小小煉奶，好香淳可口，好飲過某連鎖店得過泰國奶茶，不過味道屬偏甜，唔鐘意太甜既朋友可能唔係好岩！今次好開心發現到一間用心經營好食又唔貴既香港人飯堂！推介推介！！！

冇得去泰國，都可以食船河！這是香港version，所以是一碗大大碗的，而不是一啖一碗那個version 。這裡的船麵有多款配搭，主要分豬、牛、雞，牛和豬的不同部位。餐廳除了供應湯河，還有海南雞飯、泰式香葉肉碎飯等飯類供應。很懷念橙色的泰式凍奶茶，這個飲品味道正宗！加了朵蘭花生色不少。我點了牛丸肥牛，香濃的湯底，配河粉，最欣賞節是加了大量的香菜，香脆的炸豬最加分！而且分量屬慷慨的級別！大大的一碗，絕對夠飽！

這間大城船麵在銅鑼灣區來說是一間平民泰國菜，環境又乾淨企理。一頁紙的餐牌有齊泰國主打的菜式，有生菜包、海南雞飯、泰式炒鮮蝦金邊粉等，而餐廳主打的船麵更有八款的選擇。扎肉配豬肉丸的船麵($78)，麵底是金邊粉，船麵湯底濃郁，除了有扎肉及豬肉丸，還有炸豬皮，芽菜，金不換，加添少少青檸令味道更有層次。柚子沙律($68)，大大碗，柚子不是碎濕濕，而是一大件的柚子肉，令口感更好，配上木瓜絲，炸蒜、炸乾葱、芫荽、花生，再混入魚露、香料、青檸，味道酸辣咸香，惹味開胃。泰式古法煲仔翅($128)，賣相吸引，除了魚翅之外，還有雞絲、金華火腿和蟹肉，湯頭味道鮮甜濃郁，加點香醋更美味。泰式炒椰菜苗($68)，炒得脆綠惹味。泰式粉紅青檸梳打($28)，粉紅色的應該是紅毛丹，配上熱情果籽，味道清新。

🎄🎅平安夜帶阿女上完英文堂，去咗附近謝斐道泰國大城船麵，食泰式聖誕大餐，超豐富。早開飯關係餐廳人吾多，走既時候已差唔多full曬。每人一個清甜嘅椰青， 配辣辣地嘅泰菜，可以解辣🌶️。💕柚子沙律有啲辣，裏面好多香料，蝦米，花生，而柚子份量都唔少，好新鮮。💕海南雞飯都幾大碟，抵食，雞肉無骨，好滑溜，油飯夠香。💕芒果糯米飯我最愛嘅甜品，椰汁香濃，糯米飯煙煙靭靭，芒果又夠甜。💕椰汁班蘭湯圓 班蘭味嘅湯圓，包住椰絲同花生，浸喺椰汁裏面甜蜜蜜😋

出色泰色奶茶🥤🍝炒鮮蝦金邊粉好味指數：👍🏻👍🏻👍🏻👍🏻金邊粉炒得好均勻，每一條都呈現鮮橙色，影起上嚟好上鏡。配料有大蝦、豆角、芽菜和半碟沙律菜，醬汁調味偏酸，如果喜歡食酸嘢嘅朋友仔就可以試吓啦。🍛泰式炒飯（雞肉）好味指數：👍🏻👍🏻👍🏻👍🏻飯粒炒得夠乾身，配有雞肉、蕃茄和芥蘭粒，令到成碟飯都唔會太過油膩。🐔海南雞好味指數：👍🏻👍🏻👍🏻👍🏻👍🏻 雞肉非常之繳滑，完全唔會鞋口。而且仲會有雞肉嘅鮮味，配上店家自製嘅酸辣汁非常惹味。仲要係去咗骨，識落好方便，啱晒女士們進食。🥥椰青好味指數：👍🏻👍🏻👍🏻👍🏻大大粒，又清甜，非常解渴。🍹泰式奶茶好味指數：👍🏻👍🏻👍🏻👍🏻👍🏻 呢間餐廳嘅泰式奶茶做得非常出色，首先有正宗泰式奶茶應有嘅橙紅色色調，而且飲落又好香嘅泰茶香氣，甜度亦都好足夠。🪑環境適合1-4人入座。以下係餐牌俾大家參考一下：

茶記既價錢同環境但泰國餐廳既質素同服務意外地去左一間性價比超高既餐廳喂呀🥰🥰✌🏻開～～心～～仔～～又要大大力推～～～～～🙌🏻▪️Ayutthaya柚子沙律 $68▪️比起柚子碎上我更愛大大舊既柚子🤩食落爽皮啲口感都好啲，魚露及青檸汁撈勻蝦米仔、青瓜絲、花生碎、乾蔥蒜、芫荽，酸酸甜甜，真心好清新但同時又好惹味，堅開胃😆▫️酸辣豬頸肉生菜包 $78▫️豬頸肉從來都係人間美食黎🤤最緊要邊位燶燶地，焦香特別出，油膩就一定有架啦，不過食得就預左，所以包住生菜再配以酸辣既汁醬，清新得黎亦不忘帶到少少刺激惹味，絕對係大大力推🙌🏻♥️▪️炒鮮蝦金邊粉 $68▪️又係食泰菜必食既碳水化合物🤤大大碟，橙橙紅紅好sharp醒，夠鑊氣之餘又炒得乾身唔會好油，而且酸酸咪咪油膩感即刻無咁重！！蝦仁彈牙都算大隻，食完笑蝦蝦🤣🤣🤣🤣✌🏻▫️海南雞飯 $58▫️令立立既海南雞，皮下脂肪都幾厚，一定唔怕凍🤣🤣🤣肉質嫩滑有雞味，無骨可以放心大大啖咬都唔怕，但個人較喜歡有骨可以輪下😝有碗冬瓜湯再配油飯，份量勁足！▪️斑斕椰子湯圓 $58▪️有七成係因為佢而黎！職員放低已經聞到好香，白色既「大海」係超級香既椰漿😳內藏五粒綠色湯圓，煙煙韌韌間滲透陣陣

吾知多吾多人中意食泰國菜，我本身都中意食泰國菜，泰國菜近呢幾年多咗條line系食船麵，就咁$100以內當晚餐真系好划算。銅鑼灣最近開咗間船麵店，咁啱經過先知，都有吾少人幫襯。精選2人套餐$298都幾抵食，有前菜、2款主菜同埋小食/甜品，啱曬選擇困難症嘅人。多款船麵供客人選擇，除咗船麵仲有吾少泰式主菜，幾個朋友仔黎食都適合。泰式炒通菜香氣十足傳統蘿蔔糕就食得多，泰式炒蘿蔔糕到底會系咩味道？蘿蔔糕配以蝦肉同埋芽菜，蝦肉爽口彈牙都幾新鮮。蘿蔔糕口感都同平時食開都有啲似🤪只系會幾淋，辣醬味道明顯，幾有新鮮感。次次食泰國菜都會食生菜包，今次都吾例外，有雞肉或者豬肉，雞肉相對特別所以揀咗雞肉。就咁食原來冇乜味🤣事先未醃製，醃料擺咗喺隔離，撈埋一齊食都有啲辣🥵味道不錯。咁多款船麵入面揀咗豬肉丸拼牛丸，豬肉丸有少少甜味，同牛丸一樣都好爽口易咬，表面戈啲炸豬皮都好香脆可口😋原本配以河粉，轉咗金邊粉，吸埋濃郁夠味嘅湯底好滋味。逢親泰國餐廳有泰式奶茶都會叫，呢度嘅泰式奶茶好抵飲😍$28就咁大杯！奶同茶嘅比例均勻，同埋次次飲泰式奶茶都驚會太甜，好彩呢度冇呢個問題。

呢間泰國餐廳真係好抵食，因為佢有個精選人晚餐二百零蚊有煲仔翅、海鮮炒飯……味道好地道。精選二人晚餐$298碎肉生菜包豬肉半個生菜，蔬菜新鮮，好正宗嘅生菜包，味道偏辣，但係好好味。泰式古法煲仔翅大大煲碗仔翅，裏面如此份量都唔少，另外配生芽菜，整得唔錯。菠蘿海鮮炒飯菠蘿海鮮炒飯份量好多，雖然冇半隻菠蘿，喺裏邊有蝦、魷魚同菠蘿粒。芒果白糯米敏芒果糯米飯推介，糯米粉煙煙銀銀，芒果夠新鮮，原隻芒果。椰青$38龍眼冰$28整體而言唔錯，價錢公道，食物味道正宗，分量充足，真係可以試吓。

在銅鑼灣逛街買聖誕禮物，行攰了便去咗泰國大城船麵食咗個二人精選套餐，性價比超高，下次一定會再碎豬肉生菜🥬包 ，有一點小辣非常開胃，包著生菜一起食，三兩下就被我吃完了🤤冇骨泰式海南雞，啱晒我這種不喜歡𦧲骨的懶人，海南雞肉嫩滑，啖啖肉，最喜歡的是他配置的點雞醬了，算啦有層次。泰式炸蝦餅，二人套餐的蝦餅份量算超多，蝦餅外皮酥脆，蝦肉Q彈鮮味，而且一點也不油膩。炒鮮蝦金邊粉，老闆很落本，蝦仁非常大隻，爽口彈牙，金邊粉酸酸甜甜很開胃，加上芽芽、韭菜等，口感豐富。我和朋友各要一杯泰式鹹檸薄荷葉梳打和珍多冰，鹹檸梳打鹹酸開胃，加上薄荷葉更加怡神。珍多冰椰奶濃香，珍多軟滑，可能配上椰糖，就更完美了。

呢日嚟到銅鑼灣諗唔到食咩想食米線又勁多人見到隔離呢間泰國菜貌似唔錯就中咗入去試呢間泰國餐廳裝修比較新式設有卡位 都算坐得舒服除咗主打嘅船麵之外餐牌上仲有炒粉麵飯、小食、甜品等等幾多選擇！大城招牌船麵連店名都叫船麵應該都係招牌菜之一招牌船麵咩都有啲豬肉丸、豬膶、肉片、牛丸、安格斯牛、雞蛋份量亦都唔少手打肉丸好特別好彈牙安格斯牛都有2-3片 嫩滑唔嚡口其他就正常發揮湯底呈啡紅色濃郁而又唔會太鹹豐富嘅配料每樣都算唔錯金邊粉雖然掛湯不過個質感太腍一啲煙韌感都冇🥴乾炒河粉（雞）炒河就真係唔錯！河粉炒得夠乾身但唔會油淋淋而家好有鑊氣味😍闊河粉質感煙煙韌韌唔會痴埋一pat咁調味亦適中 好惹味！加埋菜芯同雞肉一齊炒好大份好豐富雞肉肉質就偏乾啲但未至於嚡熠熠嘅！青檸汁燒豬頸肉賣相已經好吸引😍仲會配兩款醬汁同青檸豬頸肉燒到燶邊好有焦香味口感唔會太肥膩質感爽身又好厚切🤤想冇咁膩可以唧青檸汁另外兩款酸辣汁都好正！-呢度嘅嘢食普遍都大份而且質素都唔錯！價錢都唔算貴 重要冇加一係銅鑼灣想食泰菜又有新選擇！

開關無期，唯有到處搜尋異國美食當去旅行！今天遊覽的便是曼谷近郊的大城餐廳已換上聖誕佈置，充滿節日氣氛就坐後先來一杯泰式特飲，龍眼冰！甜度剛好，龍眼肉份量十足大城美食多，最出名必定是船麵！大成招牌船麵有雞蛋、豬肉丸、豬膶、肉片、牛丸及安格斯牛！泰藉主廚以泰國直送的配料熬製出香濃多層次的湯頭，滲入滿滿食材，帶出豐富味道泰式咖喱雞粗麵比港式粗麵滑及彈牙，咖喱帶陣陣香料香泰式古法煲仔翅有冬菇絲、雞絲、火腿絲和蟹肉！湯頭鮮甜濃郁，加點芫荽、芽菜或香醋，更可以增加層次感餐單上還標註了數款菜式可轉素食，十分貼心！Ayutthaya柚子沙律清新可口泰式炒椰菜苗是我在東南亞餐廳必點的菜式！口感和味道比一般中式椰菜突出，爽脆惹味甜品斑蘭椰子湯圓外面是煙韌的斑蘭湯圓皮，餡料是花生和椰糖，清香暖胃值得一讚的是這裡可用匙羹喝的泰式咖啡！熱飲以公雞碗盛載，用煉奶沖泡，奶香濃郁凍飲何試試沒有奶及糖的黑咖啡，獨特的烘烤過程產生類似焦糖的口感吃完這餐後，可暫時舒緩一下沒法旅遊的失落，希望疫情快一點過去，大家可以繼續周圍去

享受一下，泰國菜的二人晚餐🇹🇭唔知食咩好，直接😩套餐最好啦二人餐抵食選擇又多落單好快就有野食不過套餐無飲品要另外加環境舒服，而且光猛乾淨$298👯‍♀️，有四款菜式碎肉生菜包估唔到可以可揀豬肉或雞肉辣唔會太辣，絕對可以接受，青檸味酸甜清新配搭生菜🥬炸蝦餅熱辣辣大大嚿，有口感而且爽口彈牙泰式古法煲有魚翅、蟹肉、花膠、金華火腿、雞絲同冬菇超級多野！炒鮮蝦金邊粉，超級酸甜，少少重口味，都更惹味，唔會太濕剛好凍泰式奶茶、珍多冰都唔錯架！

🌟 大城招牌船麵($98)：如果大家諗唔到食咩餸，建議大家可以試下呢款招牌船麵，麵底可選金邊粉或粗麵;餸料有雞蛋、豬肉丸、牛丸、豬潤、肉片、安格斯牛、炸豬皮，非常豐富，湯底雖然好似好深色，但飲落算清甜。🌟 青檸汁燒豬頸肉($78)：豬頸肉肥瘦適中，廚師燒得香脆可口，而加入青檸汁則多一番清新感。🌟 炒鮮蝦金邊粉($88)：份量唔算太多，金邊粉嫩滑，鮮蝦爽口彈牙。🌟 芒果白糯米飯($68)：甜品點可以少咗芒果糯米飯，用上原個芒果，椰漿加入綠豆粒，芝麻，整體唔太甜，食埋呢個甜品先係完美既總結。🌟 泰式粉紅青檸梳打($28)：青檸梳打加入百香果，酸酸甜甜，非常醒胃。 📍大城船麵銅鑼灣謝斐道483至499號新城大廈地下G&H號鋪