泰太廚房

营业中

休息中

大美督梗係踩單車，做完運動就去搵食，巴士站對出已經有唔少餐廳，天時暑熱就揀咗好啱氣氛嘅泰國菜呢個泰式嘅門面實在太有氣勢，要讚嘅係佢嘅座位係非常闊落，嗌到成枱嘢都唔怕冇位擺大熱天時，先來椰青水，超級爽！本來想嗌農夫包，但已經賣晒🥲改咗要青咖喱雞配薄餅，佢哋嘅青咖喱都唔失禮，有驚喜，椰香重，非常濃厚，配埋薄餅一絕希望下次有機會試佢哋嘅農夫包蝦多士，唔係平時見到炸嗰款蝦多士。大大份，每件都好重手，仲有六件咁多。好食嘅，焗脆嘅多士，加埋上面嘅蝦肉，無論係點泰式辣醬或者攞嚟點咖喱都非常好食做完運動扮健康嘅緣故，叫多個雜菜煲，足料不特止，咩菜種類都有，大量粉絲索埋啲湯，超級好食👍好評！呢間泰國菜值得推介俾所有嚟大美督玩嘅朋友，不過就記得要訂枱，同埋最早啲嚟到，因為佢哋有好多住附近嘅熟客晨早book定枱，遲咗就要坐戶外㗎啦😆

成日經過見到呢度有泰國廚師喺度炭燒乳豬，今晚過嚟試吓呢間，都好多款泰式食品。我哋叫咗半隻炭燒乳豬，即場燒真係好好食，呢個平時要預訂，但係今日啱啱好有半隻，所以我哋要埋，皮脆肉嫩，乳豬好入味，加埋炭燒同埋辣汁，真係唔錯，招牌菜真係招牌菜。另外叫左個咖喱蟹肉麵包，不過冇影相，每一啖都係蟹肉，勁多咖喱汁，麵包又脆，好快清哂。新鮮生蝦刺身，有十隻，係新鮮既蝦，待應話朝早一轉入貨，晚上六點又一轉所以必定新鮮，我問佢死左咁點，佢話死左會比廚房煮比自己食，唔會比客人食。椰菜苗：好入味，蒜蓉炒冇乜特別白酒焗蜆，呢個一上台就好勁香酒味，蜆都新鮮，靚👍🏻埋單經理送甜品，呢度可以帶埋隔離台灣店的飲品過來，經理話無所謂

今日放假突登嚟到大美督chill下 見到成條路都好多泰國餐廳 見到呢間比佢嘅裝修吸引咗 我地揀咗坐室外 好chill 每次食泰國嘢都必飲芒果沙冰我朋友叫咗杯芒果椰汁冰而我就飲芒果沙冰2杯都好飲 唔係好假個d芒果味 解辣一流炭燒沙爹雞肉/豬肉串燒呢個可以每樣叫一半 送到上嚟好香炭燒味 串燒好多汁 泰太咖喱蟹肉焗麵包(小霸王)我地好鍾意食咖喱軟殼蟹 但今日賣晒 就揀咗蟹肉 店員話呢個係必食！送到嚟有d嚇親 真係超大個 店員比我地影相之後係面前幫我地切 好卜卜脆 因為我好鍾意食麵包 所以聽到呢d咁脆嘅聲已經留晒口水 咖喱唔辣 好香 呢個必叫喇飛天通菜呢個有少少辣 香料味道非常香 炒得好入味大美督真係一個好舒服嘅地方 泊車好方便同埋好多都pet friendly 呢間餐廳環境好靚 靜靜地 d枱又夠大 好舒服好chill嘅一日

晚上選擇坐在室外，天花有吊扇不顯得悶熱，偶然有涼風吹送，兆望遠方燈光都好寫意。門口設有泊車位，免費泊車，非常方便。鮮蝦柚子沙律 $138柚子與蝦肉搭配，加點椰絲的清香，酸甜并存，作為一道前菜，是可以激發食慾的一道菜，略兼味道比較咸。泰式鹹蛋炒鮮魷 $148泰式風味的炒魷聽起來相當誘人，鹹蛋与鮮魷的搭配别具特色，如果鹹蛋可以香脆酥炸的方式呈現，必定會帶來更加獨特的口感。飛天通菜 $108飛天通菜這個名字非常有趣，若果增加鍋氣會更加吸引食慾。特浓青檸梳打$52酸爽开胃的青檸梳打，這樣一杯解渴消暑的飲品，非常適合夏天飲，為此餐的結尾增添清新感。附設一個打咭位，正好帶小寵物去打咭影相。增加樂趣。餐廳裝橫帶有繽紛的色彩，吸引眼球。

早幾日同個好姊妹喺大美督踩單車🤣踩完單車😚想搵間餐廳食晚飯😍咁啱喺附近搵到呢間好有泰式風情餐廳吸引我哋去😋好似去咗當地泰國嘅餐廳一樣🤪炭燒沙嗲雞肉/豬肉串燒經過燒烤後，串燒肉質保持了豐富的汁液，口感非常多汁🤪外酥內嫩🤩馳名冬陰功湯湯料好足夠😋口感辛辣、酸爽🥰呢種辣味能夠刺激味蕾🥳泰式濕炒牛肉河粉牛肉切成薄片😍在烹煮過程中能夠迅速變得軟嫩🤪河粉具有光滑而柔軟的口感🤪質地彈牙且不黏膩，能夠吸收醬料的味道😋最後～在openrice 訂位送咗甜品一客🙂椰汁西米糕～好香甜😋餐廳環境裝修好有心思😚外邊仲有架篤篤車、登機牌供打卡🤪亦可以選擇坐外面享用晚餐😍感受一下泰國風情😍好似去左泰國旅行咁😍😛chill下🤪

連續兩日入嚟大埔做嘢今日收工帶我同事嚟食因為之前同屋企人已經食過幾次覺得呢度環境好好 食物質素唔錯我哋兩個叫咗以下幾樣嘢食- - - - - - - - - - - - - - - - - - - - - - - - -1. 冬蔭功湯金邊粉其實本身想叫乾炒嘅金邊粉點知睇錯 原來係濕食嘅XD不過只要係冬蔭功味道就得好鍾意佢個陣香料嘅味係好惹味 特別令人開胃食落酸中帶辣 辣度偏低啱晒香港人嘅飲食習慣2. 泰式炭燒鱔片呢個係同事提議叫 估唔到有驚喜記得對上一次食鱔係喺韓國返到香港唔知邊到燒得好食今日冇預計下叫咗燒鱔食落好有炭烤煙燻香味鱔片肉質細嫩 口感彈牙配埋酸辣醬汁 好清新嘅感覺唔會好似燒汁咁樣易膩3. 飛天通菜＋罐裝汽水(冰)食泰國菜必叫 鍾意佢炒腍啲加咗唔少辣椒、大蒜、豆醬炒起口感清爽通菜 咬嚼間食到有少辣香料味道都好濃烈 通菜世一～另外同事叫咗罐裝雪碧送飯4. 泰式海南雞今日係幸運嘅一日因為店家突然請我哋食應該係泰式海南雞 覺得感恩～～雞皮雞肉色澤好靚 望落新鮮仔細睇嘅 就算雞胸部分都有油汁肉質細軟 食落唔會好乾

呢間《泰太廚房》之前就聽過朋友介紹過, 早兩日難得入咗大埔做嘢, 於是揸架車🚗去咗大尾督試試佢! 餐廳好有心思裝修, 成個環境都令我有去咗曼谷旅行咁開心! 『泰式炸蝦餅』HK$128呢碟蝦餅全部大大件, 外面炸到好酥脆入面就爽口彈牙, 真係非常好味!『馳名冬蔭功湯』HK$148 (S)我以為S應該好細兜, 每人筆一碗應該就冇曬, 結果個portion大到我哋飲咗四碗都未飲完, 入面仲要有四成五隻蝦! 個湯非常足料, 飲得出係用蝦頭煲落嘅湯底, 味道好濃郁, 酸甜辣味亦做得好平衡, 十個like!!『新鮮菠蘿海鮮炒飯』HK$148菠蘿炒飯最驚係菠蘿🍍有水所以搞到個炒飯好濕, 但呢度炒得好夠乾身, 加埋有臘腸、提子乾、菠蘿粒&腰果一齊炒非常香, 而on side嘅菠蘿應該有燒過所以勁甜! 我亦好欣賞旁邊用茄醬炒過嘅海鮮, 令成碟炒飯都好開胃!『泰太咖哩蟹肉焗麵包 (小霸王)』HK$178呢個小霸王一啲都唔小, 成個頭咁大嘅麵包直接上枱, 店完響我哋面前切開, 聽到麵包卜卜脆嘅聲音, 然後望住入面嘅蟹肉咖哩流出嚟真係好治癒😁個咖哩唔會好辣少少甜好啱口味, 加埋麵包一齊食, 外脆內軟醬汁又濃郁

今次過來大美篤泰太廚房食泰國菜呢間野星期五晚過來都好多人位於大美篤出面環境好大自然裝修都好有泰國風情食物方面首先來係馳名各蔭功湯$148蝦都有幾多肉蝦頭仲有好多膏湯底有椰奶香茅等等好多香料味道幾濃郁仲有好多菇跟住就呢度出名既泰太咖哩蟹肉焗面包$178面包比我塊面仲大面包未切開己放左咖哩蟹肉係裏面蟹肉混炒蛋既泰式咖哩汁唔會太辣同面包好夾仲可以食到蟹肉最後係新鮮菠蘿海鮮炒飯$148海鮮有青口 蝦和魷魚炒飯本身有菠蘿粒和蠟腸粒炒飯唔會太濕幾好食仲有新鮮燒過既菠蘿燒過既菠蘿比較甜這間店環境舒適食物都好有水準份量仲幾大都幾抵食

今次分享一間位於大美督嘅餐廳，平時都鍾意去大美督散吓步遊吓車河，遠離塵囂放鬆一下，尤其是養狗可以去一啲 pets friendly 餐廳，食完仲可以去水壩睇吓星星～今次揀咗泰太廚房，門口一座五光十色嘅水簾吸引咗我，仲有一啲泰國特色tuk tuk decoration 令我想入去試吓除咗裝修之外，食物一樣得！先點咗個炭燒豬頸肉，豬頸肉切成薄片，再經過炭燒處理，上面有微微的焦香味，令肉質更加香脆多汁。每一片豬頸肉都帶有炭燒的風味，非常好食！配上醬汁，更能提升豬肉的鮮味，做到外面香脆，內裏juicy。到冬陰功湯，酸辣香口，湯底鮮甜濃郁，充滿了泰國特色嘅香料味道。裡面有新鮮的大蝦，香菇和檸檬葉，令湯嘅口感更豐富。辣味同酸味交織，夠曬開胃，而且非常足料，裏面有三隻大大隻嘅大頭蝦，食得十分過癮 跟住係飛天炒通菜，用料鮮嫩嘅通菜以猛火翻兜，夠晒鑊氣，加埋辣椒同埋店舖嘅秘製醬汁，辣辣地之餘好香口，全肉宴不妨點一味素菜平衡下😋最後嘅碳水係大蝦金邊粉，主角自然係大蝦，金邊粉都炒得好乾爽入味，配合雞蛋同蔬菜等配料，更加係錦上添花，令人食過翻尋味😍總括而言，泰太廚房的菜式同裝修都相當地道，令人唔使去旅行都好似

大美督一帶有好多餐廳，泰太廚房係其中一間推介嘅泰國餐廳。餐廳出邊有位泊車，揸車入嚟食嘢都好方便，而且係寵物友善餐廳，可以帶埋主子過嚟一齊chill下。最特別嘅地方係户外有架泰國tuk tuk，可以俾客人同主子一齊坐上去打卡，好有泰國風情。餐廳嘅Menu好有特色，大張到成份報紙咁，好有設計感，Menu除咗有餐廳嘅招牌菜，仲有啲paragraph介紹泰國，又幾有創意喎😍🍽️ 冬蔭公湯酸酸甜甜，有幾隻大蝦，好實肉，配埋泰式香茅，愈煲愈辣，好惹味。🍽️ 炭燒豬頸肉燒得好夠火候，豬頸肉好煙靭。🍽️ 馬拉盞通菜馬拉盞通菜炒得好入味，濃郁既馬拉盞醬配上咸魚豆豉，非常地道。🍽️ 炒貴刁泰國必試地道菜，貴刁炒到好乾身。🍽️ 白酒焗大蜆大蜆大大隻，新鮮彈牙，白酒味香醇。🍽️ 泰式青咖哩 （豬）🍹泰式奶茶茶香同奶味濃郁，口感滑順，而且甜度適中，唔會太甜膩。泰太廚房 📍大埔大美督大美督村47號地下E號舖

泰太廚房（大埔）📍大埔大美督大美督村47號地下E號舖味道：😋😋😋😋😋😋😋😋😋環境：🎑🎑🎑🎑🎑🎑🎑🎑🎑服務：😏😏😏😏😏😏😏😏😏夜晚入黎大尾督玩，見到有好多間泰國菜，但係呢間泰太廚房就最吸引我啦，離遠就見到有五光十色嘅燈光喺水中流動，望落去幾有氣氛！入到去，有一個空地俾客人免費泊車，啱晒揸車入嚟食嘢嘅朋友仔，咁就唔使同人爭錶位泊車或者揾停車場啦，可以喺餐廳食完就走，慳返泊車錢同時間。泊完車，店員即刻好有禮貌咁歡迎我哋，為我哋安排入座，又好客氣咁同我哋介紹環境同食物，俾人一種賓至如歸嘅感覺。室內環境十分寬敞，如果冬天嚟，天氣凍，可以到室內，十分温暖。室外環境相當開揚，空氣清新舒服，天氣唔凍嘅時候坐室外都好正，仲有湖景睇添，今晚天氣唔太凍，我哋就揀咗室外坐。餐廳入面仲有個靚靚打卡位，有架篤篤，食完飯可以黎影相打卡！餐牌設計花心思，似一份報紙，圖文並茂，見到啲嘢食都流晒口水啊！開餐之前仲有蝦片送1️⃣馳名冬陰公湯💰148冬陰功湯份量都幾大的，我湯裡面有好多大蝦，而且還充滿了蝦膏呢，真是讓人垂涎欲滴。仲有秀珍菇和一啲特別的香料，增添咗湯的層次感，最重要嘅係佢味道酸酸辣辣，非常鮮甜，飲落去就感覺開胃又暖

餐廳佈置都充滿住泰國風情，有如去左當地一樣。餐廳都設計得好有心思，好似報紙咁，大大張。食物方面，我同朋友叫左3道菜share.泰式蛋網炒貴刁賣相好靚，花生碎，乾辣椒粉，白砂糖粉擺上碟旁，隨個人口味調味。乾辣椒粉都幾辣，唔食得辣嘅朋友就要注意啦。炒貴刁份量都大，調味唔錯，甜酸甜酸，食落好開胃。金邊粉條條分明，夠爽口。配上芽菜，花生碎等，口感十足。泰式甜咖哩牛腩，呢款甜咖哩偏稀，味道偏酸甜，非常下飯。牛腩，炆得入咪夠諗，仲有牛筋，同樣入味。炭燒沙爹雞肉，豬肉串燒，半打，可以兩溝。串燒大大串豬肉肉質彈牙，咬落非常juicy。雞肉肉質鮮嫰，充滿炭燒香味。戶外座坐下食下，時間過得好快，仲好chill。晚餐幾有氣氛~

每次嚟大美督都覺得好Relaxing，而且大美督越來越多好嘢食，今次特登入嚟食泰國野！ 大美督嘅泰國菜林立，啱晒鍾意食泰國菜嘅朋友仔😳而且有得泊車，方便揸車嘅朋友仔帶埋寵物一齊嚟飛天通菜$108對於我哋嚟講辣度適中，唔食得辣嘅朋友可以叫少啲辣度。份量頗大，應該三、四個人食都得。餐廳炒得好鑊氣，師傅手勢好好。咖喱蟹肉農夫包 $178喺呢一間店嘅signatures, 基本上係必須要order! 麵麵包好香脆，一邊淡淡的咖喱蟹肉，而且唔係太辣，基本上小朋友都啱食。蟹肉滿滿，咖喱香濃，麵包脆脆。可以做到外脆內軟🥰而且賣相好靚☺️打卡一流最後最surprisIng 的一道菜-燒膳 $168 條膳非常肥美，食材料好新鮮好靚。笑得好香脆，而且燒汁調校得好好味。 而且份量俾我哋想像之中多。全日最驚喜係一道菜。真係超級好味。最推介呢一個😆

一直都聽朋友講大尾篤既泰太廚房好食今次揸車去到 見到又有位梗係要試一試啦——————————-豬肉炒椰菜苗豬肉嘅份量都唔少加埋辣椒辣辣地 食到停唔到口見到menu寫住必叫呢個咖喱蟹肉包見到每台都有叫我哋梗係唔執輸啦～一上到枱大家都嘩咗一聲冇諗過會咁大個！一切開咖喱汁流晒出嚟用包點咖喱汁食蟹肉真係好正當晚有個廚師專門整燒烤食品鍾意食鱔嘅我叫咗個燒白鱔遠處已經聞到香味一入口果然唔會令人失望爽口彈牙又好食最後仲要多咗個pad Thai冇諗過呢度嘅食物份量咁多真係飽到要打包先得呀———————————-加埋咁多嘢都係700幾蚊好食又抵食呀

一家人到餐廳食飯，侍應首先落單時已經黑面而且不耐煩。到上菜又求奇放係台上。叫飲料叫極唔應，到埋單又用勁差語氣回應。食飯食到一肚氣。價錢又貴，下午茶，叫3個菜已經要$700！！！質素又一般。而且服務極差！極差！極差！海鮮菠蘿抄飯，海鮮同抄飯分開，味道完全係難食。小食拼盤又貴份量又小。