泰好味

营业中

休息中

三個人點左好幾個餸菜，冬陰功海鮮湯、咖喱炒蝦、蒜蓉包、豬肉炒椰菜苗、小食拼盤、豬牛雞串燒各一、炒金邊粉。兩個椰青同一杯鹹檸七。冬陰功海鮮湯海鮮料好足，可惜嘅係個湯偏酸，辣味就唔太夠。咖喱炒蝦，啲蝦好細隻而且冇咩鮮味，咖喱呢都夠味不過唔夠香。蒜蓉包真係一流！❤️外脆內軟，充滿蒜香味，配咖喱一流！豬肉炒椰菜苗，椰菜苗爽口而且都夠鑊氣，不過佢就真係唔係太夠泰式味。小食拼盤，好抵食大大碟。蝦餅係唔錯嘅。炸皮蛋炸太熟，入邊唔夠滑，實的的。春卷就真係唔好食。睇食評話串燒最好食，串燒雞係真係唔錯，夠滑又香。串燒牛同豬就真係好一般，實在太鹹。最一般嘅係炒金邊粉，豆乾有浸酸味，個金邊粉炒得太濕😢

呢間小店幫襯左好多年了由以前得兩三張檯開始到而家要埋隔離舖位多左好多位喇唔駛再怕晏左黎無位不過好現實地講都係以前小店既質素比較好(雖然而家都唔係差CP值都叫OK)今晚出開九龍城見好耐無食椰菜苗突然好想食就黎買個外賣呀仲叫左串燒雞軟骨同雞腎餐廳仲好貼心咁分開裝個串燒醬汁個串燒味道真係唔錯食完一件會想食落去咁應該係調味好味又唔會燒到好干個咸魚炒椰菜苗就正常份量都唔細下次再黎食串燒呀

九龍城果邊超多野食，泰國菜都好多選擇，朋友仔車左我去果邊，去佢食開果間泰好味食飯。餐廳地方唔算太大，個人認為如果傾好耐計去西餐廳會好D。不過啱男人啤啤佢同埋睇波，而且淩晨3點才closed 。各種不同炒飯，價錢不貴。沙律及小食款式都幾多。呢個雜錦併盤有炸皮蛋， 炸蝦餅，認真飽肚，加埋醬汁非常惹味。呢蝶酸辣魷魚沙律，其實應該幾好味，不過真係好辣下，真係要提示一下食唔到辣嘅人炒多蝶菜食下先，炒菜夠綠夠味道，不錯夜晚小聚可以去啤啤佢，價錢合理，食物so far so good

整體價錢同味道都幾好，😌辣度適中食得唔辛苦, 我暫時食過兩次泰國野我叫黎叫去都係冬陰公、酸辣鳳爪、泰式椰菜苗、木瓜沙律、炭燒豬頸肉冬陰公: 酸辣適中，👍🏻細size份量都已經至少有四碗，抵！酸辣鳳爪：夠入味，唔會太辣，又有啲伴碟nuts可以食，唔錯木瓜沙律：木瓜夠脆，入面除左辣椒仲有辣蝦仔增加香味總括：價錢唔貴，👍🏻食味亦都唔錯！不過都係果句，希望員工戴返個口罩，如果唔係都係等疫情過後先再去

喜愛泰國食物，黎九龍城真係無得輸，呢間餐廳叫泰好味咁盞鬼，就去試下有幾好味😂最主要係今晚想飲冬陰公所以揀泰菜。入到餐廳見每枱人都食串燒，心裡不其然地想叫埋一份今晚2人食，叫既送唔多1.泰式炒金邊粉水準有如係泰國食一樣咁好味~2.泰式冬陰公好飲無令我失望，味道岩岩好，好開胃3. 雞腎 雞軟骨 泰式炸魚餅各一串燒真係好正，記得要點。 唔會乾身，仲配埋2款汁4.大大隻椰青係雪櫃令出黎，keep住新鮮椰青，入面的肉好嫩好意刮出嚟泰國餐廳，泰國人十分有禮貌，食都開心的

天氣凍 個人當然想食啲辣野，朋友話不如去食泰國嘢，食泰國野當然要去九龍城，朋友載我去九龍城，佢話有一間佢食過味道不錯，去到見到餐廳好簡單，侍應員好快安排我哋入座，睇到餐牌，好多野選擇。冬陰公 我個人覺得有啲辣，食得辣朋友推介，同朋友都覺得好辣😂 飲到一半放棄。炭燒豬頸肉，好好食，個醬汁好岩夾，唔會話好硬，口感不錯。馬拉炒通菜 唔會好咸食泰國嘢當然唔少得叫生蝦 食落食得出新鮮 彈牙，仲叫左椰青飲 唔係好夠凍 再凍啲好正

是夜與同事九龍城食泰國菜，九龍城泰國菜競爭激烈， 能夠屹立的， 相信也不錯 同事介紹這間泰好味，她吃過幾次，味道不錯， 店內環境細細， 員工全是泰國人， 相當有泰國風味生蝦刺身肉質肥美爽口， 吃得出是新鮮貨泰式串燒叫了豬肉和雞肉雞肉做得相當出色， 外面微微燒焦， 雞肉保留著肉汁豬頸肉沙律豬頸肉鋪滿了碟上， 份量十分多 抵食冬陰公湯烏頭可以一餸兩吃， 把湯淋在魚上， 令魚也吸收了酸酸辣辣的味道 魚肉也做得好味，沒有泥味， 冬陰功湯也可以就咁喝蠔仔煎蛋少少似蠔餅， 不過就比較濕口， 同事說今天失準了， 我未食過泰式蠔仔煎蛋所以不作評論， 但味道 也可以接受吃完晚飯還送了甜品給我們味道似是大樹菠蘿大菜糕馬拉盞炒蔬菜苗食得太多肉還是要少少蔬菜中和一下最後值得一讚是這裏的洗手間算是十分乾淨 這是令我意想不到的

呢間係我食過最多次嘅泰國菜佢係比起九龍城嘅泰菜價錢較平 但質素好好最推介係泰式生蝦 燒生牛肉泰式生蝦係超肥美 肉好厚 好爽口新鮮燒生牛肉係每次必叫 燒到肉既外層係啡色 中間有少少紅色但係唔會有血水 肉質勁嫩 一啲都唔韌有時最後佢仲會送個甜品 類似椰汁糕

話說女朋友話想食泰菜，佢話九龍城呢間泰好味好食！好啦！ 女友叫到咪去試下囉！ 點知一坐就出事地方細就一定架啦，都唔會希望有好舒服地方你坐，d野好食咪得囉！ 好啦！叫野食先！十問九唔應，都算啦！ 我地叫左個冬陰公，鳳爪，鹽燒鰂魚，串燒（唯一一樣叫做好d既野）叫左以上野食，諗住加多樣野啦！見佢寫串燒腎，咪問下個姐姐係雞腎定鴨腎，點知比佢神回覆我一下：「我點知呀，我做樓面咋，又唔係做廚房」係呢一時刻，我居然覺得個姐姐好有道理，一時間都唔到反應好！先黎個冬陰公！比夠100個趣你！一個唔辣，唔酸，只有味精既冬陰公我都係第一次飲！如果你係間茶記跟餐比呢碗野我飲，我明白，我接受！但我比成57個大洋你比d咁既野我？！ 再黎多個唔辣唔酸既鳳爪，好野！喂！完全無咪架喎！你明明咁多配料點解都可以令到個鳳爪完全無味道！呢下真係神乎其技！唔好比佢停！主角出場，鹽燒鰂魚！當佢遠處拎緊埋黎個陣我已聞到一陣極到濃郁既魚腥臭味！寫到呢到，我都有d攰喇！要去對面食返個糖水開心返！ 總括來講，呢間野係請都唔會黎食的一個級別！

九龍城泰好味晚上總是餓，10點幾，近近地落咗九龍城食泰國嘢。我哋嗌左三樣嘢，炒金邊粉、大冬陰公同泰式拼盤。炒金邊粉，不嬲冇乜食開，金邊粉都彈牙，味就小小茄仔味，碟邊配有D花生碎，男友話撈埋花生碎會好味D。大冬陰公好飲，我地叫左小辣，都叫辣辣地。湯好飲，好香，同好多料，蝦都有6，7隻，蝦都就新鮮，冇霉既，不過都叫口味濃，返到屋企都幾口喝。泰式拼盤有3款，炸蝦餅，炸粉絲春卷同炸皮蛋。都幾搞笑，炸皮蛋，用左層蝦膏包住皮蛋炸，食落冇乜特別。炸蝦餅都OK，冇乜粉，炸得都岩岩好。埋單＄195，冇加一，仲送左2個小甜品，椰絲大菜膏。

上星期同朋友去左九龍城食泰菜，有朋友話以前食過呢間唔錯，所以就入左去食去食既時候只係5點左右，冇咩人，所以樣樣野都係新鮮整，熱辣辣串燒叫左豬同雞，都好入味又唔乾燒雞叫左半隻，份量唔算多，同埋因為係即刻燒所以等得比較耐，但味道就唔錯蝦餅係朋友推介，好新鮮，蝦味亦都好濃，加埋泰式辣醬真係一流😋Pad Thai炒得好香，少少辣，又唔會太鹹，好地道👍總括黎講成餐都幾唔錯同埋價錢好合理，下次再想食泰菜都會再黎

突然好想食泰國菜，專程去到九龍城食，朋友傾向食一d舖仔細細，不是開很多分店的名店，沒有做任何資料搜查，經過門口看看，剛好它只剩一張2人檯，又疑似有泰國人就決定這間了。每次食泰國菜，必點生蝦，酸辣鳳爪，這兩樣它都做得不錯，可惜份量不算多，蝦肉爽甜，鳳爪的辣度可提升，因為我比較追求辣得黎又想繼續食，如果太辣，就食帶甜的泰式炒金邊粉，可惜這間的鳳爪的辣度不夠。檸檬烤牛肉也值得食，牛肉沒有烤到十成熟，大概8成左右，中間帶有微紅，所以口感鮮嫩。

平時同fiancé比較鍾意食昭拍耶，不過比較貴，今次食返平啲。見到呢間都幾抵咁，就試下！一黎到俾左杯水我地，好似講左句野但又聽唔清楚，然後再望望隔離枱都係兩個人，都係得一杯水，所以我地相信佢個句係洗筷子。最後好肯定係用黎洗筷子，因為佢收起杯水之前問我地洗完筷子未😂😂叫左三樣野：豬肉碎生菜包、醬醬炒飯同泰式炒椰菜苗。上菜速度好快，十分鐘內上晒三樣野。豬肉碎生菜包辣辣地，未至於辣到痺，味道普通無驚喜。蝦醬炒飯一上菜我地就心心眼😍因為俾佢個心心造型吸引左，可惜食落太濕，唔夠乾身，而且食食下咬到粗鹽，好鹹，有啲鹽係直頭見到，即刻要挑出黎。佢啲泰國臘腸係切粒炒埋係飯入面，唔係一塊塊咁。蝦醬味都出既，但個飯濕同有鹽未溶扣晒分。呢排食親椰菜苗都成80-100蚊，呢度60蚊又幾抵！分量都唔算少，泰式炒唔係好辣，屬於微辣，金泰食個碟比，味道差不多，重要平啲多啲！而且唔會唔夠椰菜苗，跟住搭啲芥蘭想收我地正價咁奸！

菠蘿炒飯 同一般嘅泰式餐廳一樣都係用真菠蘿 用料都十足 有肉鬆 提子乾 值得一提係佢d肉 係炒飯面頭放左有甜酸汁嘅雞肉！幾好食 但個飯個人嚟講覺得濕左d亦叫左串燒 呢到係續串計 有雞牛豬同腎 個汁唔錯 有d脆片撈埋 增加左層次總結 食物唔錯 都多人排隊 但餐廳環境竹麻麻 好

剛好同朋友黎到九龍城，好日都唔黎下，就梗係搵啲泰國野食下。之前見有人講過呢間泰國菜幾好食，所以就一試了。泰式生蝦好肥美，好好食，係咁多樣野最好食，冇雪味，都幾新鮮！！！pad thai我個人認為都唔太差，咁當然係泰國街邊食果啲好食好多啦，但呢個炒得唔太濕都幾好，但我朋友又話覺得唔夠味喎，我自己就覺得都ok啦～馬拉盞炒椰菜苗最初食就覺得都唔錯，唔會炒到好硬，但食食下就覺得太咸，太濃味……雜錦小食拼盤唔…呢個就有啲失望囉，係個炸皮蛋少見啲咁，其他唔特別之餘，仲炸得唔太好食，感覺太多炸粉，同埋啲餡料都唔太好食，最後都食唔晒…整體黎講冇想像中咁好食，不過佢個價錢係偏平的，都可以一試嘅～