泰好味

营业中

休息中

3人行去九龍城食泰國菜～九龍城已經食過好幾間今次打算食依間酸辣去骨鳳爪賣相吸引～一碟約6-7舊～酸辣度適中好嘢味冬陰功湯濃濃嘅香葉青檸味～好味飲完一碗又一碗泰式明爐烏頭魚唔太新鮮肉“梅梅地”湯又少又咸～有D強差人意泰式海鮮炒河夠鍋氣～河粉條條分明夠乾身～有蛋、蝦、䓤、芽菜、魚碎、花生碎～醬料味道剛好燒豬頸肉薄切大大塊～好入味再配泰式辣醬～醬有青檸汁、魚露、香葉、辣椒粉～酸酸地得嚟刺激食慾椰青整個上～又甜又多汁仲有甜品送椰汁西米露～一人一小個

黎到九龍城區成條城南道都係泰國菜真係花多眼亂小曼谷就好多人都食過，個人覺得冇乜特別而且價錢偏貴，於是就行咗出城南道頭一間比較細、不太起眼嘅泰國餐廳。我哋兩個都比較細食而且見到佢啲嘢食份量多所以決定叫兩個菜。特色雜錦拼盤$78拼盤有炸蝦餅、炸皮蛋、春卷，成條街都有呢款菜式覺得度度食都係差唔多，不過就抵過分開叫三樣嘢。菠蘿炒飯$62炒飯非常足料有好大條嘅雞柳鋪喺面同好多菠蘿食晒個飯仲可以刮埋菠蘿肉嚟食，好抵食！

點左「泰國炒金邊粉」，係好傳統嘅金邊粉，有豆卜，芽菜，蝦，花生碎等既配菜！每一條金邊粉都有好香濃嘅配料味，味道非常均勻，係好好食嘅金邊粉👍🏽「白鳳爪沙律」，鳳爪嘅份量都好多，辣辣酸酸甜甜嘅醬汁，令人非常開胃，感覺清爽，但由於味道偏辣嘅關係，食唔到好多😂另外佢配上好多鹽焗果仁同腰果，幾得意😂👍🏽食泰國菜必點嘅「海鮮冬陰公湯」，呢個冬陰公湯係我飲過最好飲嘅！一邊嘅配料非常多，有鮮蝦，魷魚，番茄仔，蛤，菇！佢嘅味道唔算好辣，小小酸，味道溫和，好易入口，而且可以解啦，令人飲完又好想繼續飲👍🏽係非常成功嘅冬陰公湯！

次次同朋友約去九龍城食泰國菜，揀揀下都會嚟番依間，不過成日唔記得響邊條街，次次都行曬嗰附近3條街，認住綠色店就搵得番今次一落機同番去放低行李就又嚟依間食，水準依然生蝦刺身每次必食，蝦肉肥美，室溫上菜，不像其他店食到由雪櫃拎出嚟嘅感覺泰式鐵板蠔仔蛋蠔仔肥美，不過個人覺得芽菜太多，如果少啲芽菜就可以啖啖蠔肉泰式炒金邊粉我嘅至愛，每次都點，炒到剛好不會夾起嚟一舊舊。配料十足，連花生碎都一大堆，仲有成4隻蝦椰青水今次椰青有啲老，椰肉不算滑整體來講，我下次入九龍城都應該會繼續食番依間賣相 5/5口感 4/5味道 5/5番食率 5/5

在九龍城區內泰菜餐廳雖多，但要吃得正宗也有水準又經濟實惠的店子, 就相對較小，這裡應該是其中的一間。其實這晚是朋友替我安排的慶生宴，有心的朋友記著我的生日，就約出來吃這一餐, 一行三人這天晚上乖乖的這裡吃泰菜。店子不大，但也潔淨舒服, 坐在餐廳近門口的位置, 服務員全部都係泰國人, 但識講廣東話, 態度也不錯，感覺是正宗的吧。先來大大個椰青解渴, 飲了些椰青水, 味道清爽而冰涼可口，同時可以用匙子把椰肉都了刮出來食, 唔錯。先來前菜小吃，白灼螄蚶真的鮮味無比，個人不停地吃了多隻。再來生蝦刺身, 蝦肉口感爽脆鮮甜，配上了泰式醬汁, 十分滋味。來個湯品泰式冬蔭公，真的用上大頭蝦去熬的，湯面泛紅油，吃起來酸辣俱備，也有香茅的清香，非常醒胃，還加入了磨菇，喝起上來是增添其鮮甜, 湯內還有幾隻鮮蝦, 認真足料。海鮮類是原條的燒鰂魚，用了鹽去燒整條鰂魚,外皮燒得香脆, 還夾入了香葉及香茅去烤,散發誘人的魚香, 鹽份也有提鮮的作用, 魚肉是鮮甜嫩滑,給我們只吃剩一排魚骨。再要了泰式炒椰菜苗, 一上檯已聞到香味四溢的, 椰菜苗也算新鮮，而且唔會炒得太老，味道辣辣的, 沒有令人失望。食物方面是正宗的泰式

好好食同幾抵食既泰國餐廳，價錢黎講比起出面其他泰國餐廳較為平，水準唔錯！食物方面，豬頸肉個醬汁，辣得黎好香同好入味，同豬頸肉個撘配好夾！生菜包肉都係必食，個肉有小小辣不過辣得好好味。金邊粉同炒河都幾正宗，都唔太貴。串燒個汁也不俗，有啲似沙嗲醬不過食落有小小甜味。嗌左個炒飯不過有啲乾。環境唔大不過枱同座位都好闊落，幾舒服。電視會播住泰國台。服務員態度也不錯，佢地全部都係泰國人但識講廣東話，仲會幫我杯熱飲fill水

平日晚上人不多，不用等位就能入座一坐底黎左杯滾水指明係用黎洗筷子的～勿搞錯生蝦刺身—-食落唔會好似未溶雪咁～如果啲蒜片可以更生就仲好馬拉盞炒通菜—食過咁多次馬拉盞炒菜今日呢個最夠味泰式炒金邊粉—必點菜式，可惜蝦有啲唔夠新鮮粉面味道適中，但本人可以食更濃味黃—咖哩雞 ：正常味道尚可但重點係紅椒雕花蒜蓉包一定要點～超正～味道夠，包夠趣凍左都依然好味最後有個甜品送嘅：椰汁芋頭西米露糕味道黎講個人覺得一個夠喇

叫咗炸雞軟骨、炸鮮「由」同生蝦生蝦切記盡快食！因為佢啲冰好果溶哂啲蝦就比啲水整到濕哂又淡哂咁。佢有啲蒜片同辣汁加埋食，好正！但食完個口會臭🤣炸雞軟骨都好值得試，意外哋好食！但個鮮「由」呢，超級淋，好難食，又好多粉，下次唔會叫！

呢間店鋪比較細，要食就早d,如果吾係要等位。我地叫左串燒，燒則魚、菜，菠蘿炒飯，仲有蒜蓉包！先講串燒，我覺得牛肉乾，肉有點硬。我會選雞同豬，菜ok,泰國店必叫而然，鰂魚好食，配果個汁好惹味，辣，辣得刺激，菠蘿炒飯ok,好食，蒜蓉包炸身，香，配咖哩就一流

呢間野唔係唔好食 但係會趕你走 最好食完拿拿聲走 如果唔係有面色睇 我係6點50分入場坐左到8點 叫左5樣菜 3支酒 坐左一小時10分就有面色睇同有說話聽(快d啦出面好多客）我未試過食晚飯遇到會有說話聽 最多都係收曬你d碟同問你仲有無野要 真係好嬲 所以上黎分享一下

在九龍城云云泰菜店中, 此店已成為我跟一班酒肉朋友的飯堂。第一次來吃是因為探病, 之後一班人想醫肚, 想起酒友介紹過這店, 剛好人齊便來一試, 怎知一試便愛上!吃泰菜我一直覺得是人多才好辦事, 因為款式多, 人多就可以多點幾個share了!這裡有比較特別的獅蛤可吃到，酒友說越生越好，但我覺得血腥味太重。接著頭盤還有燒蠔, 即叫即燒,辣醬很配, 好吃!這味炸蝦頭是老闆娘見朋友們愛喝酒, 介紹給他們送酒用的主菜點了生菜包, 這味是別家的比較好吃, 因這裡的豬肉料不太好吃燒牛肉也是推介之一, 第一次吃有點比較生, 這樣比較好吃, 第2, 3次去時都烤過頭了, 有點UN燒側魚是我第一次吃到的東西, 一大條夠6人吃, 不會腥和有泥味, 因為用了很多鹽一起燒最後是咖哩豬頸肉和蒜蓉包, 蒜蓉包必點!每次來這裡都吃超飽, 而且價錢很抵, 物有所值!

去到九龍城，一定要食泰國菜隨便一間都有一定的水準這次選擇了一間叫泰好味的餐廳入到去位置不是太寬敞，坐著有點不舒服算吧，食物質素較重要點了生蝦，青咖哩雞配蒜蓉包，司x，冬陰功湯。生蝦肉厚😋青咖哩味濃，配上脆脆的蒜蓉色，一流司x唔太腥，所以都ok冬陰功湯夠酸，本人覺得不夠辣，再辣一點就完美😋

今日係第一次同男朋友嚟到九龍城，依度真係有好多泰國菜館，朋友介紹嘅緣故，我地就去咗泰好味食晚餐，試下係咪真係“太好味“先😂餐廳唔算大，座位比較窄，如果前後枱都有客嘅話會坐得比較辛苦，好彩我地早到，冇乜客，坐得幾舒服😊考慮咗一陣，我地嗌咗生菜包，炸皮蛋，豬頸肉，菠蘿炒飯，紅咖喱雞，仲有椰汁冰同泰式凍咖啡~本身男朋友仲想嗌串燒，但基於真係驚食唔晒就俾我阻止咗😅飲品率先送上，椰汁冰飲落幾特別，甜得嚟好似帶有少少咸味，椰汁味好濃，幾唔錯！至愛咖啡嘅男朋友話要試下泰式咖啡係點，所以order咗，佢話有香濃嘅咖啡味，好正😀豬頸肉迷嘅我一見到碟豬頸肉已經急不及待夾咗舊擺入口，豬頸肉肉質算唔錯，唔會太乾，唔點醬汁食落甜甜地，而醬汁就辣嘅，個人就認為點咗野味d😆之後就試下個生菜包，大概有6塊生菜，肉碎就加入咗芫茜，洋蔥炒過，幾香口，少少辣，用生菜包住食既fresh又飽肚，男朋友大讚好味👍炸皮蛋係男朋友話要食嘅，開頭聽個名我對佢興趣不大，試咗一舊我卻愛上咗佢❤原來好好味㗎喎！皮蛋面用魚肉包住再上面包糠炸至金黃色，食到淡淡嘅魚味，再配上甜甜地辣辣地嘅泰式辣醬，味道一流😄男朋友見我咁鐘意食，好得戚咁話自己揀得

今次係小妹第一次寫食評，如果寫得唔好請多多見諒今次一行八個人第一次食呢間泰國野，覺得太好味所以就忍唔住打左呢篇食評。只為大家太餓，所以每道菜一放上枱就無左一半，所以除第一道菜生蝦係有影相之外，其他都影唔到 除左生蝦仲叫左咖哩蟹、明爐烏頭、蝦餅、酸辣鳳爪、咖哩牛肉、生菜包、燒豬頸肉同一碟炒菜。最值得一提係個生蝦、蟹同烏頭，咖哩蟹勁多膏個汁唔辣帶啲甜味，將汁搽上蒜蓉包上面一齊食，口感好好。而明爐烏頭會有個辣汁俾你，自己一邊煮一邊加，個汁僻左啲腥味，而且魚好滑。(個汁都幾辣，一開始唔適宜加太多)其他菜式就普普通通，鳳爪個人覺得太辣，食左一隻就放棄左。總論：雖然坐得有啲迫但地方算乾淨，價錢平，會再黎

是日同男友去九龍城拍拖, 因為男友之前話要去九龍城食泰國菜而畀我勁寸佢得個講...哈哈~唔知係咪時間仲早, 我地都求其搵一間食反正見到都係泰國人伙記, 應該質素唔會差太遠o既男友食泰菜必點o既生蝦刺身!勁辣!!!我平時都算食得好辣o既人, 食完我feel到個咀腫o左個汁其實都幾好味, 但本人覺得個蝦唔夠新鮮, 除左辣就無咩味了拼盤! 我食泰菜必點!全部熱辣辣, 可惜皮蛋唔夠糖心蝦餅好好食, 口感夠彈牙最後呢個炒飯講堅無咩特別, 同中式炒飯差唔多