泰拍耶

营业中

休息中

餐廳環境衛生午市套餐價錢合理值得推介今日點左泰式豬頸肉飯跟鳳爪沙律小食，賣相很好，豬頸肉爽脆香口，鳳爪微酸帶一點辣真係夠晒開胃配埋椰汁真多冰 唔錯唔錯 ！ 可以再黎多次一家四口 試下晚市😋

Are they racists? Any discrimination?Order one curry and salad. Food is okay (a bit sweet) The bowl for rice is so small that I asked for chopsticks. I asked chopsticks for twice, with different staffs. They said yes but never came back. I cannot speak Cantonese. I’m afraid that there may be discrimination in this restaurant and hesitate to raise any other request. Hope the staffs ignored me because they completely forgot my poor request and there is no discrimination in this restaurant.

今日一家三口去完黃埔睇戲，之後行去 Aeon 到掃貨，點知比我地發現新開左間泰菜， 我們諗都唔諗入去食啦！因為我好想飲冬蔭公湯。見到有個二人餐都幾抵食就叫一個，再另外加左個炒金邊粉比仔仔食。二人餐有以下 ：炸魚餅 ~ 夠香口魚肉香海洋冬蔭大頭蝦湯 ~ 無得頂好濃郁的湯，每一口都有蝦味，入面的大頭蝦爽口和有d 膏。泰式正宗青咖哩牛肉 ~ 甜咖哩的味道用來配飯好味道，牛肉夠淋。泰式大頭蝦膏炒飯 ~ 有蝦仁和蝦膏一起炒，所以特別香。龍眼冰 + 咸檸七 ~ 清一清喉嚨另加的蛋包大蝦炒金邊粉，仔仔讚口不絕，甜酸味夠正宗。

Phaya Thai is a Thai restaurant located right inside the Basement of Aeon Style, Whampoa, which is actually attached to the Supermarket.We had a relatively early dinner before shopping, we ordered the set meal for two, everything was on point and really good value for money.  Service throughout the meal was efficient.Set Meal for 2 (HK$268)The set meal for 2 included: 1 Appetiser, 1 Soup, 1 Main Course, 1 Rice/Noodle, add $12 for Thai Milk or Lemon Tea.Thai Fish Cake👍👍👍👍Fish cake is a popular sn

黃埔吉之島做緊大優惠，同媽咪收完貨勁肚餓，先至發現原來喺地庫超級市場嗰層原來有間泰國餐廳，個名叫泰拍耶。望落去大部分位都係梳化卡位，可以坐得舒服啲。我地坐左最入四人卡位，順便放戰利品。超肚餓，咩都唔理，快快叫野食。首先叫左個蒜蓉包條，同二杯飲品，蒜蓉包條熱辣辣，烘到好脆，有6條，係勁厚切方包，所以外脆內軟，加上蒜味濃，超正。飲品我叫左涷蝶豆花椰汁冰，媽咪叫左泰式香茅薑茶。蝶豆花其實無乜味，不過令到杯飲品顏色好靚，飲落都勁開心😃。薑茶我冇飲，但一上枱已經飄來濃郁既薑味。見呢幾樣野都唔錯，決定加單係度食埋晚餐。一於再加個海鮮冬蔭大頭蝦湯，原個椰青焗海鮮飯同咸肉炒芥蘭。咸肉炒芥蘭好大碟，咸肉食極都仲有，好多舊。芥蘭我好怕食到苦既，不過好彩冇。海鮮冬蔭大頭蝦湯二人份都可以飲到3碗幾，微微酸辣。特別推介原個椰青焗海鮮飯。超乎預期甘好食。可能加左椰汁，個飯creamy得黎又唔算太濕，味道甜甜地，加上加左好多提子乾。呢個飯小朋友我都絕對相信會鍾意食。加上仲可以食到一舊舊嘅椰青肉。唔好以為啲飯放晒入椰青入面就得好少，食下食下其實都幾多。

今日同姐姐 bb 婆婆 四個人去到 黃埔新開嘅泰國餐廳食物方面樣樣都幾大碟價錢中上唔會過份貴喺黃埔呢個中產地方嚟講已經叫平我呢個窮人都負擔得起 味道唔差員工態度好好 一入嚟招呼 好周到準備好bb椅 放好曬餐車亦都有解釋有咩推介上菜都好快 唔使等好耐會主動加水執枱 食物質素方便份量大性價比高 唔會過份辣適合一家大細 餐廳位置舒服食物質素唔錯 特別推介原個椰汁 椰青飯好足料 味道 非常唔錯又香又甜 四個人食唔曬😂😂........

黃埔 aeon 最近開咗一間新嘅泰國菜位置喺超級市場隔離 獨成一角見到openrice都未有戶口我哋膽粗粗就入去試下因為都幾適合一家大細 有曬bb櫈位置又寬鬆☺️.💟海南雞味道唔錯 雞幾入味點埋泰式辣醬 幾開胃 分量又多大大碟 大部分啲雞都去咗骨啖啖肉 小朋友都啱食😘💟泰式肉碎生菜包用洋蔥青檸調味嘅肉碎 再用生菜包實感覺既清新又健康 分量好足💟沙嗲串燒真心幾好味 串燒整到好冧夠曬入味沙嗲味 甜甜地辣辣地 正💟原個椰青焗海鮮飯呢個真心性價比非常高椰青刮曬啲肉 椰青肉同個炒飯一齊炒有好多蝦 基本上啲飯多到係成個椰青塞滿曬椰汁好香 抵讚.最難得係價錢平飲品方面 龍眼冰非常出色 味道清甜咸檸七 青檸夠新鮮 真心唔差間餐廳 位置好方便一家大細喺aeon shopping完之後即時有得食 上菜又快 分量多 性價比高👍.🎀泰拍耶PHAYA THAI🎀紅磡黃埔天地第5及6期地庫AEON StyleB02號舖

攀山涉水 , 長途跋涉 , 幾經艱苦 , 兜兜轉轉 , 先至走得到去 黃埔天地 Aeon Style 約個親戚見見面 , 順便在這家 泰拍耶 食餐晚飯 ~餐廳的裝修富有都市感 , 氣氛平和 , 私隱度高 ~我們點了個二人餐 , 這個二人餐有多種食物可以選擇 , 以下就是我們所選擇的食物 ~餐飲 , 我們點了兩杯 泰式奶茶 , 茶底味道頗香 , 落奶落得適中 , 不會太多也不會太少 , 甜度也適中 ~炸魚餅 : 魚餅有兩塊 , 每塊砌一刀 , 變成四小件 , 味道略有香茅味 , 香口惹味 ~海鮮冬陰大頭蝦湯 : 味道是七分辣三分酸 , 有兩個大頭蝦 , 亦有些菇菌類 , 湯底有鮮味 , 不錯喝的 ~泰式海南雞 (半隻) : 已去骨的海南雞浸得肉質鮮口軟嫩 , 稱得上是皮薄肉骨的那種 , 配上惹味的泰式醬汁 , 很有風味 ~泰式大頭蝦膏炒飯 : 炒得熱辣辣 , 很有鑊氣 , 吃落口有滿滿的蝦膏味 , 有四件蝦球 , 粒粒爽口彈牙 , 雖然不算有驚喜 , 但還算好吃 ~本篇完 ~

返一日工又weekend，相信唔少打工仔都覺得格外興奮。放工約咗朋友去黃埔睇戲，佢帶我嚟佢屋企附近呢間新開嘅泰國菜，行出地鐵站都唔洗一分鐘就到，非常就腳。餐廳嘅裝修以竹木為主，清新簡約，而且空間感非常夠，枱同枱之間距離都幾寬，背面仲有屏風隔住，感覺好有私隱，好舒服。朋友叫嘅蝶豆花梳打，加上青檸後變成紫藍色，飲落酸酸甜甜，加上梳打感覺清爽。我唔方便飲咁多凍嘢，所以揀咗薑茶，呢杯泰式薑茶好特別，加入咗香茅同蔥，飲落好香，甜度適中，而且唔會好辣，非常暖胃。朋友指明一定要叫嘅青木瓜軟殼蟹沙律，青木瓜偏酸，口感清爽，配上魚露同大量蝦米腰果，感覺好平衡。炸軟殼蟹好酥脆，大大件，咬落去好香，仲有好多膏，好邪惡！炒芥蘭質感爽脆，吸收晒鹹肉同蒜蓉嘅味道，非常惹味。鐵板蠔烙亦係朋友推介，份量都幾足，即叫即整，上枱時熱辣辣，配上泰式辣醬非常香口。蠔仔粒粒新鮮飽滿，食落依然好嫩，同香脆嘅蠔烙形成強烈對比。蠔烙底部墊住芽菜，一來令蠔烙食落冇咁油膩，二來芽菜亦吸收哂蠔烙嘅味道，非常香口，係一個聰明嘅配搭。

今天下午去黃埔購物，在地庫看到有間新開的泰菜，便入內吃飯。泰式椰汁雞湯二人份量$72除了雞肉外，材料大部分都像冬蔭公，而味道更像冬蔭公，只是沒有辣味。對於第一次喝到的感覺，印象深刻，期待下次再來喝一次。泰式正宗青咖喱豬肉$$88泰式咖喱不像印度咖喱般濃烈，反而帶點椰汁的香和辣味，用來佐飯，效果更佳。蒜蓉包條六條$42蒜蓉和牛油香味濃郁，每條麵包都被焗至香脆，是必點的招牌菜之一。酥炸皮蛋$68皮蛋被爽口彈牙的蝦膠包著，吃點伴碟的酸姜，可以減少油膩感。鹹檸檬梳打$28醎酸味道適中，是吃泰必選的飲品之一。泰式奶茶$22和港式奶茶，明顯有分別，帶點椰香味，而茶味香濃。

行完Aeon去揾食，見到這間泰拍耶的泰國菜館環境不錯，座位闊落。餐牌款式多，價錢又不貴，仲有午餐供應，就即管試下。點了泰拍耶海鮮冬蔭公湯河，賣相足料大碗，集合了酸，辣，甜，鮮的冬蔭公湯，配上大蝦，魷魚，青口，蕃茄仔，秀珍菇等，相當豐富，幼身河粉吸收湯底精華，更好味。另外有皇牌泰式海南雞飯，雞件肥而嫩滑，黃油飯啖啖油香而不油膩，配上最重要的泰式辣椒醬。胃口大的我們更點多一個小食併盤，有齊炸魚餅，炸蝦餅，炸雞卷及炸春卷，炸得香脆，當中炸雞卷令我最回味。最後配返杯餐杯，泰式奶茶及珍多冰，十分滿足

作為黃埔街坊，見到Aeon 新開左間泰國餐廳，琴日買餸經過見lunch time 咁多人食，今晚屋企冇飯開， 即刻要去試下先🏃🏼‍♀️個位置係Aeon 水果部隔離，5係canteen 頹食個種，而係餐廳黎呀。地方都幾闊落同埋係自成一角，所以隔離係超市都5會好嘈咁👍🏻2個人叫左個2人份的海鮮冬蔭大頭蝦湯（$82），大頭蝦真係冇改錯名，隻蝦🦐好大隻呢！每人可以勺到2碗咁多，仲有好多菇菇係湯底呢～不過如果可以再熱d 上就好了小食叫左蒜蓉包條（$42）有6條咁多。新鮮出爐嘅蒜蓉包真係好好味！ 外皮酥脆，再加好香嘅牛油同蒜蓉，好味就係咁簡單😚 主菜仲叫左個招牌黃咖喱🍛麵包軟殼蟹 ($128)。呢個從來都係好吸晴的一味菜！黃咖喱加左好多䓤所以特別香。隻軟殼蟹仲好大隻添。用蒜蓉包條點個咖喱，正正子 😋臨走前再check check 佢個 lunch menu, 午餐餐牌$65-76，都幾多選擇，加$15仲可以有小食/加多幾蚊就可以有特飲！5怪得咁多人黎食，下次再試埋個lunch set 先!

上星期回娘家食飯發現在Aeon內新開泰式餐，今個星期便一家5口來品嚐午餐order了4個Lunch Set加單點其他菜式皇牌泰式海南雞飯 $76鮮嫩的雞肉，配上雞油飯泰式豬手飯 $72半肥瘦的豬手醬汁有少少咸但配飯也很合適泰伯椰紅咖哩牛飯 $72香濃的咖哩配白飯一流，但不夠辣，牛肉鮮嫩美味海鮮金邊粉 $72幼身的河粉配上芽菜，豆腐乾，雞蛋，蝦，花生 味道比較淡扎肉沙律 $15泰式酸辣鳳爪 $15辣度十足，份量也比較小單骨炸雞翼 $15雞翼炸得比較乾，餐牌寫上3隻其實係3件的單骨泰色炸魚餅 $151開2迷你魚餅沙嗲串燒 $88 （6串）豬牛雞各2串沙嗲味道不似燒似煎的，可以有改善酥炸皮蛋 $68外邊的蝦膠炸得彈牙配上皮蛋咸肉炒椰菜苗 $78很惹味的菜，薄薄的咸肉五層的五花腩，但椰菜苗用上比較大棵的不是嫩口那種珍多冰 加配$8咸檸檬可樂 加配$8味道 賣相 衞生 服務 抵食 推介

一入到去 Aeon Style 就見到間新餐廳，之前係間日本餐廳，剛剛轉咗做泰國菜。星期日都有 set lunch 揀，好有誠意。我揀咗個冬蔭功海鮮河，加少食。其他人揀咗海南鷄飯同招牌船湯河。先講小食。青木瓜絲沙律可揀走辣，配合到唔同人嘅要求，抵讚。炸魚餅同炒菜係正路嘢。個冬蔭功湯河就唔夠辣，似蕃茄湯底多啲，可能驚太辣客人食唔到啩！料都係正路有蝦，魷魚，青口，草菇，蛋等等。其他人食嘅海南鷄飯同招牌船湯河都ok 嘅!值得一讚嘅係員工好有禮貌，服務好好。

晚飯時間約左舊朋友見面，係aeon行街見到呢間餐廳幾多人食就試下，餐廳職員好有禮貌同效率，環境夠闊落所以一袋二袋既我地都坐得好舒服。我地叫左個2人精選套餐，單⻣雞翼外皮炸得微脆，鹹度剛好，幾野味，泰式椰汁雞湯好creamy同足料，椰汁味香濃，雞肉同蘑菇配椰汁湯好好飲，主菜既黃咖哩豬肉都有啲椰汁味，佢反而係唔辣而着重咖哩香味，豬肉肉質幾嫩滑，中意送飯既你可以加12配要碗白飯，大力推介船河真係好好味，湯底濃味而且炸豬皮都好正，河粉吸曬湯底，正！飲品我地加左錢試椰青同椰汁冰，椰青好清甜而且佢地開口夠大，可以食埋裏面既椰子肉，椰子冰我超中意飲因為佢好重好香椰味，食完熱野飲杯冰，爽呀！黎行街既各位不妨一試！😂