泰拍耶

营业中

休息中

放假同老婆一齊去黃埔Aeon入貨，行度又攰又餓，見到泰拍耶，即刻掛住Thai 😍😍就係呢度提早晚😏😏地方裝修很有泰國🇹🇭feel，原木色和花草綠作主調，感覺好輕鬆舒服⋯店員服務仲好好添👍👍點了泰拍耶招牌黃咖喱麵包軟殻蟹🤩🤩超級大碟，＄128超抵，一上枱，麵包是脆脆的，軟殼蟹外穌內鮮，配上蛋咖喱汁超嘢未呢😋😋還有青紅椒西芹等配菜，更加提香😌😌蛋色大蝦🍤炒金邊粉賣相靚靚，配上花生碎🥜、韭菜、青檸 泰國嘅味道出晒嚟呀😛😛馬拉盞炒通菜，食泰菜必點，辣辣地夠晒鑊氣，唔錯唔錯🥰🥰食泰菜又點可以唔飲泰式奶茶呢😂😂好地道啊，好有茶香，香滑不太甜😛菠蘿冰都好fresh😝食物質素唔錯👍夠地道，而且份量仲好多添，咖喱麵包軟殼蟹建議可以三至四人share，真係幾抵食，外賣仲有八五折添，有下次！

💕今日係星期三，知道Aeon超市有特價，所以約埋朋友仔去掃貨，經過見到旁邊有間食泰菜的餐廳，裝修幾靚，睇完menu覺得好吸引，決定買完野就去依度食晚飯😋｛ 蛋包大蝦🍤炒金邊粉｝-色香味之選，黎到已經香噴噴，造型拎左滿分，大蝦好新鮮，金邊粉味道酸酸甜甜好開胃，好快俾我哋清曬😂｛ 招牌黃咖喱麵包🦀軟殼蟹 ｝-推介👍黃咖喱口味偏甜而香氣濃厚，配埋烘得勁脆嘅麵包一齊食，簡直係絕配。值得一讚的是軟殼蟹炸得夠脆，但一D油膩感都冇🌟。｛ 馬拉盞炒通菜🥗 ｝-每次食泰菜必點🤣惹味的馬拉盞醬加埋炒得嫩綠的通菜，果然冇失望，又係好好食。味道調得剛好，唔會太濃味太辣，朋友都好鐘意😋｛ 龍眼冰🧊 ｝-又係食泰菜必點飲品，龍眼粒粒好大粒，龍眼水味道清甜滋潤，飲一啖已經透心涼💕｛ 珍多冰🧊 ｝-朋友點的，偷飲了一啖，椰汁味好香濃，綠綠的啫喱細細條，好Q彈，口感幾好，好似食左一個甜品😊🙆🏻‍♀️總結：有驚喜，估唔到超市旁邊隱藏左一間高質素的泰國菜，下次會Encore😁

黃埔擁有大型百貨公司，行行逛逛用上不少時間，滿載而歸時就先在附近用膳。泰拍耶用上木系傢俱，綠色植物，象形標誌，裝修很有泰式風情。二人有精選套餐及海鮮精選套餐，價錢相差不大，揀選了有海鮮款式。燒大鱔燒鱔有兩大串，醬汁顏色較深，鱔皮膠質豐富，鱔肉厚身，肉質鮮甜，爽口彈牙。泰拍耶咖喱黃金蛋炒大蝦(配蒜蓉包)咖喱汁用上花奶與雞蛋同煮，甜甜的容易入口，配上烤得香脆的蒜蓉包同食，整碟咖喱汁也差不多吃光。大蝦蝦身已去報，只剩頭尾，美觀又容易食用。泰式冬蔭功湯冬蔭功湯酸辣味道比較溫和，容易入口。大頭蝦有一隻切半，雖不算大隻，但蝦頭有膏，秀珍菇爽脆可口，泰式香料如南薑、香茅及檸檬葉增添冬蔭功的香氣。泰式菠蘿炒飯菠蘿酸甜味誘發食欲，海鮮主要有蝦及魷魚，配料有不少菠蘿、腰果、提子及肉鬆，增添口感。泰式香茅薑茶吃完泰菜，喝上一杯香茅薑茶，淡淡清香又幫助消化。

今日去左黃埔aeon掃貨，見餓餓地就去泰拍耶食dinner，我地拎住好多野，見到呢間餐廳幾吸引又幾扺食，所以近近地揀呢間做我地晚餐。睇睇餐牌先，見到啲2人套餐幾抵，但我地都決定散叫食物，因為驚食唔哂呀。我地就點左有菠蘿炒飯，冬陰功湯，鹹肉炒芥蘭同牛肉沙律。冬陰功湯材料十足，有菇，大蝦，香矛等，最重要佢辣度適中，啱唒我同朋友囗味，大蝦蝦肉彈牙，新鮮。菠蘿海鮮炒飯，份量都多，都幾好味。鹹肉炒芥蘭，芥蘭好新鮮，好嫩，餸飯一流。牛肉沙律有驚喜，牛肉生熟度適中，配埋個汁好醒胃。香茅茶都好好飲，暖暖胃。食飽又可以再shopping。

早前朋友都推介呢間泰國菜，今晚就試試啦！三人行就叫咗個二人餐，份量比較少，但係每一樣都好味好味！大頭蝦冬陰功湯好質素！個湯濃味creamy，湯份量太少，兩個人都唔夠分。雖然最少辣其實係中辣，對於唔食得辣嘅人來講就比較辣咗啲但係好味唔搶喉！脆蝦皮蛋都非常好食！無論係個蝦皮同埋裏面嘅皮蛋仲有伴碟嘅酸薑都係好好食！炒雜菜，不過不失份量都算幾好唯獨係炒雜菜比較大碟其餘就真係太少喇！青咖喱牛肉，青咖喱汁美味濃！都係果句牛肉份量太少！全晚最精彩出色就係蒜蓉包條，好香嘅炭香燒味，一碟有六條，仲有蜜糖嘅脆香味，配青咖喱汁食就真係Perfect！

一再encore的泰式小店前排lunch跟同事食過，坐得闊落又好食，今晚放工再黎食今晚點個2人餐，梗係要食好啲，就揀左$338個menu頭盤方面，先黎2串大鱔，即叫即燒，厚身又好咬感，配上特色醬汁，好開胃主菜方面，叫左泰拍耶咖喱黃金蛋炒大蝦，上碟時好香咖喱味，蒜蓉包又好香口，一邊食包、一邊沾上咖喱實在好可口。值得大讚係，大蝦方全部已挑腸，中間部分亦已去蝦殼，只保留蝦頭、同蝦尾，食落好方便，不用弄污雙手另外，點了玉子豆腐肉碎湯，朋友很喜歡呢個湯，有味得黎又唔鹹，材料方面，有西芹、粉絲、玉子豆腐、肉碎，簡單得黎又好飲仲有個濕炒海鮮河粉，炒出黎好有鑊氣，有魷魚、蝦、蟹柳、西蘭花等菜餐飲方面，就點左蝶豆花椰汁冰，誠意推介最後，甜品係斑蘭糕，一定要食呢個，仲要係要趁熱食，唔會好甜但又香又好嚼感呢個小店會再encore, 貪佢坐得闊落，食物飲品款式多，味道甜而不膩、濃而不咸

Thai Food🥢 Always a Good Choice to Choose💫..黃埔其中一個地標，一定係那架遊輪🛳 船型商場。入面其實係Aeon🛍 行街行到攰，係時候又要吃個晚飯 了。一個集生活用品配套 & 超市🛒 既生活圈內，有一間泰國菜🥢，望見橙黃色格調，好有泰國餐廳既舒服感覺，就來吃個飯吧。.🦀 ll $128Fried Soft-shell Crab w/ Thai Curry Bread貴為餐廳招牌之選，點可以唔食呢。黃咖哩💛 帶香而不辣，配上炸酥脆軟殼蟹🦀，沾上烘脆既大麵包🍞，撕開同吃，確是滿足。不過記得要趁熱食啊啊啊。.🍝 ll $82Pad Thai Omelette Prawns另一必點選之一，Pad Thai🥢 煙煙韌韌既金邊粉，雖然沒有特別很驚豔，但酸酸甜甜，入口開胃，就是愛吃。.🌿 ll $68Fried Water Spinach in Thai Style蔬菜都不能少，用上馬拉盞炒，帶咸香、海鮮蝦醬味道，就是惹味。如果你愛鮮味醬，這個配搭是你的正菜。.🥥 ll $26Iced Coconut濃濃香甜椰汁冰，是泰菜不能少啊。.🦋ll $30Butte

黃埔出名多嘢食，今次行開aeon mall買野，攰攰地搵左間泰國菜試下。餐廳位於aeon style b/f，黃埔d1出口一出望右邊就見到，非常方便🙊———————一坐低梗係要試吓個頭盤🥰🥰泰式肉碎食落味道酸酸辣辣，連埋生菜一齊食，感覺好清新！作為頭盤黎講好開胃🤣話說我哋係泰式豬手嘅愛好者，可以試到啖啖肉嘅豬手，又可以食到充滿骨膠原嘅豬皮🤩呢度嘅豬皮炆得好林，食落一啲都唔油膩，旁邊有少少酸菜同芥蘭，平衡返個飽制感😇一上枱已經聞到好香嘅泰式香葉味，肉碎炒到好香好濃，吸曬d汁唔會太鹹少少辣，簡直係米飯殺手🤤飲品首選蝶豆花椰汁冰😝睇相就知佢打卡一流，佢有少少似椰汁冰，飲落唔會好死甜好好飲😋

上次同媽咪去吉之島行街，發現有間泰國菜館-泰拍耶。今日帶老公去試下。餐廳環境坐得都幾舒服，老公表示滿意。見餐廳有二人套餐，不過難得有一日可以掉低兩個小朋友去撐枱腳，我地就冇跟套餐叫。菠蘿炒飯一向係我最愛，香甜菠蘿再配上脆口腰果同肉鬆，非常好味。見炒飯中仲加入提子粒，令到甜甜感覺再提升，配合菠蘿原先微酸口感。招牌黃咖喱麵包軟殼蟹 ，老公話我最愛軟殼蟹，所以叫左呢個俾我試吓。軟殼蟹熱辣辣，麵包入面係滿滿黃咖哩汁，烘到脆脆既麵包沾上咖哩汁，好惹味。蒜蓉炒椰菜苗，第一次食椰菜苗，原來口感係甘爽脆。蒜蓉炒清清地，不會很重味精，呢碟竟然係我哋最快食晒個樣餸。飲品同甜品，我地叫左龍眼冰，蝶豆花椰汁冰同芒果糯米飯。食完晒真係大滿足，捧住個肚返屋企。

相識多年的同學慶生，我和好友來紅磡覓食，好友讚美「泰拍耶」的泰式餐廳，食材優質美味，擁有時尚的格調，位於黃埔天地AEONStyle，老友難得聚在一起，享受一頓豐富的晚餐。餐廳地理位置方便，有一份雅緻休閒，這裡十分墟冚，很多顧客前來捧埸，今次我和好友平日過來覓食。高樓底令整間店很寛敞，用餐的空間感更舒適，店內佈置優雅，周圍更添置了很多充滿泰式風情的藝術格調。門口巳看見餐廳美食的圖片，未食巳吸睛了，令我胃口大開，真要細膩當中的滋味。我點選了二人精選套餐，包括有頭盤、湯類、主菜及飯類或麵類，，食物質素良好，上菜速度頗快，享受美食的滿足滋味。炸春卷頭盤是炸春卷，香脆可口，彈牙之餘有咬口，春卷肉質很鮮嫰爽滑，紮實彈牙。泰式椰汁雞湯湯類是泰式椰汁雞湯，熱乎乎出來，湯椰子味好清香，入面有車厘茄及雞肉等，感覺微辣好味，，散發著濃濃的味道，香氣四溢，味道可口。泰式海南雞半隻主菜是泰式海南雞半隻，海南雞肉質很嫰滑，熟度拿捏得很好，骨肉容易分開，紮實彈牙，感覺很不錯。泰式大頭蝦膏炒飯餐牌可以選擇飯類或麵類，我們選擇泰式大頭蝦膏炒飯，蝦好大隻，炒飯軟硬適中，煙韌度很好，配合得宜，芳香的味道仍在口中留戀許久，別

黃埔泰國野黎黎去去都係嗰幾間，呢日又同屋企人再訪地點方便質素平穩既呢間😎▪️ 泰拍耶招牌黃咖喱麵包軟殼蟹（7.5/10）💲128店員窩心提醒要儘快食，賣相同埋切開既畫面夠曬澎拜，面頭巨型軟殼蟹熱辣辣夠脆身，麵包烘到暖笠笠，外脆內鬆既質感同酥皮有幾分相似，蘸上加上左青椒、大蔥、洋蔥、薑絲等香料既黃咖喱一齊食，都幾香濃令人回味😚▪️蛋包大蝦炒金邊粉 （7/10）💲82薄薄既雞蛋皮包住大蝦、豆干、金邊粉，食落乾濕度適中，而且味道酸酸地幾開胃，伴碟仲有花生碎、檸檬，增加層次感🍝▪️ 馬拉盞炒通菜（7.5/10）💲68上檯份量比預期中大碟，有住辣椒、蒜粒既炒通菜，爽口得黎鹹香惹味🥬▪️ 碟豆花椰汁冰 （7/10）💲30飲品既碟豆花有住好夢幻既藍色，入口照係平時滑身既椰奶味，而且唔會好甜🤓▪️ 鹹檸檬梳打（7/10）💲28叫得鹹檸檬飲落都係偏鹹，但係配上梳打平衡返解渴一流😌🔎 整體評分（7/10）

差不多有一年時間沒有來過，今天逛黃埔花園，便來到了這裏。蛋包大蝦炒金邊粉$82，味道帶點酸甜，金邊粉煙煙靭靭，特色得來又不失泰國風味。馬拉盞炒通菜$68，通菜又脆又嫩，醎度亦適中。泰拍耶招牌王咖喱麵包軟殼蟹$128，香脆的軟殼蟹，吸收了黃咖喱的味道，軟中帶點香脆，配合農夫包一起吃，足夠兩人以上享用。龍眼冰$26，龍眼冰帶點龍眼的香甜味道，飯後可當為甜品使用。碟豆花椰汁冰$30，碟豆花混合了椰汁，變成了紫藍色，看上去絕對不像椰汁，但入口卻是椰汁的味道，這個設計很有新鮮感。

好想去食泰國菜，所以同朋友決定黎「泰拍耶」看看有什麼好吃，原來呢度有個二人餐，好抵食咁，就試試佢吧～二人精選套餐$338（另加+10%）泰式肉碎生菜包菜很新鮮脆口，肉碎好香，香茅味好出，肉有醃過，配上生菜好夠味，好味😋海鮮冬蔭大頭蝦湯一喝，嘩～不得了，是我很喜歡的味道，有點甜，有點辣，喝第一口時小心搶喉，香茅味出，椰奶香，濃濃的湯，愛死了😍泰拍耶招牌黃咖喱麵包軟殼蟹芹菜味搶去了黃咖喱味，由於不太愛吃芹菜，所以吃剩了，店員看到了就問什麼問題，我們也老實回答芹菜味太濃，她說會和廚房說，服務態度很好很細心。如果你不愛芹菜味，下單時跟店員說一說走芹菜吧！汁很濃杰的，軟殼蟹係有少少脆脆地的，麵包較軟身。濕炒海鮮河粉河粉炒得好夠鑊氣，香口吃得過癮，海鮮有蝦、魷魚、蟹柳。蝶豆花椰汁冰蝶豆花係咩味就喝不出，只喝到椰汁味，但杯飲品藍藍地色幾靚，好賞心悅目。鹹檸檬七喜檸檬夠鹹，七喜夠氣，正。

前菜小食叫咗個酥炸皮蛋 ～皮蛋外包住d泰式蝦餅 ，仲有個泰式甜辣醬點，口感唔錯，因為之前未食過，所以覺得好特別！海洋冬蔭大頭蝦湯～嘩，雖然係2⃣️人份量，但佢好足料丫， 開邊大頭蝦、菇🍄🍄、香茅 etc... 2個人每人都可以飲到2碗仔，飲第一碗 果陣覺得味道好適中，但飲第二湯果陣就開始覺得有啲辣啦，我自己都食得辣嘅，所以都 OK , 好飲！ 隻蝦都幾好味🤣主菜就叫咗個 泰拍耶招牌黃咖喱麵包軟殼蟹⋯⋯呢個係食親泰國嘢必叫嘅餸菜！ 麵包入面塞滿晒d 料，青椒洋蔥芹菜薑絲加埋個咖喱汁，切開個包點d汁黎食已經好飽啦！ 軟殼蟹炸到岩岩好，一半點到汁一半點唔到，我個人比較鍾意冇點到咖喱汁咁食，比較香口！ d 咖喱汁留番黎點麵包食，正丫！ 最後店員推介我地叫咗個清炒介蘭，佢話我地 叫咗 兩個重口味嘅餸， 配番個清清地嘅菜會冇咁 heavy ... 咁我地就緊係信佢啦，鬼叫佢態度咁好咩⋯⋯最鐘意d有禮貌嘅員工咁當然又係唔少得我嘅凍檸茶少甜少冰啦朋友仔就叫咗個珍多冰，佢話唔會太甜！差唔多食晒啲嘢嘅時候，個好好禮貌嘅店員送咗個泰式椰汁西米糕俾我哋食丫😋😋😋佢話係師傅岩岩整好，人人人份😋😋

今日嚟到黃埔依個小社區搵好嘢食－泰拍耶就喺AEON STYLE入面，夠晒就腳。最鍾意菠蘿炒飯有肉鬆同腰果，炒飯咸香得嚟又有菠蘿同提子乾帶出嘅香甜，依度仲加咗魷魚仔同蟹柳，口感味道都好豐富，雖然冇原隻菠蘿上碟但都好滿意呢～炸魚餅重香茅味，食落微辣唔油膩，點埋泰式辣醬就perfect！冬陰大頭蝦湯濃郁足料，蝦肉好易起入晒味，香料有青辣椒比起出面飲開嘅更加辣，特別惹味。咸肉比較乾身但芥蘭炒得唔錯，落咗蒜蓉夠香口，去咗芥蘭嘅苦澀味。店員推介嘅龍眼冰果然正，清甜透心涼，仲可以食埋啲龍眼肉添！另外當然唔少得我最愛嘅泰式奶茶，雖然明知味道偏甜，但每次食泰菜都忍唔住點🙈最後餐廳仲好好送咗新鮮整好嘅斑蘭椰汁糕，充滿斑蘭葉嘅香氣，軟糯又好食，唔知遲啲會唔會喺menu上見到依個甜品呢☺️