泰斗 (TKO Gateway西翼)

营业中

休息中

🤍泰斗 🖤將軍澳常寧路2號TKO Gateway西翼1樓W114號舖🍢串燒沙嗲雞/串燒沙嗲豬/串燒沙嗲牛 $32每份有兩串串燒，非常抵食！串燒都係即叫即燒，最好食嘅係豬肉串燒，燒得岩岩好之餘又入味多汁，沙嗲醬唔辣味道偏甜，沾好多汁都唔驚好辣😋🥩汁燒安格斯牛小排 $168安格斯牛小排燒到半成熟，口感軟嫩重牛肉味，加埋微辣嘅醬汁非常好食，份量亦都好多，加埋都有接近20件！🦐泰式蝦肉炒金邊粉 $98叫咗個pad thai大家share食，同樣都係好大份，面頭有好多蝦肉，金邊粉新鮮炒好，甜甜酸酸極之開胃！🍍菠蘿汁 $48唔想咁油膩叫咗杯菠蘿汁飲，等食完餐飯可以清新啲，不過冰嘅份量就偏多，記得叫少冰🤣

將軍澳高質美味泰國菜咁岩今日約左舊同事係坑口做野，順便可以傾下計食個晚飯發現左係尖沙咀好岀名既餐廳係坑口開左分店，今晚就要同朋友吃到飽餐廳位置便利，裝修佈置好有泰國 feel，環境寬敞舒適主食份量頗大，性價比高，如果想試多幾款主食，真係要搵多幾個朋友來開心 share 先可以試得曬食物方面:原盅椰皇海鮮冬蔭公 : 用上大大個原隻椰青盛裝冬陰功湯上，再另外奉上一大碗冬陰功湯，足足有四碗可以飲，材料有大頭蝦、秀珍菇、椰肉、香茅及其他泰式香料調味，酸酸辣辣好惹味，最後再刮出椰皇入便煮到軟腍椰肉，啖啖肉，好好味小食拼盤 (細) : 細拼盤有四款小食，無款有四件，份量十足，蝦餅炸得香脆彈牙，泰式魚餅味道濃、春卷炸得鬆脆，一口雞卷細細粒又好味，再蘸少少泰式甜酸醬，份外惹味泰式海鮮炒河 : 河粉炒得乾身，加入大蝦，青口、魷魚等海鮮，再用泰式香料調味炒兜，美味的主食芒果糯米飯 : 糯米飯壓成心形好有心思，微熱煙韌既糯米飯加上綠豆粒、椰漿、清甜芒果片，最愛的泰國甜品

TKO gateway開咗呢間新嘅泰國菜已經一段時間 呢晚放工約埋住附近嘅朋友去試一試☺️座位好舒服寛闊 有大玻璃窗可以望到街景 仲有超多食物選擇😆兩個人食咗四五樣嘢已經好飽 本來想叫芒果糯米飯 但都食唔落就冇嗌lu🤭🥓🥗燒豬頸肉沙律 💰98沙律頗辣 主角豬頸肉幾香口 份量都唔少 配料有切段香蔥 洋蔥 蕃茄仔等 配搭幾新鮮爽口 平時好少會食到咁多蔥😂🍖小食拼盤(細) 💰148蝦餅魚餅都大大件好足料 魚餅入面仲加咗香茅 味道更有層次不過就咸咗少少 春卷超香脆 雞卷都好香口但就唔太有雞味🤣🍢沙嗲串燒(牛豬各兩串) 💰32x2牛串豬串都好香好入味 唔會燒到好嚡 沙嗲汁甜甜哋味道唔錯多啲花生就更好🤭🍝泰式蝦肉炒金邊粉 💰98Phad Thai幾乎係我每次去食泰國菜必點嘅主食 酸酸甜甜幾好味仲加咗香茅 大蝦十分彈牙🦐🥤龍眼冰 💰38🥤凍泰式奶茶 💰32本來以為泰式奶茶會好甜 但都唔係 可接受😂🔔另設加一

餐廳環境寬敞舒適 仲有棵樹做裝飾卡位佈置好有泰國feel原盅椰青大頭蝦冬蔭公好香椰香味 椰肉煮到好腍輕易就可以刮出嚟 啖啖椰肉入面有大頭蝦同好多秀珍菇用大量香茅 從其他泰式香料調味好惹味小食拼盤 (細) 蝦餅 魚餅 春卷 雞卷 每款四件每件都炸得啱啱好 唔會太乾同時又脆口蝦餅 魚餅都好厚 春卷好香口 雞卷好食兩個人食完小食拼盤已經飽咗芒果糯米飯食泰國嘢必點嘅甜品芒果清甜 糯米飯煙韌 表面有少少綠豆加埋椰漿好好味主食份量都幾大 價錢合理唔貴份量大兩個人只係叫到好少嘅款式適合多人一齊share 

最近見尖沙咀好岀名既餐廳•泰斗係將軍澳開左分店就黎試下😆發現佢嘅性價比好高😎值得推介～🌶酸辣青檸明爐魚 $168之前去西貢嘅泰道食過明爐魚覺得幾好食，呢間餐廳嘅仲好食😋湯底好濃，粉絲索哂d汁🤤侍應仲好貼心咁另附個湯可以補加🥰而且魚肉好滑又唔腥👍🍗泰式香燒雞(半隻) $128半隻燒雞份量好多，雞肉大大件燒到個皮好香脆，但又唔會鞋！而且醬汁味道好特別好惹味😋🌶 泰式香辣蝦膏海鮮炒河 $98炒河份量又係勁多🤣海鮮有魷魚，青口同蝦✨味道辣辣地又唔會炒得好油👍🍧菠蘿沙冰 $48食咁多濃味野，飲呢個沙冰酸酸甜甜可以解渴解油膩😆

As I always on diet , I am very picky in selecting restaurant so not to waste my quota : Food quality & taste , CP value , Service and environment are all key elements for me After several visit (lunch,dinner) all Thai restaurant in TKO, I am glad this Thai restaurant can qualified as my favourite list . I will try my best share my experience with you all ~~🌺🌺🌺Owner is a young and nice guy always looking for improvement, good job ! 💪🏻💪🏻💪🏻Sure , as a new restaurant, still lot area to improve : (1

早幾日傍晚都想嚟試下呢間開咗無耐嘅泰國餐廳，不過撞正落場時間，今晚仲諗緊游完水食咩好，經過見門口攞飛嘅人唔多，拎飛後好快就入座。點咗菜聽到後面枱嘅客人話申請做會員，八卦嘅我即刻睇下枱上申請做會員嘅牌有咩優惠，我哋亦問過店員呢一餐嘅總費用同埋可以即時用返現金券，我哋都申請咗做白金會員，費用係五百，有11張$50現金券同埋其他coupon。多口問埋黑金會員嘅價錢，無記錯係六千定六千幾。呢一餐我幾滿意，味道真係唔錯，正唔正宗我都唔太清楚，不過就好啱我哋口味。串燒沙爹豬，鹽燒牛舌，兩款都好好味，原本本時嘅人係鐘意牛舌多啲，但係今次豬係更好味，有少少似豬頸肉咁爽但唔係豬頸肉，一啲都唔鞋，好味。泰式香燒雞(半隻)，唔會太乾亦唔會好濕，唔會太鹹，雞胸亦唔鞋，份量都幾多，唔錯。明爐魚，影得比較差，雖然多幼骨，但係有魚味。泰式炒河，唔油，又香。橙汁，應該係最唔好嘅一樣。

想試新店食品， 又巧遇舊同事，一齊覓食梗係要試新嘢， 午餐時間食午市套餐 ，一点幾，好彩有人埋單可以坐到窗邊位，包飲品一人一個午餐，就叫了香菜肉碎雞蛋飯，和泰式豬肉炒粉絲，兩款食品味道也不錯，可再去吃其他款。

諗住生日過嚟試吓新嘢，點知又係伏….點解坑口咁多伏嘅餐廳…..第一樣食嘅嘢亦都係最難食嘅嘢係柚子沙律，唔知點解要落啲蒸魚豉油落個柚子度，懷疑個廚師係中廚… 個炒飯又係完全冇泰式嘅味道食材其實本身係靚嘅，喺廚房唔識整，搞到完全冇泰式嘢食嘅味🙃唯一覺得有返啲泰國嘢味嘅係個冬陰公，蝦餅都幾好味👍🏻個咖喱蟹冇咖喱味，啲汁一patpat 咁，好似以前學校飯嗰啲汁🤢不過蟹係幾好食，又係全靠食材救返起碟餸😇甜品以為唔會出錯，點知俾咗嚿好難食嘅藥水味大菜糕，嚇親🙂真係好想試嘅話建議淨係叫個蝦餅同冬陰功，其他不了

Coke 之堅持。吃一頓泰菜，本是賞心樂事。好多時去餐廳如果我飲凍檸樂，都會問間餐廳可樂係咪「罐裝」，始終如果係汽水機出嚟嘅可樂，味道及效果相差甚遠。如果他告訴我是汽水機的，那我便不會點選凍檸樂，飲番杯凍檸茶如事。今日去這間泰國餐廳，同樣地想飲青檸可樂，套餐加$6 ，那我便問店員是否罐裝可樂。第一位店員答是，那我便放心，同時要求麻煩成罐可樂送上，我可以自己倒。結果第一位店員查詢之後，說「不能夠」。那我在此查詢可樂是否罐裝，定係如實告知我是汽水機？他說是罐裝，我堅持既然是罐裝，麻煩成罐上吧。他亦說不能，並再叫他店舖經理過來。店舖經理同樣告知是一罐罐的，但竟然說「公司規矩」不能夠成罐上。那我便說我可否去吧枱，望住他開汽水再倒入我的杯？她說可以。奈何都得吧枱，水吧已把那罐可樂都得7788 ，其實我是想看着他開蓋掩，直接把可樂倒一杯中，但是看不到。我再看看吧枱的雪櫃，真的看不到任何一罐可樂。其實為什麼不能夠給成罐可樂給客人？究竟係用汽水機？定係其實一罐可樂分開兩次用？這樣衛生嗎？對可樂是有一點堅持。

之前堂食食過一次lunch今次試下外賣泰式豬肉炒河， 加咗個蝦餅炒河完全沒有泰國風味偏鹹， 佢畀咗辣椒醬無論味道同配搭 根本就係乾炒牛河一啲泰國香料味都食不出（懷疑個廚師之前係做茶餐廳）份量同豬肉片都算多 ( 碟同埋個盒幅相加埋先係total)， 一個人都只係食咗大半 ，但好少椰菜等配菜之前食其他泰國餐廳， 會比較多配菜，食落唔使咁齋至於嗰蝦餅， 係好大嚿， 25蚊有四嚿算多但唔係咁好食， 都脆身， 但肉質好普通， 而且 偏鹹, 食咗一嚿都唔想再食嘢飲冇得揀龍眼水嗰啲叫咗杯熱檸茶, 但茶底有怪味最後自己飲白開水算了total 95如果堂食還可以， 因佢環境幾好， 好靚 ，坐得好舒服， 但拎走就唔會再試而且只會食lunch因佢水準真係好普通夜晚唔抵食門口個姐姐一直都係串串地㗎喇畀人感覺唔夠 friendly性格嚟嘅，我諗佢都冇心

📍泰斗 Thai Master (tko)-#5🫶🏻係最高 環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻🫶🏻-小食拼盤（細）-$148泰式雞卷&魚餅&蝦餅&春卷 （各4件）春卷好脆卜卜 每件小食都好好食🙈😋 值得一試！再試！馬拉盞炒飛天通菜 -$78呢個菜比較普通 不過不失冬陰功大頭蝦湯 -$128呢個湯有5-6碗 服務員好好咁幫我地分埋湯 佢嘅冬陰功唔會好酸 就算唔食酸野嘅 都食到👍🏻 而且佢湯入面有椰肉 所以幾特別 值得叫嚟試下鐵板蠔仔蛋 -$108每夾一下都會有蠔仔 絕對唔係出面咁得幾粒 但大家食嘅時候要小心 可能會有蠔殼碎 整體嚟講都唔錯 大家都可以試下 泰國野食都比較重口味 所以會比較咸左少少 我地係星期六日夜晚7點去食 都坐得比較滿 建議大家可以book咗位先

💚泰斗💚可能因為人手唔夠，所以都冇乜人serve你😂上菜速度都幾慢。態度OK。▫️小食拼盤（細）$148最好食呢個，推薦大家嗌。蝦餅香脆，彈牙。魚餅竟然唔腥，真喺好難得，所以都忍唔住食咗幾舊。素春卷都好食，外皮脆，入面餡料都多，幾香口。▫️泰式燒豬頸肉 $108肉質偏硬身，乾。味道冇特別，醬汁有啲淡。▫️馬莎文咖哩牛坑腩配薄餅 $148咖哩屬於甜咖哩，食落口有少少椰汁味。咖哩中有唔少花生碎，增加口感，小編幾鐘意佢呢個花生嘅配搭。牛坑腩一個字 - 韌，肉粒size都幾細，不過份量正常（不過佢咁韌，多都唔想食😂）薄餅偏油同乾，份量都幾少，只有5小塊。同平時食嘅薄餅有分別，浸咗咖哩都好似比較乾同硬🤔▫️馬拉盞炒通菜 $78正常，冇特別，唔辣。

進去吃飯帶位都還沒問題，坐下來覺得冷氣太強詢問能不能換位置，服務生就不開心了，說叫你們2選1自己要選一個冷氣強的，現在說要換位？ 第一次去吃飯最好是知道你哪個位置冷氣強啦！拜託加強一下服務人員態度好嗎？買單的時候也不開心，直接把單字丟在桌上就走了，丟的喔！ 用丟的喔！ 用丟的就走了喔！我們還不好意思詢問其他服務員能不能幫忙買單🤷🏻‍♀️🤷🏻‍♀️🤷🏻‍♀️東西也不是很便宜，也沒有特別好吃，只是看你新開想來嚐鮮就被嗆到靠北。喜歡被花錢吃飯被嗆又被翻白眼的歡迎來吃！

其實食物都ok既。不過由入場安排坐位。到我埋單果條女 態度差到呢。唔知佢係姨媽到。定係啱啱停經。又或者係失戀呢。唔信大家可以去試下🤣🤣 真係另到人好想講粗口鬧爆佢。