泰星匯泰國菜

营业中

休息中

葵芳有間平民泰國餐廳，應該主要做街坊生意，見都有唔少熟客幫襯，呢度幾抵食，全日免收加一服務費，唔怪之得咁多街坊都嚟食。冬蔭功明爐蒸烏頭 $178食泰國菜點少得明爐蒸烏頭，烏頭好大條，有明火蒸住食熱辣辣，湯底亦都越煲越濃味，其他泰國餐廳未必有冬陰功湯底蒸魚，呢個好特別，一啲都唔辣(我哋冇特別話要加辣)，蕃茄湯酸酸地甜甜地味道好突出，超級開胃！黃金咖喱炒大蜆 $95咖喱海鮮又係另一道必食嘅泰國菜，黃咖喱味道香濃，帶少少鹹香，蜆肉好掛汁同好新鮮，加埋少少蛋花點綴，口感更加豐富。馬拉盞炒通菜 $68惹味香口，通菜同啲汁好似融為一體，每啖都食到蒜蓉同馬拉盞嘅味道，好味！蝦頭膏雞肉炒飯 $68一上個飯就聞到好香嘅蝦膏味，食落都有香濃嘅蝦膏味，仲有好足料嘅雞肉，同埋炒飯最緊要係乜嘢，係鑊氣！嘢飲有得揀港式或者泰式，我哋一人叫咗一杯嘢飲 - 凍檸蜜 $18 同 泰式奶茶 $22，清涼解渴！

聽朋友講呢間泰國菜抵食又好食，所以專程過嚟葵芳試吓。雖然地方細細，簡單裝修，同茶餐廳冇乜分別，但也放了些泰式公仔，掛了幾幅比較有泰式風情的畫，都幾有喺泰國食嘢feel，而且價錢非常平民化！冬陰功明爐烏頭（蒸/炸）（$178）佢嘅冬陰功真係好開胃，飲落口酸酸辣辣，香茅味同埋啲香料嘅味都好出，條烏頭同埋雜菇吸收晒啲湯汁，好食到停唔到口!生菜包（ $78 ）肉碎好香口，肉碎用咗洋蔥，辣椒，魚露去炒，少少辣辣地，啱晒鍾意食辣嘅人，十分惹味！生菜份量十足，兼且夠哂新鮮，食落好爽脆，包住肉碎同食，超級夾！海南雞飯（ $68 ）海南雞配油飯份量超級多，海南雞仲要係無骨，食落啖啖肉，而且啲肉好滑，點埋佢嘅秘製醬汁一齊食更加香口。啲飯食落淡淡油香而不膩，亦都可以用海南雞醬汁撈飯，點樣配搭都好食！馬拉盞炒通菜（ $68 ）食泰國嘢絕對唔少得馬拉盞炒通菜。落完單好快上，用馬拉盞炒好惹味，唔會太油，大廚快炒所以每條菜都保持翠綠色，食落爽脆非常！芒果糯米飯（ $48 ）糯米飯軟糯加上淋咗啲甜椰汁，再配上大大嚿又甜到入心嘅芒果，簡直係絕配👍椰青（ $35 ）甜、清涼。一路食辣嘢一路飲，解渴又解辣。全部食物嘅份量都

🍲冬陰功明爐烏頭（蒸/炸）（$178）🐟想飲湯，又想食魚，呢樣餸一次過滿足晒兩個願望😍。酸酸味嘅冬陰功真係好開胃🤤，香茅味重，香噴噴。烏頭鮮甜，啲菇朔晒啲湯，好入味😋。🐥海南雞飯（ $68 ）🍚大大碟，一上枱嘅時候就見到油飯上面嘅雞多得滯瀉落隻碟度，好鬼誇張😂。海南雞非常嫩滑，大大嚿，而且係無骨🤩。油飯食落幾時都咁好食，用埋啲海南雞醬汁撈飯更加正😁。🥬馬拉盞炒通菜（ $68 ）🌶馬拉盞炒通菜好惹味，就算平時唔食菜嘅人都會鍾意食😍。🥬生菜包（ $78 ）🐷接近原棵生菜上，肉碎堆積如山，非常之浮誇😵。肉碎炒得好香口，肥瘦適中，唔會鞋颯颯👍。🥭芒果糯米飯（ $48 ）🍚啲芒果好甜😋。大大嚿嘅芒果配埋椰汁糯米飯一齊食，令我搵返去泰國旅行嘅感覺。🧉椰青（ $35 ）🧉消暑解渴清甜☺️

今日返咗娘家執屋，夜晚就約咗老公喺娘家附近食晚飯🍴。天時暑熱☀️，我同老公都特別想食泰國菜，上網搵到哩間泰國餐廳🇹🇭，唔使諗咁多，即刻去試。（住咗喺葵芳咁多年，身為泰菜粉絲嘅我，竟然去到今時今日先知附近有哩間餐廳，真無知😵‍💫，同時有種「相逢恨晚」嘅感覺。）餐廳環境四正整齊，雖然地方唔算大，但勝在清潔企理，價錢相宜，食物選擇同種類繁多🤩，多到唔知點揀好，樣樣都好似好好食咁。最後我哋叫咗以下幾款：1️⃣ 泰式芒果絲脆炸鱸魚🥭🐟 $188賣相非常吸引😍，色彩繽紛，聞落香噴噴，真正嘅色香味俱全。鱸魚原條去骨再切片炸，酥脆香口，食落啖啖肉，唔使𦧲骨啱晒懶人同小朋友。芒果絲清新爽口，酸酸甜甜超開胃，加入紫洋蔥，醬汁更香濃，好啱大熱天時進食。另外裡面仲加入腰果，健康可口。2️⃣ 香辣肉碎煎蛋飯🌶🐖🍳🍚 $68我老公超鍾意食！肉碎炒得好有鑊氣，九層塔清香帶甜，味道更添層次，加咗豆角之後口感更豐富，調味濃郁，香辣可口，餸飯一流。煎蛋🍳係我最愛嘅太陽蛋，蛋味好香。3️⃣ 椰青🥥 $35每次去泰國餐廳都必定會叫。椰青大大個，椰青水香甜清新，一解夏天嘅悶熱。最後食埋啲椰子肉（餐廳幫手起埋肉，方便食客，抵讚👍🏽），清爽甘甜

今晚和朋友到葵芳食晚餐，選擇了在泰星食泰菜。這餐廳有好多款菜式選擇：沙律，泰式燒烤，明爐烤魚，鐵板，炒粉麵／飯及甜品等。泰式甜酸脆炸鱸魚$178鱼肉已起肉，脆炸，上面有菠蘿，洋葱及青椒作配料，再淋上甜酸汁，賣相非常吸引，甜酸度適中，魚肉香脆可口，好味。菠蘿海鲜炒飯$68非常醒胃炒飯，旁邊配有腰果及肉鬆，份量不少，足夠兩個人食，但腰果唔夠脆，扣小小分。總括來說，飯餸都富有地道泰菜口味，價錢合理，怪不得客似雲來，未夠七點門外已開始有客人等位了。

最近幫襯了在葵芳廣場附近的「泰星匯」，都想分享一下。我同朋友都好鐘意試下D小店, 因為小店好多時都會比到驚喜我地, 今日搵左地膽朋友，佢推介位於信芳街近葵涌運動場的泰國菜餐廳。係地鐵站行去新都會, 再行去葵廣, 再由一條天橋落去就到, 其實都幾方便7時半入座裡面已經坐了8成人客。平日晚市亦接近全院滿座，記得要早點到。餐廳入面有十張檯左右，食客不少，而且仲有好多人叫外賣，生意不錯。餐廳🍴環境不大， 主要用上木系顏色加泰國元素掛畫等裝飾營造泰國🇹🇭地道氣氛，椅子 較殘舊，有點歷史痕跡。雖然這裏的地方不算是十分大，但是設計簡約得來又帶點泰式風情，用餐時，餐廳的電視播放著泰國歌曲短片，給我一種身在泰國的感覺。所以我們都十分喜歡。餐廳泰菜選擇頗多，小食、沙律、主菜、咖哩、粉麵飯類、各種各樣都有，全是正正經經的傳統的泰式食品，沒有整色整水的假泰菜，更有多種泰國特色飲品。我和朋友研究了餐牌，決定試一些平常不太會點的菜。串燒$64有雞、豬、牛可供選擇。我們點了兩豬兩雞。啖啖肉好好味，沾埋個沙嗲醬好好味，又香又濃味，唔錯。食下呢d香口小食，十分開胃。雞肉肉質香滑幼嫩，牛肉肉質鮮嫩，口感不會韌，帶淡淡焦香

同朋友放咗工之後 想食泰國嘢就嚟咗葵芳嘅泰星匯泰國菜餐廳食物既選擇好多亦都有晚市套餐 都幾抵食但我哋今次有指定嘅嘢想食就散嗌首先我哋叫咗一份細嘅炸蝦餅炸蝦餅一上嚟嘅時候熱辣辣外皮趣卜卜 內裏嘅蝦肉則好彈牙炭燒豬頸肉豬頸肉嘅肉質好爽彈配合餐廳嘅醬汁好惹味串燒4串我哋叫咗2串牛肉 1串雞肉 同 1串豬肉個人最鍾意豬肉串燒食落juicy 黃金咖喱軟殼蟹好大一碟裏面有足足三大隻軟殼蟹軟殼蟹仲好脆身咖喱嘅份量亦都好多👍🏻👍🏻👍🏻馬拉盞通菜每次到泰國餐廳都必食馬拉盞通菜咸香味十足最後仲叫咗杯芒果沙冰好大一杯 好滿足😋

約了好友在葵芳覓食，眼見很多中式菜館當中發現這間泰國菜館，都是不錯的選擇。7時入座裡面已經坐了8成人客。我和朋友研究了餐牌，決定試一些平常不太會點的菜。泰式脆炸鱸魚生菜包(原條爐魚起肉連骨炸起，夾生菜吃，挺新鮮的口味，不錯不錯)，鹹魚炒椰菜苗，香葉炒大蜆，泰式拼盤(細)，味道都很好。點了很多菜，所以決定點2杯特飲來平衡一下，菠蘿沙冰和香芒沙冰，本想和朋友互相分享，後來發覺原來兩溝口味更讚，不會太甜，又香濃，飲到巴基斯坦的芒果香，又有菠蘿的淡淡清香，很搭配。

我同朋友都好鐘意試下D小店, 因為小店好多時都會比到驚喜我地, 今次朋友帶我去葵芳試下一間叫泰星匯既小店, 我都好期待會比到咩驚喜我地位於信芳街, 其實係地鐵站行去新都會, 再行去葵廣, 再由一條天橋落去就到, 其實都幾方便沙嗲串燒-$64/串首先上枱既時候, 我可以好清楚分到雞, 牛, 豬, D點看似簡單但出面好多都做唔到, 不但肉眼分唔到, 甚至食埋都未知係咩黎, 證明D肉係泰星匯串燒真係唔錯的。而且串燒係食到果種肉味, 唔會腌到死咸, 調味岩岩好, 再配合埋個食到出花生粒既沙嗲醬, D個前菜己經好唔錯香葉炒鮮魷-$95D碟比較似家常菜, 但食落個鮮魷係比一般食到既更嫩滑, 而且仲有唔少舊, 真係做到收幾多錢比返合理既料食客, 而且仲有唔少三色椒, 豆色既菜, 層次豐富, 味道都唔錯泰式芒果絲脆炸鱸魚-$188上枱已經哇左一聲, 因為真係好大碟, 感覺抵食。而且鱸魚係起肉炸, 冇骨咁制, 食得舒服。而魚肉炸得好香口, 加上泰式芒果絲少少酸既味道, 又開胃又好味, D個堅比到我地唔少驚喜香葉肉碎炒飯-$68我地唔係好食得辣, 所以叫小辣, D個辣度對我地黎講岩岩好, 少少辣更能吊出個

葵芳地鐵站附近，新開了一家泰國餐廳，口碑不錯，今天來嚐嚐泰國美食。雖然這裏的地方不算是十分大，但是設計簡約得來又帶點泰式風情，加上座位亦相當舒適，所以我們都十分喜歡。泰式豬頸肉肉質爽脆，豬肉味香濃，好惹味，燒得好香口，次次食泰菜一定會叫！吃上去特別美味。如果怕吃多了會感覺膩滯，可以醮上泰式特製醬汁一起吃，解膩之餘又開胃醒神 ！冬陰功湯真係值得一讚，一入口酸味比較重，之後辣味飄出黎，好香香茅檸檬葉既味，酸酸辣辣，而且香料味夠，夏天食真係好開胃。泰式炒通菜炒得出色夠鑊氣，通菜炒過後保持到翠綠，不會過油，口感爽脆，已經充滿泰國風味，份量大份，豐富又健康。椰汁冰椰香味濃郁的椰汁冰配上口感綿綿又香甜的絕對是炎炎夏日的良品，難怪我一直都喝過不停！整體而言這是一間不錯的泰國菜，這晚飯性價比十足，同時食物質素水準好，調味很有泰國地道風味，下次會再品嚐！

最近幫襯了在葵芳廣場附近的「泰星匯」，都想分享一下。「泰星匯」雖然舖面細細，但客似雲來，座無虛席。菜式美味又大份，價錢大眾化，是街坊食飯的好選擇。“甜酸鱸魚”，一整條鱸魚起肉炸香，外皮香脆，裏面肉滑，配上青紅椒、菠蘿等，酸甜可口，是必食之選“黃咖喱雞”，泰式咖喱多了份椰香，雞肉、咖喱、椰奶，上佳的配搭。“菠蘿海鮮炒飯”，有鮮蝦、鮮魷和鮮菠蘿，炒飯有濃濃的椰香味，還配有腰果和肉鬆，非常可口。“馬拉盞海鮮炒河”，新鮮炒起，河粉有濃香蝦醬味，加上鮮蝦和鮮魷，口感又滑又爽，十分惹味。炎炎夏日，來杯凍飲，暑氣全消。“椰汁涼粉冰”，椰奶濃郁，涼粉爽口，夠清熱。“泰式奶茶”，泰式香料滲透獨特木香味，別具風味。總括而言，兩個字形容------“抵食”

去葵廣shopping，然後同老公一齊食飯。葵芳周圍真係好多野食，見到食泰國菜嘅餐廳👉泰星匯👈，諗諗下都好似有一段時間冇食過泰國菜，咁就入去試一試。餐廳入面嘅裝修都幾有特色，有泰國小店嘅風情，溫和嘅燈光搭配實用簡潔嘅實木傢俱，濃厚嘅東南亞風，整體環境舒適。食物價錢相宜，set dinner嘅菜式都岩食，我地order左個晚餐E,揀左生菜肉碎包，蝦餅，馬拉盞炒通菜，海南雞同額外叫左個泰式燒豬頸肉。黎到有d估唔到，份量都幾多，唔怪得咁多人叫外賣海鮮冬蔭公湯，有蝦有青口同有秀珍菇，入口唔會太辣，但非常香，有齊酸、辣、甜、鮮嘅味道，份量足，可以分到差唔多六碗。生菜肉碎包，肉碎混有辣椒同洋蔥，仲帶有陣陣芫荽嘅香味，酸味唔強，魚露味香，鹹味剛好，肉碎肥瘦比例得直，食落質感唔會太鞋。炸蝦餅材料足，肉質彈牙，炸醬薄身，做到外脆內軟嘅口感，油膩感唔強，好食。炒通菜賣相不錯，保持翠綠，質感脆嫰味道夠，香辣惹味。泰式燒豬頸肉燒得幾香口，令人一口接一口食過不停，肉質juicy唔會乾，再加上嗰個甜甜但又帶辣嘅特製醬汁，好夾。海南雞飯，油飯正常，可以再香d。而海南雞幾好，雞皮爽口，雞肉嫰滑有雞味，唔會太肥食到成口

今晚同爸爸來葵芳食晚餐，黎左呢間泰國餐廳。餐廳入面有十張檯左右，食客不少，而且仲有好多人叫外賣，生意不錯。食完先見到openrice book位係指定時段會有折，可惜我今晚係即興walkin…冇折了。不過呢間餐廳都好抵食，平民價，正。點了個泰式炒金邊粉，呢碟粉份量好多，我同爸爸兩人都吃了好多碗似的，好足量。另外，味道都好惹味，濃濃既香茄味，好惹味好開胃，入面仲有好多配料，如豆腐乾、蝦米、又有爽口彈牙既蝦，啖啖肉，正。呢個金邊粉又大兜又惹味，好抵食。另外仲點了一些小食，我同爸爸都好鍾意食泰式串燒，所以點了四串。串燒有雞、豬、牛可供選擇。我們點了兩豬兩雞。啖啖肉好好味，沾埋個沙嗲醬好好味，又香又濃味，唔錯。食下呢d香口小食，十分開胃。另外，呢款小菜，真心超推介。泰式芒果絲脆炸鱸魚。鱸魚起肉再脆，有好多件香炸鱸魚球，啖啖肉好香脆好好味，脆卜卜。呢個餸仲好岩小朋友食，因為炸魚好香口，又冇骨，食起來好方便又好味。我仲超鍾意個堆芒果絲，因好fresh,好香，酸酸甜甜好清新開胃，夾起了芒果絲再夾埋舊炸鱸魚，一啖放入口，香香甜甜酸酸，脆卜卜又啖啖肉，口感同味道都好正。所以呢個餸真係好開胃，岩曬熱辣辣既

🌸葵芳泰國菜🌸泰星匯泰國菜🍽想吃泰國菜不一定要到九龍城！今天我便相約好友到了葵芳一間主打正宗滋味泰國菜的餐廳-「 泰星匯泰國菜」品嚐是日晚餐❗餐廳鋪面寬敞，裝修簡約❗店員十分親切殷勤有禮，店員細心為客人下單及不時收拾碗碟。我們一行2人點了晚餐E另加以下餐點：1️⃣晚餐E 包括以下餐點 $348🌟冬蔭功海鮮湯冬蔭公湯即叫即製，海鮮配料非常之豐富，包括鮮香肥美的鮮甜大蝦、開胃蕃茄及香菇等，味道鮮甜，酸中帶辣，十分開胃❗🌟生菜包生菜包是清新爽口的生菜配搭粒粒滋味泰式豬肉碎，還配搭紫洋蔥及辣椒，味道帶點微辣，豬肉肉質鬆化，以生菜包裹肉碎一起食甚有風味。🌟炸蝦餅 （細）炸蝦餅非常足料，口感彈牙，外皮炸得黃金香脆，非常滋味，配搭滋味泰式辣醬及沙爹醬，十分滋味❗️🌟馬拉盞炒通菜通菜以經典泰國調味料馬拉盞作調味，搭配爽脆通菜，通菜充分吸收馬拉盞精華，味道帶點微辣，非常惹味❗️🌟海南雞一份海南雞肉肉質香嫩，配合餐廳秘製的海南雞醬，配搭油飯一流，十分滋味！2️⃣沙爹串燒 $64我選了2串雞肉拼2串牛肉，雞肉肉質香滑幼嫩，牛肉肉質鮮嫩，口感不會韌，帶淡淡焦香，配搭香濃沙爹醬，十分惹味！3️⃣椰青 $35椰青非常大隻，份量十

今晚在新都會廣場買完東西，突然想吃泰國菜，上網發現這家泰星匯泰國菜好像不錯，於是來試試水準。餐廳環境是一般街坊泰菜的水平，平日晚市亦接近全院滿座，記得要早點到。餐廳泰菜選擇頗多，小食、沙律、主菜、咖哩、粉麵飯類、甜品各種各樣都有，全是正正經經的傳統的泰式食品，沒有整色整水的假泰菜，更有多種泰國特色飲品。青木瓜絲沙律 $75前菜點了最經典的青木瓜沙律Som tum試試水準，青木瓜甜中帶酸，口感清脆爽口，配上泰式魚露沙律汁，酸甜鹹鮮香辣俱全，是正宗泰國的辣度，令人胃口大開。泰式炒金邊粉 $68Pad Thai同樣是經典的泰菜之一，金邊粉入口味道不單一死實，酸甜調味有層次，口感彈牙煙韌，同時重本用上大蝦，金邊粉鑊氣十足，令人一口接一口。菠蘿海鮮炒飯 $68海鮮炒飯鑊氣十足，上枱時仍冒煙，配料味道突出，用上新鮮的菠蘿、提子乾、鮮蝦、魷魚等，粗糙細膩並存，每一口都有味道及口感不同的變化。明爐鱸魚 $178原條新鮮鱸魚明爐上枱，鱸魚即叫即炸新鮮熱辣上枱，魚肉煮得恰到好處，肉厚鮮嫩，加上泰式檸檬湯底，微酸清香，檸檬葉、香茅以及青檸的味道層次分明，只是比泰國地道的少了一分辣度，更適合港人口味。鮮青檸梳