泰濃麵 (樂道)

营业中

休息中

今次未到尖沙咀食特色泰國船麵，餐廳裝修用了懷舊風格，有卡位，今次真係好好彩呀坐低咗一陣出面就開始大排長龍，不過輪轉得好快黑豚肉船麵黑豚肉揀咗船湯金邊粉，船湯好特別上面有炸豬皮條，特濃湯底好濃鬱，黑豚肉好鬆軟，我覺得黑豚肉配特濃湯底會比較適合，相當惹味頂級美國肥牛船麵肥牛揀咗清湯金邊粉，清湯湯底好清唔肥膩， 肥牛好軟熟，金邊粉份量都多，好大碗，相當 飽肚，每碗麵都配有秋葵，好特別炸豬皮炸豬皮大大碗炸得好鬆軟，抵食炸魚餅炸魚餅用咗好多唔同嘅香料配埋一齊，好有泰國風味泰國樽裝梳打水泰國梳打水都幾好飲，放入纸飲管好澎湃

想念泰國嘅船麵而黎左呢間餐廳食😜佢呢到嘅船面係一大碗 唔係泰國兩啖一碗🤭湯底有船湯/清湯/冬陰, 粉都有5款揀😗✨美國肥牛 船湯 金邊粉 $72湯底有被驚豔到 泰式香料味 好濃 但又唔會口渴😆餸都比想像是中多 泰式粉麵揀金邊粉係最夾🤗✨泰式海南雞飯 $69雞嫩滑 但略嫌個飯冇咩油香味 得個色😢✨泰式小食拼盤 $78炸虾餅x2 炸雞翼x2 芝士雲吞x2呢個set兩個人食剛好 咩都有得試一舊🤓最推介係芝士雲呑 皮炸得香脆 一咬仲有拉絲😍📍地址: 泰濃麵 (樂道) 尖沙咀樂道7號嘉樂大廈地下A號舖

泰國菜嚟講一直都好鍾意食船麵不過船面在香港甚少專門店成日都要走去九龍城食不過今日就有好介紹喇尖沙咀經營有一間專門食船麵嘅餐廳湯底仲要相當濃啱曬重口味嘅人士打開menu麵食種類主要係清湯，船麵湯底同埋冬陰功今次我哋就試咗船麵同冬陰功頂級安格斯牛肉船麵湯底真係非常正，夠哂濃而且佢仲有唔少配料有魚蛋，蘿蔔和豬皮等等蘿蔔非常入味，相當甜宜安格斯牛肉亦都夠曬淋雞髀肉冬陰功湯麵冬陰功湯底相當多料有蝦有蟹柳，仲有大青口湯底仲要辣辣地幾好味木瓜沙律食落相當爽口酸酸甜甜咁樣，夏天食就啱曬啦由於天氣熱我哋都叫咗兩杯嘢飲青檸梳打相當大杯夠曬清爽龍眼冰室有粒粒龍眼肉值得推薦畀大家

琴日同老公去尖沙咀行街，經過iSquare，喺後面嘅樂道有間泰國餐廳。睇真啲佢主打食麵嘅。🤪🤪🤪見到好似幾唔錯，就入去食。去親泰國鋪都要食蝦餅😍👍🏼 呢個蝦餅夠熱外脆夠彈牙😍😍👍🏼 真係好好食😋👍🏼去主打有幾款面，我哋就揀咗呢個卜卜蛽同埋安格斯牛肉，湯底我哋蛽呢就配咗呢個冬陰功，安格斯牛呢就配咗呢個船湯！海鮮配返呢個冬陰功非常好好食🤤，湯底酸度夠又唔會太辣，船湯夠濃郁，配上安格斯牛都好食😋👍🏼👍🏼仲有值得稱讚嘅係服務員態度非常好除咗老闆會同人傾偈，兩位服務員都對客人非常親切有禮呢方面都值得稱讚👍🏼👍🏼

星期日中午嚟到都要排隊 睇嚟都幾受歡迎👏🏻我哋嗌咗頂級安格斯牛肉冬陰功湯麵🥩個牛肉係生牛肉 自己再浸返熟 保持嫩滑唔會韌 而且好濃牛味👍👍冬陰功湯底好出色 配金邊粉冇得輸 份量又多 其實重可以配薯粉 大家都可以試下泰式小食拼盤🇹🇭有雞翼🐥炸蝦餅🍤炸芝士雲吞🧀各二件 建議大家要即食芝士雲吞 我哋擺耐咗個芝士變成一舊🥹但個皮好脆薄👍炸魚餅🐟食落幾淋 幾大塊 都係唔錯選擇另外重嗌咗椰青 夏天好消暑正呀🌞

味道都幾正宗泰式船河的一間小店！環境簡約乾淨得黎有風格！🔻青木瓜沙律份量多 好清爽 食完開晒胃！正啊！船麵有3款湯選擇（船湯/冬陰公湯/清湯），粉麵同配料可自由配搭。🔻卜卜蜆船湯金邊粉湯底好濃郁，泰式香料十足，有沙沙質感的湯底即係代表足料熬出黎，顏色濃厚唔簡單呢～ 卜卜蜆新鮮大隻，配料方面一啲都唔hea , 蘿蔔超入味又淋，魚蛋，油渣同大大條秋葵都係好食嘅！😋🔻廣島蠔冬陰公湯金邊粉辣度適中泰式風吹十足，廣島蠔肥美有成5-6隻咁多！仲有大大條蟹棒同最驚喜係連隻蝦都好新鮮，唔係霉的～

行行吓街想食泰國嘢隨便入咗間餐廳幾有驚喜以前公司附近都有間食泰式粉麵好好食可惜疫情後已經唔見左估唔到亂入會入到間有得食船麵嘅餐廳船麵有少少似我哋嘅車仔麵都係間間餐廳整出來有啲不一樣的味道比起冬蔭功、爐燒魚呢啲標準泰國菜船麵更容易帶有個人IP的色彩呢間船麵味道好濃郁同車仔麵一樣可以揀麵底我就要咗同泰式粉面夾啲嘅金邊粉不過店主話佢自己鍾意配河粉多啲🤭啲小食都有少少驚喜兩個人食份量剛剛好（因為所有野都係兩份）算係一間可以encore的餐廳呀🫶

上次經過尖沙咀到訪了樂道的「泰濃麵」，位置就在I square後面，地段方便。餐廳由內到外都充滿泰國風情，主打泰式船麵，也有小食或特飲提供，船麵沒有固定套餐，所有配料都可以自由配搭～┈┈┈┈┈┈┈┈┈┈┈┈┈┈𐂐 ⠜頂級美國肥牛船湯黃麵 $72 （8/10）船湯湯底濃郁帶有香料味😋，黃麵口感像港式油麵，麵質彈牙很掛湯，配有油渣、墨魚丸及蘿蔔，肥牛份量亦很足夠～索滿湯汁十分美味！𐂐 ⠜頂級安格斯牛肉船湯金邊粉 $92 （8/10）安格斯牛肉口感更嫩滑，油渣香脆可口，而且金邊粉份量不少，比起黃麵再索湯一點，吃到尾可能會有少許發漲，但麵質並沒有變淋，反而更重香料味😍。𐂐 ⠜泰式炸蝦餅 $49 （7.8/10)蝦餅厚肉彈牙，配有香脆蝦片，雙重滋味。𐂐 ⠜泰國原個新鮮椰青 $48 （8/10）味道鮮甜，解渴一流😆。𐂐 ⠜泰式香茅斑斕梳打特飲 $28 (7/10)香茅味明顯，雖然斑斕味較為薄弱，但算是一款清爽飲品。┈┈┈┈┈┈┈┈┈┈┈┈┈┈

「泰式鳳爪」。鳳爪煮至軟嫩,配以泰式香料醬汁,既帶有微辣,又有著濃郁的泰式風味。緊接著是「青木瓜沙律」,新鮮的青木瓜條被醃製得恰到好處,配上花生碎和醬汁,酸甜可口,開胃爽口。最後,我品嚐了「炸豬皮」,外層酥脆,內裡軟嫩,沾上泰式辣醬更是令人難忘。接下來,我品嚐了招牌主菜 ─ 「泰濃麵」。麵條Q彈有勁,蕃茄汁醬料帶有微微酸甜,加上肉片和各種新鮮蔬菜,口感層次豐富。最後加了一杯紫色的蝶豆花特飲，味道酸甜解暑。

舖頭嘅裝修好有懷舊特色，以木色作為主調，仲有泰國餐廳經常見到嘅大笨象🐘裝飾尖沙咀嘅物價一向好貴，$52有一個泰式下午茶真係唔錯今次我哋食咗黑豚肉船湯 配河粉，有魚蛋、黑豚肉、蘿蔔～仲有船河必有嘅卜卜脆😍船河嘅湯底非常濃郁，好有泰國風味頂級美國肥牛冬陰功湯 配金邊粉，船河有青口，秀珍菇蝦秋葵、蟹柳、鮮蝦，鮮蝦嘅肉非常彈牙～冬陰功湯底係微辣，適合香港人口味我地跟左泰式青檸梳打特飲，同埋泰式香茅斑斕梳打特飲～佢哋係用最最最好飲嘅梳打水：singha,呢隻係屋企雪櫃必備！原本以為香茅嘅味道會好奇怪，但係飲落齒頰留香，唔係落糖水調味，反而係淡淡嘅泰式味道，令人好舒服小食方面叫咗炸雞翼、炸芝士雲吞、泰式鳳爪同埋青木瓜沙律炸雞翼同埋炸芝士雲吞熱辣辣，點埋泰式辣醬，青木瓜沙律🥗泰式無骨鳳爪 有辣椒、四季豆、蕃茄～酸酸甜甜，炎炎夏日食非常開胃餐廳嘅職員好有禮貌，值得一讚

欣賞完叮噹無人機表演，就去了The One 附近吃飯。這家「泰濃麵」是疫情時已經開業，吃過幾次覺得餐廳的冬陰功非常出色，所以再來試試呀！餐廳以泰式湯麵為主，有船麵、冬陰功等湯底選擇！今次都一樣，選擇了冬陰功湯呀！黑豚肉冬陰功湯麵濃郁的冬陰功湯配上黑豚肉，黑豚肉滑嫩且有濃郁的肉香，湯底酸酸帶點微辣，搭配黃麵更顯得入味呀！ 卜卜蜆冬陰功湯麵這是餐廳其中1款以海鮮做主題的湯麵，將海味濃郁的蜆肉與冬陰功湯完美融合一齊，再加上彈牙的黃麵，整體口感豐富呀！香茅斑蘭梳打多款特飲之中，我們選擇以香茅和斑蘭配料的泰式飲料，清香的香茅與斑蘭葉味道，再加上梳打的氣泡，非常清爽。泰濃麵尖沙咀樂道7號地下

初嘗泰式船麵 呢間店有驚艷到我我食日本廣島蠔🦪加船湯加河粉嘅組合非常滿足 河粉給晒船湯啲汁 啖淡都好滋味 船湯濃郁香口夠味得來又不會太鹹 食完一啖會繼續想食多一啖 日本廣島蠔＋泰式船麵兩者combine得好好廣島蠔很肥美😋每一啖都非常滿足 而且配料十足 仲有啲芽菜、秋葵等等做配菜唔鍾意冬陰功湯底或者唔食辣的朋友可以試吓船湯真的好好味🥟泰式小食拼盤：-泰式炸蝦餅（2件）- 炸雞翼（2件）- 炸芝士雲吞所有小食都是現場即刻炸出嚟上到枱面都是熱辣辣的 份量啱晒兩個人share 🥤嘢飲方面，我個人10分推介龍眼冰 配料十足 裏面有好多龍眼初嘗泰式蝶豆花特飲 味道好特別酸酸甜甜的感覺 顏色好吸睛影相打卡一流呢間舖頭地理位置非常好 接駁到地鐵站 尖沙咀H出口轉過彎就到

尋日同朋友去咗尖沙咀食呢間人氣泰國船麵，令我十分掛住泰國！首先，我哋叫咗兩碗船麵，分別係雞髀肉同埋黑豚肉。碗湯一聞已經覺得非常濃郁，識落嘅味道同泰國食嘅都差唔多。你肉方面份量都多，仲有埋魚蛋添。鍾意食牛嘅朋友可以試下佢地嘅頂級美國肥牛或者和牛。鍾意食海鮮嘅朋友，仲可以選擇卜卜蜆、廣島蠔同埋波士頓龍蝦。小食方面我哋叫咗蝦餅同埋生菜。蝦餅非常脆口而且好彈牙同埋好重蝦味，而生菜都好嫩。總括而言，可以一試，價錢亦都合理！

唔想去泰國，但又想食正宗船麵可以去泰濃麵試一試～晚餐時間見到呢間舖頭都幾多人，價錢又合理，點知真係有驚喜😆湯底主要分三種船麵，冬陰功和清湯～至於配菜由平到貴任君選擇，連黑毛和牛同埋波士頓龍蝦都有🤓面底都有五款選擇，成碗湯粉自己組合❣️叫左🔅頂級美國肥牛河粉🍜 深色嘅湯底，驚喜在於湯頭真係十分濃郁，混雜咗唔同嘅香料味，但仍好順口.其中胡椒八角味特別突出！配菜方面本身有脆香豬皮，魚蛋，蘿蔔，加埋自選嘅肥牛～絕對唔擔心唔夠食。肥牛份量都好多，油花分布平均都有淡淡牛脂香味！河粉好滑溜仲十分掛湯，一啖湯一啖河粉好滿足～ 最後成碗湯清晒😏🔅 炸蝦餅 幾乎必叫！一客3件都有掌心甘大～ 最要即炸熱辣辣，蝦膠爽彈無腥味！最後仲叫左杯泰底龍眼冰特飲，好多龍眼肉😆 比較甜，但好清新解暑👍

想食正宗泰國船麵就要去泰濃麵喇，船麵可自選主食，湯底及麵類，主食有豬、牛、雞、海鮮；湯底有船湯、冬陰功或清湯。除咗船麵以外仲有泰式海南雞飯和小食。咁多選擇總有一款適合個人口味。泰式炸腩仔炸腩仔十分香口，每舊都肥瘦均勻，因為最怕過份肥，會食到好膩。配埋泰式醬汁，酸辣感覺愈食愈有。同埋一份都有好多件，過足癮。泰式炸蝦餅蝦餅由炸起到上菜，成個過程都無變形，証明真係好足料飽滿。蝦滑夠彈牙有咬口，雖然係炸，但鮮味十足。頂級美國肥牛船麵湯底飲落好順滑，絕對係煲得夠時間同火喉嘅表現，牛肉同麵時間控制得好好，唔會過老同軟。味道表現出正宗船麵嘅風味。雞髀肉冬陰功湯面首先要讚嘅係選用雞髀肉，真係好食好多。冬陰功酸辣平衡好好，味度稍稍調教得濃少少嚟配麵食，夠細心。