泰濃麵 (樂道)

营业中

休息中

個日收工買咗飛睇舞台劇，睇之前梗係要食個快飯醫飽個肚先啦😜朋友就提議食呢間泰國麵店🍜雞髀肉船河 $72雞肉係選用雞脾肉🍗所以特別嫩滑，而且成碗都係，食極都仲有肉🤣除咗有雞脾肉，仲有3 粒魚蛋，魚蛋好彈牙，正！船麵湯底好香濃，忍唔住要大大啖麵加大大啖湯咁食，加埋上面嘅炸豬皮，好香口😝.好開心可以係香港食到泰國嘅味道，不過價錢比泰國食就貴幾倍，唔太抵食💸🥲同埋大家留意過咗夜晚6:00後嚟堂食，就要收取加一服務費啦🧏🏻‍♀️

近排天氣熱熱濕濕每到晚餐時分就會好想食泰式湯麵，今日喺尖沙咀行緊街，經過見到呢間好似都幾吸引，就入咗去，呢度人流都算好多，不停有客排隊入嚟食，又有本地人，又有遊客，雖然做到冇停過，但係服務員全部都好有禮貌。雖然話想食湯麵，但係食泰國嘢點少得炸嘅小食？今日我地要左個泰式炸蝦餅同炸魚餅，兩個都炸得好酥脆，好好食。至於麵食，我地就要左一份美國肥牛冬蔭功黃麵同一份安格斯肥牛船粉。個冬陰功湯底勁好食，超濃，肥牛份量都唔少。至於個安格斯肥牛，根本就係入口即溶。船粉湯底亦都好好味。

泰濃麵 | 尖沙咀鬧市泰國船麵樂道既一間船麵 ISquare隔離 外表裝修都十分泰式 好有泰國style 口面有唔同既船麵相 睇見都想食店入裝修都係比較地道港式設計 但用左圓檯 而且掛左好多泰式既畫🔶泰國木瓜沙律木瓜沙律好清新 而且木瓜好爽口又甜作為開胃小菜 味道偏辣 岩曬鐘意辣既朋友仔🔶黑豚肉冬陰功湯麵 金邊粉可以根據自己想食的主食，然後再點湯底及麵全部都可以自己揀有蝦 蜆 黑豚肉都有好多片金邊粉都係係泰國食開果款 味道好泰式冬陰功湯唔算酸辣 口味合適返香港人既口味🔶雞脾肉船麵 金邊粉雞脾肉份量都多 而且肉質比質滑配埋金邊粉 似係泰國度食緊船麵 船湯湯底濃郁 顏色都係濃濃🔶香茅斑斕梳打香茅味道十分突出 而已有一樽梳打 可以自已加感覺十分refreshing 岩曬天氣熱熱地既時候飲🔶泰式蝶豆花特飲🍴整體評價：外表裝修都十分泰式 專門食泰式船麵地道港式設計 但都加左泰式既畫 泰國元素船麵味道幾正宗 唔會過濃過酸過辣地理位置都方面 岩曬行完街去食返碗推介指數: ⭐️⭐️⭐️⭐️——————————————————————————————📌 尖沙咀樂道7號嘉樂大廈地下A號舖付款方式AlipayHK

尖沙咀人頭湧湧，但係都搵到一個舒適嘅地方食個麵，享受泰式風情🇹🇭呢度主打船麵 濃郁嘅湯底有溫暖嘅感覺🤎🥘頂級美國肥牛船湯金邊粉 肥人加埋啲湯底又真係幾夾 仲有秋葵同埋魚蛋同埋有啲炸豬皮豬好正宗🥘🥟泰式小食拼盤 有雞翼蝦餅，仲有個芝士雲吞 蝦餅好彈牙 都幾大粒 一個人食一個好滿足🦐最驚喜係芝士雲吞 脆波波嘅雲吞皮入邊原來係軟腍腍嘅芝士🥰🧀 係真材實料成舊都係芝士 ✌🏼😍🥦烚唐生菜配秘制腐乳醬 腐乳醬好味 生菜都好新鮮🥥原個泰國椰青 係今日嘅精髓 椰青凍冰冰 飲落口好爽甜 大大個好有看頭😁😚

本來想食返碗船麵 但係嚟到呢度見到有冬陰功湯底 都係忍唔住要咗冬陰功. 選擇都幾特別同豐富. 想食好啲可以叫A5黑毛和牛 或者原隻波士頓龍蝦海鮮🦞🦐🦀. 🌱青木瓜沙律調味恰到好處 好refreshing同帶少甜. 叫咗小辣剛剛好 先開個胃～ 🔥頂級美國肥牛 配冬陰功湯底肥牛有牛味 冬陰功一d都唔hea. 可選擇辣度 要bb辣岩岩好. 酸辣適中 仲有一隻蝦同青口 秋葵同蟹柳跟湯 難怪平日生意都咁好 當中仲受唔少遊客捧場!👍 👍

今日去尖沙咀買完錶，經過「泰濃麵」，見佢出名泰國船麵，又有啲格仔地磚，幾特別，就順便入去醫肚。我坐低就叫左頂級美國肥牛船湯河粉，炸蝦片同泰式蝶豆花特飲。因為見佢門口放左兩合炸蝦片，於是叫左份黎試，脆脆的微辣炸蝦片十分惹味，又開胃😋呢碗船湯河粉絕對是必吃之選！美國肥牛嫩滑，個河粉仲有小小炸豬皮同肉丸，份量十足。湯底濃郁，河粉滑順，仲有舊超淋蘿蔔，索晒湯汁👍🏻泰式蝶豆花特飲我都係第一次飲，因為見到佢顏色鮮艷，估唔到飲落又幾涼爽，口感獨特😎間鋪除左食物之外，店員服務都抵贊，雖然係上左年紀既阿叔，但無論對住外國定本地人，佢地都好客氣又有禮貌👍🏻「泰濃麵」除左有船麵，還有其他泰國小吃，如冬陰功湯麵、海南雞飯等。可惜我一個人食唔落，下次有機會會再食😂

卜卜蜆冬陰功黃麵，呢個黃麵好特別，麵條彈牙有嚼勁，唔會太軟爛。卜卜蜆係呢個菜嘅主角，鮮甜無沙又夠飽滿，同埋冬陰功湯底一齊煮，味道好濃郁。湯底又酸又辣，食落去開胃又刺激，同麵條一齊食，味道更加平衡。煙鴨胸船湯黃麵，麵條煮得夠軟身，滋味鮮美。煙鴨胸好香濃，肉質嫩滑，同湯底一齊食，味道更加豐富。湯底鮮甜醇厚，有啲滋潤嘅感覺，食落去令人覺得溫暖同滿足。整體黎講，呢碗黃麵有啲濃郁嘅煙鴨味同滑嫩嘅麵條，好開胃同滿足。炸豬皮小食外層炸得金黃酥脆，入口即化。豬皮部分有啲脆爽嘅口感，好適合咬一口，令人滿足。豬皮嘅味道鹹香，同埋炸得香脆嘅外皮一齊食，味道更加豐富。整體黎講，呢個小食有啲香脆嘅口感同鹹香嘅味道，好適合當作開胃小食。

好耐都冇食過船麵，咁啱尖沙咀就有一間，即管試一試，舖頭店面唔算大，但都精緻😍😍日本廣島蠔冬陰功湯薯粉$99冬陰功湯底材料豐富，估唔到有蝦又有茹仲有埋蟹柳😻😻酸酸辣辣忍唔住飲多幾啖湯🤫卜卜蜆船湯黃麵$92船湯係泰式嗰種非常之濃郁嘅湯底，藥材味都算突出🫣卜卜蜆份量唔少而且每隻都好大粒，同埋完全食唔到沙，感到啲材料非常新鮮，另外亦都有跟2粒魚蛋，好彈牙泰式小食拼盤 $78最中意食拼盤，因為可以一次過食幾款種類既野😍今次就有泰式炸蝦餅、炸雞翼、炸芝士雲吞，最吸引都係炸芝士雲吞平時好少食😍入面芝士味濃郁好好食😍😍😍泰式蝶豆花特飲 $28🥤一黎有少少嚇親，顏色比較深色，但好彩有冇我飲落去非常正常，有夏天嘅清涼感泰式龍眼冰特飲 $28真係正宗泰國飲品比較甜🤣🤣🤣但入面好多龍眼好開心，野飲清甜又清爽泰濃麵 (樂道) (尖沙咀)尖沙咀樂道7號嘉樂大廈地下A號舖

到尖沙咀買完嘢，剛巧經過「泰濃麵」，就走入去醫肚。 餐廳裝修簡約，椅子以木系為主。這裡主打正宗泰北風味船麵及冬陰湯麵，餐牌有多款粉、麵選擇，而且湯底及配料均可自由配搭。另外，還有小食、甜品…等等。😋是日選擇：1️⃣泰式海南雞飯🍽嫩滑雞肉，和散發濃郁香氣的米飯，沾上醬汁，增添了風味！2️⃣泰食小食拼盤🔸泰式炸蝦餅、炸雞翼、炸芝士雲吞🍽蝦餅外層酥脆，內裡彈牙。雞翼外層金黃，內裡保持肉汁。芝士喜好者，就不可錯過炸芝士雲吞。3️⃣烚唐生菜配秘制腐乳醬🍽翠綠爽脆的唐生菜，配上秘制腐乳醬，提升了味道的豐富度。4️⃣泰式蝶豆花特飲（跟餐）🍽食完炸物，飲啖特別清爽。5️⃣泰國原個新鮮椰青 🍽泰國菜又點可以唔飲？椰青清甜，解渴。

我真係好鍾意喺尖咀行街街，但遊客區嘢食真係特別貴，最近有朋友推薦呢間泰式船麵，幾近彌敦道，如果行過都可以入去試下！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 1️⃣ 煙鴨胸船湯河粉 ($72) ✦︎✦︎✦︎✦︎✦︎ 我好鍾意有得自己配搭粉麵底/湯底嘅麵！呢間有三種湯：清湯、船湯、冬陰公湯，我驚辣得滯，揀咗船湯，裏面好多餸～有魚蛋、炸豬油渣 (?)、蘿蔔，仲有秋葵！好有趣嘅配搭呢 ⸜(｡˃ ᵕ ˂ )⸝ 2️⃣ 雞髀肉冬陰公湯金邊粉 ($72) ✦︎✦︎✦︎✦︎✦︎ 冬陰公湯比我想像中冇咁辣！但好香，味道好足，仲有海鮮喺裏面，紅紅哋色睇落就好有食欲～♡⸜(˃ ᵕ ˂ )⸝ 金邊粉都好好食，同冬陰公湯好夾！不過有啲細碗，如果食完仲肚餓嘅話可以嗌多個小食（或者好似🐻咁食埋我嗰碗 -.-） 3️⃣ 泰式青檸梳打特飲 ($28) ✦︎✦︎✦︎✦︎✦︎ 好清爽！唔會太甜，如果配埋冬陰公湯一齊食，會覺得自己好似真係喺泰國食緊船河咁～ 4️⃣ 泰式蝶豆花特飲 ($28) ✦︎✦︎✦︎✦︎✦︎ 本身嗌呢碗係想用嚟打卡，但顏色比我想像中深，影相唔算太出彩，不過都幾好飲，俾佢過關啦！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆

久唔久都會想食返碗泰式船粉，今次就來到呢間位於尖沙咀嘅泰濃麵，店內裝修充滿泰國風情，呢到主打正宗泰北風味嘅船麵，每碗船麵都可以按照個人喜好簡完餸之後，湯底同埋麵底亦可以自由配搭，非常之flexible～日本廣島蠔湯飯💰HK$99呢碗湯底簡咗船湯，湯底味道正宗，飲落口係帶有少少藥材味同胡椒味嘅牛肉濃湯！廣島蠔份量頗多，足足有4隻大大隻，另外仲有兩粒魚蛋、秋葵、炸豬皮！由泰式湯底整出來嘅湯飯，估唔到味道原來都好正～頂級安格斯牛肉金邊粉💰HK$92呢碗就揀咗酸辣惹味嘅冬陰功湯！安格斯牛肉脂肪比例較少，肉質嫩滑！另外冬陰功湯嘅湯料仲有青口、蝦、蟹棒等等，金邊粉偏扁身掛湯能力高，同冬陰功湯簡直係絕配～泰式炸蝦餅💰HK$49即叫即炸，蝦餅外層炸到金黃香脆，入面嘅蝦餅肉非常之彈牙，點埋泰式辣醬，味道一流！旁邊仲有埋兩大塊蝦片添～飲品就叫咗罐裝可樂～

最近見航空公司有平泰國機票買，可惜我搶唔到，咁唯有喺香港食地道嘅泰國菜止下癮啦！尖沙咀樂道呢間泰國菜其實消費好大間，而且裝修都幾得意，所以今日就決定同朋友一齊嚟食晚餐。呢度嘅麵餐可以自己揀配料，再揀湯底，所以完全可以食到自己心目中最想食嘅船麵。我要咗芫荽山金邊粉配船湯湯底。一上枱真係歪咗一聲，超級無敵大碗，見到都好興奮，芫荽迷一定要嗌！船麵湯底都好濃郁，食到最底原來下面更加有蘿蔔同魚蛋，真係一碗充滿驚喜嘅船麵！頂級美國肥牛配冬陰功湯底，特登揀咗黃麵，冬陰功湯底有少少辣，加埋隻蝦都好大隻，朋友話幾好食！另外小食方面就要咗個烚唐生菜配秘製腐乳醬，同埋個炸芝士雲吞。烚唐生菜雖然清淡，但係個腐乳醬先係靈魂！另外個炸芝士雲吞其實勁好食，本身好鍾意芝士嘅我，覺得一碟剩係得四件真係唔夠！

叫左卜卜蜆船湯，結果上錯左冬陰功湯，1分鐘後就已經換到第二碗，我心諗，咁快既？食左兩啖覺得有冬陰功味，望真d 個湯，有d d冬陰功湯的色水，仲有d冬陰功湯先有的香料，明顯係換湯唔換料，極度求其，敷衍客人。我問職員點解船湯會有紅辣椒同味道咁辣，佢答船湯係有d 胡椒辣。係咪當人傻架？？？ 幫襯過呢度幾次，次次都食船湯，冇一次係咁既味架，已經成一百蚊一碗啦，咁樣黎耍d 客。我費是再換，拿拿林食完就走。極度失望，就算覺得好食都唔會再幫襯。

船麵真係百吃不厭，係泰國通常都係有糖、魚露、辣粉自己調味，呢間船麵湯頭夠甜同埋已經好濃，所以食得辣嘅落埋辣粉更惹味！除咗船湯之外，仲有漬湯同冬陰功選擇～麵亦有河粉、金邊粉、黃麵、湯飯、紅薯粉選擇～餐廳放於文末～🔹卟卟蜆船湯金邊粉（$92）蜆都幾大粒，鮮甜無沙～湯底配有炸豬皮、白蘿蔔、魚蛋及秋葵🔹廣島蠔船湯金邊粉（$99）蠔亦都幾大隻，口感幾爽～🔹泰式炸蝦餅（$49）除咗蝦餅之外仲配埋炸蝦片，抵食！📝餐廳參考：⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7.5/10服務： 7/10環境： 8/10CP值： 7/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

第二次吃的泰式船湯麵😋上次第一次吃船湯食過一次之後念念不忘今次晚再吃一次例牌叫了一碗牛肉😝我選了頂級肥牛配船湯然後配黃麵。我個人非常喜歡它的湯底！湯底帶點藥材味，好香好濃郁。配料有炸豬皮，魚蛋，蘿蔔，秋葵我覺得跟湯真的非常之合適😝某人就點芫荽山配冬陰功湯底要了薯粉因為本人不吃芫荽，但對於喜歡吃芫荽的人應該會非常之興奮。冬陰功湯有青口，大蝦做配料。另外叫了泰式炸蝦餅配有蝦片飲品叫了青檸梳打和泰式蝶豆花特飲非常之適合夏天清爽😌之前第一次是吃下午茶