泰濃麵 (樂道)

营业中

休息中

睇完泰國啲飲食節目，好想食船麵之類嘅嘢！係尖沙咀isquare一行出嚟，就見到間專食泰麵嘅，就一於試下佢啦！頂級安格斯牛肉船湯金邊粉肉質好味，夠滑夠腍，個湯底好味得嚟又唔會太醎！條秋葵為碗麵增添了不少風味👍🏻日本廣島蠔冬陰功湯金邊粉碗麵好足料，啲蠔大大隻，又夠多！爽呀！個冬陰功湯底都唔錯，配金邊粉一流👍🏻炸雞翼佢啲小食炸物真心唔錯！個雞翼係生炸的，所以炸得好香，啲皮都好香！唔會好似出面好多炸到隻雞翼好大層粉😋 啲肉都好嫩滑！泰式炸蝦餅 蝦餅都炸得好靚，外國酥脆，入面一啲都唔乾身，仲好juicy😋 旁邊仲有好多塊BB蝦餅，好正！可以係尖沙咀中心地帶，方便食到間似樣嘅泰船麵，而且價錢合理，是個不錯的選擇！

泰濃麵．香濃湯底與出色炸物的完美邂逅尖沙咀樂道的「泰濃麵」是一家主打泰式風味的餐廳專注於提供經典泰國美食和細膩的湯底出品唔錯，特別係以香濃的湯底、出色的炸物和細膩的海南雞，令人回味無窮香濃湯底：冬陰功湯的驚艷首先來說說他們的頂級美國肥牛冬陰功湯河粉湯底可以說是這道菜的靈魂酸辣可口，刺激！而且帶有濃郁的椰香，與酸辣交織出的複雜風味相得益彰大蝦是鮮甜爽彈，入味輕輕一聞就讓人食指大動酸中帶辣，冬陰功本身的強烈香氣，使得每一口都充滿層次美國肥牛片更是令人驚喜薄片牛肉在熱湯中輕煮至剛熟口感柔軟且帶有恰到好處的油香與濃郁的湯底完美融合炸物出色：泰式小食拼盤的亮點接著要特別推薦他們的泰式小食拼盤其中包括炸蝦餅、炸雞翼和炸芝士雲吞這道拼盤是泰國街頭小食的縮影，但水準卻超乎預期炸蝦餅的外皮酥脆，內裡卻飽滿多汁咬下去可以感受到蝦肉的鮮甜每一口都夠厚實且不油膩，配上泰式甜辣醬，甜中帶辣的醬料為蝦餅增添了新層次的味覺體驗炸雞翼則是焦脆得宜，肉質依然保持嫩滑多汁好食好好食最令人驚豔的還是炸芝士雲吞，外皮香脆，但內裡卻是濃郁的芝士醬口感香脆特別海南雞飯泰菜的經典的代表作海南雞的雞皮薄而不膩，雞肉嫩滑且入味每一口都

Lunch同同事去咗公司附近食泰式麵。小店裝飾充滿泰國風味。乾淨企理，兩個人都可以坐卡位。靜靜地又可以傾吓偈。泰式小食拼盤首先，我點咗泰式小食拼盤，裏面包括蝦餅、芝士餃子同埋燒雞翼。蝦餅外脆內嫩，蝦味濃郁，搭配一啲泰式醬汁，味道更上一層樓。芝士餃子就係我最鍾意嘅，外皮金黃酥脆，咬落去即刻流出熱辣辣嘅芝士，真係好吸引。燒雞翼就係經典，外面烤得香脆，肉質鮮嫩，入味十足。卜卜蜆冬陰功金邊粉卜卜蜆冬陰功金邊粉，碗湯麵真係一絕。湯底酸辣開胃，完美融合咗冬陰功嘅香料味，令人食得停唔到口。金邊粉口感滑順，吸收咗湯底嘅味道，裏面仲有新鮮嘅蝦，肉質鮮甜，絕對係一碗讓人回味無窮嘅好湯麵。飲品飲品方面，我哋選擇咗原隻椰青同埋青檸梳打。椰青清新解渴，椰汁香甜，十分滋潤。青檸梳打就有一啲清新的酸味，幫助消解食物嘅油膩感，非常適合搭配重口味嘅菜式。

我好鍾意食粉麵超濃郁既湯底就更加鍾意今日係尖沙咀發掘到呢間食泰國野佢仲有海南雞飯都好吸引不過最後我揀左「卜卜蜆薯粉配船湯 $94」一杯泰式青檸梳打特飲 原價$29 （餐飲+$18）蜆肉好肥美好大隻，好吸引配埋船湯個湯底超濃郁，好好味我就揀左薯粉薯粉吸哂湯既精華好好食👏🏼船湯底用超過20種材料熬煮超濃湯汁，有南薑、香茅、青檸、花椒、八角、桂葉、丁香、胡椒、芫荽根、班蘭葉、蒜頭等等 ，再加上30斤豬骨熬製8小時，過程不加味精。除左薯粉仲可以揀其他的河粉、金邊粉、黃麵、湯飯唔鍾意船湯仲可以揀冬陰功湯 或 清湯都得大家如果經過都可以一試今次整體黎講係正既👏🏻5⭐️為最高味道：⭐️⭐️⭐️⭐️推薦：⭐️⭐️⭐️⭐️回頭：⭐️⭐️⭐️⭐️泰濃麵地址：尖沙咀樂道7號嘉樂大廈地下A鋪

泰國旅行之後一直都好想食多次船麵，咁啱見到呢間就決定試一試。- 頂級安格斯牛肉船麵半生熟嘅安格斯牛肉同魚蛋非常之出色，再加埋炸豬油鋪喺面頭絕對係一個加分，湯亦唔會話好鹹，整體嚟講非常之好，如果湯有辦法再多啲嘅話絕對會加爆分。- 青木瓜沙律酸辣又清新，但辣度較高🌶️！如果唔食得辣嘅話建議叫佢哋加少啲辣，or直接skip呢道菜。- 泰式炸腩仔最有驚喜嘅一道菜，鬆脆多汁，油脂同肉嘅分布比例非常之平衡。絕對值得在返篼食多次。

📍泰濃麵 (樂道) (尖沙咀)📍尖沙咀樂道7號嘉樂大廈地下A號舖🟡黑豚肉船湯金邊粉$74🟡頂級美國肥牛船湯黃麵$74🟡泰式炸腩仔 $88🟡泰式香茅班蘭梳打特飲 （套餐加$18 ）黑豚肉船湯金邊粉湯底濃郁，黑豚肉質感細嫩，湯頭有淡淡的香料味，好有泰國風味，同埋份量都大，好滿足。頂級美國肥牛船湯黃麵的肥牛質感非常軟嫩，肥牛增加了船湯的油脂香氣，好食！泰式炸腩仔好香脆，外皮酥脆，內裡肉質豐滿，唔會好油膩。作為小食係真係出色，呢個價錢係對得住呢個質素！泰式香茅班蘭梳打特飲充滿清新的香茅香氣，班蘭的淡淡甜味與梳打水的清爽感完美結合，好解膩！

尖沙嘴泰濃麵的地點非常方便，就在iSquare後邊。餐廳門外的玻璃櫃內放滿椰青和梳打水等，內裏的牆上掛滿美食圖片，簡單的裝修擺設，令整間店舖充滿泰國特色。廣島蠔船湯泰式河粉船湯的湯底非常濃郁，帶有鮮明的海鮮味。麵中還有脆脆的魚皮，增加了層次感，讓人每一口都能感受到不同的驚喜。還有爽口彈牙的魚蛋與清甜的白蘿蔔。最特別的是那一枝秋葵，頓時在濃郁的湯底裏增加了一股清新的口味。廣島蠔頗大隻，味道新鮮。蠔味與湯底的味很夾。頂級安格斯牛肉肉船湯黃麵船湯湯底保持著濃郁的特色，黃麵的彈牙口感與濃郁的湯底配合得很好。還有那脆脆的魚皮和爽滑彈牙的魚蛋，盡吸收了湯的精華。安格斯牛肉的肉質非常優質，肉質鮮嫩，讓人每一口都能感受到肉汁的豐富。炸芝士雲吞炸芝士雲吞外酥內軟，炸得非常金黃酥脆，讓人一口咬下去時，酥脆的外皮與濃郁的芝士相互交融，口感非常享受。整體來說，這次的泰國美食體驗不僅在口感上有著極高的滿足感，味道上也給予了極大的驚喜！

是日跟友人收工在Isquare閒逛過後在附近找到一間主打泰國湯飯/粉麵的店舖, 主要是被門面的食物相片及電視廣播吸引以進入餐廳😆。 餐廳採用工業風水泥裝潢, 室內牆身掛滿主打食物圖片的相框令人增添食慾感😬。 以下是跟友人點了的食物： 🐚卜卜蜆船湯金邊粉驟眼望落去起碼最少有十粒又大又肥美的卜卜蜆份量真的相當足, 味道仲好鮮甜沒有沙👍🏻。除了卜卜蜆外湯底仲有魚蛋和炸豬皮做配菜。（魚多彈牙爽口完全唔腥） 食湯麵第一件事一定係飲啖湯先啦！本人覺得味道有點似沙茶醬和少少香料的味道偏濃味, 但整體來說唔會太咸飲完唔會覺得口渴無味精的感覺。金邊粉麵質”偏”林身又吸湯，所以當麵吸入湯底後味道更突出更提昇到另一層次。🐷黑豚肉船湯金邊粉豚肉肉質處理得唔錯👍🏻唔會過硬或過林, 最緊要食落唔會"鞋"口, 味道又唔羶真心不錯👍。同樣湯底配料有炸豬皮同魚蛋, 除了金邊粉吸湯外炸豬皮都相當吸湯, 所以說湯底十分重要如果處理不當會影響整碗麵味道😏幸好這餐廳在處理湯底味道上處理得不錯。🐔炸雞翼一碟四隻炸雞中翼賣相相當吸引, 皮脆肉嫩咬開時肉汁相當多配泰式辣醬一齊食味道更佳🙈。 🍹泰式青檸梳打特飲食泰國野當然要飲番杯泰式

香港人愛吃泰菜，近年更興起吃船麵。船麵在泰國是廉價味美的平民食物，起源自當地水上人家!呢間位於尖沙咀泰式船麵小店主打新派泰式船麵，聽店家講船湯底用超過20種材料熬煮超濃湯汁，有南薑、香茅、青檸、花椒、八角、桂葉、丁香、胡椒、芫荽根、班蘭葉、蒜頭等等，認真足料!安格斯牛船麵頂级牛肉多汁又嫩滑，入口即溶，牛味濃郁，令人齒頰留香，更可取的地方是份量多，物超所值，一個大男人勉強先食得曬!卜卜蜆船麵以蒜同芫荽製成湯底，蜆肉無沙粒而且鮮甜飽滿，湯底香濃，用料十分新鮮!淡淡的龍眼冰，清甜好滋潤，係消暑必備良品!

呢間銅鑼灣都有分店，但係就多啲款式～#### 煙鴨胸冬陰公金邊粉 ($74)煙鴨胸正常，帶有煙燻香氣，搭配酸辣的冬陰功湯底和滑順的金邊粉，味道比一般偏辣！#### 黑豚肉冬陰功湯麵金邊粉 ($74)黑豚肉薄切，湯底酸辣可口，湯底仲有不同海鮮例如大蝦，蜆肉青口等～#### 泰式炸蝦餅$49炸蝦餅外脆內嫩，搭配甜辣醬，彈牙 最推薦呢個！#### 龍眼冰$29龍眼冰清爽 超多眼肉，適合用餐後解膩，解辣！#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食

黑豚肉東陰功金邊粉是我此次用餐的重點。湯底濃郁，酸辣適中，完美融合了椰漿和香料的風味。黑豚肉切得厚實，肉質鮮嫩，搭配金邊粉的滑爽口感，令人一口接一口，停不下來。特別是那幾片新鮮的香菜和檸檬片，增添了清新的層次感，讓整碗湯麵更加誘人。接著是海南雞飯，這道菜在泰國餐廳中並不常見，但泰濃麵的做法卻讓人耳目一新。雞肉經過精心燉煮，肉質鮮美且多汁，搭配特製的醬油與香油，味道更加豐富。飯粒分明，吸收了雞湯的精華，香氣四溢，堪稱絕配。最後，炸豬皮是我最喜歡的開胃小食。外脆內嫩的口感令人驚喜，每一口都帶著濃郁的香氣，搭配特製的醬料，更是讓人欲罷不能。這道小吃絕對是啤酒或泰式飲料的完美伴侶。

頂級安格斯牛肉船湯金邊粉，超濃郁嘅湯底，金邊粉吸收哂湯汁精華，配埋肉質柔嫩多汁嘅安格斯牛肉，一啲都唔韌，仲食到好濃郁嘅牛肉味雞脾肉船湯河粉，雞脾肉肉質有彈性而又嫩滑，而且都好juicy！配埋濃郁嘅船湯河粉，幾好味，份量都足夠炸魚餅炸得呈金黃色，香脆又可口，食落口有啖啖魚香之餘，仲帶有少少香辣味道，好香口，充滿泰國味道！蝶豆花有微微花香味青檸梳打消暑解渴一流餐廳舒適寬敞！餐廳店員服務態度好友善，抵讚

第二次食泰濃麵，因為中意船湯夠濃，落足香料！今次試埋海南雞飯同泰式拼盤，我推介以下菜式：🥢廣島蠔船麵 ：廣島蠔好大粒，蠔味同船湯味道好夾。建議揀金邊粉，因為好索湯汁。🥢泰式拼盤：泰式炸蝦餅好厚好彈牙👍🏻，炸芝士雲呑就一般同埋出油。🥢海南雞飯：雞皮爽口，雞腿肉有雞凍好嫩。雞油飯都好香唔太油。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

位於尖沙咀樂道，係正i square 側非常易搵，就腳方便。主打供應船河，亦有多款泰式小食及海南雞飯供應。餐廳設有卡座 及4人圓枱。地方整體清潔企理。《雞脾肉·船湯·金邊粉》（74）：雞脾肉夠嫩滑。《芫茜山·船湯·泰式河粉》（$84）：真係勁多芫茜，超級誇張。除咗雞髀肉、芫茜山，更有豬、牛、羊、鴨、蜆、蠔及龍蝦海鮮可供選擇添。選了船湯本身已有炸豬皮、蘿蔔、秋葵、芽菜及魚蛋，足料湯底濃。另外亦有清湯及冬陰公湯底可選擇。《泰式炸蝦餅》（$49）共有有三件，蝦餅十分彈牙。跟餐加$18已經可以加配特飲，點了泰式特飲《龍眼冰》&《蝶豆花特飲》。

位於尖沙咀iSquare隔離嘅泰濃麵喺上班時間都需要排隊，有外國人都慕名而來點菜方式非常簡單，先選湯底，再選配菜及湯麵嘅種類，另外可以加$18要泰式特飲，之前試過斑斕特飲同埋青檸梳打都唔錯天氣咁熱特別想飲有氣嘅嘢，今次就揀返青檸梳打，泰濃　麵用singha梳打水，我覺得比起綠色更加好飲！我嗌咗黑豚肉船湯配薯粉，入邊有超級爽口嘅芽菜、原條秋葵、魚蛋、豚肉配上非常濃嘅船湯，令我諗起喺泰國一個人食五碗船麵嘅情景❤️鋪滿晒炸雲吞皮同埋炸豬皮超開心！特別欣賞泰國嘅炸豬皮，食落爽脆，又唔會有油益味，又酥又脆又香，浸落濃郁嘅湯頭入邊好滿足羊肉片配冬陰功湯薯粉，羊肉夠晒膻，冬陰功湯底又香又辣，特別吸引味蕾，有青口同埋蟹柳，一口面再加埋一口湯，令我過足泰國癮泰式小食拼盤有兩件泰式炸蝦餅、兩件炸雞翼同埋兩件炸芝士雲吞，炸蝦餅非常彈牙，可加埋泰式辣醬一齊食炸芝士雲吞比較特別，芝士雲吞嘅餡料咬落煙靭，芝士味道濃郁，如果鍾意食軟軟糯糯嘅口感就啱晒，炸雲吞嘅邊好脆，點一點湯底食又係另一番風味👍