泰特色泰國餐廳 (已結業)

喺門口經過 見到有西米糕賣都有唔少人買緊於是外賣一啲返屋企西米糕 面頭嗰浸椰汁好香好甜裏面係有芋頭的出面坊間好多都係剩係得粟米沒有芋頭呢度係有芋頭有粟米有西米好好食$7@ 1個另外仲試咗椰汁糕反而呢個嘅椰汁味冇咁重但係都好爽口 芒果布甸 普普通通正常味道

行完山就落番荃灣，唔多開胃所以揀咗間泰國菜嚟食。呢一間豬手飯超級好食！因為平時好少茶餐廳有得食豬手，所以通常去到泰國菜餐廳都會叫豬手飯！豬手分量夠多，係肥咗少少，但係唔會話好膩，整體入口即溶，肉都夠香，汁唔會死咸！配飯好好食！椰汁冰就略嫌甜左少少，但係配返豬手飯嘅話就啱啱好，呢一間如果下次經過荃灣會去食，佢前面仲有特色甜品賣呢！

行開去荃灣廣場，路經一間名為泰特色泰國餐廳。見到D糕點好精緻。價錢好平。買咗紅豆糕同珍多糕。個味道好清甜。紅豆糕紅豆好足。好重紅豆味。個珍多糕好重泰國珍多冰味道。今次我只買外賣，下次會去食泰國菜。

今日2-12-2020 (Wed)媽嫣死忌,同老公放假去拜祭,買咩嘢俾媽媽呢?沙爹串燒,媽媽生前應該冇食過.我哋行經呢間,老公見到呢喥有串燒,我就好雀躍要買,$13.00一串,$36.00三串.咁我就要燒雞全翼,豬頸肉同墨魚丸,老公就要$20.00一盒嘅千層糕,同唔知幾錢嘅芒果雙色糯米飯,共收$101.00,即係芒果雙色糯米飯要$45.00.買嘅時候,店員話未有串燒住,咁算啦,去第二喥買,點知又話搵人落嚟燒,由於即燒,都等好耐,為免繼續嘥時間,老公就繼續等,我就去買祭品.我哋拜祭完後就開餐.1. 墨魚丸串燒有4粒,冇乜調味,蘸泰式辣汁係好啲嘅,不過我就唔蘸咁多喇.味道: 3分2. 豬頸肉串燒有5件都幾厚,口感都仍彈,夠味.味道: 4分3. 雞全翼都好似冇乜調味,淡淡地.味道: 3分4. $45.00嘅芒果雙色糯米飯雙色嘅意思係有黑,白糯米,由於凍咗,所以黑糯米比較硬,但白糯米又正常軟糯,好味.芒果唔會太酸,幾正.味道: 5分5. $20.00 嘅千層糕口感軟綿綿,但我食唔出咩味,應該都係椰汁斑蘭啩,但味道比較淡.味道: 2.8 分抵食係2.7分

禮貌啲講野係咪要收手續費架呢？本身都好鐘意食呢間野啲糕點，外賣就六七蚊一件，堂食就三十四蚊四件，講真係真係幾好食既，但發財要立品囉，無班客仔幫襯你又邊有錢出糧交水電呢？啤酒要叫幾個待應先攞到來，唔知仲以為要通過測試先可以上枱呀燒雞同啲小食同價，你會叫邊樣？88蚊4條春卷，嘩你估你大酒店咩，好過去搶呀。呢條魚有放心思既，可惜配料唔多。另外菠蘿炒飯就真係只為飽肚，完全係飯有飯炒，料有料上。唯一好既係飲品囉。

依間串燒好似無咩人識食正常人去到路德圍都會去棟篤食搵串燒但其實依間開左半年到既串燒仲平仲好味🤣不過就無幾多款可以選擇款式果啲可以睇番張圖今次就點左墨魚丸 雞串 豬頸肉豬頸肉係細細條果啲有十條左右 唔會太肥太多脂肪🤤

食住疫情水尾，這間店做緊8折，一於入去試下。馬拉盞炒通菜係今晚餸菜中表現最優秀嘅，但實在太細碟。明爐烏頭味道正常，普通，沒咩特別。但係本人不太滿意泰式濕炒河d河粉炒到lone黑色，味道不見得怎麼亦不利健康。

去到荃灣路邊圍咁多野食，但街邊熱辣辣都想搵間有冷氣既坐低慢慢食。呢間泰國餐廳之前食過下午茶都幾抵食，夜晚散叫都唔錯。泰式金柚蝦沙律 除左塊墊底生菜就無菜，一蝶柚子，大蝦加腰果，酸酸甜甜幾開胃。泰式拼盤 有豬頸肉，春卷同蝦餅，正常既，但得兩塊蝦餅兩條春卷切半唔係好抵食。泰式香辣海鮮炒河 料都幾多，唔算好辣，食落唔覺好油，都唔錯上菜夠快，食物唔係太特色但整體都唔錯。地方夠大，座位夠多，食完傾下偈唔怕比人趕，幾適合Gathering。

呢間野食過兩次，第一次感覺都ok，到近日食第二次，好失望😔第一次係食晚市泰式辣肉碎炒飯：幾香同幾濃味，辣肉碎＋脆豆角粒，口感好豐富。食到一半，開始覺得油膩，落左好多油去炒，整體係好食嘅，只係太油大蝦粉絲煲：呢個係男朋友叫嘅，佢覺得好食，粉絲份量多同入味第二次食午市濕炒牛肉河粉：將材料（雜菜、牛肉）＋芡汁一齊炒完再淋上白色河粉到，一上枱，賣相已經唔開胃，味道就似出面濕炒牛河陣味，好普通牛肉冬陰功河：個賣相ok，一食就出事，完全無冬陰功陣酸辣味，個湯好怪，唔似平時食開個啲，有陣椰子同咖央味，完全唔夾泰式鳳爪沙律：正常味道泰式雞棗：一粒炸物，將啲肉泥加啲香料，包腐竹整成一粒粒咁去炸，點泰式辣醬食，都ok第一次食覺得都ok，正常價位。但食完第二次就覺得好失望，下次未必再幫襯。本身係好鍾意食冬陰功，冬陰功已經好基本，今次真係食得好唔開心

4月29日去完大澳行下影完相，之後又坐巴士去到荃灣路德圍揾野食。行左一陣，美女話食返上次間泰國野所以就去返呢間泰特色。入去量體温就入坐，安排坐卡位但好涷係風口怕女孩子凍親所以轉坐圓枱。今日試下其他野菠蘿炒飯，半隻菠蘿上炒飯夠香而且足料，有蝦，魷魚，帶子，蟹柳，肉鬆。味道好味又夠份量，而且菠蘿很新鮮食完個殼內的菠蘿還有好多汁。肯定是即叫即開的。黑椒大虎蝦2隻，呢個一上有點失望，因為同圖不一樣是用碟上不是用堡仔上。個汁雖有黑椒但唔夠野味黑椒味也不夠，所以香味也不多。蝦炸得比較乾身冇乜蝦味，而個汁同蝦似分開咁唔多夾而且個底冇粉絲雖然有好多汁但沒有用。有點失望。。。蠔仔蛋，鐵板上吱吱喳聲夠熱，份量亦好多。食落香蠔仔都多，新鮮冇腥味底下還有牙菜very good。呢次有點失色但都可以再試下其他。註，買單的時候有段小插曲，美女請食飯她買單時比錢冇數到錢，張單$319她比了$420之後仕應小姐返來講比多左$100，我覺得她很成實。而且美女叮足我一定要打呢段，說她服務一流而且誠實。謝謝！

疫情期間外出揾食， 一定係揾一間地方夠大既， 無得去旅行就去食下泰國菜，樓下就見到哩間寫8折， 門面還可以， 上到去地方亦夠大，很好睇餐牌見到有d套餐， 都幾抵， $248-3xx就有一個爐魚同一個蝦或蟹， 但因為套餐無8折， 最後諗過都係叫左個冬蔭功爐魚同埋泰式炒金邊粉，先講冬蔭功爐魚， 大大份， 仲有冬蔭功湯另上， 亦有金菇同菜係面， 好抵食， 但想食正宗冬蔭功既就應該未必中意， 我地叫左唔好咁辣， 想不到完全唔辣，但因為天氣熱我自己食落就好ok, 仲飲哂d湯， 返到屋企都無飲好多水好口渴， 真係唔錯， 另一個泰式炒金邊粉就麻麻， 一d都唔熱仲要有d一團嘢， 似自助餐擺出黎個d, 埋單$21x, 確係抵食， 以坐得舒服同埋爐魚大大份， 我覺得性價比都高， 反正去到泰國正宗既泰菜都唔差好遠

因為疫情，大家都一直留喺屋企，保持距離，今日係一位好朋友生日，又適逢假期，大家都決定快速聚餐慶祝一下海生蝦刺身，爽口又彈牙，大大啖蝦肉，好鮮甜，而個汁夠辣，夾埋蒜片一齊食好正糯米釀雞翼，剛剛熟，皮脆有肉汁，糯米煙韌有咬口珍寶蠔焗法包，我覺得有少少腥味，麻麻地菠蘿燒魷魚串，好香口野味，配上柚子汁，好清新泰式黃金蝦，蛋黃醬好香濃，包裹全隻炸大蝦，送啤酒真係絕配軟殻蟹窩巴，個咖厘汁唔夠香料味最後送上甜甜，我最鐘意紫米糕，所以臨走時，去買多幾件返屋企

3月15日的晚餐星期日路德圍非常多人，5：30人山人海。朋友話要食泰國菜所以我揀左這間，因為平時下午茶有食過都ok.因為時間尚早所以冇乜人，我地坐係卡位。呢度種類都多可以叫好多野食，但得2個人就叫得唔多。串燒，新鮮即叫即燒。叫左個雙拼半打一半豬肉一半雞肉，雞肉串嫩滑有汁豬肉有汁仲有咬口，再配沙爹汁係面好夾。仲要熱辣辣非常好食。大蝦炒金邊粉，個粉炒幾好煙煙韌韌仲有花生碎伴碟，可惜蝦太少得3隻細的。青咖啡牛，個汁點蒜蓉包好正個汁可以再(傑)點。水左小小掛得唔多上個包到，牛肉就麻麻地。蒜蓉包，金黄香脆淨食都一流。黃飯，青香。芒果糯米飯，呢個正一黑一白而且芒果好甜。總括可以再來試下其他野。

今日想食泰國野, 原本去嗰間 bye bye 左所以去路德圍附近揾見有兩間(地下一間 , 2樓一間)已經係到好多年 所以就是但去一間 以爲開得咁耐 應該唔會太差 點知就開始中伏  ... 2人餐分量好似好多 我地兩個女仔實食唔曬 所以決定散叫 : 1. 泰式黃咖喱牛肉2. 大蝦炒金邊粉3. 馬拉盞炒通菜 首先係黃咖喱 , 唔講我仲以爲係湯 稀到一個點 完全無咖喱味 已經覺得伏伏地 後悔點解唔去地下個間之後黎個金邊粉 ... 痴綫 我覺得佢係濕炒 ! 賣相 顔色 味道 完全唔得 我睇均成碟野 揾到兩舊蝦仔咁大把 好好奇究竟碟金邊粉幾錢 就睇返個 menu 點知個侍應 9秒9行埋黎話係金邊粉無上錯 態度勁無禮貌 我都未出聲就黎話我 我都忍唔住問係唔係得兩隻蝦 侍應大大聲話 " 係呀 係得兩隻 " 頂 ........ 點解要比錢受氣 Photo Hunt  : Where's 蝦蝦 大蝦炒金邊粉 - $88 最后馬拉盞炒通菜又等好耐先上 好明顯就係等埋其他單先一齊炒唉 不過味道係最正常 都算啦依個故事教訓我 , 唔好以爲間餐廳開左好多年就唔會難食下次都係睇定d 先好揀食邊間

叫咗個蟹粉炒粉絲點知嚟咗個蔬菜炒粉絲叫咗個咖喱雞點知嚟咗個冬陰功咖喱咖喱稀到一個點 賣到$88黎呢啲咁嘅垃圾快啲去隔離嗰間baba station食好過啦一啲都唔抵食 唔值呢個價