泰發泰國餐廳

营业中

休息中

这裏的泰國食品頗正宗，他们的豬手饭上的豬手很大隻，大半个碟那么大，肉質林滑，味道很不错。而東陰公湯金边粉也很好味，辣得来很香，亦不会太过辣，而且用料十足，大蝦亦弹牙。这里的午歺連饮品都是约五十元，都算抵食。

適逢大時大節都會同屋企人一齊食晚飯，但結果通常都係一肚氣。如果無book位，可能等返2-3個鐘。同埋啲舖頭一定加晒價，實在好難搵到合理價錢嘅餐廳。我就係依個情況下食咗依間係盈豐商場平時我唔起眼嘅泰國餐廳，即刻有位，心諗一定唔平得去邊或都唔好食，但結果正正相反，好有驚喜以上只係當日部分嘅食物，但都係依間餐廳勁好味嘅餸菜之一。燒牛肉、明爐魚、冬陰公都係我同屋企人食到停唔到口嘅。佢地都帶有少少辣。但認真講句，泰國菜無辣就無意思啦，叫個椰青飲下解辣都真係幾爽。金邊粉佢地比啲花生碎都好大方，食到好滿足。整體黎講，大時大節唔加價，餸菜又好味，試下無妨

無咩裝修，企理吧，看看餐牌，午䬸四十幾塊，屯門區，滿合理。點了泰式蠔仔煎蛋飯，還有泰式滷水豬脾飯，滷水豬脾入味，而且滷水味淡雅不嗆喉那種，豬皮好腍軟，入口膠質濃重又軟化口中，有一種妙不可言的㕿軟啫喱感，豬肉質又是麼滑溜，香口，加上滷汁撈飯，一碟平凡的滷水豬手飯，食落又不是那麼平凡，很美味的午餐，別忘了豬手原隻上，份量足，上碟時，很滿足啊!飯很香，有韌度的絲苗米飯，蠻好吃的，蠔仔多，蛋香夾著蠔鮮而來，加了點泰式甜醬，提鮮開胃，只能說有一種不得言喻的感動和滿足，很好的午餐，感恩。小店每次都帶給我們驚喜。

中午來吃個午餐，價錢約四十多元，咪以為好抵，食落先知揾笨。我點了青咖哩豬扒飯，來到的是三小條豬肉再加三件泰國茄子，餘下的是一大碗青咖哩汁。我唔會再比機會你有下次。

屯門店地方不大，但食物质素確实不错。他们的東陰功湯河，鲜濃的蝦味，辣得相当惹味，而且配料十足。另外豬手飯更是美味，一大隻豬手，果真有睇頭，肉质鲜嫩林滑，加上美味的汁料，也只是50元，相当抵食。配上他们的小食併盤，有炸蝦饼、魚餅、泰式春卷等，可谓三丰富美味。

朋友帶路食泰菜，食物好味，但服務一般。招牌泰式燒牛肉 $118份量都幾多，成座燒牛肉山，要讚一下廚師，真係燒得好好，肉嫩多汁唔會熟哂，仲有陣燒烤香味保留牛肉上，配泰式醬汁，酸甜帶辣唔會膩，越食越停唔到口。泰式拼盤 $118有齊5款小食，亦可以叫2款，價錢更實惠。我們想一次食齊多款小食，特別想食蝦膠皮蛋，彈牙蝦肉包著濃郁味道的皮蛋，原來夾到仲好食。炸魚餅細細粒，都好香口惹味，而且有泰式香料味。串燒有豬肉同雞肉，雞肉充滿彈性都好多汁，但豬肉太乾硬，幸好個醬都幾香。炸蝦餅啖啖肉好厚身，有蝦味且爽彈口感，外皮金黃酥脆。春卷亦同樣炸得脆卜卜，仲係鬆脆的口感，餡料唔太多，但有豬肉碎好惹味。冬陰公(S) $68冬陰公湯每人有碗幾，夠酸同辣，仲有好香的泰式香料味，香茅味令人更清爽，而且材料豐富，有大量菇好有咬感，仲有2隻大蝦，肉質結實爽彈，味道好好。泰式炒金邊粉 $55賣相一般，但調味剛好，炒得爽口唔會糊，雖然無整蛋花網來包飯，但蛋絲份量都夠，反而口感豐富左。如果配料的花生碎.....多返點就會更香口。

這間泰國菜是我們的飯堂，每次我都只會叫海南雞，一來我是海南雞迷，二來這間的海南雞不錯，飯很入味，冬瓜雞湯都夠味，但像加了味精。主角海南雞都挺滑，入味，沒有雪藏味。平時不吃辣的我，也對它配的汁很喜歡，很開胃。

泰發分室外和室内，室外地方較闊落，今日涼涼地，我地就選擇坐室外。我地三大一小叫了三個午餐，午餐的份量都幾多。泰式豬手湯河，豬手是分開上的，上枱時真的嚇一跳，好大的一隻豬手，夠淋夠入味，濃味的豬手配上湯河，好好味。泰式菠蘿炒飯，大大一碟，配上肉鬆好惹味，但略嫌炒飯淋身。冬陰公蠔仔湯飯，湯底真的很重要，湯底辣辣的，帶有椰香味，令到整個湯飯很出色。 簡單的加上蠔仔，肉碎及菇已經好好味。飲品叫了龍眼冰及凍檸茶，叫了小冰，但冰是完全無小過。

叫左個青咖哩雞配白飯，點知青咖哩雞黎左先，但白飯就遲遲都未黎。之後就搵夥記跟一跟白飯，點知個夥計就話未夠熱要等等。等到其他餸都到齊，等到個青咖哩雞都凍晒，個白飯都未到，心諗整個白飯都咁耐。點知個白飯黎到，見到都唔開胃，好似夾硬刮出來既飯，個飯又林又爛爛地咁，d飯爛到bb都唔想食 ，忍唔住吐返出來🤮！一間餐廳最基本既白飯都做唔好，真係好失望！另外，餐具污糟到不堪入目，起碼換左兩次餐具。其他餸都還可以。

今朝急凍鳥日同老友苦戰一小時，仲比我捉到隻色違嘅，又攰又口渴早餐都未食，所以就近有間就衝入去。 因午餐時間，所以求其叫碟頭飯。坐陣見好多嘢食相片都幾吸引，有侍應旁邊便順口問有無生蝦，竟然有，是关真係好多泰國菜館未必有生蝦供應，即管就叫碟試下食物如下:1) 泰色海南雞飯: 估唔到咁好食，又滑又有雞味，份量又多，配埋個汁一流。 九龍城嗰班都唔係間間及得上佢2) 泰式朱扒飯: 好多汁，我預期香茅果種分唔清越南同泰國，都好食嘅3) 生蝦: 正常！ 汁唔夠我女友調得好4) 凍奶茶: 我叫小甜，店員話泰式係無小甜……我心諗係咁糖水同茶早混好雪至耍我， 係甜咗啲，不過茶味濃午餐40幾蚊個，生蝦90幾！ 抵食

今日突然好想食越南湯河，係OpenRice搵黎搵去，最後都係決定去泰發買個雞絲湯河喇！點知去到冇左雞絲，得返其他扎肉，肥牛之類咁就唔洗諗咁多喇！食返海南雞飯算數~返到屋企，打開個飯，真係忍唔住要上黎寫食評。冇記錯上次買泰發海南雞飯返屋企，已經係1年前既事，嗰陣已經覺得幾唔錯，平時都會落鋪頭幫襯佢，不過就唔會叫海南雞飯，因為成班朋友，梗係食d平時自己一個食唔到既講返個飯，一間屋企樓下既餐廳，價錢冇變，份量冇變，重要放到d送咁靚，我真係有d意外午餐重要有湯有野飲，$47我覺得抵過我尋日大快活個意粉

心血來潮與2位朋友突然想吃泰菜，所以就決定前來盈豐商場的泰發泰國餐廳🍴木瓜沙津$49木瓜絲夠爽口健康，味道酸酸辣辣頗為開胃的，作餐前小吃一流泰式拼盤$108熱烘烘像新鮮即製般，份量足夠幾人共享🦐蝦餅：有原味及內含皮蛋之分，皮蛋款亦富有特色。🍢串燒：2雞1豬，肉質有點兒乾與韌，另有沙爹醬配撘，醬汁香口偏甜而不辣。🍗炸雞卷：肉汁豐富，味道像豬肉丸似的。🌯春卷：內含芋頭,紅蘿蔔絲,肉碎，外皮酥脆可口。檸檬燒豬頸肉$78濃郁的蒜香連同極微淡酸與辣，惹味非常！另外，肉質鮮嫩軟滑，再配以菜作墊底，可幫助消化❤️❤️值得一試冬陰公$58（S）材料頗多當中包括蝦,秀珍茹,蕃茄等⋯湯底馥郁濃香層次豐富，只是辣味重而顯得酸味極淡🌶新鮮芒果沙冰$24味道像許X山的芒果汁，只是略略較淡🌝餐牌第一頁：見到餐牌比平時的泰餐更為便宜，開頭沒太大期望🤔結果出乎意料之外的好，性價比高👍🏻👍🏻

之前去九龍城食過泰發，得知自己居住既地方有分店，就約埋朋友黎試下，店面空間唔大，座位舒適唔萛迫，亦可以選擇開枱係出面坐。店員服務態度好，工作效率高，我地坐下就即刻招呼落單，食物好快上台。泰式炸雞卷，外層香口肉汁豐富，沾上醬汁進食口感更佳。泰式炒飯，味道OK，但飯炒得唔夠乾身，有啲淋。最正香葉辣椒肉碎炒金邊粉，可選擇雞或豬，味道香濃，炒得好夠鑊氣。整體黎講係一間食物有質素而價錢平民既泰國菜餐廳，值得再去支持。

原來呢間泰國嘢喺九龍城開咗好耐，而家嚟到屯門開分店，唔使千里迢迢就可以品嚐到九龍城泰式風味！今次已經係第X次幫襯呢間泰國嘢，首先叫咗泰式燒盲槽魚：外脆內軟，魚肉好似又滑又嫩，不過今次條魚應該係預先燒好，因為落單後5分鐘，就可以將條燒魚上枱，而且條魚溫度唔夠熱另外，叫了份泰式豬頸肉，呢個反而好食，啲豬頸肉好有豬味，配埋泰式辣汁，錦上添花有一個喺呢度必食嘅，就係芒果蟹肉炒飯，價錢非常抵，又足料，食落淡淡蟹肉同芒果，唔同出面嗰啲鋪頭，得個兩三舊芒果同蟹肉滋味無窮最後梗係要叫埋個椰青，潤一潤喉，非常滿足

隨便食食都 $1100 蚊落樓，再次無螄蚶食啊，真係要等有緣人喇。泰式鳳爪，冰涼的快感，作炎夏的涼拌頭盤夠舒暢。回想報導，真的用人口脫骨的嗎？記得要撈勻先食呀！鳳爪爽脆，爽彈的爪皮跟肉，酸辣味突出，強酸微辣，添上車厘茄更清新，車厘茄新鮮涼浸浸吸收埋酸辣汁，芬芳芹菜與芫茜點綴，味道甜酸辣再有茄味好有趣，滿足。泰式生蝦，炸蝦頭沒有放入雪櫃冷藏好多了，室溫沒有霧水微脆微香口不油膩，當小食助酒還免強可以。蝦肉比以往出色少少又爽少少帶黏黏，有蝦汁在表面證明夠新鮮，質素達標。泰式橋底炒蟹，索價 $320 蚊，正路收費。非常普通的一般，雖新鮮活劏，但蟹味平凡，泥味偏重，肉彈帶汁，蟹身比蟹拑更好食，香料味略厭太微弱。泰式燒羊架，其中一件勁肥，大大舊肥膏羶到不得了，吃不消，格硬吞下。瘦的兩件無驚喜，醃味大眾化無特別，唔難食，求其了結。鹽燒盲鰽，雖然打開熱騰騰又白煙輕飄，不過太大條唔夠熟呢，還差一成，黐骨程半透明淡粉紅色。師傅重手左，比以往咸，鮮味及肉汁都比以往差，失望。馬拉盞通菜，旱通正常穩陣，微油香口惹味，少少辣泛著咸香，夾埋紅椒同吃，爽甜滿意。