泰發泰國餐廳

营业中

休息中

泰國野看似周街都有 但唔係間間都有 抱住個勇字 我又去試泰菜啦😏 不過今次冇失望 正✨泰式金邊粉 一上碟 第一個感覺 洗唔洗咁大碟呀 起正 味道真係有泰國地道味道 不過我稍嫌金邊粉可以再諗身少少 再乾少少 不過其實已經好開心 係周邊居然有間咁嘅泰菜

隔離部門同事約下次食飯，話公司附近開咗間新嘅泰國餐廳。同事夜晚食過都幾好食，咁呢我哋部門同事就早着先機去食先😂lunch時間去都幾多人要等位，鋪頭細細咁衝動八九枱。我哋一行四人，就叫咗四個午餐。冬陰公湯河，多莞茜😍好味蝦幾大隻仲爽口少少辣。菠蘿炒飯啲新鮮菠蘿好大粒好開心😋好足料泰式金邊粉，粉濕左啲啲，好好味不過差左半邊青檸。青咖喱雞飯，呢啲時候最怕唔夠汁，呢度好大碗咖喱汁餸飯👍🏻👍🏻👍🏻多汁到可以做青咖喱湯飯讚👍🏻好多豆角好健康，不過呢佢哋用雞柳唔係用雞球。四個餐都包飲品，我加左五蚊叫龍眼冰⋯同唔使加錢嘅檸檬水size一。樣。細⋯同埋呢度飲唔選擇就少，有既都係紙包，可能午餐平所以無得揀。唔使加一只係$45抵食。值得一提，平得黎份量係大仲足料，食到好飽，返到公司四個都不約而同飯氣攻心勁眼瞓，好彩唔使開會😂下次再黎食。

香葉辣辣肉碎伴白飯煎蛋泰式奶茶本來無嘜胃口，看到別的客人點餐，神情那麼享受，我又叫一客品嚐，一食馬上知道什麼是天外有天!果然好食，食肉大增，什麼冷氣感冒都好了。奶茶免費

像置身泰國品嚐舌尖上的美食。黃咖哩炒蚧很多膏!白灼獅蚶!炸蝦餅魚露雞!馬拉盞通菜椰青，純芒果汁。感謝神創造人類的美味食物的恩賜。一個字「正」可惜沒有煲仔魚翅和燕窩同芒果糯米飯。總結：物超所值，超級平宜，人人都享受到秦國美食文化。值得再點讚。水晶晶、沙華D吸

一朝早滿腦子都係肉碎豆豆飯，lunch決定去碰碰運氣，又真係搵到間泰國小店，唔好諗咁多衝埋去啦～見到餐牌即刻望下有無肉碎飯先，仲有得揀豬定雞咁招積，唔該要個豬肉碎豆豆煎蛋飯丫。落完order話咁快凍泰茶就送上，味道尙可，略嫌甜味太搶，茶味唔夠濃，欠缺泰茶獨特香味。不過個肉碎飯加番唔少分，望落好多肉碎同豆豆，飯餸比例1:1，加埋九層塔、大小紅辣椒一齊炒，真係好香～食落好惹味，豆豆又炒得夠爽脆，味道偏濃，送飯啱晒。最想講一講塊青瓜，通常伴碟嘅都未必新鮮，「搏一搏啦～」咬落雖然未算得上好fresh，但食到有青瓜果種清甜味，而且爽口，反而呢個有驚喜😂一路食緊果時不停有人幫襯，肉碎飯印象唔錯，下次有機會再試下其他先～