泰角海南雞 (已易手) 新餐厅

昨日同太太經過入去試下， 差不多九點去到所以唔使等位 ，'鋪面唔太但都乾淨企理，見到啲侍應服務態度幾好， 其中一個原來係老闆 ，佢話本身讀酒店管理所以同幾個朋友夾份頂咗間舖實現實踐下理念， 叫咗串燒豬肉及海南雞飯， 佢啲雞幾冧幾滑，同埋啲飯係用油飯幾好味及價錢親民 (海南雞飯50蚊已經可以有双併，及分量都ok)， 佢嗰啲點海南雞既汁好好味 用嚟送飯一流，老闆話嗰啲雞及汁係泰國師傳整既，但啲串燒就可以有改善空間，如果多啲炭火味就更加正……

幾抵食，似泰國嘅份量，如果女仔食應該夠，男仔就要點正常size。雞算滑，汁好餸飯炸蝦餅,睇出係新鮮炸的，夠熱同脆，雖然蝦味唔強，但呢個價錢可接受。雞肉串燒都幾好味，唔硬，都係一分錢一分貨。

見到d食評寫唔差嘅人應該對食極無要求綜合中伏經驗，一間垃圾餐廳必有：1. 一陣up味 2.衛生程度不可觀嘅待應3.蚊滋仔到處飛實在係太餓都費事搵其他餐廳心諗飯穩陣啦叫咗一個海南雞飯一個沙嗲串燒飯（粗口）點知個飯先係最唔穩陣最離譜最垃圾嘅垃圾飯呀咩叫飯，粒粒分明先叫飯佢老闆個廚房佬㷛個飯都未識成pat嘢咁 濕到呢舊叫糕 串燒肉食落d肉味呢我喺凍肉舖買返去雪357年再解凍嚟煮都好過佢反映吓啦同佢地算吧啦飯都煮到咁嘅人點會有心想做好間餐廳早d執咗佢唔好累人喇

同家姐行街食飯佢話附近有間海南雞飯好抵食反正要搵食 咁去試試佢啦一入去已經好奇怪 全店鴉雀無聲的咁唔招呼都ok既 自己搵位無問題剔紙仔交比店員落單後 見前手食完既碟呀骨呀未收拾入單廚房位有4個90後or00後既年青人佢地係度傾計啦玩啦發呆啦咁就揮手叫一個玩手機飲緊珍珠奶茶既女仔執執枱佢用極不願既態度同速度黎收左隻碟而枱面仲有上手既醬油碟同墊枱紙係度以為佢轉頭收啦 原來唔係 佢返去打機勒再示意話比佢知 仲有野未收佢一臉煩厭再行埋黎我地開始懷疑係米應該自己做唔應該阻住店員打機 可能佢一舖上落好大途中 有個店員黎對過單再去入機來回3轉 卒之執好枱 以為可以安樂等食等等下發覺唔對路 點解遲黎既都有得食 我地仲等緊即刻問情況 有個年長啲既黎同我地講無入過單 你地黎對左次單都無入單?!我地坐咁耐如果無叫野食 唔問問既?!然後叫我地再點再處理而班90後or00後既年青人 打機既繼續打機 行行企企既繼續頭望望成班人縮埋一堆圍住係入單廚房位唔知做乜?!啲野平靚正都無用 啲店員太出色為免啲佢地唔順氣加料 我地都係決定另覓食肆希望佢地會改善

其實平時真係好少會睇唔過眼啲服務態度因為佢地真係連基本禮貌都無 睇唔到佢地幾有心經營就算再抵食既海南雞飯 食完都一肚氣點餐既時候 舉左好耐手 有個扎馬尾既女店員眼尾到唔望下客人 但佢就明明無野做 直到我大聲叫佢先有反應其實自己都做過餐飲 留意客人相當重要 服務性行業就係要照顧客人需求以上問題我都可以沉住氣忍住就算但最後發生既事真令十分生氣食飽左諗住走去埋單個到比錢啦扎馬尾個女店員咁岩要出黎佢一句話都無講就衝向我身體 迫我向後退其實一句唔好意思 我已經會比佢行 同埋成個行為巳經好左好多 但佢咁既行為真係令我覺得佢好無禮貌 最後寫食評係想佢地改善而唔係想踩佢，佢既飯再香 佢既汁再野味 都會輸左比佢既服務態度 我覺得係可惜🥺

相信有不少人對海南雞有一份鍾情，油飯和醬料更是分海南雞高下的決定因素，所以一份好食的海南雞絕不能用價錢高低衡量...朋友和我都是海南雞飯迷，早前吃了一間連鎖集團的海南雞，嘩真的差到呢！飯不是油飯，雞只是普通的蒸雞，醬更是難吃。自此後，我們尋找在香港隱世而高質的海南雞，剛巧看到網媒介紹$20海南雞飯，咁平，無理由不去踩場～我們點了海南雞飯、無骨鳳爪、春卷和雞肉串，海南雞飯比較細碟，一個人吃都可能未必夠，不要少看這$20的價值，油飯有，雞幼嫩，最重要是醬料與油飯和雞很配合，如果飯再多點點就好(^^)無骨鳳爪更是另一個精髓是無骨鳳爪，酸味到位，那就已足夠獲勝了。其實每碟餸都很細碟，所以最後點了一個芒果糯米飯，um...這個可以忽略XD重點是最後結帳兩個人只吃了$120左右，媽啊！未必太抵吧，10⭐️推薦性價比高的餐廳👍🏻

由於在網上見到推廣，呢日翻工放飯就行5分過黎泰角再捧場海南雞飯（平日無做優惠既時候都有黎食過幾次）-泰式海南雞飯，$20！同我之前正價食既一模一樣所以我諗唔到理由唔食不過都依舊係個油飯好食過雞，因為d雞其實偏油同埋好多皮，雞肉味唔太出但夠嫩口但以廿蚊雞既價錢絕黎講絕對物有所值-唔錯既無骨鳳爪-食泰式野又點可以唔配番杯珍多冰！-雖然唔知優惠會做到幾時但廿蚊有海南雞飯食，味道唔差，仲要夠飽肚，可以去邊度搵

#雙拼飯(海南雞/沙嗲串燒)+例湯 lunch$48海南雞比較少同埋薄身 冇咩味道 要點黑醬油同水門雞醬先有味 串燒味道都ok 但係係凍嘅 依樣野就已經要扣分😕個飯都有味嘅 不過冇咩油香而佢個例湯叫秘製雞湯🤣幾濃胡椒味 好香 都幾好飲評分:5/10

昨天晚上和朋友各點了兩個$42的正價餐，禮貌地問了一個男職員是否有例湯奉上（男職員是平頭齊陰），態度差到不能不差，其次食物的份量越來越少，比起之前幾次差了很多，我保證以後永不會再光顧此店。

依家出街食飯，無論係快餐定茶餐，閒閒地都要$30~40，食個好D既麥記，都可能唔得。之前睇潮特，就去搵食啦，行到黎呢條間，真係好多鋪頭可以揀。唯獨是見到呢間排曬人既鋪頭。即刻跑過去望下啦，原來係海南雞飯賣$20。心諗唔係好細碟，又要幫襯夠幾多錢先可以享用呢個優恵。海南雞配油飯 $20，串燒雞4串 $20串燒雞4串 $20，墨魚餅 $25，椰汁珍多冰 $12，春卷2條 $0(Like 呢間店既FB 就得到架啦！)海南雞配油飯，份量係比平時既細少少，大約既份量就係比時既3分2左右啦！雞有4件，如果食野唔多既人，應該OK既！但我呢D大胃皇，可能要叫多幾樣先夠飽肚啦。其實個油飯幾香有味，但食落口米粒嚡身左D！反而件雞，令我有驚喜，肉質好嫩滑，仲有層肥膏tim！$20食到呢個水準，差不多架啦！串燒有兩個肉(雞同豬)可以揀既，我地揀左雞。因為雞燒左D雞油，都會好香口既。$20有4串都算係抵，燒得幾香，不過就缺忽左醬汁，令到食落好乾。再試下個墨魚餅，叫做OK啦，普通之作，味道無咩特別。春卷 free因為Like左FB所以有兩條春卷食，味道正常la！ 最後就講下個飲品，椰汁珍多冰。椰味唔夠，但個粉條(

之前已經食過好多次, 喺女人街入面臥虎藏龍嘅泰菜店, 今次試海南雞飯拼串燒, 外賣仲有得減三蚊(原價$48)跟例湯, 海南雞唔鞋, 串燒即造醬汁又校得好, 絕對推介, 除咗海南雞飯之外佢仲有其他選擇

早排上團購網見佢都幾抵食所以就試下！個地址都幾難搵，要係登打士街轉入通菜街（女人街）大概行十個舖位左右就見到華發大廈，旁邊就係「泰角海南雞」我見到其他食客都會點 $20 細海南雞飯，目測都幾嫩滑，講到價錢當然無敵喇！可惜我買左團購指定菜色，下次先過黎試試。🍷冷盤 - 泰式鳳爪酸辣醒胃。雞肉 8 串👍呢碟串燒可以喎、肉嫩香口。小食 - 泰式蝦餅 + 泰式炸春卷頗為多油是日時菜 - 蠔油生菜清甜可口主菜 （1）泰式肉醉飯肥肉較多味道還可以，帶薄荷葉香味。主菜 （2） 咖哩雞飯雞炸得過火了非常乾身鞋口😕，相反咖哩汁不錯味甜香滑甜口。甜品 - 芒果雪糕一般貨色。團購餐牌原價 $198 團購只需 $140 包加一在內都幾抵食。抵食午餐，份量不多正合女生們不會浪費，下次約齊班同事試試先。店裡裝飾多似泰國代表為主，有大象同泰皇喇！

民以食為天，今次我揀咗泰字行先，因爲想食嘛，就係咁簡單。個人已經餓到傻，都係快啲叫嘢食。環境可以接受（食個陣已經仲係世界盃，依家補寫返，幾好氣氛㗎），服務唔差。叫咗雙拼飯，海南同埋串燒，兩個人分食到，都係48元。醬汁正常，唔特別大驚喜。肉可以，唔錯。都要叫份小食嘅，泰式炸蝦餅，28元，粉唔厚，幾好味，又抵食。再叫咗杯奶茶兩份分，知道會好甜，叫做飲下過下癮，唔貴，都係12元。整體唔差，價錢算係平，依家食飯有時hea食都會有驚喜。

自裝了儲分apps後, 就周圍搵下有咩餐廳有offer, 又比我搵到旺角的泰角海南雞原來做到每spend $1 比 1 mile; 無理由唔去食下lunch! 之前其他多數.. $4/里或$2/里~1點零去都多人; 一坐底, 唔怪之得咁多人, 原來泰式海南雞飯只需$20, 咁就加多$20試埋4串串雞啦..再加杯野飲~茶餐廳的格局和質數, 味道萛不錯, 個雞滑d就好, 串雞熱d又好dd.. 不過食$50 lunch可即賺50 miles, 我覺得好抵玩, 唔難食!有機會下次再同埋朋友/同事來食的話, 可以一人一碟$20泰式海南雞飯再加不同的小食分享, 一次過試多幾樣野食更好... 最緊要仲要賺埋里數嘛!!!!

自己一個係旺角行街咁岩見到依間泰國餐廳，望下價錢，發現好平，有20元一碟海南雞飯，就入左去食。一坐低，就叫左一個40元泰國海南雞飯，同埋叫左10元一串嘅燒墨魚丸。本身想叫20元個碟海南雞，但望到隔離枱個碟，真是少到一個小朋友食就差不多。d雞肉就夠滑，唔太油，但唔無咩雞味，而油飯就唔夠油香，份量真是太少，不過加埋d 醬汁就會好食好多。不過，即使叫左40幾元個碟都係份量唔夠，食完都唔飽。而燒墨魚串就10元4粒，但就燒得太焦，無蜜糖味。只是勝在夠平，所以就去試下。