泰豊廔酒家

营业中

休息中

今次係朋友既同事介紹，因為上次食過連鎖店酒家既填鴨有點失望，我地今次好期待呢間傳統既北京菜門口有點難搵，一唔覺意都走過左，樓梯上一層見到裝潢係好傳統既酒家。唔知係咪有d鐵板上既菜但抽風麻麻，未坐低已經聞到好大陣油煙味，所以環境有點扣分我地5個人就先直接點左個4-5位用填鴨餐$698炒四季豆偏油，反而望落平平無奇既菜肉水餃幾好味，而賽螃蟹都好有水準。不過最令人期待都係主角填鴨，當車仔推到隻鴨黎我地面前，真係好期待呢個填鴨係唔止皮，而且連埋唔少肉，包住食更加有肉汁同有口感，份量都唔少，大家都可以食到飽，略嫌俾你包鴨既皮好乾同厚，反而連鎖店食既皮係好軟熟，小敗筆最後既高力豆沙好好味，熱辣辣又唔會太甜，甜而不膩，朋友直頭話想encore，但已經飽了下次再有朋友想食片皮鴨都會推介佢黎

生日飯，突登出尖沙咀食飯星期日訂左檯7點唔洗等就有位，又唔限時食呢晚serve我地個侍應叔叔好有禮貌，講野又斯文，年紀好大，應該過70歲片皮鴨好大碟，粉皮好多塊，唔洗爭食，但粉皮好厚好多生粉，好似未「看」既印度簿餅，老人家唔多like佢地話食唔慣，平時啲皮係好簿無生粉架嘛！叫左個粟米羹（細）4碗分量比小朋友，無味，堅係無落鹽！無影相，材料係急凍三色豆加蛋花，哈哈，下次一定唔會叫。不過小朋友食，算啦甜品高力豆沙，一碟8粒，小朋友居然唔食，話得個粉大，紅豆沙好少，講真，豆沙真係好少，半匙羹紅豆蓉左右，但個粉咁大舊，所以唔甜，好似只係食粉咁不過鐵板蝦球係好食，拔絲香蕉都好脆，小龍包小朋友爭住食

終於試到呢間傳統京菜嘅餐廳, 一定要book定位先, 因為長期都full 真係好受歡迎!入座時全場都full都係人, 侍應全都是經驗老到的叔叔, 特別有風味.侍應叔叔建議我們點一個套餐, 我們一共10人. 食物份量和質素都好好，足夠一大班人食。套餐有三絲粉皮, 賽旁蟹, 干煸四季豆, 北京填鴨 (一鴨兩吃，分別是冬瓜鴨湯和片皮鴨), 菜肉餃子, 小龍包, 最後甜點高力豆沙,不錯, 唔會太甜

泰豐樓尖沙咀老京菜代表, 今日同幾個舊同事去食~ 以前舊公司係附近, LUNCH仲意去食佢既客飯, 有紅燒獅子頭, 炒鱔糊,反而好少去食晚飯, 今晚去到諗唔到都幾爆下,叫咗蟹粉小籠包, 賽螃蟹, 肉松夾子, 奶油律白, 小籠包一直都有D情意結, 只要佢入面好多湯汁我都會好滿意, 佢就做到啦~而加諗返咬開又熱又香既湯, 仲流緊口水~ 加兩條薑絲再加D醋, 正丫喂~賽螃蟹佢係我食過咁多晚京菜最唔油既一間~ 聽講佢個廚會將泡過油既蛋白再用上湯沖一沖D油先上~感覺係少咗好多油, 但又多咗一層鮮味,肉松夾子又係必食, 芝麻夾子已經好少京菜錧會做啦, 內埋D炒到好乾身既肉鬆真係不得了

朋友安排嘅飯局，據說呢間係傳統京菜嘅餐廳，很受歡迎。不過，餐廳嘅位置比較難找（對我來說啦，可能TST嘅路比較難認），門口都果然係好傳統嘅樣。一進到餐廳，人山人海，全場滿座，而且都頗為無多餘空間。我地運氣比較好，訂台嘅時候留到在一個角落的台，比較靜。如果大家黎食飯，記得要book台，如果唔係一定冇位。乞丐雞可以過去扑兩下，之後侍應幫你搞掂d手尾上台。味道一流，十分推介部分餸有d油，我就一般般啦呢個飯後甜點都唔錯😺😺🤤🤤，要落多d糖先樂好食😆🕺🏻

已經第二次到這裏吃晚飯，還記得第一次在這裏吃飯是同事為我farewell ，同樣地今次到這裏吃飯也是farewell舊同事，和慶祝朋友的生日。我們預訂了晚上七點半，入座時滿場都是人。這裡比平常的餐廳不一樣是，侍應都是經驗老到的阿叔，特別有香港風味。今次我們點了一個套餐：我們一共10多人，但是也吃不完桌上的食物。其中的高力豆沙和片皮鴨特別好吃，還有松子魚和賽旁蟹也是頭幾位。寫着寫着又突然想吃了，真的要快點再約朋友來吃。

用餐前一星期已打電話到餐廳book 位，但由於是旺季，並且要book 的人數眾多（共13人），本身店員說已經full booking，但店員好好，電話中等了他幾分鐘，他說可以劃到最後一張大枱給我當日我們叫了十至十二位用的套餐，碟碟份量都十分勁量，當中，我最最欣賞的是招牌的北京填鴨，師傅會在我們面前片填鴨，鴨的味道十分濃郁，醬汁亦十分出色，好好好好味；另外，鐵板宮保明蝦亦十分出色，除了味道酸甜惹味，鐵板上枱一刻令在場小朋友十分興奮至於奉送的甜品高力豆沙不太甜之餘還十分鬆軟整體而言，這間北京菜館極度高質，令我們當晚留下了深刻的回憶，回頭率極為高

爸爸生日，一家人周圍睇吓有冇好味嘅中菜。爸爸朋友說尖沙咀有間食北京菜幾好食，而且有好多年歷史，於是就去試吓啦。位置都好方便地鐵站步行約五分鐘就到，由於都幾多人，於是爸爸朋友建議我哋先book位。上到去果然都真係幾多人，特別多遊客。爸爸很喜愛吃小籠包，於是叫咗籠，另外我哋仲叫咗雞絲粉皮、糖醋魚等等。每碟嘅份量都好大，而且食物質素都好高。難怪開咗咁多年都屹立不倒。見到好多人都叫片皮鴨，不過本身屋企人唔太喜歡食鴨，所以冇叫。職員服務態度都好好，臨走仲請我哋食高力豆沙，利申，非熟客，我哋四個都係第一次去。

要在尖沙咀找一個方便大伙兒吃飯的地方，說易非易，位於漆咸道的手泰豐廔也是一個不錯選擇，也較同區其他京菜食肆易訂位。泰豐廔有大枱，可以讓十人以上入座，適合搞聚會。最重要的是，這裡的食物份量和質素也不差，足夠一大班人吃過飽。這裡的賽旁蟹做得不錯，真的幾可亂真，而且更有點真蟹的香味，值得一試！北京填鴨也是必吃之選，更可以一鴨兩吃，分別是冬瓜鴨湯和片皮鴨，後者粉皮份量預得不錯，大約一皮包2片鴨就剛好。羊肉餃子也值得一試，餃子皮應該是用人手做，絕不是超市買到的例牌貨色。甜品高力豆砂雖然是油炸，但不算肥膩，紅豆涵也美味，為歡樂的眾會劃上完美的句號！

~ 小籠包~ 穩陣嘅菜式,冇太大的驚喜。 但口感同味道都唔錯.~ 酸辣湯 ~ 酸辣度適中. ~蟹肉炒飯 ~好香嘅蟹肉味 ,飯炒得很乾身,忍唔住都食咗三碗,食後個個都大讚.~北京片皮鴨~唔肥唔瘦，啱啱好。包住薄餅一啖放落個口.人生一大樂事.~回窩肉~ 個醬汁調味偏甜 ,比較失色.~ 拔絲香蕉 ~ 古古怪怪咁,啲香蕉太熟 啲糖又太厚. 這間餐廳的甜品,略為失色,有中伏感.~ 高力豆沙 ~每人免費增送一件，麻麻哋， 好在唔使錢， 唔使錢所以冇乜要求.

和外籍朋友食飯，選了這家中國風味較重的餐廳，一進去，感覺真是古色古香，有點舊又傳統感覺。侍應也是較年長的，但亦前來介紹外籍人士較喜歡的菜式。以為外籍人士不食填鴨，給他們看餐牌，竟說要食填鴨。雖有填鴨餐，但我但決定散叫。填鴨㘼得不錯，不油，好味。除此外，其余菜式他們都大讚，特別是三絲粉皮，他們以為是沙律，大讚好味。連前菜也要試食。加了填鴨湯，真的很好。本想叫甜品，但侍應竟送上甜品，還要每人兩個，很甜心，不姑寒小家。安排坐房，令我們傾計方便，很貼心，服務亦很好。

其中一間經常光顧的老店。有時想不到去那裏，腳就自然朝泰豐廔方向走。今晚與家人提前做冬，又可以食北京填鴨！因為遲到關係，所以由家人拍板，叫了一個 4-5人餐再加些散點的。* 三絲拌粉皮 ** 賽螃蟹 ** 干煸四季豆 *那些肉碎很香口，令人愛不惜手。* 北京填鴨 *喜歡這裏包填鴨的皮，每一塊都是有點不規則，不會是完美的圓形。感覺食物就應該是這樣，每道看似一樣的菜都帶點不同。* 菜肉水餃 ** 泰豊童子雞 *似是煙燻的，有那種外乾內嫩的口感。味道很好。下次再點！* 蔥爆羊片 *少膻，不過連怕膻的家人都讚好不絕！* 三鮮鍋巴 *鍋巴有飯焦香，脆卜卜。不過三鮮芡汁較為失色。* 金腿扒津白 ** 高力豆沙 *

約左去泰豊廔打邊爐都有兩年了，兩次都太遲book位，改去別的餐廳，預早幾星期訂枱終於約到一幫人了一開始的時候，侍應比左一大堆醬油加調味料花雕酒最為特別，香味濃郁南乳醬不宜落太多，會好 湯底係無得揀的，雖然我地一共六個人，侍應提議我地點一個三至四人套餐。套餐都有好多野食喎：牛肉，羊肉，雜丸，冬菇，豆腐，牛栢葉，魷魚片，蝦片，生菜，呢個套餐夠六個人食喇打完邊爐，自問我同朋友都係大食之一，加碟片皮鴨半隻片皮鴨都算合格啦，但可能因為片皮鴨一次過燒幾隻出來，侍應又一隻一隻片，鴨皮就無左咁熱。最後仲有高力豆沙送我地還叫了四支啤酒，人均消費二百多元，性價比高

一班朋友想食片皮鴨諗咗好耐都唔知食邊間好，就有人提議食呢間話水準唔錯，所以就試一試喇侍應好好會提你叫住先唔好食唔哂，食完唔夠再叫，舊式茶樓，人情味濃，等齊人先肯同我地上菜👍🏻俾住冷盤食住先牛𦟌好正😍最鐘意食既一道菜-賽膀蟹😍😍勁香滑好味菜類不過不失片皮鴨，新鮮即片好正，8人餐份量足夠魚同蝦都不錯，上菜熱辣辣是基本😍鐵板蝦勁正😍😍😍最後甜點-高力豆沙,不錯，唔會太甜，但略嫌豆沙饀太少🙈🙈

畢業典禮大日子，一家人影左半日相，夜晚梗係要慰勞一下我爸爸、媽媽同其他家人啦～無佢地嘅支持，我都冇今日！因為爸媽比較鍾意食中菜，所以就揀左呢間老字號- 泰豐樓。我男人以前黎過幾次，佢話炭爐邊爐好正，片皮鴨都推介。今日一行8人，叫左個8人餐。冷盤- 三色大拼盤。拍青瓜不過不失，燻蹄&牛𦟌點豉油，幾惹味。特別鍾意牛𦟌～賽螃蟹平價嘅賽螃蟹食得多，今次呢個真係完全唔同。蛋白嫩滑、蟹肉幾多，鮮味不錯。推薦～干煸四季豆～ 一般般，略嫌油左少少，唔夠乾身。醋溜桂花魚松子魚、甜酸魚就食得多，第一次咁樣食桂花魚。我爸爸話炸得幾脆，啖啖肉呀！鐵板宫保明蝦上枱先將d蝦放落鐵板，幾特別～北京填鴨一隻8個人都唔係好食得哂呀！真心地，片皮鴨個片唔夠脆，肉太多。整體來說，非常一般。紅燒鮑片～ 真係有點驚喜！鮑片鮮甜爽口！菜肉餃子～冇得輸！但實在太飽，差d食唔哂。鴨架子湯用番隻鴨黎煲湯～幾甜都清。我爸話唔太夠火喉！最後，食埋甜品- 高力豆沙。呢個唔太甜，又唔太油，幾好味！大滿足呀！