泰豊廔酒家

营业中

休息中

在尖東辦完事情，準備過條馬路往對面鹿鳴春吃韮菜包和狗不理。先生提議不如改去隔離街泰豐樓，反正很久沒去，let’s go！爬樓梯的時候已嗅到一股濃烈的溝渠臭味，挺惡頂的，心想坐下來可能會好一點吧，然而我實在想太多了，臭味依然。不管了，本著趕快點菜吃完閃的原則，將就將就。蟹粉小籠包 $70 4隻。不錯吃，推薦。炸醬麵 。醬料份量剛好，麵條不會太軟，意外好吃桂花蜜汁火腿 $100 4片。一般，火腿太瘦。煙薰素鵝 。我吃了三分之二，真的好吃。建議店家盡快把那臭味道的問題解決吧，我還想再來吃片皮鴨和小籠包啊。（唉，要是在這裡請客的話真讓人尷尬和倒胃口。)

已經唔係第一次食，今日再帶埋nz朋友再戰，結果仍然你食唔埋一隻鴨。但水準真係堅得。片皮鴨有肉香有燒烤香味，但悄悄瘦左d。鴨湯d冬瓜係重點。餅皮仍是水準之作。細雜錦拼盤，3個人都好够食。干煸四季豆仍送飯首選。送嗰個高力豆沙有6大粒。阿叔服務冇得頂！

男朋友話想帶我黎依度好耐，終於搵日去試食。一入到去係一間佈置到好古色古香的中菜館，上樓梯到去就搵位坐低。環望四周，發覺依度第一個特色就係啲侍應年紀比較大。坐低後打開菜單後看，真係十分懷舊，價錢係手寫，一碟餸都有唔同大小，岩哂唔同組合黎食。我地兩個人，點了2個餸，1個麵，雖然已經嗌咗細碟，但都食到好飽。1.甜酸魚塊一食就覺得佢唔係平時食開好淋果啲雪藏魚柳。唔敢話係用鮮魚炸，但依款好有口感，同埋炸粉唔厚。加上甜酸度適中，的確唔錯！2.羊肉麵 首先，我想講我超鐘意依個麵質，煙煙韌韌，好有咬口。而且很有羊味，湯底也不錯。下次一定再嗌3.北京填鴨食咗兩味餸已經好飽啦，差啲食唔落。雖然係依度嘅招牌菜，但我覺得又唔係好食特別好食。所以唔一定嗌。整體黎講，價錢唔算貴，同出面打冷差唔多價。其實我最鐘意係個麵，下一次再試下其他嘢先。

一早已經BOOK定,免得到時要等位,可能係平日,同埋我地早,都無咩人,反而過左7:30開始人多,但係都未坐滿侍應全都係上左年紀既伯伯叔叔,佢地都幾好招呼,又介紹我地食四人餐最抵食...咁我地就點左個4人餐再外加一個虾球三絲伴粉皮:自己落汁,仲意就落多D,唔仲意就落少D,有得自己揀宮爆虾球(唔辣版):因為阿媽唔食辣,侍應聽到即刻走埋尼話可以整唔辣版比我地,超好服務虾好爽口,又大隻,成碟有成10隻,超抵食,真係啖啖肉,唔係食粉醬干煸四季豆:比較油,味偏濃菜肉水餃:有十隻,好juicy賽螃蟹:可能過左火,無想像中咁滑,不過不失主角北京填鴨一隻:推住車仔到枱前,即場片出尼,師傅勁快手,2-3分鐘已經片好一碟,熱辣辣,京式片皮鴨都係皮帶肉,唔似平時係酒樓剩係得皮,包埋京怱同海鮮醬,超級好食,食左2-3件已經食唔落啦鴨架子湯:上鴨後隔左一陣,鴨湯就上埋,我估唔會係同一隻鴨,邊有煮得咁快湯裏面有冬瓜中和返個鴨既油份,不過好似有D味精,都幾咸下最後上埋甜品高力豆沙:已經飽到食唔落,阿媽話好食,比佢打包左返屋企做宵夜總結:味道一流,價錢中等,但份量十足,值回票價,有機會會再尼食過.另外,我見人有叫乞兒雞

食正宗嘅北京菜，呢度係其中一個好選擇！因為唔貴，又喺尖沙咀重要地段，同埋幾好食！見到一個好有特色嘅牌匾！周圍都有店舖名嘅字畫！有好多外國人都過嚟食！北京菜點可以冇片皮鴨！雖然皮厚左d，但隻鴨好好味！碟鴨超大碟，偏肥，但就岩曬片皮鴨，油香十足！呢碟薰雞超香！熱辣辣食真係好正！點解連四季豆都可以咁香！請原諒我未影先食！因為凍左就唔好食！呢度d雲吞真係無偷工減料，每一隻都漲噗噗，全部都係鮮甜椰菜加半肥瘦肉！賽螃蟹，我未影其他人已經消滅左2/3

Gathered with university classmates here. Ordered a set meal for 4. THere were 6 of us altogether but i only added 1 dish of sizzling mutton. The Peking duck was quite good but the meat is a bit dry. Duck soup is excellent. Dumplings are quite good too. Red bean buns were served as dessert. Quite a filling meal and we only paid around 180HKD each. Very good deal in the heart of TST.

天寒地凍，最適合打邊爐不過，說起火鍋，香港的火鍋店五花八門，但最具風味的一定是泰豐廔了。泰豐廔，香港老牌京菜館，以涮羊肉爐最為聞名。圍爐火煱，當然要有火，電爐氣鍋，雖然會熱會燙，但就是欠了火。無火不成煱，要吃涮羊肉的話，就要吃得像北方人，用銅爐炭煱！話說涮羊肉有一個有趣典故，相傳涮羊肉始於元代，當年忽必烈行軍打仗，久戰思鄉，想起故鄉清燉羊肉，便乃下令部下殺羊燒火，誰知敵軍在宰羊之際，突然接報得聞敵軍逼近，廚師急中生智，飛刀切下羊肉切成薄片，用頭盔當銅鍋，盛水燒沸一涮，灑上鹽花，忽必烈連吃幾碗便翻身上馬率軍殺敵並殺得旗開得勝，在慶功宴上把這吃法命名涮羊肉。來到泰豐廔吃涮羊肉，不得不提那碗「混醬」，那碗以麻醬、腐乳醬、韮花醬、香蔥混成的醬，此乃精華所在，為羊肉添加一陣鹹鮮香味層。把羊肉片放入煱中，銅煱燒得啪啦作嚮，炭灰零星的在空中盤旋，身體也頓然暖和起來，老北京風味大慨如此。

大年初六晚與祖母慶祝生辰，選了這家北京菜老店，看餐館內所見，是始於60年代，有一定曆史。餐館設於2樓，店員全是年資豐富的叔叔，而且十分親切。由於十人用餐，點了一個$3080全超值全包宴，原本想加小籠包及烤羊腩，但被落單叔叔阻止，說餐裡所有菜式份量很大，結果，叔叔協助將其中一道菜轉為烤羊腩，十分貼心。說到食物，家人雖然滿期待北京填鴨，但吃過片皮鴨後，雖發現其薄餅與其他連所店吃到的不同，較出色，但片皮鴨皮不夠脆，份量亦不太多，反而，亮點是其他菜式，好像 鐵板宮爆明蝦，砂窩雲吞雞及蒜子燒桂花魚。*鐵板宮爆蝦，店員會奉上熱烘烘的鐵板蝦，即時於客人面前例醬汁，再蓋上蓋子一會，一打開，香氣四溢，讓客人即時品嚐，雖然蝦不是爽身，但很大隻，醬汁味道非常出色。*砂窩雲吞雞，就如店員叔叔說，份量很大。的確，是一大煲，而亮點，就是皮薄餡多的菜肉雲吞，雲吞帶有薑味，真的不錯！*蒜子燒桂魚，平常在餐廳經常吃的是松子桂魚，蒜子燒的，還是第一次。首先，魚身十分大條厚肉，皮亦十分脆，炸過的魚再配上蒜子汁，十分香口美味，是一道出色的驚喜菜式！*榨菜肉末配叉子燒餅，出色的是燒餅，是熱烘烘的酥餅，雖然邪惡，但真的不錯。甜品

慶祝三嫂弟弟考獲專業資格， 我地有幸被邀請一齊食慶祝飯及順便拜年， 三弟選了這間作為慶祝他一早預訂了新春富貴雞， 還點了蟹粉豆苗、蟹粉炒飯、金華火腿津白、北京填鴨、北京鍋豆腐及高力豆沙餅侍應生帶了我地入座， 座好不久， 手推車就推著一舊大泥， 侍應生攞著膠鎚搖著說：“誰打破佢？”我地打破後， 一破開d泥， 打開錫紙同荷葉，一大堆熱氣湧上來， 侍應生把雞切開後，熱氣繼續湧上來， 雞肉軟燜， 一夾即散，雞內還釀了五香八角味濃的木耳筍雜菇等材料， 非常野味蟹粉豆苗：蟹粉極多， 豆苗很脆蟹粉炒飯：蟹粉一般，不過飯炒得黃金色金華火腿津白：大大棵津白，味淡， 配上較淡味的金華火腿， 總結味道較淡， 還有芡汁太厚北京填鴨：皮脆肉嫰， 餅皮似用手搓再用碳燒， 厚身有口感北京鍋豆腐：外脆，但內面不滑高力豆沙餅：蛋白皮太厚， 豆沙餡量ok多謝三弟三嫂！

十二月生日會，三位壽星仔話要食中菜，搞手靚女車話同事介紹咗呢間京菜館畀佢，食過唔錯咁話！壽星仔一聽到有片皮鴨食，like爆扑搥！是晚靚女車訂咗8點食，上到去已經見到枱枱客滿，已經有客人食緊羊肉涮涮鍋。侍應叔叔正忙住片鴨中，似乎大部份食客都叫鴨喎！傳統式嘅酒家，食物應該有番咁上下水準，大家懷著期待嘅心去一試！我哋決定先嚟個四人套餐，再加些少餸~1.三絲拌粉皮(套餐): 有兩碟醬料，分別係麻醬及芥辣醬，大家唔太好辣，只用麻醬搞拌，味道亦唔錯！略嫌粉皮較厚，有點兒似食河粉囉！2.千煸四季豆(套餐): 呢碟屬家常小菜，四季豆口感爽脆順口，拌上肉碎，送飯至！3.糖醋魚片: 酸甜開胃嘅一道菜，脆漿厚實係敗筆！4.水晶肴肉: 肉質嫩滑，肥而不膩！5.賽螃蟹(套餐): 口感滑嫩！6.金腿扒津白: 美味可口！7.菜肉水餃(套餐): 少菜多肉，口感油膩！8.叉子燒餅: 燒餅扁平，皮有點厚身，但不失酥脆，擺入榨菜碎肉同吃，口感特別，但較為乾身飽滞！9.北京填鴨一隻(套餐): 鴨肉厚，肥膏多，薄餅皮又似春卷皮，口感油膩！二食嘅鴨湯，非常淡，完全無鴨肉味！10.高麗豆沙(京式甜品，套餐): 豆沙饀太少，蛋白唔夠

是晚慶祝友人生日飯，四個人點了一個四人套餐。-涼拌粉皮-👍🏻👍🏻👍🏻粉皮很滑，拌以火腿及青瓜絲，味道不過不失。-賽螃蟹-👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻準備吃第一口時驚見一條長頭髮在賽螃蟹中， 非常反胃。-干扁四季豆-👍🏻👍🏻👍🏻👍🏻👍🏻炒得很乾身，而且亦很美味，是片皮鴨以外全晚最喜愛的一道菜。- 一味兩食片皮鴨-👍🏻👍🏻👍🏻👍🏻👍🏻師傅即場表演，片皮鴨伴以薄餅皮、香蔥、青瓜及甜醬吃， 十分美味！而且片皮鴨很香脆，讓人吃了一件又一件。部份鴨肉會拿去燉湯，湯很鮮甜，冬瓜很軟，果然是主角！-餃子-👍🏻👍🏻餃子是白菜豬肉，皮有點厚，很普通。-高力豆沙-👍🏻👍🏻👍🏻可能期望太高，不會太甜，但沒什麼特別。服務方面，比想像中好。後來可能快接近關門的關係，侍應不斷想收走桌面上的食物。而且我們準備了生日蛋糕給壽星女，一早存放在餐廳的雪櫃。期間有一名侍應問我們是不是還有一個蛋糕，因為10點半會鎖雪櫃。壽星女笑了，但我們無言了！什麼驚喜都沒有了！價錢方面，套餐600多元，埋單連兩小碟前菜及加一服務費，收費780多元，可以接受。

約了好友伉儷回加國前吃片皮鴨，本訂一街之隔的「鹿鳴春」，可惜一星期前訂座也只可訂八時半後，惟有退而求其次，改訂「泰豐樓」，店名諧音「太風流」，適逢對面有時鐘酒店，難道真是順應了飽暖思淫慾？這是一家老牌食肆，桃紅色的檯布，穿白恤衫黑西褲打呔的員工，牆上掛了水墨畫等，時光像回到六、七十年代，餐牌內的價目，有些分大中小三個價錢。點了肴肉和素鵝作前菜，肴肉像西菜的Terrine，生活在外地多年的好友應該可接受，何況他們是中國人！肴肉調味不錯，肉與豬皮煙韌中帶點嚼勁，我最喜歡吃的京滬菜之一。素鵝不是炸的版本，入口輕軟、涼快，層層有煙燻味的腐皮捲著很多甘筍絲，有少量菇絲，味道尚可。點了片皮鴨，侍應介紹用鴨的骨架加$50做個鴨湯，一大湯碗，有鴨骨和冬瓜，湯的味道不過不失，最可取有冬瓜可吃。翡翠炒帶子，有很多西芹，加幾片紅蘿蔔片作顏色點綴，帶子炒得不錯，入口軟滑，惟茨汁有些少稠，尤其放在檯上一段時間後。要吃便要吃個夠，才夠痛快！點了片皮鴨一只，侍應推車仔在桌旁片皮，不一會便片了滿滿一碟，亦附上荷葉餅，醬料，大蔥絲，青瓜條等。鴨子有點肥，鴨皮下有層肥膏，我是喜歡的，有油脂香和不會太柴皮，惟肉味不夠香，荷

其實我有時唔明中菜收費標準點解去飲果d 餸未必好食要收人一萬幾二萬一圍，呢d 咁好食既京菜，食到大家捧晒肚，先2000呢🤔anyway ,今次盡興勁食而歸，每個餸味道都完美，highly recommend to all😁先睇一睇餐單，佢話就話for 10~12人，但其實15個大漢食都一定捧住肚走大拼盆份量已經殺死晒大家既胃呢個蝦彈牙，外脆內香呢個外貌平平無奇，卻成為大家搶手對像雲吞雞必食。湯甜 雲吞足料 雞可現食或帶走拎返去做手c 雞完美呀食到尾聲大家戰鬥力大減，但都必須食呢個新鮮片皮鴨熱。香。好味

一行十人各自到達 坐低伙記叔叔就推介左個10-12人全包餐 $2980 話抵食兼已包晒所有茶介花生同前菜架 不過我地唔好羊 所以要求改左軟炸里脊 竟然話無問題添 一於就order啦 先黎冷盤 牛展入晒味 青瓜脆口 醬蹄加埋碗蒜蓉汁 無得輸 熏魚我麻麻地 虾球d皮較厚 但d味道又出奇好味軟炸里脊外脆內嫩 點埋d淮鹽 yummy芙蓉三鮮 蛋白香滑比我預期好 清清地也不錯Sorry原來我地轉埋桂花做黃魚主角到 片皮鴨 真係皮脆外嫩 還有叉子燒餅已經停晒手啦 個個都十級滿足連甜品也要take away高力豆沙 可以啦京式壽包竟然用豆沙架 幾特別係d皮較粗糙

10-12 人餐$1988 + 散叫北京填鴨： 鴨皮唔太肥， 皮唔算好脆好脆， 但都唔差。 粉皮薄， 夠乾身。 好食！鐵板宮保明蝦： 新鮮彈牙， 酸酸甜甜， 好食！醋溜桂花魚： 外脆內軟， 好食！賽螃蟹： 啲蛋白好滑， 中間撈左咩就唔知， 淨係覺得好食！跪求秘方。紅燒鮑片： 足份量有咬口。三鮮冬蓉羹： 一般， 不過不失。高力豆沙： 鬆軟唔會太甜， 不錯！壽包： 阿婆生日， 點小得壽包？！ 正常味唔太甜！整體： 食物水平中上。 足料夠份量。 每人$230。服務： 一流。 紅衫侍應反應快， 服務好， 有笑容。 要水有水； 要公筷有公筷。 態度良好， 優質服務！ 讚！