泰象館

营业中

休息中

自從去完泰國之後對泰菜真係念念不忘😂今晚一於約朋友去九龍城「泰象館」食泰國菜🤩搭地鐵喺宋王臺站出幾分鐘就到真係好方便‼️鹽燒鯽魚用粗鹽鋪滿魚皮出面😊再加入多款嘅泰國香料烤焗🤩烤焗過程將香料味慘入魚肉當中🤤魚肉保持鮮嫩結實🤤點埋泰式辣汁一齊食好正🥰青咖喱雞以椰奶、青豆及泰國茄子🍆九層塔一齊煮成☺️雞肉吸收晒青咖喱醬既辛辣和微甜味道🤤口感嫩滑😊個醬汁可以送幾碗飯😂豬頸肉炒椰菜花🥦豬頸肉醃制後與椰菜花🥦簡單加入蒜茸炒均增添風味😊豬頸肉食落彈牙和爽脆椰菜花口感層次豐富‼️Singha beer係每次食泰菜必點來飲既啤酒🍻具有清爽口感淡淡苦味😊雪到夠凍飲真爽快‼️

泰象館招牌炒飯 ($93)：賣相唔錯，有塊蛋皮係面，配料豐富，口感幾好，旁邊仲有一堆腰果，健康又有口感。蛋包鮮蝦金邊粉 ($76)：外貌同上面碟炒飯有啲似，但係有塊蛋皮喺面，粉得幾好，唔會太淋，亦都多蝦。馬拉盞炒椰菜苗 ($69)：炒椰菜苗用了馬拉盞調味，幾惹味，椰菜苗都靚，唔苦。金不換菠蘿沙冰 ($30)：同平時嘅菠蘿沙冰差唔多，但係飲個時多咗少少金不換既香味。椰汁冰 ($26)：正常椰汁冰，唔會太淡味，唔錯。總結係九龍城嘅泰國嘢食當中，性價比算係唔錯，亦都唔使等太耐位，如果去到附近想搵泰國嘢食嘢，又唔想排隊可以試一試。泰象館九龍城城南道48號地舖

呢間九龍城好出名嘅泰國餐廳，真係好有泰國風味，一定要嚟再食：🟪冬蔭功湯好有泰國風味，除左有辣椒和檸檬葉的香味，湯入邊嘅海鮮和蔬菜都好足料，絕對係清新又開胃的選擇。🟦燒雞（半隻）主打菜之一，外皮烤得金黃酥脆，入面肉質鮮嫩多汁，搭配埋酸甜醬一齊食，絕對是頂級享受😍🟨原隻菠蘿海鮮炒飯菠蘿炒飯香氣四溢，菠蘿嘅甜味同海鮮的鮮味完美融合，每一口都帶來豐富口感👍🏻👍🏻🟩串燒三拼呢個串燒拼盤有齊豬、牛同羊，餐廳經過精心調味和烤制，令串燒肉質更嫩滑。沙嗲醬汁亦都有我最鍾意嘅粗粒花生🥜，好有泰式風味！📍九龍城城南道48號地舖

跟老友搵食，佢帶我到#泰象館，未夠7點己坐滿近8成客人，好彩還有位比我哋坐低食☺️，過了一會兒便要等位了😲。我哋選了幾款菜一同分享，有海南雞飯，雞肉已起了骨，雞嫩滑有雞味，醬汁好醒胃，轉了白飯因想撈下咖哩汁。紅咖哩什菜，什菜有很多款，菇🍄、茄子、四季豆、蕃茄仔、椰菜…，咖喱調得味道香濃，加入飯跟拌埋食，惹味的很好吃啊。泰式炒金邊粉, 粉炒得夠晒鑊氣，偏乾身唔覺得很油膩，加入青檸汁同花生碎更開胃，足料大碟，惹味可口。飲品點了青檸梳打，夠晒大杯解渴。

每隔一排就想食泰國嘢，但我地次次都係去泰象館，因為佢性價比高得黎啲staff仲好nice🫡兩丁友眼闊肚窄唔嗌得幾多樣餸🥲如果一大班人黎就可以試多幾款🥹冬陰公海鮮湯：味道正宗，有微微椰香味，配料好夠，海鮮足料又新鮮，兩個人飲岩岩好蛋包鮮蝦金邊粉：賣相真係一流，份量十足，金邊粉炒得剛剛好，唔會過濕，蝦夠爽口彈牙，加埋新鮮青檸，酸酸甜甜好惹味青咖喱牛肉：平時咖喱多數都配雞，但今次試咗牛肉後好有驚喜！😯滑牛原來同咖喱好夾，牛肉爽滑，咖喱大大份，我哋仲叫埋薄餅去點咖喱，真係好邪惡🤤最後仲加多個白飯送咖喱，更正更好食🤭馬拉盞炒通菜：次次食都必叫！通菜鮮嫩，馬拉盞香口帶微辣，同樣都係大大份，抵食！食咁多嘢，兩個人埋單都係三百幾蚊，晚市真係好抵食，下次會再試其他菜式！

位於九龍城的泰國菜館，整個九龍城都是同類型的食肆，這間晚市時間也是很受歡迎，座無虛席。餐牌供應多樣泰國菜式，價格合理，而出菜時間很快，即點即烹調，食物上枱時還在冒煙。沙律類：泰東生菜包肉可以自由選擇豬、牛或雞肉。平日通常都是以豬肉為主，這次一試雞肉，肉碎混合洋蔥、胡椒、芫荽、蔥花等，味道鹹香惹味。生菜完整，大大塊，包裹著肉碎粒粒，減低膩感，難怪差不多每枱都有點一份。飯麵類：泰式乾炒河份量蠻大碟，寬河粉以醬油、魚露等烹調，炒得油亮，很有鑊氣。配料有芥藍、蘿蔔片、雞蛋及雞肉，口感豐富。素菜類：酸辣粉絲沙律泰式粉絲沙律，這款是熱食的，與別不同。酸辣味道十分開胃，為味蕾帶來刺激，尤其是指天椒經切碎後的辣椒籽滿佈在粉絲上，越吃越辣。飲品：泰式黑咖啡泰式的黑咖啡跟平日常喝到黑咖啡不同，泰式的不帶苦味，甜甜的。飲品：青檸沙冰味道清新，酸酸的，微甜。不過冰碎粒打碎一點，口感會更佳。

喺九龍城，發揮傳統精神，諗住快脆食個泰國🇹🇭午餐，經過呢度，就決定入去開餐🤣呢度有多款「午市套餐」可以選擇，咁我揀咗 $53「海南雞飯 Hainanese Chicken with Oil Rice」，「午市套餐」包飲品，揀咗「泰式黑咖啡☕️」；另外再加一個 $62「蒜蓉炒椰菜苗 Fried Cabbage Sprouts with Garlic」🤣「蒜蓉炒椰菜苗」先上，椰菜苗🥬新鮮爽脆，用蒜蓉炒，簡單好食，仲感覺幾健康🤩「海南雞飯」有雞胸肉同埋雞鎚，兩樣都幾好肉，偏瘦，幾好雞味😋；仲有一小碟好惹味嘅秘製醬汁👍「泰式黑咖啡☕️」熱辣辣甜甜地夠濃郁😋

當日係同屋企人walk in，試下呢間店，主要又見佢可以用openrice pay付款，夠方便。我地食左一個鐘都無都好快賣單走左，唔明點解呢間咁多人幫襯。落單要自己手寫落單，坐位都相當迫。明爐烏頭魚確實唔錯，佢個酸梅味道好出，魚肉岩岩好。叫左生菜包豬偏咸，菜又細塊又爛另外叫左個菠蘿炒飯，因為屋企老人家鐘意食，黎到個賣相係ok,但炒飯加埋得4粒菠蘿粒仔都唔知有無。另外飲品方面，其中一杯叫左金不換菠蘿沙冰（無影相），成杯飲左3分1到就無飲，盡左最大努力，完全零菠蘿味，只有金不換既草青味，簡直中伏最後賣單，同老細講比openrice pay,佢話壞機。跟住話比信用卡，佢望一望我張單又話要夠500先可以用，我張單係450蚊。再問咁可以比咩，佢就話現金、wechatpy同支付寶。老實講，咁佢就唔門口貼哂話會接受咁多付款方式，又無貼埋滿幾錢先用得，到比錢時唔係話壞就話唔收。真唔明點解仲要咁多人幫襯，岩岩再細心睇其實呢間都真係好多差評，唔會有下次，九龍城大把其他Thai菜

全九龍城性價比最高泰菜🇹🇭❤️燒風鱔$35@難得有燒鱔梗係要一人一串啦 風鱔外皮香脆 肉質爽口彈牙 炭燒風味 夠晒地道 加埋泰式辣汁 絕配❤️鐵板馬拉盞豬頸肉炒通菜$94一上枱 好足目 超香 鑊氣十足 渣渣聲 逼哂啲香味出嚟 豬頸肉夠晒肥美 ❤️蝦醬炒飯$66有泰式臘腸 豆角 肉鬆蛋絲肉碎 性價比好高 蝦醬味夠晒濃 炒飯粒粒分明 師父功架十足❤️炸蝦餅拼魚餅$72好大件炸蝦餅呀 超足料 夠哂彈牙 必必必點今日MVP🏆最驚喜係泰式魚餅 同超市買果啲簡直係兩回事 呢到食得出係人手打魚餅香料十足 好好味呢間係我係九龍城食過性價比最高嘅餐廳 價錢最大眾化 而且呢到係賣親切 一坐低比兜熱水洗餐具 又送上暖水 好窩心 係香港餐廳買小見小 支持小店✅✅📍泰象館 (九龍城)九龍城城南道48號地舖

餐廳位置唔多，大部份客人都有訂座，老闆親自招呼服務好好。一坐低奉上熱水一大盤洗碗，仲有紙仔自己寫號碼落單，好有舊式茶樓嘅感覺😆 大部份店員都係泰國人，好彩都識講廣東話，有得揀豬/牛/雞嘅菜式就算寫咗佢都會再口頭問🤣 下次等我畫個公仔🐽🐮🐤 泰式乾炒河 $60用闊身河粉超有鑊氣，條條炒得分分明明，連埋幾款蔬菜同雞肉一齊炒口感同味道嘅層次都好豐富，仲要份量超大碟$60好抵食焗椰青海鮮炒飯 $100原個椰青裝住炒飯拎去焗，每一粒飯都均勻沾上椰汁，但食落又唔會太濕同太甜，除咗海鮮、三色豆，仲有椰子肉，喺椰青殼上面堆到滿滿的，目測可以𢳂到五六碗出嚟😂串燒三拼（豬牛雞）$85燒得焦香，每串都好厚肉，特別欣賞豬肉同香茅味好夾，三款肉嘅肉質都好嫩滑，啲埋個花生沙嗲醬真係一流蒜蓉包 $27同普通泰國餐廳常見嘅蒜蓉包好唔同，佢呢隻除咗蒜蓉牛油，仲有乾蔥乾蒜，食落更香口惹味呢間泰菜超級抵食份量足，叫多一兩個人嚟食呢度都OK，人均消費仲即刻變咗幾十蚊，但當然我哋兩個人食就更加滿足🥳

📍泰象館九龍城泰國菜林立，想揀間好食既，就一定要揀開左好多年既泰象館～每間泰國菜口味老都有啲唔同，反而呢一間就幾啱我！今次飲左個椰子雞湯，叫咗一個海南雞飯，同埋一個燒牛肉沙律，全部都正中我心意兩個人食既話一碗椰子雞湯就啱啱好，每人都飲到3-4碗，入面仲好足料，好香椰汁味，飲落去都唔會好稀，好夠味！另外海南雞飯醬汁開胃，油飯落左香茅勁香，雞肉份量又多，好抵最後燒牛肉沙律都好正，牛肉比想像中多，好香，夠肉汁又鮮嫩，配埋沙律酸酸辣辣好開胃！

我嚟嘅時候係午餐時間，所以人都比較多😅 但係排咗冇幾耐就入到去。我哋嗌咗兩樣嘢：蛋包鮮蝦金邊粉呢個睇落係唔錯嘅，但係味道會偏甜少少😅，可以再鹹啲🥲 我食咗一隻蝦係有少少臭臭地，可能冇咁新鮮🥹芒果蟹肉炒飯呢個反而我比較鍾意，食極都唔厭🤪 啲芒果幾新鮮，仲有啲腰果添🥰 可以試吓佢哋嘅一碟炒飯😆👈🏻

南瓜焗海鮮飯 ($104)，超級適合打卡，超可愛，用南瓜裝住飯，令有人有種萬聖節嘅氣氛，味道方面似中式炒飯，而南瓜肉都軟腍酸辣豬頸肉沙律 ($78): 酸酸辣辣，非常之開胃，沙律同埋豬頸肉撈埋醬之後好好食， 配埋上邊個飯就更加好味。 青檸梳打 ($26)，酸酸嘅青檸汁配埋梳打，偶爾仲會有一種鹹柑桔嘅味道，個人建議叫依杯嘅時候要少糖，少啲青檸糖漿椰汁冰 ($26)，椰汁味重，非常足料椰汁西米糕 ($38)，一份有六粒裏面有西米，粟米同埋椰汁，唔會太甜太膩，剛剛好

絕對無下次！！！！垃圾餐廳！約食飯未齊人都好正常姐竟然同我講再未齊人就無左張檯個人咪坐左係到囉好老實d野食一般，環境惡劣無程態度西口西面，態度惡劣好似得罪佢全家甘食個做節飯都想開開心心全程趕頭趕命甘真心比錢買難受買完單多謝都無聲又無禮貌平時食飯都會想影下的食物相呢間影拎起部電話想影相既意慾都無絕對無下次！！

📍泰象館📍九龍城城南道48號今日收工好想食泰國菜，同朋友去咗九龍城泰國菜勝地，搵間泰國菜食！一入到去好多人，好彩都有兩個位！🟡蛋包鮮蝦金邊粉（$76）一講泰國菜一定要食炒金邊粉！泰象館用蛋包住金邊粉，好特別！入邊的鮮蝦很脆，有特色又好味，一啖一啖會食唔停口。🟡明爐青檸蒸烏頭魚（$148）同行友人好鍾意食魚，叫咗條烏頭魚，味道超出預期，非常入味，下面烘住熱辣辣，2個人清晒成條魚🤣🟡脆肉炒椰菜苗（$72）個汁好Balance，唔會有過重嘅魚露味，脆肉都做到好香，火候好好！小插曲，見到老闆同員工關係好好，來一場泰式按摩🤣haha好有人情味！正宗泰國菜2人食飽飽先$326，平靚正！下次會再嚟！