洛奇冰室 (已結業)

行街去玩中途，最中意去茶餐廳嘆下午茶refresh一下又抖下對腳，叫了兩個茶餐，整體都唔錯🍽️💕:懷舊西多士🍞: 應該係即叫即炸，炸到金黃色、外脆內軟，入面仲有足夠份量的花生醬，加埋牛油同糖漿，真係100分港人口味🥜🍯👌芝士咸牛肉炒蛋潛艇🧀🥩🥚: 上碟時都比佢嚇親，下午茶竟然咁大件夾抵食，雖然炒蛋有點老及太熟，但潛艇包同薯條熱辣辣🔥🍟咖啡奶茶係一間茶餐廳的靈魂，但竟然有點失望，唔夠熱同無咩茶/啡味☕🌫️😔P.S. 份量夠大，飽到晚餐都唔使食，細食朋友可share食👥🍽️🤗

今朝約左人交收曬早去到銅鑼灣食早餐搵到間又快又好味！ 早餐仲有不同選擇🔆B餐 - 沙爹牛肉公仔麵配炒滑蛋、火腿、丹麥多士牛肉夠多、醃得夠味、而且肉質淋滑公仔面夠爽口彈牙炒滑蛋都可以，唔算炒得太老、夠嫩滑火腿正常丹麥多士夠香脆最後配茶凍檸茶走甜，茶味夠香濃！

Ordered an english breakfast, one with beef and another one with egg and croissants. Overall experience, quite a nicer place for a cha chaan teng, relatively on the more expensive side although still affordable. The price for these cha chaan teng is around 60-75 hkd ish, with them providing the traditional hk snacks as sides too! For the food itself, the croissants were nicely baked with crispy texture 👍 highly recommended to people who love breads! the eggs were nicely cooked, not over or under

食左個芝士雞扒辛辣麵餐價錢$70+ 但係比唔到應有質素雞扒得好細塊 大約啤牌咁上下大細 雞扒放落炸爐炸 都唔係煎出黎 (收呢個價錢要煎都唔係好過分) 冇乜調味就係咸塊芝士雪左好耐 顏色都變左 就咁放係個麵上面 都唔係好熔到 火腿奄列 普通冇乜特別評價凍奶茶就正常無辦法寫到二百字 總結就係唔值呢個價 是但行入一間茶餐廳都有嘅質素

今日同兩個女睇完牙醫去附近食埋晚飯先返屋企，上OpenRice見到呢間冰室食評唔錯，阿女話想試就行咗過黎我哋大概7:20pm到達，一入門口見到冇乜人就覺得好奇怪。不過見到食評咁好，應該無衰喇啩？ 點知……我自己叫咗個 「招牌雙蛋蔥油豬扒飯」，凍朱古力少冰碟飯一上枱，真係精彩，佢哋嘅雙蛋連啲蛋白都未煮熟，其中一隻既蛋白生到成大攤鼻涕咁，我諗咗一陣好唔好叫廚房煮返熟佢，因為實在太核突，最後我冒住俾人加料既勇氣叫咗哥哥拎返入去煮返熟啲蛋白。隔咗幾分鐘，阿姐俾返碟飯我，問我係咪頭先叫要熟蛋 （當然返嚟嘅係普通荷包蛋，個蛋黃都仲係生，今次蛋白就熟咗，當然唔會好似幅相咁有脆邊。原來蛋白煮熟叫熟蛋，我真係第一次聽） 我唔明白點解連煎蛋都唔識都可以開餐廳。另外d豬扒同蔥油都偏鹹，咁都可以叫招牌？ 阿姐收碟時仲問我點解咁細食，我好想同佢講因為碟嘢好難食，如果我唔係肚餓，我連嗰一半都食唔落。就連我杯凍朱古力少冰，杯嘢三份一都係冰，我已經立即筆走啲冰，但係飲落去真係同水冇分別，連我個平時無要求既女都話好!難!飲!我另外兩個女嘅食物基本都正常，只係我其中一個女叫嘅熱朱古力加棉花糖，因為係同一個朱古力沖法，所以

突然想起上趟與親戚吃過這間，不如又來試下。叫了份午餐：黑椒煙鴨胸飯跟熱奶茶，七十元有找，在這地段算不太貴。他們用的是珍珠米，正。加上鴨胸肉味道濃，好入味，又有芝士蓋上面，很飽肚，實屬不錯。拼上一杯熱奶茶，感覺滿足的。

星期三早上，去金朝陽搞文件📄就去對面 #食早餐 🔸 #早晨扒餐其實佢個擺盆，真係同幅相好似～睇個樣都好開心🥳2️⃣ #吉列豬扒 配 #香滑炒蛋 #車打芝士腸 #茄汁豆 #丹麥多士 #薯餅 塊豬扒肥肥地所以都好鬆化👍其他嘢都好啱味最鍾意啲蔬菜上邊仲有日本胡麻醬感覺好有誠意～🔸 #五香肉丁太陽蛋米粉 鍾意瘦嘅五香肉丁呢度係👍幼米粉，特別好味😋唔覺唔覺食晒成碗🔸 #奶茶☕️上次杯奶茶，有茶香味味道複雜好多今次冇味😅#快快脆脆食完開工 #銅鑼灣早餐

約左朋友，想去登龍街食飯，見呢間 洛奇多好食評，不妨一試。價錢：論銅鑼灣算是差不多，$60-80 到服務＋環境：食完即走就ok, d 服務員粗佬 加 嘈之巴閉，大大聲，懶得行所以叫來叫去。你唔好稔住可以坐陣傾下偈，坐多陣都唔會。食物：menu 還 menu ，真係只作參考，睇還睇，食又另一種味道今晚第一次幫襯，亦都好肯定係最後一次。叫左個 : 雙層和牛芝士漢堡 及 常餐 （餐肉通＋ 火腿奄列配多士）雙層和牛芝士漢堡： 外觀還可以，個包有點縮縮地，和牛硬到仲差個 M 記，乾身，無味又唔熱。成個 burger 只有 2 片番茄係有味道，個包，和牛，芝士 都係唔多新鮮。同埋薯條炸得好，一粒鹽都無比，岩哂我。常餐4：羅宋湯餐肉通粉 ＋火腿奄列＋丹麥多士開罐罐頭湯＋罐頭午餐肉。。。。。，火腿奄列，蛋係 overcook, 鞋口，一 d 唔滑。食完係一d 都唔會飽，因為食淨好多。三個字：好難食唔值呢個價，試都唔駛去試啦 ！！！

夏日炎炎🥵在銅鑼灣見完客，下午茶時間諗住搵間茶餐廳Hea下，飲杯凍咖啡。經過登龍街見到有間裝修幾新，位置坐得舒適嘅Rocky Cafe，入到去望望居然見到好多健碩有型男女在飲下午茶，再望真啲，有幾個係着住制服嘅員工🤭咁多個Rocky…🤣,銅鑼灣人果然係唔同啲（伙記都有型有款😎）。坐低即刻order杯凍咖啡，再叫一個簡單而隆重嘅滑蛋沙嗲牛肉雙拼三文治。咖啡先上，嘩，好耐冇飲過咁好飲嘅凍咖啡，一入口係傳統西餐廳嘅咖啡味，奶嘅比例恰到好處（平時有啲茶餐廳咖啡一入口唔好飲，我就會成杯唔飲😝）呢杯凍咖啡，我一入口就飲咗三份一杯，正☕️。期待個雙拼三文治，上枱賣相已很好，分量充足，廚師老竇成日話，睇間餐廳得唔得就係要睇佢最基本嘅雞蛋炒得好唔好…呢間個滑蛋真係炒得好滑，沙嗲牛肉軟硬及味道好合適，必食之選😋😋😋。今次淨係食兩樣嘢，如果100分係滿分我俾101分😃好有驚喜，員工服務態度好好，座位舒適👍👍👍下次會再來encore，試埋其他我今次望到隔籬枱啲薯條沙律，漢堡….美食🤤🤤🤤

行完sogo覺肚餓 搵間冰室食個下午茶先💁🏻‍♀️和牛牛肉漢堡 $52呢個漢堡set 有薯條 或 沙律選擇揀左薯條 仲有沙律菜伴千島醬麵包皮有烘過同牛油香好重荷包蛋係流心架 如果唔鍾意咁生既你可以叫佢煎全熟 裡面仲夾左有生菜同蕃茄塊和牛牛肉味算香 略嫌有d overcooked 扭紋薯條🍟就有d淋 唔脆身💁🏻‍♀️芝士流心西多 $42一切以為有流心芝士 但只係拉絲但係呢個配搭幾新穎 芝士帶鹹香西多仲帶有一種好特別嘅甜香😗好味道 值得黎試試💁🏻‍♀️熱招牌奶茶奶茶幼滑 但茶香欠奉💁🏻‍♀️熱杏霜杏仁味香濃 微甜 啱晒我口味以冰室既食物質素黎講算唔錯 會再幫襯👍不過餐廳有好多蚊滋飛黎飛去餐廳方面可能要注意下滅蚊蟲食物: 8/10環境: 5/10服務: 6/10性價比: 8/10

位於登龍街既冰室比較新式小小🥢雪菜肉絲米粉 餐有炒蛋同火腿🍳🍳加咗個火腿芝士牛角包🥐價錢有小小偏貴係foodpanda落單自取$45.2早餐黎講好豐富😆

入座10:45，見到午餐吸引，但11:00先有，咪問下有冇得落咗單先，等下食。佢個伙記”扮男人嘅女人”勁臭串，話梗係唔得啦，咁俾你hold住張單，夠鐘先叫得。咁我咪於是坐到夠鐘叫。又係呢個伙記落單啦，勁做作咁睇錶，又大聲問廚房有飯叫未，俾說話我聽。之後落單又唔聽真，問完又問，仲要黎到，我叫意粉，佢落咗飯。其實得咪得，唔得咪算囉。唔使咁樣要啲客受氣掛？食食下，咁啱見到隔離有台客講英文，又係呢個伙記，好冇禮貌，係咁用中文問個客講乜，重複幾次問人咩話，好似兇人咁，之後仲好自豪咁話自己唔識英文。仲有前面有台客，見到自己碗麵有啲腳仔，點知另一個伙記應對時，對唔住都冇講聲，煮過另一碗之後，仲好似講笑咁，叫個客睇吓，應該唔會咁好彩掛。飲食業最起碼嘅禮貌同清潔都做唔到，幾好食都冇用啦。

晏晝有啲嘢要喺銅鑼灣做，所以過嚟登龍街快食，試下呢間冰室，裝修幾新淨同光孟，座位係近，但唔算逼，坐落感覺都還好我哋兩個人點咗香蔥滑蛋蝦仁飯、芝士焗肉醬飯同兩杯凍奶茶少甜焗飯芝士同汁都好足，如果肉醬多少少會好啲，焗飯都係炒飯底，比較特別嘅係佢配咗隻煎半熟蛋，撈勻當蛋汁食都唔錯，滑蛋蝦仁啲蝦算大隻同新鮮，而且爽口，香蔥炒蛋正常發揮，配埋豉油汁食幾開胃，凍奶茶叫咗少甜都偏甜，可以再少啲，奶就夠好，但茶底唔夠濃

朋友話呢間出名叉燒炒蛋飯但見到蔥油忍唔住要試嗌左雞扒太陽蛋飯太陽蛋就係比較生鍾意打爛蛋黃再拌飯吃如果唔食得生蛋嘅可以要求睇吓可唔可以轉反蛋蔥油足冇令我失望下次拉埋同事去食個lunch先

朝早做完運動，想搵間茶記坐低嘆個早餐。見到最近就係呢間登龍街嘅冰室，所以就入嚟試吓。我哋叫咗兩份早餐：羅宋湯餐肉通粉配豬柳炒蛋丹麥多士 ($40, 6.5/10)羅宋湯底味道唔錯，而且都有啲紅蘿蔔同牛肉粒等，餐肉分量略少，通粉軟硬適中。豬柳味道一般，平時麥當勞嘅豬柳好食啲，炒蛋都幾滑，丹麥多士就烘得略乾。叉燒意粉，配炒蛋丹麥多士 ($38, 6/10)叉燒好瘦，識落有啲鞋口，而且完全食唔到蜜汁味，意粉就正正常常。熱奶茶奶味比茶味突出，茶底飲落都唔夠香，整體一般。