洪師父牛肉麵

营业中

休息中

大概7:30入座無需要等位要試佢啲麵，好煙韌，好彈牙！好食！便當一般般+$18 叫咗個貢丸湯唔太建議好似胡椒加水咁見到佢下午茶都好抵食，下次會試吓人均消費大概$100

沙田啲野食偏貴就人人都知㗎啦🤣經過見到呢間價錢又唔太貴，又想食台灣野啵👻咁就入去試吓先😛🧊招牌紅燒牛肉麵 $68 8.5/10一嚟就飲啖湯先🙊唔錯唔錯！幾濃幾香😍牛肉份量就都算係咁嘅🤣但佢啲肉質好冧同好入味😚如果有多小小就好啦🫣🫣麵質嚟講就fit哂我口味啦！💓💓煙韌控嘅小編好鍾意食呢種麵！！超級有咬口🤤🤤會話成碗麵最好食嘅係啲麵😂如果你哋都係煙韌控嘅話，一定要記得叫粗麵🫡人均消費💵： $60-90性格比： 8/10好食程度😋：8.5/10回頭指數💓：8.5/10

第二次幫襯洪師傅，上一次喺旺角食，感覺不錯。今日嚟沙田唔想食咁貴，見到有洪師傅都就黎試下。嗌咗一個香酥雞扒便當滷肉飯，加牛骨湯水餃。因為想食炸雞，所以冇嗌牛肉麵，但係又想飲佢個湯就叫咗個牛骨湯水餃。餃子皮比較厚，餡料味道唔突出，不過唔算太貴$42蚊10隻餃子，加上可以飲啖湯都算抵食。之前食過鹽酥雞覺得味道唔錯，今次香酥雞扒便當可以食鹵肉又可以食多啲雞肉。不過佢哋嘅鹵肉唔係特別，普普通通，雞扒炸得入味香脆，但有啲外皮太厚。

特別嘉許伙記關小姐及另一男伙記，今日去食嘢跌咗銀包，伙記執到之後見到我銀包有住戶證，然後佢打俾管理處，管理處再打俾我先知道自己跌咗銀包，原來夥計幫我執起咗😭😭 嚇死我，伙記起好人嘢食符合預期，湯底好好味！

今日食晏已經夠多人，我見呢一間比較冇乜人排隊，所以就撳飛。已經見到啲職員行行企企，唔知喺度做乜，一係就兩個女仔企喺度撳手機？！🙄🙄🙄🙄真心黑人問號？我明明見到有吉枱，啲服務員可以企起吉枱前面都唔邀請客人去坐。好啦，真係有一枱見着佢走，都居然可以唔抹枱？！ 清走晒枱上面啲嘢，等咗成幾分鐘，都冇職員嗌飛，一個男職員居然可以挨住個廚房門口嗰度企，啲女職員就喺度傾偈撳手機。我真心想問吓呢間餐廳嘅老闆，點解可以咁無恥收加一服務費？到最後居然係我同個職員講，我要坐嗰個位，佢仲喺度撳個機嗌之前啲號碼。我同佢講你啲同事已經嗌過晒，佢仲喺度黑我面，叫我自己嘟安心出行都算，個部手機熄機㗎🙄唔該呢間餐廳嘅老闆，睇到呢個message，教下你啲員工積極啲，我以為我自己返咗大陸啲二三線城市食飯，同埋服務態度極差，同客人講嘢好似自己同自己講嘢咁，俾嘢食比客戶時又黑口黑面，行路又好似zombie 咁。點叫客人再帶朋友黎食？負評都比多左你

洪師父平時都成日食😆今次試吓佢哋嘅麻麻雪花牛肉麵🤤作為都鍾意食辣嘅愛好者呢個面的確幾好食😚麻麻辣辣而且亦帶有少少椒酸味好過癮而且價錢唔貴份量唔細 $78😎性價比高都可以試吓🙈

週末沙田搵食飯好難，間間門口都超多人排隊。朋友先到，搵咗呢間人少少嘅店，之前經過都想試試，一直以為係中式點，坐低先知係台式😂座位相對擠逼，waiter行黎行去，好驚俾撞到。檯面唔算好乾淨，可能是顏色問題🥢紅燒半筋半肉粗麵 $78上餸好快，湯水好清，麵偏硬，啲筋好食，淋滑，但肉就一般，比較榎。味道一般般，沒有好重的台灣特色🥢滷肉香酥雞扒飯 $62賣相很不錯，雞扒熱辣辣，嫩滑但炸粉過多。滷肉飯就正常，可以一試✨總括而言，冇lunch set，要單點，但味道and服務一般，要加一。

1. order app個麵可揀走菜圃走葱走青瓜走蘿蔔走xxx，我咩都無走，個麵上到嚟得青瓜紅蘿蔔，我問我個staff點解我冇走呢啲佢話呢款麵係冇😅但又叫我揀走唔走？2. 叫椒麻拌麵但冇鹹味冇花生醬味得de辣味，啲麵乾到撈到撈唔到啲汁，咁樣叫咩拌麵？其實台灣拌麵應該好難整得難食，喺超市買包即食拌麵都好過佢3. 叫滷肉香酥雞排飯，圖有嘅配料真實一半都冇，都算，啲飯白色冇味又冇汁，同staff反映，佢話佢地公司口味係咁，佢自己中午都係咁食…其實我目的只係叫staff拎啲醬汁姐，唔肯拎話無咩汁，我先再話多兩句先話俾啲豉油我??我而家食豉油撈飯？無汁點整到個飯？最尾講左幾次先肯去拎個唔知咩汁，又唔係叫佢refund/整過，叫佢拎啲調味好難為？4. 其他staff都正常，有一個staff反應真係差，完全難食加無正常服務可言，service charge 10% lmao Go this restaurant if you wanna eat sth awful

去到沙田食晚餐，見到度度都好多人，就黎左連城商場呢度搵野食，最後揀左洪師父。呢間係台式餐廳，快餐店既級數，價錢都唔貴，一個飯餐都係$70到，個飯餐就係一碗魯肉飯配一碟餸。今日就選擇左食鹽酥雞和香酥雞，兩款雞都好好味，炸到好香酥，D雞你可以係點單果時選擇加唔加辣粉，個人認為都幾辣，唔食得辣既人唔加會好D，炸雞既份量都好多（食哂飯仲有雞剩，因為唔想浪費都全部食哂）。魯肉飯好入味，肉碎都好多又有半隻蛋勁足料呀。最後仲加左個甜品芋圓，都係$30到，呢個味道就一般啦，同糖水店就差幾個LEVEL，可以唔食都得。

重回舊地，連城廣場好多食肆唔同咗，揀左呢間食台灣牛肉麵。4個人坐6人沙發位，好舒服，傾計又方便😄。叫左招牌紅燒牛肉麵，湯底好濃又香。有牛肉味，牛肉夠淋入味。我叫粗麵，麵底幾彈牙，好吃。另外，朋友叫了花枝丸小吃，味道正常。喜歡食牛肉麵，呢間會係不錯選擇👍🏼

部分蕃茄是凍，菜是凍，湯底是暖，如果所有野都熱返 應該係幾好味…太可惜！肉的味道是很不錯的，蕃茄味道也是很不錯，但一碗面 吾熱真係好扣分…而家價格不便宜，本來還滿期待，可惜..

星期六嘅中午去咗沙田連城勁多人等位食飯因為冇食早餐嘅關係 超級肚餓🙈所以見到邊間唔洗等位就入去最後揀咗呢間 洪師父牛肉麵🙆🏻‍♀️.餐廳係用qr code落單我哋叫咗🍜紅燒牛肉麵 $68🐷滷肉鹽酥雞飯 $58🧋QQ鮮奶茶 $26.🍜紅燒牛肉麵 $68落單嘅時候可以揀粗麵幼麵我哋揀咗粗麵仲有一條菜伴碟牛肉好嫩唔老連麻麻地牛肉嘅我都覺得幾好食👍🏻👍🏻👍🏻🐷滷肉鹽酥雞飯 $58滷肉飯同鹽酥雞係分開上滷肉飯有半隻滷蛋係入面滷肉好味 送飯一流👍🏻鹽酥雞份量好多以女仔食量未必食得曬🙈側邊仲有沙律菜伴碟🧋QQ鮮奶茶 $26呢個有啲失望🥺Size係正常但杯奶茶無奶味又無茶味似係溝左水唔知飲緊咩🤔除左飲品有啲失望之外性價比都幾高👍🏻應該都有機會回訪嘅希望飲品嘅質素會改善😳😳

是日公眾假期，經過沙田連城廣場，想搵啲嘢食吓。連城廣場食肆林立，假期要搵個位食飯都唔太容易。但係我地見到呢間餐廳裡面冇乜人，咁就喺出面揭吓個餐牌睇睇有乜啱食。呢間店嘅招牌菜係「得獎」紅燒牛肉麵，於是我地就想試吓係咪真係咁先。甫坐低就即刻落order, 兩碗麵好快就送到啦。首先當然係要試吓啖湯先啦！咦～暖嘅？冇嘢呀？牛肉又鞋又韌，同牛腩嘅質感咁上下？啲麵亦只係一般般，食唔到麵粉嘅味道。以呢碗麵嘅質素，大約７０幾蚊嚟講，同出面街一碗４０幾蚊嘅牛腩麵相比，確實係貴咗啲喎。普通到唔普通，唔會再幫襯。。。果然係期望越大，失望就越大

當晚喺沙田行完街，想喺連城廣場附近搵野食，發現呢一間新開嘅洪師父牛肉麵，見入面都幾多食客，加上食物賣相唔錯，於是我地一行四人最後選擇左呢間餐廳去醫我地嘅五臟府。我地獲安排坐喺一個四至六人卡座，環境以淡黃色作主調，環境相當之唔錯！食物方面，我嗌左一碗麻麻牛肉麵，椒麻味嘅湯底非常惹味，似酸辣湯加上淡淡椒麻嘅味道；而且佢個手工麵煙un又好咬口，非常值得一試！除左麵底之外，我地仲嗌左一碟小食拼盤，有炸花枝丸、鹽酥雞球、台灣香腸同少量沙律菜，每款小食都唔會太過油膩，味道都相當唔錯。整體嚟講，洪師父牛肉麵食物水平同環境都位處於中上水平，絕對唔會遜色於一啲知名嘅台式牛肉麵店架！

去到沙田諗唔到食咩 一定就係去食洪師傅我自己係台灣食過一次牛肉麵 覺得湯底偏鹹同偏濃到有啲唔舒服 但洪師傅就冇呢個問題 我第一次覺得驚為天人 因為個湯底係真係牛肉鮮味到冇得彈 啲牛肉都係入口即溶另外上菜速度真係好快 我QR code落完單3分鐘後就已經上左菜 所以好佩服廚師同侍應嘅速度今次係試麻麻雪花肥牛 湯底方面多左個麻味 其他水準如上所述 但以我食過咁多次嘅經驗 我首選係清燉牛肉湯麵>紅燒牛肉麵>麻麻雪花肥牛 因為清燉湯底夠清夠鮮 岩我唔鐘意濃味野嘅人 另外清燉同紅燒牛肉有唔同部位嘅牛啦 有牛根 牛展 肥牛等等 每一種口感都唔同會新鮮感多啲不過唔太建議叫其他小食 我覺得真係貴同都幾難食 但牛肉麵黎講我覺得真係第一下就會諗起呢間店！