派格餐廳 (已搬遷) 新店位置

星期日8點，最中意搵D唔洗排隊嫁餐廳 係波鞋街，有幾層nike嫁大樓上面，有間德國cafe，都幾難留意到講真上到3樓，好特別呀，好似一間賣旅行攀山用品店，不過放左D餐枱咁入面D裝飾都好精緻好有味道，加上有一半客係外國人，好似置身異國wo menu有好多不同種類嫁德國腸同咸豬手set Dinner $199，湯+包+主菜+甜品 朋友叫左一個豬扖set洋蔥肉湯，好多洋蔥碎，但個咪好怪，好味精，我覺得好似珍珍果隻綠色包裝薯圈嫁味個包就好熱好香，外脆內軟，讚!甜品本來是蘋果批，但賣完喎...明明全場得4枱...改做cheese cake，一般啦，配cream同草莓我有D飽，所以淨係叫左個鐵板雞扖香腸伴薯角，黑椒汁 $128雞扖肉厚大件，好嫩滑，但怕熱氣冇食皮兩條唔知咩腸，因為不嬲都中意依食腸，所以好正呀整體OK，但汁唔多夠囉埋單$360， 下次可以試下芝士火鍋，好似係招牌菜

今日原本諗住同MR去食出名既鷄煲, 點知鷄煲舖頭話滿坐,要等到9點先有飯開,MR當然唔製,之後我極力推介到呢間食豬手同芝士火鍋~~微黃的燈光令人感覺好舒服,而且坐位好寛,唔會覺得好迫~特別既露營佈置加上大木枱,覺得好有自然既氣氛!!其實我最中意呢間舖頭成日都冇咩人~有適當的熱鬧,但唔會好嘈~!!已經唔係第一次黎幫襯,對我黎講比起一年前而家已經好好~因為而家有中國人服務員!早前黎只有老外兩三個…好難溝通~ ^O^ 不論係老外定係唐人一樣咁親切~坐落MR睇到餐牌~我緊係同佢地講兩樣都好正,想佢地一齊品嘗啦~!!佢地話為左健康著想,喺豬手同芝士火鍋之間兩樣只能活一樣~唔可以太放任我喎~好坦白好老實,要健康營養既朋友呢間餐廳一定唔會係好選擇,因為我人認為呢到真係膽固醇既天下~除左沙律之外,任何食品感覺都好’’重口味’’高血壓同怕肥既人真係唔係咁啱~~最後我地點左豬手同德國腸拼盤,仲每人一杯啤酒~~ (真係唔夠喉)豬手 – SAZE可供二人享用~可以請服務員原隻上枱~視覺上會更加令人興奮!今次一時間唔記得,所以已經骨肉分離了~~雖然係咁,但都不失佢的陣容!!豬手皮炸得好脆,唔會太厚食落去會變靭,

聽BIGPACK 依個名就知道同旅行有關, 店裡面果然有賣爬山用既大背包, 同埋其他用品, 不過各位食客大抵都係為食野而黎, 無咩人上前睇貨講番正題, 同朋友3個人預先訂左位,不過因為唔滿客,所以都係隨便坐。可能係外國人開既餐廳, 部份侍應講英文, 中文識聽少少咁, 不過都好有禮貌。係似係經理既介紹之下, 我地叫左個芝士火鍋香腸套餐。朋友好鐘意食香腸, 話香腸都唔錯, 有唔同口味, 白色個隻淡味少少, 雞肉腸就偏咸。個人最鐘意芝士既濃度, 唔似X粉X個D, 好似忌廉湯咁, 起碼都有芝士香味, 不過可能用既芝士唔合本人口味, 覺得略酸, 但依然合格。芝士西蘭花,正!! 不過試唔到下面食友講既"芝士焦", 好似個爐唔係咁夠熱。侍應推介既咸豬手, 肥中帶瘦, 好好味, 唔會得層厚皮, 肉又嫩又滑。依個豬手餐係跟一杯啤酒, 飲唔曬唔緊要, 可以叫侍應俾多個杯, 自己分裝。啤酒泡沫充足,飲到一半仲有保持到, 味道係比一般啤酒淡,但勝左麥味香。我地仲叫左個煙三文魚薯餅, 依個好好味,要三文魚同薯餅一齊放入口, 先會有種軟滑中帶爽既感覺,因為薯餅既薯仔係條狀, 咬落去有口感, 唔會一舊粉咁。 而且

先前嚐過了意粉屋的芝士火鍋，晚餐大約200元一位，但只吃到濃濃的磨菇湯味道。芝士呢？抱歉，我嚐不到。吃要吃得好，也要吃得值。所以這次先做了資料搜集才吃cheese fondue，畢竟這玩意兒不是便宜的。香港地樓價菜價車費甚麼都加，惜工資仍維持於十年前水平，總覺出外吃飯愈來愈貴，又不飽肚。但這間餐廳所提供的cheese fondue，卻令人有意外驚喜。甫一入門，就瞧見一個個的大背包掛在牆上，原來這家餐廳除了賣美食，亦賣旅行用的Bigpack。店內人流不多，悠閒舒適，星期一的晚市只有十多人光顧，與窗外五光十色的鬧市相比，顯得截然不同。餐廳提供三種芝士火鍋，各有特色。和朋友討論後，要了各一盤香腸和火腿，雖香腸套餐較便直，但更為美味。火腿套餐$438香腸套餐$398對香腸沒甚麼研究，但每款味道也不錯，加上濃濃的芝士醬，整個味道昇華到另一層次。溫熱的芝士，入口香醇，叫人一試難忘。餐內的店員很細心，不斷問我們食物評價、要否添水、把鍋加熱云云，服務態度一流，這是現今大部份餐廳所欠缺的，雖然同行四位朋友已十分飽肚，仍堅持試試這餐廳的德國菜式－咸豬手。起初怕發胖不敢吃，經朋友遊說和壓逼（？）後，勉強淺嚐

以往逛波鞋街, 都沒留意到這家餐廰, 是日走完這幢大廈樓下的三層運動用品店, 臨走時在電梯外見個餐牌, 在旺角真是吃得悶了, 於是二話不說, 上去試試整家餐廰有點兒帶給露營或行山的感覺, 牆上有很多不同的野外用品如背包, 手扙, 圖片等, 長枱都是大木枱及像野餐般的無靠背長椅, 整體感很有心思!點餐後, 便來了一藍餐包, 竟然是兩個熱騰騰的香草餐包, 再伴牛油, 又香又熱又脆, 很難得被名字吸引了, 德國芝士刀削麵, 中式的總有聽過, 但德式的真是特別, 以mozzerella cheese焗出的刀削麵, 又香又有少許燶, 真是美味, 麵條是軟身又削得短短的, 容易吃, 令人一口一口的接著想放入口二人用的拼盤, 有各式各樣的德國腸四款, 各有特式, grill得很香口, 墊底的sauerkraut很多, 但味不夠濃, 欠點酸, 美中不足遲來的沙律是跟餐的, 但竟然是最後才來, 次序上扣分呢!!! 但很美味, 菜全都新鮮爽口, dressing不知是什麼名堂但很惹味, 令人開胃服務不錯, 職員很有禮, 很能幫助客人點菜, 提供意見

係整日都人多車多自由行多既旺角返工, 真係好怕搵地方食飯, 放左工更加想盡快離開lee個地方。lee排節日多, 對自己好一點就去左lee度食lunch, 單睇價錢, 普通lunch set都6/70一個, 唔平, 所以唔駛等位。 但相對地環境ok 喎, 佢有裝修, 枱夠大, 坐得舒服。你去女人街叫做靚少少既餐廳都成50蚊啦, 但又要等位又要坐得迫喎! 講返野食, lunch 普通set 就唔係話係d咩特色德國野, 都係d意粉焗飯呀咁…但佢d野係有誠意ga! 先講個湯, 番茄湯食到番茄蓉, 好味道。個蒜蓉包d蒜蓉牛油好夠香, 如果燶少少會再香口d。野食叫左鮮蝦青口扁意粉, 個餐本身係白汁, 我要求轉茄汁, 侍應幫我問廚房可以轉, service 都幾好。蝦就係雪藏蝦, 夠大隻, 正常無咩鮮味但好爽口, 青口真係值得讚, 佢唔係用一般餐廳既半殼雪藏青口(lee d 無鮮味,易霉又o鞋口), 佢lee度既青口似澳洲青口, 有鮮味而且嫩口! 讚! 而且佢意粉係al dente, 我鍾意! 我同同事都好滿意! 間唔中豪下又何妨! 如果要食歐洲野, 佢lunch 有d商務套餐, 百零蚊個, 我見佢

I made a booking one week earlier for the Christmas celebration, so we need not wait. In fact, It is not a very crowded restaurant ..maybe it is not really famous ...(Actually, from the standpoint of a customer, I do not want it to be famous haha because the quality of the food and service usually cannot be maintained after the popularity increased)The service was okay but not satisfactory as a staff looked so impatient when we were making orders. The most important thing was that the staff d

近年德國啤酒節慶愈見盛行，每到十月中旬至十一月初的時份，不論數個知名大場，以致不少主題的酒吧食肆，都會舉辦相關的推廣活動，對於經營者來說，固然是黃金商機，至於站在參與者的層面，既於狂歡發洩之餘，亦能感受一下當中的異國的風情。今年本也是座上客之一，因基於一點不愉快的緣故，決意選擇避席一年，卻是不見還是終需見，當過了十一月中旬之時，氣氛已經冷卻下來後，無意間卻造就一躺食緣。事緣與一眾同事閒逛於旺角的花園街，這又名波鞋街的地帶，是運動服飾用品的集中地，其中一段，是樓高兩層的TORONTO SPORTS旗艦店，當中售賣著不少國際的知名品牌，例如「大關刀」等。而於高層之內，更坐擁一間歐陸式的酒吧餐廳，本身已知悉多時，卻總是過其門而不入，既然今次人數與興緻俱全，乃就冒眛入來一試。想不到身處旺角這個鬧市，會有一間甚富異國風情的餐廳，以偏紅為主調的燈光，配合木製的桌椅及環境，加上一應俱全的酒吧，就仿如置身於歐洲的小餐館般。正因已經過了啤酒節的高峰期，閒日下的人客實在不多，約有四至五桌之數，倒帶出一種悠閒舒適的氣氛，令人感覺十分受用。餐牌主要以德國菜為主，另有毗鄰的瑞士及奧地利等食譜以供選擇，那天正見到

如果約朋友喺旺角食飯, 而對方又冇咩特別意見的話,我首選一定會係呢間餐廳因為真係太舒服,太有風格舒服係佢的環境好寛敞,有大大的玻璃窗,坐位唔會太迫,好有空間感, 最開心係佢成日都唔會好多人~所以係傾密計既好地方~除左佢D食物之外, 佢有風格既地方係佢到十點就會叫你埋單同埋話你知最遲可以坐到几點對於我呢D傾計唔知時間過既人,貼心既提示的確好大幫助~!食物方面都係令我著咪既地方, 由於我地只係得兩個人,所以喺德國豬手同芝士火鍋作取捨,最後都係揀左芝士火鍋 ^O^芝士雜婂腸仔火鍋 - 唔同的腸仔面包同菜點落濃濃的芝士果到,真係正到不得了~芝士唔會太浠,燒到最後喺個鍋到仲留有一層燶燶地既芝士,''NEW''埋黎食有少少脆卜卜,好似食飯蕉咁既感覺,等咁耐都係等佢咋~!! 真係肥死都願~!豬柳沙律 -- 即炸豬柳食落口有燙咀既感覺,沙律D菜好新鮮,點少少醋一齊食,好開胃又好味!四色芝士薄餅 - 又一推介之作~! 4種唔同既芝士一次過品嚐~好有質感之餘仲可以滿足我拉起芝士的快感, 真係可以拉得好長~好好玩架~萍果系列既甜品因為唔知邊種打邊種,由於得兩個人,所以只點了兩種,兩種都有唔同口味萍果批- 溫

在晚上七、八時的晚餐時段，旺角有哪一家餐廳是不用等位，也可以讓你和三五知己靜靜用餐、聊天？於是，朋友介紹了這一家德國餐廳。餐廳的裝潢充滿郊外的味道，陳設以木製為主，加上雪山的照片和一列列的爬山背囊，老闆想必是爬山好手﹗我們三人點了兩道菜 - 鹹豬手和"Haus Style Sausages Platter"。只能說，味道、火喉、份量都恰到好處，而且很有家的感覺。特別一讚的是薯蓉，非常香滑，牛油與薯仔的香味相輔相成，讓人一試難忘。另外，職員的服務態度也算不錯。我們吃完後(大約八時許)，職員雖然遞上賬單，但補充說我們可以留至十時半，完全沒有「趕客」的意思。P.S. 在我們用餐的兩小時裡，餐廳內也不過十位客人。絕對是旺角優質餐廳的滄海遺珠。

去旺角無意中發見呢間野, 係nike專門店上面, 唔行埋去都唔知有野食~ 就入去試試~入面有酒bar, 但光線充足, 可以望到街景~格局良好, 有背包做掛牆裝飾~食下午茶仲貴過食午餐~ 於是叫咗午餐食e肚~同埋午餐多選擇d~午餐包湯, 主菜& tea or coffee, 湯既味道不夠濃~ 檸檬茶既茶不夠香~長通粉味道極濃, 本人十分喜愛~分量夠多, 芝士夠多, 其他食料平均分配得剛剛好,不會肉太多或菇多太或粉太多~但係食食吓有點兒膩~而漢堡入味, 略微咸咗dd~薯條炸得好味~整體味道良好~ps: 服務生係外籍人士~

上星期約個 friend 去旺角睇戲，睇之前去醫定肚先，朋友話一直都好想食 Bigpack，咁好啦，就試吓啦！上到去時間尚早，無咩人，其實晚市個爐都未開，坐著先，睇定個 menu 亦可以預先叫定啲嘢。同朋友就叫咗個（大）嘅 Goulash（匈牙利牛肉湯），有麵包配埋上。先講麵包，幾好食，夠香脆、夠熱亦夠軟熟，麵粉香都夠，唔錯！至於 Goulash，同以前飲開嘅唔同，辣椒味比較強；另外個湯都幾足料。主菜方面，余點咗味餐廳本身推介嘅巴伐利亞傳統牛肉卷配紅菜、薯蓉，呢個菜應該係技術含量較高，入面釀咗煙肉、洋蔥之類，醬汁較濃，不過有紅菜同薯蓉平衡。呢個菜係食肉獸必點，而且份量多，幾抵食。朋友就點咗個巴伐利亞烤雞，無咩油，而且夠香脆，朋友稱讚話肉夠多，唔似得出而食嘅咁少肉，都係抵食之選。

好耐無寫食評, 為左表示不滿一定要寫返兩句.星期5晚約左2個朋友一行3人一心嚟試個芝士火鍋, 我地人齊時約7:10pm order 左一個2人份的$368, 女仔比較細食而且芝士比較漏所以沒有再叫其他嘢, 果然大家食左一半都話幾濟下, 後來我細妹早收左工都話嚟試下, 佢7:45pm到 KO 埋其餘食物, 大家食完都話差唔多, 仲諗住下次再嚟試咸豬手, 於是就諗住叫desert 火焰雪山($78)同梳乎里($98), 點知佢話無, 我地對其他沒有興趣, 於是係度傾下計上下網睇下去唔去第2度食, 有個waiter (黑黑地講英文)之前已經好無禮貌咁收晒我地d嘢, 走嚟問"anything else?" 朋友好禮貌咁答"still thinking" 個 waiter 竟然話" are you keep thinking until tomorrow" 好明顯趕人走, 當時8:40pm左右店內都唔滿客又無人等位, 佢咁樣未免太少家, 我地諗佢唔like我地4個人只係叫一個2人份的餐 !!! 咁真係勁差, 我地想叫甜品佢無之嘛, 況且都唔係有人等枱, 我地又唔係磨左係度好耐, 呢下咁serv

尋日上左big pack食芝士火鍋, 專登去食但係冇做reservation。星期五,七點幾八點鐘都唔洗等。其實都幾好食,但係又冇乜人上去食, 好怕佢執, 所以決定開個account寫返次食評=]環境黎講間舖就好似之前寫食評ge人所講,好有山區風味牆身掛左好多back pack,同埋bar台個位真係好有feel我地當日上到去d音樂係大聲左d, 不過其餘都算幾好。另一個唔係幾好ge地方就應該係d chair唔係好好坐大部份係camp site果d布chair, 唔係好托倒條腰而另一種就係大木台, 大木台就冇後面挨ge位置, 係難坐一d ge我地3個人食飯, 一人叫左杯德國啤酒先因為如果單叫飲品比較貴,大家都覺得與其俾五十幾蚊去飲果汁不如去飲酒啦。於是3個都叫左一樣ge啤油,不過或者係我地3個都唔係好識酒, 所以飲唔出同普通啤酒有乜分別。主角出場!我地叫ge係德國芝士火鍋套餐 (HKD$368)食腸仔拼盤GEMenu上有1(德國紐倫堡腸,牛仔肉腸,雞尾腸,香辣豬肉腸)但係其實盤腸係有5款的說。其實熱左就可以食得,不過煮耐d就好似都係好食d配菜請見標題。一般黎講,除左麵包沾一沾就可以食之外配

朋友生日, 壽星說她想吃芝士火鍋, 所以選來這家位於旺角的德國餐廳. 老實說, 沒想過旺角也有德國菜, 對吃貨們來說這地方似乎越來越多元化了~!這餐廳的裝潢有點特別, 在四周和牆上都放了很多不同款式的行山背包, 真的很想問一下是不是兼賣背包呢?我們等了一會便齊人了, 首先一人來一杯德國啤酒, 喜歡黑啤的我又可以喝個夠了! 之後便開始點菜了~<<是夜菜單>>芝士火鍋: 其實芝士火鍋應該不是德國菜吧...? (我也不太清楚...) 火鍋配料其實都挺多的, 有麵包, 火腿和蔬菜. 不過芝士比我吃過的稀, 味道也沒有正宗的濃烈, 可能是因為將貨就價, 也可能是為遷就香港人口味吧... 不過我還是比較喜歡正宗的. 而且可能芝士太稀, 很快就已經沒有了...煙三文魚薯餅: 不是味道不好, 但不知怎說, 兩件事有點格格不入...香腸併盤: 這個不可能有閃失的了! 吃德國菜簡直不能缺少的一道! 當然腸的種類都是比較便宜的, 但以它的價錢我覺得可以接受的!(來到這裡因為我的相機無電, 所以借了友人K的照片)芝士刀削麵: 這個應該是德國刀削麵吧~!? 看到有這個