海南

营业中

休息中

平時成日嚟西營盤，係正街路口都有見到呢間餐廳，今次經過，比佢既香味吸引左入去。見到我最喜歡嘅去骨海南雞飯，我地三個人叫咗個二人餐，有半隻雞加另一個餸，好似幾抵食，因為比較少食牛尾，所以就試吓牛尾。嘩！份量夠哂多，如果係兩個女仔真係食唔晒。我哋揀咗油飯，佢仲有一碟菜送。可能伙計見到我地三個人，主動送多個湯，吡個讚。👍🏼好吃！海南雞同牛尾好高水準，雞肉好滑而且去骨，牛尾都夠淋同入味。油飯同湯都正，食完唔覺口渴，應該冇落味精。海南雞最主要係要點三色醬一齊食，佢哋嘅姜蓉味道啱啱好，唔似燒臘舖咁勁鹹，黑醬油味道好濃郁，我鍾意溝油飯嚟食，其實最正係佢嘅辣汁，勁開胃，同第二度啲辣醬好唔同，感覺間餐廳係好用心同緊張食物嘅質素。三個女仔都夠食，最後個friend仲買多半隻雞攞返屋企。整體來講呢間餐廳性價比非常高，比起其他快餐店或者茶餐廳嘅海南雞飯好食得多。疫症期間，飲食業好難做，一定會支持街坊小店。

今日即興約食tea, 我其實食咗嘢，但係都可以食少少嘅~ 我地響第一街， 第二街，第三街，高街行嚟行去。。。。 諗住食韓式炸雞， 點知佢落咗場。。。 咁我地行去pop street... 又冇開。。。 行去茶咖里，佢中秋早收工我地放棄， 諗住食大快活算喇。。。 好彩行吓行吓，個friend諗起呢間海南雞飯~ 咁就呢間啦~~行咗咁耐先搵到間啱心水嘅鋪頭，快d坐低叫嘢食~~~ 我地揀咗海南雞飯，下午茶價只係$39 咋， 勁抵. 佢個湯係元貝冬瓜雞湯，估佢唔到咁足料， 真係有瑤柱碎，都唔少添 正佢個雞都好食，雞胸都唔鞋， 好味~ 佢嗰3 款汁都好好食， 唔錯唔錯， 我明明唔肚餓， 但係竟然可以食晒成碗飯， 我全部清碟發現到呢間小店，我之後經過都可以多個選擇喇

現在要居家隔離，唯有點外賣，在app裏看到這家海南雞，地點很近，看照片好像很好食，所以就點了，外送服務很快，俾個like👍👍只需要15分鐘就送到了，我是晚上7點這個繁忙時間點餐，服務真係唔錯💪💪海南雞髀飯我這次是點了海南雞飯，加了錢要求要雞髀，海南雞雞肉很嫩滑， 雖然海南調味不夠濃，但海南雞最重要的還是那個醬料，漿料味道很好，黃油飯也做得不錯，整體來說質素很好，包裝也很乾淨，唯一是飯不夠熱，但因為我用外送服務，所以不可要求太多了😉

唔知點解成日tea time就想食飯😅去完華爾登餅店，附近黃店見到海南，價錢好抵食wo，見到poster加幾蚊有沙律成個飯碗咁多，好抵食啊，新鮮爽脆，配上柚子汁好開胃，唔錯唔錯👍冬瓜湯裡面仲有瑤柱絲油飯，幾香，唔滯我同朋友都點咗海南雞 ，下午茶份量都可以雞肉嫩滑，um...好食，要又食又拎果種我哋兩個食完個茶餐，我買咗半隻雞+半隻元蹄$128，朋友買2人餐$158，半隻雞加牛尾，然後朋友又想試元蹄，老闆勁好人送咗d比佢😆仲送埋coupon比我哋下次用😊然後返屋企食個元蹄🤤，超正，肥美嘅豬皮但冇肥膏，肉又香又滑又入味，仲有豬筋都入曬味，個滷水汁越食越想食，好欣賞個元蹄，下次要買成隻連續食同一款雞好似好痴線，但真係好食啊😆我朋友又同我一齊癡唔記得訪問佢個牛尾，不過我唔食牛尾😛

呢間海南雞食過幾次，二人餐最抵食。兩碗油飯一碟海南雞一碟牛尾，兩個男人一個女仔都夠飽。老闆好爽手見你三個人一定比三碗湯你，嗌外賣半隻雞嗰陣問多句又一定會免費送碗油飯。呢個舖位唔易做，之前間甜品舖好快執左笠，大家多多支持呢間啊！

今日去左西營盤一間海南雞飯店食野，店舖位置有小小偏僻不過值得一去。環境唔算大，野食選擇都只有三款：無骨海南雞飯，紅酒燴牛尾飯同一個豬手飯價錢唔貴份量都好夠，有碗湯送，野飲加6蚊叫左個海南雞飯，都算正中，幾好味，個醬好正🤪。整體好不錯，會再幫襯。

與小朋友同行，點左海南雞及豬手套餐。餐廳地方闊落，空間光猛很整齊。海南雞同豬手尚可，份量都夠。但係油飯白飯飯粒硬到小朋友食唔到，即使平時好喜歡食油飯今次完全冇興趣。小朋友到店拿左圖畫簿同顏色筆出來畫畫，而店員拿食物到台邊只站一旁冇出聲，然後另一位姨姨過來就話叫我地小朋友清空台面因為同事已等好耐冇位放食物，語氣很不友善。如果想要送餐大可以出聲，唔應該責備，感覺很差。如果唔歡迎家庭客我明白的，冇下次了

今日黎到西環搵野食，決定黎呢間備受好評的海南💪🏻💪🏻黎到簡好食咩之後，就先排隊買飛，一場黎到就梗係要食最出名嘅去骨海南雞飯喇❗️去骨海南雞飯 $53雞好嫩好滑，又唔會太肥，加上份量算多，一流👍🏻而當中的油雞更加係不容錯過，好夠味，但又唔會太多油膩感，高質👍🏻👍🏻👍🏻以呢個價位，食到咁好味的海南雞飯（仲要係去骨），真係算少有，黎開西環就記得黎試下喇💪🏻💪🏻💪🏻💪🏻

性價比極高！我地係附近番學，近近地想搵個地方食lunch，無意間發現左呢間新開既海南雞。鋪面唔太，但幾企理，中午時間比較多人，都等左十分鐘左右先有位。呢到既比錢方法係埋左單先食飯，我地三個人叫左兩碟去骨海南雞同一碟紅燒狀元蹄，野食黎得好快。海南雞勁滑，無骨，三種醬都好好味，最中意碟薑蓉，油飯好香，唔會太油。豬蹄好淋，好入味，啖啖骨膠原。另外仲跟左碗冬瓜湯，好清甜！價錢十分親民，五六十蚊就食得好飽，好適合想食個平靚正快餐既朋友仔！

Came here for lunch with my friends last Sunday, and found it pretty good. We ordered the lunch set for four people. The set included the boneless Hainan chicken which was very tender and juicy. It came with the pork legs and ox tails as well. Both were very delicious. Also we had the vegetable with oyster sauce. We could have either soup or soft drinks from the set. Overall the food quality was good and price was reasonable.

don’t want to cook today , just remember there is a chicken shop opened after the dessert shop closed ordered half chicken and half pig knucklenot sure if the chicken is small $88 can’t fill the box tasteless just like 白切雞the knuckle is a bit salty

高質外賣海南雞飯首先要like 吓先，因為由order 到送上門都好快手，大概20分鐘就送到啦，上菜真係好快速！第二係，我見到都有啲嚇親，咁嘅價錢，但份量咁多！我哋叫咗兩人餐，但雞同元蹄都勁多，多到三個人加碗飯食都得。但湯好好飲，好重冬瓜味，坊間有好多海南雞飯送湯嘅餐廳都會返煲個湯，搞到淡哂唔好飲，但呢個唔會，仲真材實料有埋冬瓜俾你食，啲冬瓜切到細細舊，煮得好透，好入味，好食。個海南雞雖然唔算好肥美但都算近期食嘅海南雞最好食嘅一個，幾滑同幾嫩。醬料方面就配咗平時嗰三種，最好食都係醬油嗰隻味道，姜蓉唔夠濃，辣醬我就唔好。飯的話就正常，唔夠香同唔多油，同埋我比較鍾意食黏啲嘅飯。呢間性價比真係好高，連我唔太食元蹄嘅人都覺得佢整得好入味，真心推介。

早前幫朋友搬家，又累又餓之際，經過這家餐廳。應該是新開業，或者時間尚早，所以不用等位。我和朋友點了海南雞飯和紅酒燴牛尾，外賣。回去一看，份量很足嘛，至少搬家消耗的能量一定能補充了。老實說，我沒吃過海南雞飯，這次給我的印象還不錯，喜歡三種醬汁為雞肉添上特色，而雞肉挺嫩滑，有小肶，我覺得雞皮脂肪稍多了點，但去掉就行。朋友對燴牛尾讚不絕口，嘆道相當入味又下飯，我試過也很不錯。跟餐的湯清甜，加錢的菠蘿罐裝飲品也好喝。店員態度良好，值得再來。

我喜歡吃飯，更喜歡 選址在西營盤，裝潢簡陋修整潔 。客人要先付款；坐定定後食物由店員奉上。  食物貴精不貴多， 只有三款分別是  第一次來當然是試試主打 下午茶由2:30 開始， 比午餐平 $14,  真心抵食。 全日套餐            $53         下午茶                 $39         基本上唔使一分鐘 已送到。湯清澈零油份，入口是微鮮甜， 喝光也不覺口喝。 隨後 三色醬油也極速送上好幸運奉上的海南雞是是雞骴部位，即時加分， 鮮黃色的雞皮漲卜卜，感覺新鮮。最吸引是夾著雞皮和雞肉中間的薄薄的一層暏喱,  足以引証大廚的功力和火喉控制得不俗。 雞肉全去骨，相當嫩口，肉香細滑，亦唔會搭埋啲雞骨， 雞亦等下欄野比客人，令我感到出品誠意十足。 淨食海南雞已經好味， 再蘸上三色醬後， 令味道更當層次。唯一美中不足是油飯香茅味不明顯，也欠缺油潤口感。 套餐份量十足，令我飽足半天。 

為左慶祝同事脫離苦海, 成班同事睇下公司附近有啲乜嘢好食嘅餐廳, 就發現左係西營盤第一街有一間叫做「海南」嘅餐廳, 一係唔食， 食咗先發覺原來係名不虛傳。👍為食方程式：充滿特色既海南雞+充滿骨膠原既豬手+充滿窩心嘅服務=要添多幾碗飯