海安咖啡室 (已結業)

海安咖啡室，一個熟悉的名字，但一直未有到訪的機會。今天，大清早帶著我家寶貝到西環海濱參加活動，剛好下邨巴地點對面就是海安，那就相請不如偶遇了。沒有華麗的裝修，平凡老舊的店面，再也傳統不過的一間茶記。最少，大門兩側的飽餅櫃，雪櫃裡放著的各式汽水，讓我想起年幼時的熟悉回憶。食力極薄弱的兩母子，叫了一個早餐A再加一個腸仔包，連凍飲埋單$35。侍應態度十分親切友善，即使我們只是第一次來的生客。不過，熟客真的不少。侍應還很貼心的詢問腸仔包是否要加熱，換了在一般的茶記，可能換來的就是「啋你都傻」。加熱的腸仔包，暖和，麵包香軟，寶貝吃得十分高興。過了一會，我的早餐也來了，麵包是被我家寶貝咬了一口後所拍。一般外間早餐的牛油餐包，大多是凍冰冰的麵包+人造牛油馬虎了事。這裡的牛油餐包，暖和香軟，附上的牛油，是比照菠蘿油同。樣。份。量的鮮。牛。油。(其實，後來才知道可以換成菠蘿油)，感覺很有質感。至於火腿通粉，通粉不會過稔，湯底是大家熟悉不過的金寶忌廉雞湯湯底，湯底超濃郁，熱度十足。其中一位侍應見寶貝吃的高興，竟在櫃台拿了一合MASKING TAPE出來，讓寶貝隨便挑一個，表示要送給他。平凡的早餐，小小的店

又係上環搵食！因為經常係附近開會 哈哈因為嚟嚟去去都去同一間 所以有一日就心思思試下哩間⋯餐廳門口好舊式同埋好細⋯就算經過唔知有哩餐廳都唔出奇⋯入面都係好懷舊既裝修⋯因為坐正係cashier 對面⋯仲見到一個好舊式既電話同打字機😱 哩個面係哩間餐廳既招牌菜⋯一碗面入面有五香肉丁煎蛋鴨胸午餐肉腸仔😋😋😋好正！ 下次會再試

看見開飯網網友拍的香葱碎牛滑蛋厚多士照片非常吸引，沒看清供應時段便跑來吃早餐。(詳情請參考supersupergirl的照片)點了薑葱香油撈麵。原本想要叉燒做餸，阿姐説，我們不賣隔夜叉燒，所以早餐無叉燒。對食材有要求，值得鼓勵。換上了的鮮牛肉，一點多餘的加工都沒有，百分百原始味道。葱油只有香味，應該無鹽份。麵底太腍，份量對於我來說，太多了。

之前有一次經過想食午餐，點知好多人排隊，今次大概12點經過，見冇人排隊，就入去試試，立即有位。有套餐餐牌及有其他獨立介紹食物的餐牌，以上只是其中兩張。見好多人都叫撈麵，我又叫咗個义燒煎蛋薑葱撈麵，小辣，餐飲要凍檸水。檸檬水自動少甜，很適合我，但檸檬唔夠香味及唔夠酸。蛋是我要求煎兩面，所以蛋黃不是很流心，蛋本身不是很香蛋味，义燒份糧都算多，味道甜甜的，有义燒香味，欶硬適中，小辣對於我來說也頗辣，但不夠香。有葱香但不夠薑味。雖然沒有點紅荳冰，但看見其他食客的都跟圖片一樣，十分吸引，不過有點貴，普通的也要$30，其他的如奶茶或其他的紅荳冰更貴，下次可以一試。

身為打工仔，要番5日工已經嗌救命~但如果番足6日嘅朋友，咪仲慘~~好彩嘅係。。。小編屬於夾喺中間，番5日半~仲要係長短週~都OK啦~話明長短週，最好梗係搵個禮拜6嘅短週出動搵野食啦~雖則放假，但唔瞓番夠本又點對得住自己呀。。。如是者，昏迷到晏就先再出動~放假又點可以留喺自己嘅地頭呢?所以一早做定功課，帶媽媽尋寶~唔係~~開餐至啱~~話說呢度山長水又遠，好多人都唔明我點解要咁遠黎到上環食一餐咁大把~其實對我黎講，食咩唔係最重要~食咩又有咩所謂吖~~最緊要係同邊個人係啫~我就梗係搵番對我最重要，我又最重視嘅屋企人去食野啦~~(以上純屬個人意見。)媽媽本身又鍾意食懷舊野，今次就帶佢黎試新野~~去到上環站，睇左地圖一陣先研究到點行。。。都行左一段時間先見到，好彩都搵得到~~呢間咖啡室標明早收，我地去到 + 搵到嘅時候都已經差唔多3點~諗住嗱嗱聲即刻入去坐低開餐啦~點知入到去，都要等一陣。。。好彩都唔洗等好耐，等左10分鐘左右，因為真係都好爆~而且啲枱基本上都一定要搭黎搭去，有得咁快坐低已經好好喇~坐低之後，例牌望下個餐牌~~(其實明明一早做哂功課諗定嗌咩，但都係要睇下先安樂~)到嗌得嘅時候，由

本身唔太好紅豆，但聽聞呢度有奶茶紅豆冰，心郁郁之下就擇個好日子泥懷舊下。地點有少少偏遠，但唔難搵，都係地鐵站上泥沿干諾道西直行就到。未入去已經覺得好懷舊～舊式冰室嘅門面，入到去望到啲吊扇、階磚地、木枱凳，好耐歷史嘅感覺，雖然啲野比較舊，但係空氣流通，無異味架～想食紅豆冰同撈麵，啱啦有個撈麵餐，加18蚊轉做奶茶紅豆冰先～好快紅豆冰就泥喇，都真係幾大杯下，杯底滿載紅豆，紅豆上面就係奶茶，奶茶上面仲有粒碎冰做嘅冰球，打橫咁望成杯布丁咁，先至俾佢吸引左泥～本身想食叉燒煎蛋撈麵，姐姐話叉燒賣晒喇，只好改做餐蛋撈麵小辣。睇落幾好，公仔麵煮得較乾身，尚算彈牙，小小辣好惹味，餐肉厚實有質感，唯一覺得前蛋唔夠流心有啲失望。同區都有間撈麵同奶茶幾出名嘅舖頭，比較之下會覺得呢間好食啲同無咁油膩～食完個撈麵繼續嘆杯紅豆冰，大大粒又淋又甜嘅紅豆，粒粒分明，配上香滑嘅奶茶，整體唔太甜幾好～飲完好飽好飽，去西環散個步先～

懷著很高期望，由山長水遠出到來上環試食呢間懷舊茶室，點知食嘅時間超級無敵失望~公司鍋仔面先係外觀上已經扣分未試過煎蛋咁薄…=_=繼而個湯係…暖我以為會係好熱點一入口…暖，我仲以為係撈面=_=食前覺43蚊加奶茶15 蚊 唔算係好貴但食完後覺得超唔值應該回水…

周末要早到上環，落車經過海安咖啡廳，於事一試。門面和室內裝潢懷舊味十足，或能贏得食慣連鎖快餐店者的好感。早餐點了菠蘿油餐和窩仔公司麵。菠蘿油有點失望，因為感覺該店自家新鮮製造，但味道不太突出，菠蘿皮亦不特別香脆。另外還有公司麵，坦白講和圖片實有點不同，但味道仍可接受，性價比就見人見智。小弟一鍋麵加一杯凍啡盛惠60。茶記中產化已經是香港近年的現象，在上環地段落腳，皮費貴亦不難想像。小弟非常支持舊式小店，所以希望類似這樣有特式既餐廳能夠持續營運，給香港都市人多一個選擇。希望餐廳可以給更多驚喜，令更多人持續支持！

There are so many tempting restaurants in Sheung Wan and I was contemplating whether to eat here or somewhere else.Ended up eating here.As usual the charsiu was sold out.The egg tart was quite good but a bit too sweet.The instant noodles were really disappointing because it was cold and tasteless.

前陣子同Mr.K已橫掃了中上西環一堆的小餐廳，發現中上環是一個小寶藏，好多好特色的小店，生日後第一個工作天，竟然又打風！不過我都知應是沒米粥吧！老闆們補回生日飯，帶了我到海安咖啡室一遊，老實說我自己不會走到這麼遠！但的確門面是吸引的，白底紅字的五個標楷大字，簡單易明不會錯，推門入來由門外的餅櫃，吊扇，卡位全部都是古董般，那種是有年資的舊氣氛，裝不出來的。點了鍋仔公仔麵$48，入面有齊小時候打風必備的垃圾食物，包括五香肉丁，叉燒，煎蛋，餐肉，就是大大鍋的堆頭！如果叉燒賣光就用煙鴨胸代替，上枱都幾震撼，個鍋好高好大而且係放到滿晒。唔知幾大可以望下呢張相，真的好大好大鍋！不過味道真的好麻麻，先是公仔麵不夠熱，湯是微暖，而且吃落沒麻油香，蛋都太熟了，整體好有家的味道，算不上好特別吧！成個麵最好食係塊煙鴨胸，厚身又啖啖肉！眼看老闆點的脆豬仔包同埋多士都好似正好多！呢鍋野50幾蚊真係有點浪費左個Quota！下次黎都係試下多士啦，兩點半後的下午茶應該好正，不過呢度賣完食材就會落閘收工，最好三點前！今次對食物真係有點少失望，卻要讚好店員的服務態度，D伙記好好笑容，唔該前唔該後，我跌左張單想去執返，佢見

係上環返工其中一個最大好處 係附近好多好野食其中我最愛既係懷舊既港式茶餐廳, 有feel <3繼係上環市政大廈入面既瑞記後, 海安成為左第二間我最愛去既茶餐廳~ (當然唔少得大排檔勝香園! 舊式茶樓蓮香居!! 仲有邪惡三蛋飯既孖沙茶餐廳)上次黎食過佢既菠蘿油一試難忘~今次試新野~~~ 試呢樣!!鍋仔公司麵 $43 (味道:6.5/10, 份量:6.5/10)配料: 鮮牛肉(少量), 餐肉(1片), 腸仔(1條切開兩半), 雞蛋(煎蛋1隻), 五香肉丁(少量), 叉燒(OK多, 4-5舊, 瘦叉)用鍋仔上真係幾得意~ 不過對個味道唔會有影響架~overall所有食物味道都唔差 特別係煎蛋 熟度剛剛好仲有蛋汁又唔算太生五香肉丁雖少但成碗麵都充滿佢既油香瘦叉岩晒我但對同事黎講覺得太硬...其實有少少食緊港式部隊鍋既感覺XD將d平價食物倒埋一碗比你食XDD所以覺得唔係好值43蚊~ 仲要係唔包飲品試過就算喇食完唔夠飽既關係 叫多左個奶油脆豬 $16 (味道:8/10, 份量:6/10)熱辣辣新鮮上枱 係好味既不過對比起黎 都係勝香園檸蜜脆脆好味D XDDD仲平一倍!!!下次黎都係唔使諗

其實自己住響上環西營盤已經由出世到而家,20幾 年嘅時間偏偏冇認認真真去了解過呢一個地方嘅每 一間餐廳,自從搬咗去上環之後,更加想去認真咁 樣發掘一下上環嘅嘢食!忽發奇想不如就由今日開 始,寫我嘅我在上環走過的5000公里路,希望各位 有時間都支持下我呢個毫無準備嘅諗法! 上環呢個地方比我嘅感覺真係有好多,記得小時候 去親戚屋企同我屋企大概間五條街,以前去親戚屋 企食飯樓下一定會有好多嘅海味店。之後望住下邊 嘅凱美普買緊鮑魚海參等等,想去親戚屋企食架都 係鮑魚海參元貝魚翅,今年興環保唔食魚翅,但呢 海味店賣出都唔係少, anyway 。。。 今次我嘅第一站嚟到呢一間位於干諾道個海安咖啡 室,就咁睇外表點知道至少屹立左半個世紀!偏偏 咁多年以來冇食過一次,今日我終於黎到啦!亦都 係因為有咁多年歷史所以第一篇我揀咗佢! 是一嚟到係星期六嘅下午，人流很多熙來攘往，我深信呢一度係要經常需要搭枱，不過唔緊要呢度嘅老闆們10分友善，如果你要搭枱佢會主動同你講唔好意思，的確咁樣講聽到感覺會好好多！外表陣舊嘅裝修，發黃的外牆，三頁嘅掛天花風扇，仲有屹立多年嘅招牌，雖然舊偏偏令人喜愛！餐牌簡潔而且生動，

每次路過總見店內食客多多，上星期六終決定要來試下。店內裝潢很有舊冰室的風味，門旁的玻璃櫃子放着自家出爐的麭點，一目了然；樓底甚高，天花掛上掉扇；有卡位，有圓枱，紅紅的，甚具特色。星期六上午九點幾，客人不算多。餐牌上有些特色和懷舊的西多士，但早餐還是點了麵餐。奶油多士、雞肉腸仔、麵和羅宋湯都一般，但冇乜味精已值得加分；另外，塊午餐肉好味，這店用的肥肉較少，質感好，若煎脆點仲好食。奶茶ok。味濃，但香味仍欠一點點。由於份量充足，兩個人已吃飽飽。下次要試下D特色多士及紅豆冰先～

星期六, 我一個人來到上環食早餐.為什麼特別要由馬鞍山來到上環食早餐呢?其實西營盤站未開通之前, 我每天上班都會經過干諾道西, 每次都會經過海安咖啡室.而我每次都會跟自己說: 明天要早點起床, 要來這裡食早餐!可惜沒有一次成功早起.難得今日放假要來港島辦事, 就乾脆把之前想了很久的'事'完成吧!海安咖啡室是一間歷史悠久的咖啡室, 1952年已在上環干諾道西開業.看網上的相片, 由它開業到現在, 干諾道西有很大的改變.旁邊的建築都變高了, 只有干諾道西17號的4層高建築沒有改變過.因此, 我覺得海安咖啡室特別有懷舊味道.雖然咖啡室的外觀沒有大改變, 但招牌的顏色是有重新塗過的.我記得幾年前的招牌是比較淺色的, 有少許油漆剝落了, 看出歲月痕跡.門面裝修還是保留著堅．懷舊咖啡室的味道, 並非是仿懷舊.何謂堅．懷舊呢?一看門外右邊的雪櫃就會明白了.今次我9:00a.m.就來到了, 還以為早來到就不用排隊, 原來我又錯了.店外已經有5至6伙人在排隊.有些是外國人, 有些是帶著行李箱, 應該是剛在港澳碼頭下船的旅客或是準備出發外遊的人.不過一個人去食早餐, 安排坐位比較方便, 等了5分鐘左右就有

粒粒西多士 HK style French Toast🍞🍯$30; 8.5/10🍴海安咖啡室d野食真係唔錯😍 （飲品普通）最鍾意就係呢個粒粒西多士同埋香蔥碎牛炒蛋厚多士🍳多士口感好好，外脆內軟，唔會炸到好犀利，多士亦有返一定厚度😝鬆軟富蛋香🍯🍳入面無花生醬所以唔會過甜亦唔會過膩🍮加埋牛油糖漿煉奶好好味🍼香蔥碎牛炒蛋厚多士 Beef and Egg Toast🍖🍳$28; 8/10🍴超香口好正😻😻多士好厚而且夠曬鬆軟好有牛油香，面頭就微脆，唔會因為d料令到個包淋左🍞🍞不過唔好嘅地方就係太多太多香蔥🙈 cover 左牛肉同埋炒蛋隻味😝🍳炒蛋比例唔係好多不過勝在夠香滑👌🏻叉燒牛肉雙拼薑蔥香油撈麵 Beef and Cha Siu Noodles🍝$47; 7.5/10🍴整體上唔算特別好味不過算係市面上較好食嘅蔥油撈麵😝原因係唔會成擔油，唔會過份鹹👌🏻不過缺點就係較為乾身🙈不過都係好香口嘅叉燒味道比牛肉好，牛肉較為靭🙈不推薦😝奶茶紅豆冰 Red Bean Iced Milk Tea☕️🍧6/10🍴呢杯奶茶紅豆冰味道比較淡，同埋無落椰汁🙈所以literally係奶茶🍼+紅豆🔴+一舊冰❄️😂😂