海安咖啡室 (已結業)

早餐午餐都未食，三點幾黎海安食個tea ! 家族式經營嘅海安已經有成60年歷史，入面啲姨姨勁好招呼，鼓勵我地食咩先、講埋比我地聽點樣食先最好食😊抵讚👍🏻👍🏻

細細個已經聽過海安咖啡室呢個名，不過從來沒有去過。今次特登到上環海安咖啡室懷舊一番。本身以為咖啡室只會有一半蛋撻奶茶菠蘿包等等嘅舊式食品。但我完全錯誤，菜色非常新穎，特別推介粒粒西多士，奶茶紅豆冰。西多士炸得好香脆，配上塊牛油，一啖咬落去，非常滿足。奶茶紅豆冰，粒粒紅豆，非常有口感，配上香滑奶茶。　

一個人的時候，我比較喜歡到冰室用餐，感覺寫意自在啲！上環有間懷舊冰室，位置對正電車路，尚算方便！環境很懷舊，保留一種舊有的味道，午餐時間人雖然多但不算爆棚！叉燒蔥油撈麵 - 叉燒半肥瘦，食落比較乾身！撈麵亦偏硬，不算彈牙！不過蔥油味很香，令碟麵生色一點。奶茶紅豆冰 - 面層的冰以刨的方式減慢溶化速度！奶茶味道濃，可以減輕食蔥油麵的滯感，紅豆既大顆又稔身，食落口感十足！

人愈大，就愈念舊喜歡香港的一些老建築，喜歡品嚐一些懷舊的味道海安咖啡室在上環超過半個世紀以上，白底紅字，醒目而特色咖啡室的那些舊式味道，L至今仍十分之懷念香蔥滑蛋牛多士香蔥滑蛋牛肉佈滿整塊多士，厚度有2寸多高上桌時已飄來陣陣蔥蛋的香味口感細滑，牛肉粒採用新鮮牛肉做，所以嫩口非常多士焗得金黃，外脆內軟，同香蔥滑蛋相當配合香滑奶茶奶茶入口醇香，茶味和奶味恰到好處，沒有誰奪去誰的比例基本上，糖是不需要落的，只要好好飲原味就足夠了一件多士，一杯奶茶，簡單非常，卻宙有舊日的味覺回憶。

留意咗呢間茶餐廳好耐，一直好鐘意個懷舊感覺，而今日終於嚟試咗個［常餐：菠蘿油 + 單拼麵 + 熱飲，$38］同行朋友話呢度啲叉燒好味，但一點三左右嚟到姨姨話已經賣哂，所以被逼叫左餐肉米。嗯，普通茶餐廳嘢囉。呢個菠蘿包，鬆軟係鬆軟嘅，但菠蘿包嘅精髓--果層菠蘿皮，好薄，都幾失望（右邊果個都係菠蘿包嚟，但我朋友鐘意㩒扁佢嚟食，我不能苟同佢呢個做法）而杯奶茶呢，我已經叫咗多奶，但都係冇乜奶嘅香醇感覺，茶味都唔夠濃，又係失望...今次一試之後，我只能講：唔會再特登嚟食。其實佢只不過係一間有著懷舊外表嘅普通茶餐廳啫...

不會再去的舊式老冰室價錢不便宜，東西不算好特別，只是門口真的很懷舊香葱碎牛滑蛋多士，碎牛真的又碎又小，滑蛋雖然炒得好滑，但冇乜味,唯一好的是真的下很多葱！但要後加自己調味， 加鹽在加黑胡椒，先叫好食D真係冇諗過舊式小店，做得甘差！

擺設及外表具舊式情懷但實質人情味與味道一般而已。可能因為我吃的是常餐，而非其聞名的荵蛋治或多士。 湯底清徹，微微清甜，鮮牛肉甚鞋口亦缺乏牛肉味，不太美味。麵條是福麵那種，經典而味道一般。 只有菠蘿油，沒有奄列沒有煎蛋。菠蘿油味道普通，小小的，薄皮而軟林，頂頭菠蘿皮容易脫落，牛油薄薄的，不太油膩。 凍奶茶，頭一口喝到以為味道挺濃，像太興奶茶般香濃，但多喝兩口，凍融掉即淡化了奶茶，整杯都變得淡而無味，沒趣。 與灣仔金鳳的感覺差不多，但這兒的常餐連蛋都沒有，難以滿足。

Monday mood 除左返工有之外，午餐都有，所以求其在公司附近吃就算！來過這裡午餐數次，人超多，今日1:00到，居然不用等，即有位，太好了！本來想叫葱油义燒撈，每次來都是點這味！但望下餐牌覺得常餐不錯，於是就點常餐！好快餐就上，這裡的义燒是全瘦，所以比較硬和乾，但配了湯米，已把义燒潯軟了小許，吃起不太硬比較好，喜歡這個湯米，是銀絲米，非常合我口味,算意外收穫！常餐這跟菠蘿麵包，所以餐飮便叫奶茶，是不錯的配搭！

1億金多寶令不少香港人瘋狂, 包括筆者在內。今日去開中環順便去買張六合彩, 點知人龍排到出門口, 於是行去上環的馬會結果都排左半個鐘頭。買完彩票剛好是下午茶時間, 於是去了附近的「海安㗎啡室」。冰室從外到內一直維持老冰室模樣，門口的冰櫃十分傳統, 放了支裝鮮奶及汽水。另外一個窗櫃應該放有新鮮出爐的麵包, 可是當日去到已經所剩無幾。甫進「海安」, 兩邊靠牆紅色的木製卡座、中間有幾張圓枱。發黃的階磚、「不准吸煙」的字牌、古老的掛鐘。冰室每個角落都散發一種「舊」的味道。於1952年開業的「海安」，相信是香港仍在開業中最古老的冰室。冰室在上環海旁, 未填海前海旁泊滿漁船，不時有海員出入，因此以「海安」命名, 有出海平安的意思。「海安」於50年代由當時的「咖啡大王」黃橋先生創立，退休前將海安交託給夥計繼續經營, 現在由夥計的女兒經營。做飲食業不容易, 新一代的經營者能堅持至今, 目的只為了承傳文化遺產，不是賺錢，筆者對此欽佩萬分。因此所以任何的改良、改變都以不影響咖啡室的原貌為原則。經營手法當然要與時並進, 菜式也加入新原素。<粒粒西多士 $30> 這個西多士的改良版, 把平時大

呢度既薑蔥炒蛋多士好出名，所以特登黎呢度食，好可惜我地果日係11點左右去到，原來冇呢個多士，要2點後先有！結果就叫左兩個常餐。暖笠笠既菠蘿油非常鬆軟，外層香酥甜蜜可口，牛油量適中，夾入去即刻開始溶，正！常餐除左菠蘿油，重有份單拼粉麵。平日d常餐送既係多士，宜家變左菠蘿油，立即感覺抵好多！另外呢個脆豬包都好驚喜！真係比起連鎖店做得好！個包係烘到外脆內軟，而唔係得個脆字而變到乾晒果種，搽少少牛油個口感就已經好正！份炒蛋都幾好，入面重係有少少嫩嫩地，唔會話好似普通茶記咁炒到老晒，真係有質素，唔怪得一直都咁出名！

每次外食中伏，總記起在家烹調的種種好處。平時沿電車路見海安的招牌很醒目，可惜此店周日休息，每每沒機會光顧。是日難得同伴肯「遠渡重洋」陪我去附近的綠茶控勝地朝聖，午餐便選在海安。門面有點日久失修，外露的冷氣機都髒髒的，幸好櫥窗内一盤盤港式西餅討回一點好感。中午人多，我們與另外三個客人擠著坐一張圓桌，迎面一碟切成四份炸的西多士看來很美味。餐牌選擇不多，價錢在中上環來説也無可厚非。我點了名物香蔥碎牛滑蛋厚多士和熱鴛鴦，同伴選了餐蛋餐包和凍奶茶組成的常餐，店員後來說餐包沽清，只好換成方包。熱鴛鴦茶身很薄，喝過也沒有提神的感覺，只能送送口。香蔥碎牛滑蛋厚多士上桌，桌上細心地放了黑椒和鹽瓶供提味，牛肉粒數目十隻手指數得完，蛋夠滑但蔥不太香，淡淡的要加鹽和黑椒調味，這樣的東西賣$28也太好賺了吧。同伴的餐蛋方包像幼稚園野餐臨時夾的，看相片便覺可笑，店員見我們拿手機拍下，似是怕我們說出去，送上一件卷蛋作補償，說他也覺這餐蛋方包難看，也算盡心。食物簡單又不是特別好吃，咖啡奶茶也沒有值得回味之處，應該不會再來了。

✨全日常餐 叉燒米粉 菠蘿油 熱奶茶 ($38)✨ 有麵又有包係比較飽肚嘅選擇 仲係好有誠意嘅菠蘿油 粉面可以任選一款餸就 叫咗比較出名嘅叉燒 份量十足 食到兩點左右的時間聽到叉燒已經賣得七七八八 好彩早啲到叉燒米粉湯底係乳白色 感覺唔係普通雞湯咁味精 有少少口乾不過惹味程度十足 比其他茶餐廳有誠意菠蘿油雖然係即叫即整 有鮮牛油在内咁熱辣辣但牛油份量唔多 菠蘿包未夠鬆脆 幸好仍鬆軟 配上一杯濃郁的奶茶 成件事好港式 感覺滿足 Rating💁🏻(7.5*/10*)<☕️港式冰室小滿足🍴>✨香蔥碎牛滑蛋厚多士 ($28)✨星期六四點收鋪前去有期待已久厚多士食叫完好快送到金黃色好吸引 不過就冇咩太濃的香味 係麵包唔係多士 表面炒蛋好足料同多士幾乎一比一 切開見到炒蛋 蔥花比例非常均勻 只係鹹牛肉比較少多士塗抹上一層薄牛油 牛油鹹香配上嫩滑炒蛋 不但有蛋汁半熟濕潤 蔥油香濃出色未算太油膩濕潤幼滑炒蛋配上鬆脆麵包 天衣無縫的配搭 蔥香味好強烈令口腔充滿強烈的味道 為咗美食值得一臭Rating💁🏻(7.5*/10*)

因為係中環食晏真心多人又有點兒貴所以我最近都鐘意去上環搵野食又發覺真係幾正幾平喎鍋仔公司麵😍好似枱枱都會點咁入面有餐肉蛋腸仔五香肉丁叉燒牛肉同埋福字牌公仔面😂😂😂$43唔包飲品仲叫左個奶油豬好味道👍🏻👍🏻算唔算貴就見人見智喇

其實我好鐘意哩d舊式冰室，仲係愈舊愈愛呀😁 哩間淨係睇裝修同擺設都知起碼有三四十年歷史。最吸引我黎既除左係哩度夠舊，仲有佢既香蔥碎牛滑蛋厚多士😍紅豆冰&紅豆鴛鴦…普普通通啦，紅豆夠大粒！但如果煮淋多少少就更好喇。我平時唔好蔥，但哩個就愈多蔥愈鐘意！雖然碎牛真係又碎又少，但我覺得個重點係勁滑勁多蔥既炒蛋！💚💛 厚厚的 嫩嫩的喔😚西多士… 充滿香港風味，兩塊包中間仲搭滿牛油！！😍 再淋埋糖漿！真係十級正😎 所以食哩個就唔好諗個肥字喇…香蔥碎牛滑蛋厚多士淨係星期一至四下午兩點半後，星期六、日全日供應。

星期六陪家人喺西營盤嗰頭買完海味，無意發現呢間老冰室，原本諗住飲杯嘢抖抖，但眼見餐牌相內啲多士同西多幾吸引，就忍唔住一試。結果食咗：1) 撈麵餐(因义燒賣哂，揀咗司華力腸)：偏細碟，似係普通大光麵，撈碎蔥及煎香切片司華力腸，味道實屬一般，個人覺得唔值$42。2) 蔥蛋牛厚多士：賣相唔錯，店員千叮萬囑要落黑椒粉食，多士較為濕濕淋，蔥花雖然好多，但唔香，蛋偏濕滑，牛肉粒食唔出係牛肉，整體味道一般而已，但應該幾啱好鍾意食蔥嘅人。3) 粒粒西多士：$10一粒，$30四粒。厚西多有3層，正中外脆內軟，因為內層蛋汁未完全熟透，所以食到幾重蛋香。備有糖漿或練奶。味道都唔錯。4) 咖啡紅豆冰：$30一杯，凍咖啡味道其實唔算差，但加咗奶製碎冰同紅豆，味道就變得麻麻，結果飲剩咗一半。5) 普通紅豆冰：跟撈麵餐仲要另外加錢，賣相唔錯，但其實除咗面頭嚿碎冰稍為有啲特色之外，冇乜特別，而且味道偏淡，尤幸紅豆都算唔太細粒，且幾夠溶。可能因為呢類老冰室買少見少，所以環境上先吸引到多啲人唻，但整體食物飲品雖然都略有特色，但質素實屬一般，而且價錢中上，故除非經開，否則未必會再唻一試。