海悠

营业中

休息中

【觀塘區】【海悠】喺 1am1050 嘅時候同世一哥嚟呢間隱世餐廳試咗幾樣嘢，炒咗兩個飯同食咗炸子雞。今次同十幾年好友蕉媽媽同埋痕姨姨一齊過嚟試，難得今次日本朋友嚟香港，一定唔可以求其食。再食 $68 半隻「紅顏炸子雞」配白飯。招牌菜果然冇甩拖，外脆內嫩就係外脆內嫩。同場有兩位日本小朋友在場，佢哋都好快食晒啲雞同送晒啲飯，原來佢哋平時食嘢都好奄尖，都忍唔住係咁食呢碟呀。半隻雞我最後好似食得一舊，其他全部被呢兩大兩小食晒。（按：蕉媽媽話點炸子雞個泰式醬都好正喎，佢作為 1amfoodie 嘅忠實讀者，我就特登喺度加一段仔佢嘅意見畀大家睇啦，哈哈！）之後 $298 嘅「新鮮長腳蟹腳蝦湯海皇燴飯」反而係我哋幾個大人食晒。佢拆晒啲新鮮長腳蟹腳啲肉鋪喺個勁 creamy 又蝦味濃嘅飯上面，鹹鹹哋濕濕哋咁。裡面仲加入勁多海鮮粒，口感上同埋味道上都係好高級嘅享受嚟。忍唔住同老細讚碟飯，佢細細聲同我講個飯被人詬病整得慢，我心諗，佢四五個字出到呢碟嘢已經算好叻，畀著我係老細可能會叫個客去麥當勞食蝦堡，嗰度啲蝦咪一分鐘起貨囉。所以我知自己係唔適合做老細，會鬧走啲客。之後到 $900 嘅兩斤「新鮮活紅長腳蟹

比返啲責任，不如專做堂食客啦做唔切咪接外賣啦食飯得一粒鐘等左40分鐘仲邊有時間食？或者做唔切既咪出咁多個餐啦客人既時間唔係時間？咁既天氣 冇冷氣30幾度企左40分鐘期間不停出堂食炒飯 炒粉絲 雞最後似係炒到冇哂單 先排到整我個飯一個滑蛋蝦仁飯有幾難整？還是因為得我一個叫 所以故意排到最最最後先整？一定唔會有下次知你有好多捧場客既明白多我一個唔多 小我一個唔小既請專心做堂食客吧！客人既時間好寶貴的！唔想再有其他受害者！

長腳蟹蒸得幾好個蟹醬好好食好重黑松露味瀨尿蝦多膏幾好喎炸子雞麻麻好似放咗一段時間可能因為送貨時間延遲咗😅象拔蚌刺身唔錯整體嚟請個蒸蟹係最好食點個黑松露醬超正！

海悠由第一個師父食到而家佢冇做🥲第一個師父有鑊氣好功夫好掛住佢😭下次要試返炒嘢睇下新廚有冇氣😬👉🏼松露滑蛋蝦仁飯 $58頭幾啖好夠石油氣食食下石油氣散咗蛋滑但食到尾漏漏地👉🏼炸子雞 半隻 $68雞皮脆夠入味係隻有誠意嘅雞味道：🌕🌕🌕🌗🌑CP：🌕🌕🌕🌗🌑--------------------

[ 海悠 ]之前食過海悠私房菜小炒，確實唔錯。近來見到佢地好多客人都訂蟹食，今日等我都訂翻隻加餸先。✿ 日本活松葉蟹 2斤 $600 代客清蒸熱食+$150松葉蟹足足2斤半重，份量十足。店舖可以代客清蒸或者有其他煮法，拎翻屋企就可以直接食用。值得一讚包裝得好，最貼心有發熱包包裹住，令蟹蟹🦀可以保持溫度大約2-3小時。原隻日本活松葉蟹有手臂咁長，拆開肉質非常鮮甜，啖啖肉好滋味😋😋，基本上唔沾醬汁都已經好好食。蟹膏部分好澎湃，用來餸飯食一流，無腥臭味。✿ 蟹醋 免費附送✿ 自家製黑松露蛋黃醬 +$50雖然蟹肉本身已經好夠鮮美，但配上呢2款醬汁，更加提升到蟹嘅味道。蟹醋食落有d似天婦羅醬汁，甜甜的。另外自家製黑松露蛋黃醬好有驚喜，松露味突出之餘不膩口，沾上蟹肉，非常搭配組合，推介要試！總結🫦不論蟹嘅新鮮度以至醬汁都做得唔錯，難怪咁多人訂來食，真材實料。松葉蟹🦀除咗外賣，堂食都可以，但記得預先訂購啦😋😋。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿海悠地址: 觀塘駿業街67號駿業熟食市場1樓52-53, 56號舖電話: 98479707✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今日同朋友去駿業街街市出名蟹皇醬炒飯的舖頭食個晏，排隊等位時看門口餐牌，但因牙痛放棄食炸子雞改食海皇冷烏冬$58唔包飲品。坐低用apps 入單，朋友揸旗幫我入單。坐下坐下見到張單冷烏冬$68，這時烏冬來了，我問姐姐，佢話要問問其他人，轉頭回來說「老闆話加咗價」就走了。埋單時我同收錢姐姐說加左價點解唔係鋪面張餐單updated ，這時姐姐望住個男人話….. 老闆…佢，跟住那老闆話，即刻去撕走門口張餐單，但轉頭入番廚房。無行動亦無一句唔好意思都唔扮吓嘢，真有性格。呢啲飲食名小店，多我一個唔多，少我一個唔在乎。祝你好運。

實在太過份了，賣成$298一個長腳蟹燴飯居然係貨不對版，同網上廣告完全唔一樣，冇賣相，冇味道個飯底就好似用假雞蛋去炒嘅出嚟咁，真係超垃圾，呃錢都唔係咁樣呃法，好過份！食到成肚氣，絕冇下次！

最近同朋友出咗去觀塘做facial🤣 做到好晏 就念住買外賣反屋企 但我見到好多人推介呢間 @hoiyou_food 係觀塘熟食市場既私房菜 勁吸引😍一於去試吓先～性價比方面好高 價錢都只系50-60蚊一碟 份量好多 而且款式出邊既餐廳都好少搵到 所以吸引咗好多人前去幫襯🙌🏻💓秘制蟹黃醬海皇炒飯平時出面好小見到呢個款式 師傅炒得好有鑊氣 飯粒粒粒分明 配料有翠玉瓜粒、蔥花、雞蛋等 撈埋佢地既秘製蟹黃醬 鮮味十足👍🏻💓 黑松露滑蛋蝦仁飯呢款招牌菜滑蛋好嫩 有滿滿既蛋汁😍蛋香味好濃郁 而且富有黑松露既香氣 再配埋新鮮彈牙既蝦仁同蟹柳 一碗飯都唔夠😋💓桂花蟹肉炒粉絲粉絲炒得好有口感 蟹肉鮮甜無比🔥

📍海悠觀塘駿業街67號駿業熟食市場1樓52-53, 56號舖 🦔⸒⸒黑松露滑蛋蝦仁飯 $58呢款係佢哋店推介 小編平時都幾鍾意食滑蛋滑蛋黑松露味香 又有唔少蝦🥹 正意大利黑醋骨飯 $48食落去酸酸甜甜 肉都唔鞋 配飯食一流冬菇羊腩飯 $88羊腩好足料 有唔少舊 肉係半肥瘦 食落有咬口冬菇都彈牙 配汁一齊食都唔錯🤧海悠太極鴛鴦炒飯 $168呢個可以4-6人share~ 一款係蕃茄雞肉 另一款係白汁海鮮🦞下面就係蛋炒飯 小編比較鍾意蕃茄 食落酸酸甜甜🔖 @hoiyou_food

呢間餐廳雖然位於熟食中心內但唔好以為會好熱好焗其實佢冷氣都幾足 而且對面就係佢地嘅廚房所以等緊個陣係會聽到鑊氣聲嫁😂😂😂今次叫咗幾樣番屋企食🦐黑松露滑蛋炒蝦仁飯 $58🦀桂花蟹肉炒粉絲 $58🦀秘製蟹黃醬海皇炒飯 $58🦐 滑蛋蝦仁同白飯係分開兩個盒所以兩者之間唔會被沾污滑蛋蝦仁除咗有蝦 雞蛋之外仲有蟹柳粒粒 增加口感黑松露為整碟餸增加香氣相信堂食會更突出🦀 桂花蟹肉炒粉絲配料有椰菜 新鮮蟹肉 蝦仁等材料桂花即係將雞蛋炒致桂花形狀都幾睇師傅嘅火候發揮 講求速度嘅配合 粉絲炒得幾乾身 唔會好似漿糊咁🦀蟹肉仲食到少少鹹香🦀 秘製蟹黃醬 自己食到鹹蛋黃為主食落有種沙沙嘅感覺 炒飯同樣乾爽冇咩油膩感同味精 食完唔會見到有層油同樣有🦐仁同雞蛋等材料有時簡單就係最好整體感覺呢間嘅味精感唔重而且唔會重油 重口味等⋯不過都係建議堂食會更有風味下次會想食佢嘅炸子雞同🦀觀塘人放飯記住去啦不過可能要排隊 店舖唔多位置

某天在街市的熟食市場發現有很多人輪候，加上YouTube 有介紹此小店，所以來這兒一試。 因知weekday 很多人輪候，所以選擇在下大雨的星期六下午才來，幸運地不需輪候就可以入。紅顏炸子雞$68皮脆但肉是嫰滑，十分好食。 當日算是幸運，我是最後一位可以點到這炸子雞的客人，之後聽到其他人想點這炸子雞都沒有了，可見炸子雞十分受歡迎。說實在，以此質素，賣$98都值！黑松露滑蛋蝦仁飯$58廚師是將鍋預熱，然後再用餘溫慢慢炒，這滑蛋真的嫰滑，幾好食胡麻牆醬蟹柳凍烏冬$68這烏冬用上了級數唔錯的胡麻醬，有很香濃的胡麻醬，喜歡濃味的人會喜歡這款食物。不過要提的是廚師可能有不少即做的工序，所以上菜真的很慢，花等了40分鐘，胡麻牆醬蟹柳凍烏冬才送上枱。而且侍應上菜有點亂，真的需要一點耐性。 Anyway, 有此質素和以此收費，日後一定會再來，但一定會選擇可以慢慢等的日子才再來。下次會再來試秘制蟹黃醬海皇炒飯和桂花蟹肉炒粉絲，因當日見到很多人叫這2款菜式。

【觀塘區】【海悠】認識咗世一哥一段時間，一直都冇機會同佢單獨食吓飯，就算係見面，可能都係喺啲女僕 cafe 之類嘅場所。咁喺嗰啲場合之下其實唔止得我哋，仲會有啲研究女僕十幾年但冇論文出過嘅研究員同相關人士，因此好難講深入啲。我作為一個窮人就梗係好難去啲好高級嘅餐廳，但係我作為一個 foodie 又想食一啲唔平凡嘅嘢，咁可以點呢？我就選擇咗網上有啲朋友介紹過嘅呢間餐廳，佢喺駿業熟食中心裡面，但係餐廳係有冷氣嘅，怕熱嘅我都接受到。去到即刻叫佢哋嘅招牌菜，$68 嘅「紅顏炸子雞」半隻，不過我係早一日打定去餐廳預約嘅，如果係即興食嘅話就冇喇。咁大牌就試吓你咩水準，一咬，勁脆皮，啲雞肉又唔會鞋唔會乾，勁好食，配個白飯都勁快食晒呀。之後到 $58 嘅「秘製蟹皇醬海皇炒飯」，個醬唔會好膩，飯粒粒分明又有鑊氣，正。到$58 嘅「黑松露滑蛋炒蝦仁飯」，世一哥一食就大叫「有料！」就知正，個蛋又香又滑。加埋 $5 可樂同 $10 紅茶花傳夾埋就 $199，呢個質素抵啦。。。（地址：觀塘駿業街67號駿業熟食市場1樓52-53, 56號舖）

👧🏻😋👅🍽✨平民區有正野-海悠 Hoiyou🇭🇰 觀塘駿業街67號駿業熟食市場1樓52-53, 56號舖 🇭🇰-🌊一家人想簡單食個快飯都會去熟食中心; 新開左間海悠本身專做私房菜, 但同時都有平靚正客飯🌊weekend個熟食中心都關左一大半, 見呢間冇打工仔都咁熱鬧, 入面一家大細又食得咁開心, 仲有冷氣嘆, 就試試佢!🌊一邊食一邊仲聽到隔離廚房hom hom聲, 真係難怪咁有鑊氣! Menu大多數都係炒飯, 但有24個選擇實岩心水-🌶 🐮 川辣安格斯牛粒炒飯 $88💯炒飯粒粒分明, 超有鑊氣; 豉油炒色水靚又鹹鹹地💯安格斯牛柳粒分量多夠晒腍, 加左瓜粒食落清新冇咁膩-🍅 🥛 海悠大極鴛鴦炒飯 $168✨2-3人份量, 但好明顯就算一人份量既都差唔多等如1.5份, 所以真係好抵食!✨鴛鴦係一紅一白汁, 白色有章魚粒, 帶子同蝦仁; 紅汁就係雞肉豬肉; 真係海陸空都齊✨厚厚既汁下面係超重蛋香既炒飯底, 用碗仔share每人食左兩碗都仲有好多🤣- 🦀 🍜 桂花蟹肉炒粉絲 $58💯炒粉絲又係重蛋! 落左爽甜椰菜絲一齊炒口感更豐富💯一大撮蟹肉係面頭, 食果時撈埋啖啖粉絲都有蟹肉香!

明明早幾日已經響WhatsApp book左位仲confirm 埋，都可以嗰晚去到舖頭時話唔做生意叫我走，仲要sorry都冇句；但舖頭入面坐左啲人（唔知係咪overbook定見我得兩個人，唔旨在做我生意），已經show埋 WhatsApp book位紀錄都照掃我走。如果咁樣待客幾好食都冇用，何況我根本book左位都比人掃走咗冇食到。間嘢個位已經夠隔涉，環境又唔係好坐衞生，特登行過去仲要比人掃走咁鬼受氣，奉勸你除非好犯賤先好去，我就一定唔會再去。

夜晚7點第一次去熟食檔試下食飯，揾到1間有冷氣，立即問有無位入去試下，可能係食私房菜，無得幾多樣野揀，炒菜都無得用qr code 落，要口頭落單問下有無係無啦，最出名炸子機又售罄，只有d 碟頭飯同魚生盤。好快咁落咗單2個飯，張單都好快比咗我地，但眼見遲嚟2枱客都有得食，我仲未有得食，都成半個鐘，咁未叫姐姐問下，佢話已經催咗廚房，唔夠5分鐘內，應該個老細拎咗張單睇下，話唔好意思廚房原來無呢張單，比著好肚餓既人同等咗一段時間既人嚟講，好嬲，問咗未煮後就立即走人。真心好離譜，個待應都應該留意下客人等咗咁耐都做下野啦，又唔係好多枱。下次唔會再試。