海景海鮮酒家

营业中

休息中

1. **白灼花竹蝦** 蝦肉鮮甜，口感彈牙，白灼的做法保留了海鮮的原汁原味，搭配醬油更添風味2. **蒜蓉粉絲蒸象拔蚌仔** 象拔蚌肉質鮮嫩，蒜蓉香氣撲鼻，粉絲吸收了海鮮的鮮味，整體口感豐富3. **鹽焗奄仔蟹** 蟹肉鮮美，鹽焗的做法讓蟹香四溢，肉質緊實，搭配清淡的調味，好食！4. **上湯龍蝦伊面** 龍蝦肉質鮮甜，伊面吸收了濃郁的湯汁，口感滑順5. **酥炸生蠔** 外皮酥脆，內裡鮮嫩，生蠔的鮮味與炸粉的香脆完美結合

又到happy Friday；梗係要食餐好，今日又同女友嚟咗流浮山呢間海景酒家。叫咗幾味餸嘆吓。先嚟過炒球炆骨兩食；魚肉西芹夠鮮味；炆骨送啤酒一流，大大碟。豉油王蝦球；每人兩隻開左邊。個豉油汁加蒜頭辣椒，較得啱啱好，送飯最正。例牌每人一隻鮑魚，一個扇貝；海鮮新鮮就好味；加埋佢哋嘅秘製甜豉油就錦上添花。有個鮮味魚湯同生果奉送。加埋啤酒白飯都係$880，性價比高。

流浮山海景海鮮酒家 is a must-visit restaurant for seafood lovers, boasting stunning views of the sea that enhance the dining experience. The ambiance is relaxed and inviting, making it a perfect spot to enjoy a meal with family or friends.One of the standout dishes is the fresh fish, which is incredibly tender and bouncy, showcasing the quality of the ingredients. Additionally, the crab here is packed with succulent meat, making it a delightful treat for seafood enthusiasts.Overall, this restaurant offer

新正頭，行大運。約左女朋友星期日行山。佢話想行屯門菠蘿山好耐，但我地一路都怕多人。最近諗住近排啲人鍾意返深圳所以我地就決定趁年初九，2條友去行傳說中嘅菠蘿山。我哋計劃好屯門上，然後經菠蘿山去流浮山食海鮮。菠蘿山大峽谷果然好玩，仲有好多打卡位。行到小巴站就搭小巴去流浮山食海鮮。之前我做定功課，朋友介紹呢間海景海鮮酒家。我哋得兩兜友，又吾識買海鮮，但呢間酒家可以直接叫海鮮，啱晒我哋呢啲懶人。我哋兩條友叫左5味野海鮮包括：炒球同蚊骨，粉絲蒸扇貝；果皮蒸鮑魚，仲有酥炸生蠔。最後加碟青菜。當然唔少得要啤一啤啦。埋單兩條友食咗1050，平靚正，有機會一定再黎。

今次自己係第二次幫襯海景，當然其他長輩過往已經幫襯過好多次。 過往入流浮山長輩通常會選擇另一間，不過呢排長輩偏向想食海景。一行12人，食材方面，魚，龍蝦，蟹，瀬尿蝦及蝦係自帶外，其餘於酒樓直接點。本身自己對海鮮一般，而根據眾人的意見，食物美味，份量都算合理。龍蝦3隻，12人分享都尚算足夠。瀬尿蝦雖然並唔係大隻，但十分新鮮。今次的金蠔好大隻，好味。唯獨是蟹的質素一般，新鮮程度麻麻。值得一提，非海鮮類食物的品質，例如生炒骨，炒飯亦屬滿意。服務方面今次較為OK。價錢方面，12個人份量，包括自帶及直接酒樓點，大約4000，大家都認為係合理，性價比唔錯。

今次去流浮山食到好掂既餐！開始先上嚟一嘢湯，肉滑湯鮮，就係啲魚骨要小心啲。豉椒炒聖子皇有驚喜，聖子皇鮮嫩，點點豉香真係正。而家講到個酥炸蠔，出面鬆脆到不得了，一啖落去，塊面香口同埋肉香並存，食完個嘴仲回甘！芝士龍蝦我諗好多食客都會點，芝士味濃但又啱啱好，龍蝦肉質彈牙，好過癮。龍躉兩味我會讚下個炆，肉感仲要夠滑，一啖一啖就咁消失咗👅；老實講，椒鹽瀨尿蝦都做得出色，鹹鹹地夾雜住微微既辣味，又脆又香！蒜蓉粉絲蒸蚌仔相當好食，蒸得啱啱好，啖啖蒜香。最後個炒飯真係幾掂，米粒爽口又彈牙，啲蝦仁又肥美。成個食體驗，簡直就係一場味蕾既狂歡派對🥳！哦，下次記得提早book位啊，唔係要等到收工都未必有位！👍🏼

呢間海景食肆啲海鮮真係咁好食，咁正宗，食一口就知😋。首先提一提老板娘煎金蠔啦，皮香肉厚，蜜汁加持之下，入口即溶，簡直係款味覺上嘅享受！同埋，粉絲蒜蓉蒸大扇貝啊，粉絲吸滿咗蒜香，同扇貝嘅鮮甜味道恰到好處相輔相成，食落真係嘆為觀止👍。過海唔食魚係對唔住自己，清蒸衫班肉滑滋味，魚肉清甜而無腥味，醬汁更係提味嘅好幫手，呢個做得真係精緻！不過，講真，成晚最震撼我味蕾嘅，一定係羗䓤炒大肉蟹！每個肉蟹都肥美得滴油，惹味得嚟就不得了，實話實講，簡直係蟹中之極品🦀。總結落嚟，呢度嘅海鮮優質，配搭得宜，無論同一大班朋友聚舊，定係同家人共享天倫，嚟呢度食餐好嘅海鮮一定係一流之選！走到流浮山唔試下呢度嘅海鮮，等於白走一趟啊！🍽️

所有員工態度非常不佳 食物等左成個鐘只係黎左3樣叫支汽水，叫咗三個員工攞叫餸想嗌湯同我地講冇賣哂，轉頭隔離一坐低同個員工講幾句就有湯門口個事頭婆仲要死撐 垃圾 冇下次

流浮山對我嚟講真係山長水遠，但係呢度食海鮮又真係好食，所以如果咁啱入元朗或者天水圍，就會過嚟食埋晚飯先出去。記得第一次係有朋友介紹，行到最入果檔海鮮買好材料，再拎過嚟餐廳加工，自此之後，就成為咗我每次嘅指定動作。如果以價錢嚟講，其實入嚟買海鮮並唔平，甚至比起平時屋企樓下街市再貴啲，但係食落真係唔同，有時會有平時少見嘅海鮮，而餐廳控制火候經驗老到，只係簡單做法已經鮮味十足，每次都係煮到啱啱好，所以都會揀過嚟食，好味又乾手淨腳。隔水蒸蝴蝶蚌椒鹽瀨尿蝦白灼九蝦鹽焗重皮蟹呢日海鮮檔有重皮蟹，未試過所以買嚟試下，呢隻好多蟹膏，都好食，質感實啲，不過我都係鍾意奄仔蟹多啲，蟹膏比較軟滑另外仲嗌咗魚湯、椒鹽鮮魷同生菜

2023/02/18(星期六晚)一行15人到流浮山食海鮮，因為有親友比較相熟安排訂座點菜，只需按時入座。所有海鮮由餐廳直接定購，再點幾個大路配菜，色香味各人都滿意。其中黃皮老虎斑兩味-炆骨炒球最為滿意。豉油皇頂級瀨尿蝦-原隻上味道鮮美油鹽水蝴蝶蚌厚肉鮮甜餐單豉油皇頂級瀨尿蝦-原隻上(15隻)👍👍👍黃皮老虎斑兩味-炆骨炒球👍👍👍蒜蓉粉絲蒸大元貝(15隻)👍👍酥炸生蠔👍豉椒大聖子煎麵 (15隻)👍油鹽水蝴蝶蚌👍👍👍薑蔥炒蟹👍👍生炒排骨灼唐生菜👍👍👍楊州炒飯魚仔菜湯

如果講呢度係旅遊區 真係好快整走遊客 價錢真係同事實質素不符 仲要餐牌冇價錢 呢個講真都幾恐怖 難道係食完理單俾錢先知？ 真係打個突 食物質素唔在講 最少都起碼食左幾多錢 對客人黎講先會安心 今時今日咁做生意係唔係要與時俱進？再講 點解炒飯會係「凍」 廚房既師傅難得炒飯唔係即場炒即做？ 好食既炒飯點會冇鑊氣？ 呢啲基本野係做廚師基度功 原來成百蚊炒飯係午市過左氣既炒飯 晚市仲熱熱地就拎俾客食？ 做生意都要有道德 咁樣真係唔怕食壞人架咩？ 酥炸生蠔 - 完全似食舊炸粉 生蠔冇味 炸得又冧冧地 因為搞「張」果下 生蠔出水搞到個酥變冧 都唔知點解形容 到最後要剝哂啲酥皮直接食蠔

*海鮮自備 餐廳負責加工 以下有關海鮮本身的評價與餐廳無關*蒜蓉蒸開邊龍蝦基本上 只要海鮮本身質素過關簡單調味清蒸便已經十分惹味大閘蟹季節 到了吃膏的季節今日的龍蝦亦 十 分 多 膏 ！餐廳的調味亦不錯蒜蓉 豉油 油 比例十分平衡椒鹽賴尿蝦賴尿蝦於我而言是一樣十分麻煩的海鮮皆因我認為拆賴尿蝦比折蟹麻煩😵‍💫但今日的賴尿蝦十分大隻所以徒手亦十分容易拆 毋需用剪刀而且新鮮 不痴殼椒鹽的做法亦十分惹味椒鹽鮑魚以往比較常見都是清蒸飽魚椒鹽鮑魚較少見本人亦是第一次嘗試以媽媽的形容是「好有咬口」以我的形容是「對牙力的考驗」中文字真博大精深豉椒炒蟶子又是一樣我個人喜歡清蒸的海鮮蟶子如果夠新鮮 簡單清蒸凸出清甜已令人慾罷不能豉椒炒固然惹味下飯 但同時亦會蓋過蟶子本身的味道而且今次調味較重手了 偏咸 有點兒可惜因親戚生日相聚一堂 尚有幾道有照片但不認識的菜式無法評價 而且是長輩們決定煮法及海鮮種類！！本人對海鮮一向抱持簡單烹調主義～

黎流浮山都係去慣呢間海景海鮮酒家，最有質素保證！椒鹽瀨尿蝦椒鹽香脆，啖啖肉！豉油皇中蝦好味到啜埋手指！清蒸鮑魚 鮑魚新鮮彈牙厚肉，唔使過多調味，清蒸已經好好食。粉絲金銀蒜蒸扇貝 扇貝厚身，配埋粉絲，汁都撈埋！炆頭腩鹽焗奄仔蟹炒鮮班球白灼唐生菜連個菜特別清甜好食呢度咁多海鮮，買左$2720。酒樓加工費，再加埋個揚州炒飯，total dou hai$1130。個揚州炒飯都有鑊氣，炒得不錯架！7個人份量，全部加埋$3850算抵食！

今日一行8人，先去荃灣楊屋道街市買海鮮-西澳龍蝦$180/斤約2斤-愛爾蘭聖子$160，8隻-台山桶蠔$118-龍躉頭腩$5/両，2斤半共$200-爆膏膏蟹$240/斤，約$380-扇貝$80/斤，8隻$150-花螺$118/斤再開車入流浮山，原本目的地後邦記，無訂位無位。行去對面海景酒家試一試，果然有驚喜。屋企人指定要豉油王龍蝦，酒家呀姐話未試過咁整，一試正到不得了，個個讚不絕口。$240/斤爆膏薑蔥膏蟹真係爆曬膏，個個都話未見過咁多膏，真係一分錢一分貨。豉汁炒聖子師傅掉啲殼，冇墊返啲殼落去用個細碟上，無乜睇頭，但味道不錯。蒜蓉粉絲蒸扇貝就最抵食蒸得又好食台山蠔今次細隻得滯，咬起上嚟無乜口感，但炸得都ok。 白灼花螺大隻得來冇乜口感。可能一次過上了幾個海鮮花螺就攤凍晒。又值得一提嗰個龍躉炆頭腩都好超值又好食。加咗個咕嚕肉同白灼唐生菜唔錯。買料$1510咕嚕肉、灼唐生菜+5罐汽水+加工費共$1140共$2650個個覺得好超值👍👍👍再去元朗食飯個B 仔涼粉。

為左慶祝母親節我地一枱8人黎左流浮山食海鮮！呢間已經黎左好多次，有時係自己買料，有時係食佢地啲料。今餐同樣好高質！豉油蝦又係勁高質！啲蝦好新鮮，肉質彈牙，份量又大！個蝦頭仲有唔少膏，食落勁香勁爽🤩龍蝦伊面啲龍蝦勁彈牙！而且勁大份，我地八個人都食唔曬要打包走！呢到既魚同樣勁新鮮肉質好滑，配埋冬菇同西芹食真係好夾🤣扇貝好新鮮好大隻！最後每人四百幾蚊埋單，平時會平啲既，今次母親節先貴番啲；但食物質素同味道真係好高質！推薦！一定會再番黎架！