海景海鮮酒家

营业中

休息中

11/1 今日咁岩要入流浮山做野, 順便去埋流浮山食海鮮, 有人介紹就去左呢間啦, 地方比較細有三層, 我地兩圍大枱就坐最頂層, 地方真係好窄呀, 個廁所門又爛既同埋冇得沖水, 要人手喺個大桶到盛水自己沖, 又冇洗手盆喎, 又係喺個大桶到攞水洗, 真係有啲污濁呀! 我地每圍$1500叫佢地幫我地執, 都係食啲好普通既餸, 海鮮類只得扇貝, 炸豪, 蝦伊麵底, 生炒骨, 魚腩兩食, 炒菜同埋楊州炒飯, 汽水另計, 送生果(橙)蝦伊麵底 - 超級咸呀扇貝- 唔知點解啲肉同個殼係分開既, 啲粉絲凍既炸豪 - 都幾大隻下, 唔錯生炒骨 - 又細粒, 全部都係骨黎既, 一啲肉都冇魚腩兩食 - 一食係用西芹清炒, 另一食就炸左, 但兩樣都好咸楊州炒飯 - 尚算ok炒菜 - 白灼菜

7月27日 下午5點 一行5人 先到 后豐海鮮檔買海鮮。我地買左 一條魚 $100, 一斤中蝦, 一斤蟶子 $62 斤, 5隻扇貝, 頭腩 $1XX, 3隻瀨尿蝦, 同埋 一斤花螺。 所有野加埋 $900 平呀~買完之後海鮮檔老板娘帶我地到 "海景" 加工。我地叫左: 1. 椒鹽瀨尿蝦 好味~2. 豉椒炒聖子 幾好冇沙好鮮甜 3. 蒜蓉粉絲蒸扇貝 都ok既,同出面冇咩分別 4 豉油皇中蝦. 好味到連殼都食埋 5. 辣酒煮花螺 酒唔太入味~但d 螺好味 6. 炆頭腩 大大碟 好多肉好滑 正 7. 清蒸 (好似叫3刀定3點) 魚 好滑好味正 8. 本地生菜 OK 9. 楊州炒飯 唔錯 另外叫左 8支汽水 + 1支 beer 同送 橙共 $620海鮮 + 加工 共 $1520 又抵食又好味

上網見呢間最多笑哈哈, 諗住差極都有限啦, 點知..........行到差不多近街尾，終於找到《海景》，店子有三層但很細，環境好簡陋，我哋坐喺一樓近電視機嘅細圓枱，以為可以有電視睇好正啦，點知接收得好差，有好多雪花，睇到眼都花。坐坐吓，我聞到有少少腥臭味，所以有少少打折扣。侍應話可以自己出去其他檔口買海鮮，或者就咁喺度齋嗡落order，我哋信自己，要親自去揀，佢帶咗我哋去街尾一個海鮮檔，話呢檔比較足秤。其實如果唔係佢介紹，根本無人會行到咁入，而足唔足秤我哋都唔知啦，呢檔海鮮種類都唔算多，賣相勉強可以啦，有啲我哋想食嘅又無得賣，所以再行去第二檔買。平時一次過埋單咪唔覺得啲乜嘢，今次要逐樣計真係感覺好貴，單買海鮮已經用咗$1,1XX。侍應問我哋啲海鮮點整，首先問我哋花螺點整，我哋答“辣酒煮”侍應（有啲cool咁答）“唔入味個喎”我哋“咁有啲咩煮法吖？”侍應“白灼”（咁即係無選擇啦！又問人點煮！）最後問到隻膏蟹點煮，我哋“避風塘炒”侍應“無避風塘炒”我哋“咁有咩炒？”侍應“薑蔥炒吖！”又係無得揀，乜都無，真係差勁。***************************************

雨天, 諗住毋乜人會去流浮山食海鮮,所以決定入去.由元朗出發,車程唔洗半個鐘到了.睇到明記的食評幾好,入去試一試先太約晚上九點去到...點不知...佢地話我地太遲黎..蠔同埋聖子(細-好味的種類,佢話大隻的唔鮮甜)都賣曬...不過我地今次行程主要想試下呢度的懶尿蝦..點菜其間,佢都比左好多意見我地...話呢到的份量夠兩個人食啦...唔好叫噤多...因為睇食評講呢度的豉油皇蝦好得..好想試..但最後因為驚食唔曬..所以都毋點..1. 椒鹽瀨尿蝦 - 兩隻加埋一斤重既賴尿蝦，唔會太咸,味道岩岩好,肉質勁鮮甜.多汁,好多膏.好耐未食過D噤好味的0野..不過要二百幾蚊一斤.佢話來貨貴左..問我地有毋問題..當然無啦...最重要好味2. 蒜蓉粉絲蒸扇貝 – 四隻..扇貝都好大隻，粉絲夠味，肉質都係勁鮮甜,勁嬾身.！to真係唔錯..3. 楊州炒飯..幾好.有橙送有野要讚..服務態度幾好...佢地D鼓油係好味喎...唔食都要試下哎我地十點鐘食完了..成條街的舖都差不多關上門..下次都要早少少到.但記住訂位.因為都好多人.

哈哈!同樓下個位版友同一日去，又會咁岩既！今次係我第一次黎流浮山食飯，同女朋友兩個人黎。事前做過research呢一間既comment非常好，咁就冒名而黎啦！一黎到後見到成間舖停晒電，唸住要食過第二間架啦！好彩女朋友堅持要等姐，唔係就會錯過一間咁好既菜館。我地叫左5個餸 (排名分先後)：1. 椒鹽瀨尿蝦 - 一隻前臂咁大隻既賴尿蝦，幾好味，D殼脆到可以食埋, 仲有好多膏添，正！2. 蒜蓉粉絲蒸扇貝 – 隻隻扇貝都好大隻，粉絲又好入味，正！3. 豉椒炒聖子 – 聖子又係大大隻，啖啖肉，仲好重豉椒味，正！4. 豉油皇中蝦 - 見咁多人都話好食，唸住試下， 不過又真係幾好味，豉油味好香口，D蝦啖啖肉，唔錯唔錯！！5. 薑葱蠔 – 呢個就反而一般，原本仲唸住流浮山最出名係蠔添，不過可能好似樓下個位版友咁講，而D蠔唔適合用薑葱煮啦！仲有招呼我地個名姐姐服務好好，不斷聊我地傾計，見我地用即影即有相機影相仲主動幫我地影添，估唔到一間咁多人既菜館都可以有咁好既服務態度，非常好！！最後埋單$690，都唔算太貴既！物有所價就得！

剛過去的星期日，到了流浮山既海景海鮮酒家同屋企人食飯，感覺好好…雖然係8點多左右停了電，但佢果到既人都盡快安排到合適既環境予我們繼續享用…今日10人，$2000有找，正爆…今日食左：豉油皇大蝦，椒鹽賴尿蝦，海班2味，炸蠔，清蒸大連鮑，炒飯，青菜…佢仲送埋個湯比我tim....味道比預期清，無油淋淋既感覺…首先講下個大蝦，乾身，殼又脆，正…椒鹽賴尿蝦味道ok既…鹽了一點點，海班2味…我揀左炒求加炆骨…魚肉滑，唔會散既…金黃色的，靚…本身我地想食薑葱蠔，店主話而家d蠔如果用薑葱煮，會起粉，雖然唔係好明，但看到店主既細心呢…大連鮑，大隻到像拳頭一樣，炒飯，料多，d飯一粒粒，口感好好…難怪連譚詠麟都去…見到隔離有上湯焗大蝦，佢地食到好好食咁，下次再入去食過…計番每人around$200~平過西貢鯉魚門好多

一句講晒:「服務超差!!」首先可能我地第一次入流浮山食飯, 我地唔熟悉呢度!好隨意咁見到呢間餐廳, 於是就入左去坐低啦!o的店員完全唔想做我地生意, 一o的招呼都冇! 逼我地咁多個人轉張細! 不特止, 仲要不斷催促我地落單, 我地根本諗都冇時間, 我地第一次光顧, 唔熟識點樣叫菜, 佢呢度冇餐牌o係流浮山黎講都好正常, o的店員問我地打算食幾多錢左右, 我地話打算食每人百零蚊, 佢地就話我地食咁少錢, 食唔到o的咩~ 最多只可以叫到小菜食, 佢地果度又冇小菜食, 逼我地過主! 好似我地阻住佢地做生意咁!我地可能唔係著得身光頸靚啦~ 而且o係佢地眼中唔係咩大客人! 不過對待客人用o的咁惡劣態度, 就真係so cheap! 以後都唔會再黎!o係度花二百蚊食飯, 我不如出尖沙咀食仲好!!

約一班舊同事食飯, 目標喺黃油蟹, 反正有3架車, 於是一行13人就諗住玩遠啲, 踩入流浮山, 有人介紹入面海景海鮮酒家(元朗流浮山正大街56號地下), 點知就領嘢嘞, 食物質素差唔在講, 最大鑊係服務都差個吓先攞你命。先講食物(按次序出餸) :豉油王大蝦-- 叫咗斤半, 碟餸大約一斤多啲啦, 正常, 味道OK, 唔太咸, 蝦唔算大隻, 但都算幾新鮮。豉椒炒蟶子-- 肉少殼多, 味道一般, 冇嘢講。海鮮豆腐湯-- 送的, 其實係豆腐魚湯, 味淡。西芹班頭腩-- 正常味道, 份量唔多。黃油蟹-- 冇黃油, 一滴都冇嗰隻, 多膏, 全結實, 似食膏蟹, 但味唔鮮, 肉味反而OK, 大家一路食一路唔出聲, 賣緊$420一隻喎, 最期待的通常都最失望又一例。炆班頭腩-- 啲炸粉幾好……酥炸蠔-- 蠔冇蠔味, 質感乾, 都係炸粉好味……油鹽水蜆-- 幾夠味, 蜆味鮮。西生菜-- 正常嘢。加埋15支汽水, 2支啤酒, 埋單4千幾, 每人盛惠$350, 貴都算(黃油蟹每人半隻!!), 啲服務先至恐怖:落單收餸嗰陣, 阿姐極力推介大班兩味, 有朋友對魚麻麻地, 爭論之際, 阿姐講咗句: ｢拗咩吖, 就

多年來，輾轉試過流浮山唔少間酒家，試過最平又最差既球記海鮮酒家，又試過又貴又差既海灣海鮮酒家（淨係識得擺阿發哥Ｄ明星相出黎做招來），今次見飲食男女推介試到海景海鮮酒家，感覺幾滿意，首先，黃油蟹$350隻（包埋蒸蟹加工錢），大大隻足１０兩，雖然要預早一日預訂，但係比外面海鮮檔即時買到既黃油蟹仲平得多，比起我食個隻細些少都要$380 仲未計蒸蟹錢，第二，好多人鍾意自己揀海鮮再去酒家煮，我就懶懶地一次過o係度叫埋，起初都有擔心過足唔足秤同新唔新鮮之類既問題，試過兩次之後，我發覺仲足秤過自己去外邊Ｄ檔口買，或者，見到師奶去買就唔敢呃秤，後生仔女去？呃左都唔知啦！味道方面亦相當好，豉油王蝦，有豉油香，夠味唔過鹹，豉椒炒蟶子，未上檯都聞到豉椒香味，椒鹽瀨尿蝦，平時我會貪方便會用較剪剪開食，不過呢度整得好好食，用手食仲滋味，果皮蒸大鮑魚$25 隻（淨海鮮價），淨肉size 有成張咭片咁大，難得一Ｄ都唔韌，仲鬼咁爽口，個個朋友都話好味到要食兩隻先夠，店員又推介蜜汁燒蠔，好明顯蜜糖甜味同蠔味唔多夾，所謂燒蠔其實又係炸蠔，感覺又怪又難食，新野真係試一次都嫌多。環境、地方唔可以有乜野祈望，求其冷氣夠凍又有

上星期六有人生日，於是一行10人又山長水遠入去幫襯，今次都同上次一樣，去最尾個間海鮮檔買左賴尿蝦，大海蝦，本地龍蝦，蟶子，鮑魚，花螺，生蠔，班頭腩，佢再送左d蜆過我地。全部買左大約千六蚊。於是叫左椒鹽賴尿蝦，鼓油皇大蝦，上湯龍蝦，鼓椒炒蟶子，清蒸鮑魚，白灼花螺，薑蔥焗生蠔，炆班頭腩同油鹽水煮大蜆，再加兩碟菜，一碟炒飯，一碟伊麵，加埋送左煲魚湯。樣樣餸都整得好好味，尤其係鼓油皇大蝦，好味到連殼都吞埋，不過可能多人，所以上菜比較慢，食飽埋單連茶芥汽水都係八舊，加埋海鮮料錢都係兩千四蚊到，比去西貢鯉魚門我想是便宜了很多呢。

今日再次去呢間海景食海鮮,上次食咗餐黃油蟹, 非常唔錯, 由頭到尾都有油, 而且老闆娘非常老實, 因為我地本來想book 位黎食黃油蟹, 點知佢話而家食唔抵, 叫我地過十日先好黎食, 果真又平又靚, 嗰次2個人食咗6百蚊咗啦, 每隻黃油蟹$250, 都算好抵.今日又黎食海鮮餐, 10個人1860落樓, 有... 豉油王蝦碌, 瀨尿蝦, 海班2味, 鹽焗奄仔蟹,薑葱蠔等等一共8款餸, 豉油王蝦碌, 真係好好味, 好過好多大酒樓, 有豉油王味之餘, 又食到蝦既鮮甜味.瀨尿蝦同薑葱蠔保持酒樓既一定既水準海班2味, 班肉炒西芹, ok啦, 都算唔錯炆頭腩就真係好好味, 買相以為好普通, 食嗰時先知,餸不可以貎相,好好味鹽焗奄仔蟹, 鹽焗味就唔係好重,以清蒸, 不過奄仔蟹本身質數好好, 切開一半就以經"bit'晒d膏出黎, 好好味,多膏多到流呀, d 肉因為新鮮, 非常鮮甜, good

星期六訂左黃油蟹食，順便食海鮮。黃油蟹要左三隻，全部都足油，不過其實黃油蟹絕對冇大閘蟹咁好食，而且成$330隻，食過就算啦。海鮮就係最尾個檔買左三隻大隻賴尿蝦，斤幾大蟶子，五隻大足節蝦，斤幾新鮮班頭腩，加埋六百，抵過去鯉魚門同西貢好多。樣樣海鮮都整得唔錯，送個海鮮湯，加左碟菜同碟乾燒伊麵埋單千四，(未計$600海鮮錢)，三隻蟹都已經成千蚊，伊麵菜同油料錢只係四舊，算好實惠。見人地食芝士焗大蝦好正，下次一定黎試下，不過唔食黃油蟹既話每人都係消費都係兩舊嗟。

16 August 2006 (Wed) - 晚飯舊同事考到牌請我同另一舊同事黎呢度食海鮮，主要都係想食黃油蟹．．．正！！海景黎過好幾次，本想試下第二度，但係大家都冇乜信心，所以最終都係黎返呢度．．．我哋揀咗既海鮮有：1. 黃油蟹x22. 瀨尿蝦x23. 象拔蚌x44. 蟶子5. 西生菜四個海鮮齋貨就要$820，因為黃油蟹要$250隻，瀨尿蝦要total$180黃油蟹好好好味道，黃油好多．．．正，ok大隻，開心．．．我哋三個其實一年都會黎一次食蟹，如果可以再食多啲就好啦．．．椒鹽瀨尿蝦唔大隻，賣海鮮嗰度既人話公係會大隻啲，乸就細少少，但係我哋都覺得比出面細同貴，而且我哋明明最後捒咗情願要多肉既公，但係食既時候郤係有膏既，真係奇．．象拔蚌比預期中好食，好爽口，用蒜蓉粉絲蒸，好味道，又係唔太大隻，但勝在好食抄蟶子就麻麻地啦．．．　可能因為早黎，但我哋既黃油蟹上時，梗係要襯佢熱時食啦，咁但係食完蟹之後已經凍晒啦．．．　所以都唔太想食淨返嗰啲．．．酒樓仲送埋西瓜，不過我哋就一舊都冇掂到，因為怕佢係紅葯水西瓜！最後埋單$1110，舊同事問佢收唔收咭，佢猶一猶豫話都得既．．．但之後就一路收一路輪咀

可能是季節的問題吧。我在1月底到過這家店吃飯;是爸媽帶我們去的。特別的地方係無餐\牌,唔知價錢。來到流浮山,當然是吃蠔啦~我們一行5人,點了炆頭斑腩,酥炸生蠔,炭燒金蠔,彊蔥\"屈\"蠔,豉油王炒蝦碌,咸魚炒飯。呢餐\飯,嘩!超好食,令我回味至今。*炆頭斑腩,看上去像好多骨;但其實都有肉,魚肉滑及味道不錯。*酥炸生蠔,係真正的酥炸,像芋角的酥面,外脆內軟,蠔身軟滑多汁。yummy!*炭燒金蠔,用炭燒的,外面包著一層甜甜的蜜糖,蠔邊燒得脆口。正！*彊蔥\"屈\"蠔,唔~主要食那肥美的蠔,整隻蠔的香味留於口內。*豉油王炒蝦碌,蝦雖不夠大隻。但主要在醬油味剛剛好,一d都唔咸。d蝦被炸到香脆才炒,真係脆到連殼都可以食埋。*咸魚炒飯,好香咸魚味,但見不到粒粒咸魚,仍可吃到咸魚。雖然埋單都好貴,但真係好食!!!!

男朋友的人情飯，叫埋我去，六個大人加兩個細路，卜一間「房」。唔知乜豆腐魚湯- 冇飲芝士龍蝦伊麵- 個味麻麻，麵唔掂，好硬...蒜蓉粉絲蒸扇貝- 好大隻，加埋粉絲蒜蓉&個汁，好味炒大蝦- 蝦都算大隻，但味道麻麻西芹炒斑塊- 好油，麻麻唔知乜斑腩- 多骨，冇興趣，冇食豉椒炒聖子- 殼多肉少，味道ok三隻唔知咩蟹仔- 勁細隻，見到冇乜肉&膏，所以冇食再加一碟生菜&三支啤酒，另送西瓜一碟，話識人，埋單都要$1680，男朋友俾，我肉痛，好食都冇所謂，之前同舊同事11人係西貢食，正過哩餐好多，都係$18xx。請都唔會再，呃錢......