海港酒家

营业中

休息中

經同事介紹，一行四人黎呢家海港酒家一嚐長腳蟹之味。食完，我一定要寫呢篇評論。Book 左25號6點食，叫左4.4斤長腳蟹，一碟清蒸沙巴仔，一兜菜，4隻清蒸蟶子，一兜花膠白肺湯，5碗白飯，仲有2碗紅豆沙，1個焦糖燉蛋，一客桂花椰汁糕。先講長腳蟹，長腳蟹要自己攞個價錢牌去海鮮區叫。第一，負責海鮮區嘅阿叔態度極差，我主動問佢究竟四個人應該食幾多斤嘅長腳蟹夠，因為我第一次食唔係好清楚，佢答得好模棱兩可，話你想食幾多斤就買幾多斤囉🙄第二，我話同佢講要一隻四斤嘅長腳蟹，佢直接拎咗個長腳蟹去磅到4.4斤，但係個磅非常之模糊，好似有一層膜包住，我根本睇唔到，佢嘅態度亦都非常差叫我自己退後睇，跟住我要喺某一個角度好認真咁樣先睇到大概嘅數字，呢點真係非常之反白眼，強烈要求酒家換咗個磅，如果唔係你話幾多斤有幾多斤好容易俾酒家誤導。再黎長腳蟹本身，清蒸清蒸長腳蟹真係將長腳蟹嘅滋味完全表現出來，真係好好食，好鮮甜，每一條腿都塞滿晒肉，肉好紮實好正。可能依家酒家都出名清蒸長腳蟹，我見到好多台都有叫。然後喺其他嘅菜式，我覺得最好食係清蒸聖子，其他就一般般冇乜特別，甜品亦都好普通，桂花椰汁糕更加係唔好食。總括而言，為

今日去左海港食長腳蟹，真係底食，隻蟹3斤幾，清蒸，又大，又鮮，又正，仲有一龍躉兩味，炒球，同頭腩，仲有燒鵝，加飯加啤酒，4個人每人都係食左4百蚊左右，超底食😋真係要再返食

下午茶食物質素OK價錢合理經濟但侍應強制一人搭枱就不合理。香港茶樓做法已變成一般茶餐廳😓 雖然COVID-19疫情已經成開放嘅態度，但我相信香港人對飲食業服務質素都係有點失望，所以都係假日會北上飲食和消費，坐得舒適，服務態度又好，價錢又經濟優惠

哥哥上次已經話想食芝士龍蝦伊面，舅父就係OP搵到呢間…食物芝士龍蝦伊面份量勁足！超creamy 芝士啲龍蝦肉都好多，不過啲肉質就有少少鞋口，但勝在佢斬件都係啖啖肉泰式炸蝦餅超級彈牙蝦膠入面仲有香茅味，勁surprise 再點泰式辣醬，成件事勁泰國feel!! $98半打，手心咁大，其實嗌得過👌🏻海鮮孖寶唔記得乜嘢2食，係有頭腩個啲，啲魚係幾滑嘅，不過我鐘意另外個款食法。唔記得影相，係西蘭花炒斑球，個個啲魚肉又入味，又爽！不過好快俾佢哋夾晒羊肚菌花膠海螺頭湯我哋一坐低，樓面呀姐就問:最後一個湯要唔要留俾你哋？冇架啦因為爸爸鐘意飲湯，而且呢款都好似好好飲，所以就即留。但其實個陣都未夠7pm😳已經last one但真心好飲，個湯好清，好純，哥哥都肯飲多2碗💓超足料脆皮燒鵝皇弟弟最愛呢個，啲皮勁脆，真係好似食脆片咁，不過唔知係咪呢隻年紀大，有點兒鞋，但都依然有鵝味👌🏻係好食嘅。呢個都係孖寶其他呢到樓下好多人等泊車，我同爸爸搵廁所就上咗去攞位先，so far walk in都叫即時有位(6:45pm)有揸車呢度就抵呀！呢到整體黎講，都係可以翻check dinner 嘅👌🏻

27/8晚訂了荃灣中染大廈海港晚膳，點了一圍$5,980十二位及一圍$888六位全包宴，結賬時本應一張單結算，但有職員問是否合單，已經重覆表示一張單過，但最終都是幫我們分了單。結賬後給了我兩張積分掃描收據。於儲存積分時，未有察覺每個時段只能入一張收據，當時先存細額積分，當再掃大面額收據才發現問題，即時查問收銀職員，她表示另一張單可以讓另一位會員掃，唯有將收據交家人再掃，但結果是說該單已被掃故不能再入。1/ 酒樓應該清楚知道同一時段不能存入兩張收據積分，為何於詢問我是否一張單過後，都硬要拆單？2/ 明明收據未能存分，理應仍可有效被另一個會員儲存，為何卻又不許存分(肯定是八小時有效期內掃)，以致我們平白失去了二百多分。*收據的時間是19:58，但我們入坐時肯定已過了20:00，所以我絕對有理由懷疑此收據應該是之前所發，且被其他人存了積分。*是公司的政策？是員工問題？還是電腦問題？

我們舉手諗住叫野食 ， 有個女待應過來 我地就同佢講唔好意思再睇睇 佢點知即刻話 你地舉得手就係叫野食 唔叫唔好舉手。原來唔叫野食 是不能舉手 ！！！！！！！一直都食開屯門兩間海港都無問題的。荃灣呢間睇過食評話差 但真無諗過啲員工真係差得襟緊要 態度差。唔會再幫襯荃灣過間海港

星期六晚六點係荃灣海港酒樓點左一份398的特價上湯龍蝦，結果出來龍蝦肉是黑色的。我問經理，姓周的經理話，龍蝦是新鮮的，只不過放埋一邊幾個鐘所以變左黑色。佢搏命大聲喝我地“快啲食啦”，“快啲試下龍蝦肉係新鮮彈牙”。但我地好擔心有蟲，冇試，佢態度十分差，一邊話龍蝦新鮮，一邊又話只不過劏左幾個鐘頭，有啲黑色正常。最後見我地唔肯食先話可以退，但就冇offer話可以換其他俾我地。係度食海鮮，真係要小心。

話說因為屋企（老人家生日）！我哋已經早大約－星期book位，好啦到咗book咗嘅日子我哋就預時入去諗住實有位，點知去到嗰位冇禮貌嘅知客小姐同我哋講話好多walk in客未必有位俾我哋，仲要態度差到無倫，咁我想知道其實book位係咪冇用？，仲要係（老人家生日），我唔係住嗰度附近我仲要搭車過嚟，咁你話俾我聽應該要點樣，嬲到我哋一家上下飛起，你唔係同我講話叫我等一陣而係話俾我聽冇位俾我哋喎，真係激死！！！間嘢永遠唔會再幫襯！block list!!!

父親節飯套餐加2個餸6大人1小孩都食唔哂！味道唔錯，燒鵝有驚喜可惜條魚賣哂轉了其他，肉質麻麻唯一投訴是突然勁大聲播生日歌嚇鬼死人又嘈啲聲又拆仲要好鬼大聲完全趕客感覺

今天和同事在荃灣工作，午飯到荃灣中染7樓的📍海港酒家解決。由於懶得選擇的緣故所以揀了他們的168元午市皇牌套餐。💢涼瓜斑頭腩炒河外觀賣相不俗，河粉炒得夠熱有些鑊氣，班腩都有幾大塊亦啖啖肉，涼瓜稍嫌淡些不夠苦味。😋💢四喜烤麩小食，樣子賣相和味道都是一般，看上去似乎已做好了一些時間，不太新鮮似的。💢黑金奶黃包外表特出，黑底上印有金色天鵝圖案，內裏的奶黃易仍然流心，不俗。🤗💢蟹籽燒賣皇都算大粒，内裡蝦隻肉實彈牙，一貫的水準。🔷️這些套餐出菜很快適合工作時間不多的人士，而且價錢經濟，食物質和量都可以，下次亦會再來一試。

星期一約埋啲朋友一齊嚟呢間食，因為佢哋推出咗份$1998嘅12人份餐好似幾抵食，於是就嚟試試，環境幾好，廁所都幾乾淨、無異味，以酒樓嚟講真係幾好👍🏻食物味道ok（5分滿分可以俾4分），但上菜速度真係好慢……我哋6點半叫可以起菜，一開始係好快，但自從呢啲上咗菜之後，就差唔多有成半個鐘都上起到其他菜色，甚至隔離枱比我哋遲起菜，佢哋其他菜色都到咗但我哋都仲未得（之後發現原來佢哋同呢間啲員工係識得，可能因為咁所以快啲同唔洗理其他客人、覺得其他客人嘅時間唔係時間？）等咗咁耐，其他菜終於嚟到，而且一嚟就嚟三碟，蝦餅食落熱辣辣，食得出啱啱炸好無幾耐，但既然係訂咗，連埋預先準備嘅時間，整呢啲係唔係真係需要成半個鐘？所以6點半叫起菜，但因為中間有一大段空白時間，所以差唔多9點先埋單走人，真係好多謝呢間店俾咁多傾偈嘅時間我哋，令我哋唔洗一邊食一邊傾，嗰段時間仲可以一邊望住其他比我哋遲嘅人有野食，但我哋都仲未有其他野可以食，真係多謝哂

一直都幫襯開海港，通常都食旺角同馬鞍山。但荃灣呢間海港第一次堂食，朋友生日，仲要受氣，真係搞串個party!落單時，一開始叫左個例牌燒鵝，但發現有個孖寶有燒鵝例牌加條魚，所以即時話取消例牌，要孖寶。好快落單既女侍應推左兩碟例牌燒鵝出黎，問我地要邊碟，我地開心地揀完之後，食緊之際，落單既女侍應話我地叫左兩碟例牌，我地話已經即時取消，由於朋友生日，廢事吵架，諗住算啦，食唔哂打包。點個個落單女侍應過嚟挑機，話我地無講過取消，我肯定我地前後兩個唔同人都講過取消。佢拎走左碟野，好快又拎番碟例牌黎話「係你地錯」，之後又拎番碟野番黎，繼續講「係你地錯…...」，搞到大家燥左，經理呢個時候點會唔被我地傳召呢。痴線架！放工食飯啫，咁都要受氣！海港都唔係差既酒樓，竟然都咁樣。呢位落單女侍應應該都得罪好多人，執枱同事傳菜員都不約而同同我地講係個阿姐問題。想叫糖水都唔敢叫啦。嬲到相都無影！

疫情放緩，終於可於大年初一跟家人外出聚餐，就到大家都方便的海港酒家。我們點了其中一款新春套餐，套餐內有魚、蝦、蟹肉、蚌和鮑鱼，十分豐富。菜式都是配合好意頭名稱的，有如意帶子炒珊瑚蚌，帶子很夠份量，珊瑚蚌很爽口，另配有西蘭花及洋葱，炒得夠鑊氣。龍躉班蒸得剛好，魚肉新鮮爽滑。日式鹽燒鮑魚，燒得外脆內軟，鮮香又有口感。發財好市瑤柱腩，上層舖滿瑤柱腩，下面是髮菜蠔豉，汁料足夠入味，髮菜蠔豉份量十足。臘味糯米飯，香口味美。紅棗糕 - 甜度適中，可惜數量竟然少了一件😪我們另外再加了幾款點心，平均每人二百元有找。海港食物質素一向有保證，只是服務一直沒改善。

新年快樂 大年初三，去飲茶 食嗰飽荃灣中染大廈（八咪半）嘩！勁多人喎即刻㩒嗰籌（𣎴搭枱），幸好等咗半個鐘新年期間規定，90分鐘要埋單😂👌一籠三個，有創意，👀，橙黃色，皮薄喊靚，啖啖蝦肉 😋大大碗 發財 豬骨粥： 粥夠綿滑、油炸鬼、髪菜多多，大件豬骨（偏咸）豉汁蒸排骨不油膩、瘦、味道不錯，豆卜墊底，正灌湯餃，很久沒有吃了，其待湯汁鮮甜美味，餡料豐富驚喜： 得意😎迷你鮑魚、養顏花膠黃牙白包住蠔豉、髪菜、豬脷、蟹柳豐富口感，

防疫政策终於放寬，今年和家人到酒樓食開年飯，選了一個新春套餐，再加一隻長腳蟹。套餐內有魚，蝦，蟹肉，蚌和鮑鱼，十分豐富。如意帶子炒珊瑚蚌，大大隻帶子，仲配有西蘭花及洋葱，炒得好夠鑊氣。龍躉班有2斤重，蒸得剛剛好，魚肉新鮮爽滑。而大家最爱這碟日式鹽燒鮑魚，燒得好香口，有口感。發財好市瑤柱腩，上面舖滿瑤柱腩，下面是髮菜蠔豉，汁料足夠入味。最後仲有長腳蟹及蟹膏炒飯，賣相十分吸引，蟹肉好鲜嫩，雖然已經好飽，但仍不會錯過美味蟹膏炒飯。實在是一餐豐盛的開年飯，非常幸福滿足。