海王潮州樓（金富） (已結業)

年三十的中午，與上司及同事來到海王潮州樓食團年lunch。我們早於前一天已book 位，並早已fax 點心紙到酒樓，因此上菜速度很快我們點了8位用的春節點心套餐，此套餐包括了自選點心8款、潮汕滷味拼盤、自選家鄉小菜3款及自選特色粥粉麵飯一款。其中，潮汕滷味拼盤及魚香茄子煲最為出色。潮汕滷味拼盤材料多，而且味道算是相當不錯；魚香茄子煲不但味道不太鹹之餘，還十分惹味，送飯一流整體而言，海王潮州樓（金富）食物質素不俗，唯茶樓房間空氣較為翳焗，令客人愈食愈熱

是日為中秋節正日，慶幸全公司只須上班半天，中午便與teammates一行十多人到荃灣西站附近的這海王潮州樓吃頓午飯，其後便回家做節。滷水拼盤包括鵝肉，豆腐，紅腸及滷水蛋，如一般拼盤一樣，為節省本，往往會在碟底鋪上一層厚厚的豆腐，因此鵝肉份量相對不多，十多人真的不夠分。幸好鵝肉不老，肉質尚算幼嫩而不鞋口，唯不感突出。香芋鴨外脆內軟，芋泥比例偏多，鴨肉的角色相對模糊，可是鴨肉油香注入每塊香芋鴨中，味道是蠻討好的，性價比不錯。

因為媽媽入院手術，我要全心照顧，接送兒子的任務交給爸爸，幾天也辛苦了，今天要犒勞一下。爸爸鐘意潮州菜，就近一家酒樓用餐。價格不便宜哦！咸菜味道不錯點佐幾個菜試下鵝片軟糯，入味，但咁少嘅，才十片，下面鹵水豆腐墊底牛腩數量不算少，味道合格。鵝紅有點辣，很開胃。呢個唔不錯，有花生和紅豆兩種，入口不太甜，好食三個人連茶位加一383，七成飽，不便宜。

今日星期五來到荃灣搵飯食，去到如心廣埸，個 parking lot 排長龍！兜兜下見到冇幾遠有 parking 有位，立刻入去。吾覺意找到這間海王潮州，入去立刻有位。服務員很有禮貌，即時送上茶及菜牌。價錢算平，特價菜色不錯的選擇。我倆個人點了三餸一湯，出品還合格。豬肺杏汁湯很好，比起陸羽的這個湯，相差不遠，但價錢相比就當然是平得多啦！好好的驚喜，Nice Surprise 👍🏼👍🏼

今日午餐黎到一個潮州既中式酒樓,入到去環境都幾大,而且坐低之後會有功夫茶(茶位$8) 飲同甜酸菜($8)食,系幾開胃。三個人叫左一個四人套餐,$268.包括四款點心,一個面或飯,一碟雜錦滷水同上湯菜。總共四樣菜式。首先,講下點心,我地叫左燒賣,四寶雞扎,鳳爪同小龍包.成粒燒賣系上面有鮮蝦,而且里面用蝦膠打成，吃落去同平時酒樓食唔同，爽口彈牙，而且冇雪味。 雞扎值得講有魚肚,好滑鮮甜,正！ 而小龍包里面多湯得黎,而且肉質唔會好(鞋)„咬落入口即溶！鳳爪就一般。之後，叫左碟炒牛肉飯,控制火候剛好,食落去唔系香口膠既感覺,似正宗炒牛河既滑牛,加上最難整既飯，炒得好乾身，系好食！3個人，每人食到2碗半既，份量都ok.至於個上湯菜,d菜嫩口,食唔到渣,而且上湯咸淡適中,都唔錯。但價錢都有d略貴,間中可以豪一次既！

自從換老闆和班底後，新套餐已不包加一和茶錢，酸菜。所以很少來。今天家人想試。。。滷水鵝拼盤今天拼得好好，冇乜內臟。鹅肉，豬耳，豬腩肉也入味，連紅腸也肉質好。。。。底部的豆腐和蛋也好入味。沙嗲牛河味道依然好，但今次炒得太濕不夠乾。各點心水準高。。。牛肚入味，口感好好。。。尤魚好爽，味道野味。。。特別燒賣足料，有大虾，肉質也好。只有鲜虾付皮卷不夠香口，但料足味佳。雖然價錢略貴。。。但優質。

中午飲茶叫套餐，幾款點心、再可叫炒飯或面、小菜、同埋包一碟雜錦魯水。點心味道都不錯，碟魯水有鵝，蛋，豆腐，豬肉，腸，豬耳，都幾足料，但係啲鵝肥左啲。欖角炒四季豆都好惹味。

將近年尾，我約好一班舊同學提早食團年飯，今次一行十人，選擇了荃灣的海王潮州樓。因為預先訂位所以不用等候。店內裝修跟一般酒樓分別不大，地方比較寬落，有落地玻璃可以邊食邊望著外面少量的海景和公園景色。因為我是駕車去的，所以由海灣花園停車場落一層在後門入餐廳，停車場有指示牌寫往海王潮州樓的方向，最好泊得靠近酒樓那邊比較方面，之後可由停車場的一條樓梯進餐廳後面的門口。一推門便有侍應問我幾多位，之後便帶我去安排好的位置。人齊了，我們跟經理說想吃地道的菜式，請他代為決定，過了一會經理拿著菜單逐一問我喜不喜歡。於是我們點了潮洲菜最出名菜式之一的的涷花蟹。因為我媽媽是潮州人，年幼時會去外公家裡吃飯，過節例必會有涷蟹這味菜當頭盤，現在要吃便要找正宗的潮州酒家吃了。這個涷蟹今日時價為＄5.5一兩，鮮甜之餘，肉質嫩滑，是正宗潮洲涷蟹的味道，而且夠大隻，作為頭盤令大家都興奮非常。第二個菜是鵝肝鵝肉掌翼鵝腸，鵝腸煙韌彈牙，鵝肝質感嫩滑，夠厚身，入口即溶，雖然沒有像法國鵝肝那種煎過的香口，但原來又有另一種特別意想不到的好味。掌翼很入味。這個是海王大四拼盤，有蔥油海蜇非常爽口，炸蝦棗蟹棗，金黃色的外形十分討好，混了

約左一班好耐無見既朋友，諗住揾個地方開開心心食餐飯，結果選擇黎左厘度。入到間酒樓，地方唔錯，枱與枱之間地方闊落，係個食飯傾計好地方。至於招呼方面，佢地都好有禮貌，服務唔錯。首先黎個老火湯，【雞骨草赤靈芝】，湯料足，味濃郁，好湯！食得潮州菜，當然要叫返碟經典【潮式滷水拼盤】跟住再黎多碟【鹵水鵝肝】，軟滑粉嫩，非常美味【煎蠔餅】蠔餅煎得夠甘香鬆脆【鮮淮山百合炒南瓜】材料新鮮，口感清新，健康有益【千絲炸蝦丸】炸得夠脆又唔油，裏面蝦肉彈牙好好味【香煎銀雪魚】外脆內滑【糖醋伊麵】表面煎到夠脆，內層麵條帶出上湯鮮味【反沙芋】芋頭起沙，香甜鬆化【蛋白杏仁茶】杏味夠香，一入口就知係新鮮磨制，好滿意撞啱間酒樓慶祝開業一週年，每食滿$300可以抽一次現金獎，朋友個囡囡出手抽3張，第一張$10，第二張$10，第三張居然抽到當晚大獎$500，總共$520現金獎，我地成班人都為佢歡呼，今餐實在傾得開心，食得豐富，仲抽中大獎，實在滿足又驚喜~~~