海雲天

营业中

休息中

4人訂了星期五晚上7點, 準時入坐, 有二張紙: 1. 是可以起菜, 2. 是可以上第二隻蟹我們7點收上菜, 好快就上了頭三道菜. 都依菜單上的次序上, 那接著就應該是第一隻蟹, 我們在聊天, 直到有朋友開始感到肚餓時, 才發現時間已經過了45分鐘, 那我們向一位女侍應(A)查詢:A侍應:完全不懂我們講什麼， 只想取走叫第二隻蟹那張紙， 一直回我們要交紙才可以。。。。過了１０分鐘， Ａ侍應（估計抄散)叫來B侍應 （資深)， 我又再講一次， Ｂ 的反應和A一樣， 又要我再強調。。。一隻蟹都未到。。。。Ｂ 回我幫你去查下。。。。。沒有回頭了我們開始留意是否枱枱客人都一樣, 但見一車車蟹出來, 都送去各枱上, 唯獨我們沒有...C部長(男) 推車過來問我們是否未有蟹...之後就離開.....(好似路人甲, 純為八卦) 看回拍相時間, 足足過了1小時..忍無可忍..出去同接侍員講要見經理, 好快經理(D) 過來...我又要再講多一次, D 都是和A, B C 三位一樣, 唔理你講咩..都係話交單才有第二隻......真係嬲到火山爆發...D 解釋人多做唔切, 我話都唔係成個小時, 無蟹就上其他

又到咗食大閘蟹的季節😚去咗紅磡海逸君綽酒店中菜廳海雲天，食呢個今年推出嘅九道菜大閘蟹宴。我最鍾意手殘生拆蟹粉🤫貪佢啖啖蟹粉吾洗拆⋯正呀🤤重有個靚靚海景，可以一路食大閘蟹，一路食海景添。鍾意食大閘蟹嘅蟹粉們，真係唔好錯過呀，想食就快手啲book啦⋯大閘蟹宴只會做到11月30日咋！「完美蟹逅」蟹宴套餐$598/位 （特價$468）另收原價加一服務費🦀生拆蟹粉蒜茸包🦀雙色蟹粉小籠包（2隻）🦀功夫蟹肉羹🦀清水大閘蟹(2隻）🐟椒鹽小黃魚🥬上湯雲耳浸豆苗🦆花雕醉翁鴿(半隻)🍜古法蟹粉芙蓉撈麵🍡薑茶湯丸

一踏入秋季，又來到大閘蟹季喇🦀坊間推出不少大閘蟹套餐，懶人唔想逐隻拆蟹，但又想食到啖啖蟹粉，蟹迷必試🤤不過酒店旗下食店既service 黎講，都算失望😔。🧄生拆蟹粉蒜茸包蟹粉蒜茸包有啲特別，熱騰騰既蟹粉放在香脆蒜茸包上面，咬落去少少，啲蒜茸味帶出蟹粉嘅味道，蒜茸包又吸哂蟹膏，啖啖蟹鮮🤤。🦀雙色蟹粉小籠包品嘗小籠包只食到淡淡蟹粉湯汁☹️。🦀功夫蟹肉羮美味的蟹肉，搭上滑嫩的豆腐🥳羹湯頭鮮甜又美味，滑口而不油膩，飲完暖笠笠。🦀清水大閘蟹精選「蟹中之王」清水大閘蟹，清水大閘蟹生長於天然環境，肉多膏甜，所以具有蟹中珍品美譽，愛蟹之人不可錯過😚。🐟椒鹽小黃魚脆口，略嫌椒鹽味過淡☹️。🥬上湯雲耳浸豆苗略嫌溫度不夠熱，而且無特別☹️。🐦花雕醉翁鴿醉翁之意不在酒～陣陣酒香既花雕乳鴿，單單香味已經虜走你個胃😎。🍝古法蟹粉芙蓉撈麵上枱嘅時候，蟹粉放到麵上，麵條不夠香滑☹️不過可以加上鎮江醋撈勻來食。🥣薑茶湯圓食湯圓呢，個人認為薑汁就好重要，尤其係秋冬天，食完湯圓飲埋薑湯，成人暖笠笠😚

先進科技👍點點心用q r code嘅落單方式。年長茶客都識用！多款點心任揀任食，數量可以自己限制，唔怕食得太！今日餐廳爆場。90分鐘任食點心放題一個鐘之後last order.仲有30分鐘俾你繼續任食。食物款式種類多。甜品都有。可以話一應俱全雖然爆場但上點心速度都有效率，唔需要等太耐。食物新鮮熱辣。最緊要有個無敵海景靚位，望晒維多利亞港😍賞心悅目！一路食一路睇風景時間話咁快就過。最緊要近地鐵站，方便好多。

上網搵點心放題一定介紹呢間，去官網訂位平$20一位，$168/90分鐘，另外茶位$23再加一。雖然間酒店近海皮，但搭地鐵去行5-8分鐘就到都好方便。地方唔算大，但個無敵180度海景真係不得了。我鐘意飲2:30嗰D時段，仲要係星期一，多數無咁多人，果然數埋得5枱，所以一定坐window seats。掃QR code 落單，簡單方便又環保，食物嚟得都好快又無漏單。蒸籠嘅點心嚟嘅時候熱到出煙，但其他就只係暖，唯一扣少少分。樣樣嘢都好好食，特別係咖喱魷魚同埋芫荽鯪魚球。

本人很少外出食中菜，然而這一間酒樓我一年內食了四次。沒有餐點上的精巧味美，亦沒有裝修上的富麗堂皇，也沒有服務上的賓至如歸，但是上述每一樣都做到恰到好處。酒樓位於酒店之內，由黃埔站D2出口一出，很快就到達這間酒店。位處岸邊座擁遼闊海景，加上大面積落地玻璃，用餐時能飽覽海景。枱與枱的距離充足，員工服務也不錯。價格方面，透過眾多平台預訂都有優惠，而菜單本身亦不算昂貴。總括而言 - 地點、服務、味道、價格都達一定水準，而且很好座。味道因各人口味不同，而不作詳述。(請參考附圖)

窗口位有海景望，可惜太遲book枱已經無晒窗邊位🥺🥺😭😭始終疫情期間，去番酒店入面嘅酒樓感覺衞生啲。餐廳坐得好舒服嘅，門面鮮亮光猛，食都食得安心 。今次叫嘅係燒汁香煎珍寶帶子🤤上菜快，加分。帶子超巨型😱外層脆脆地，加埋燒汁好好食，切開一半睇睇，入面煎得啱啱好，唔會過老🤤有佳餚，點可以冇美酒！呢杯天吹愛山要加$48，由唎酒師推介配搭！將帶子嘅鮮味提升，又可以減少油膩感🤓平時都唔係太飲酒，咁樣配搭又唔會太搶喉。

夏日炎炎，最啱就係飲下酒食下海鮮喇！最近發現一個「seafood love sake」嘅活動，一次過就可以滿足曬兩個願望。以前去日本，最中意就係去居酒屋叫杯清酒小食坐足一晚，依家香港竟然連中式酒樓都可以做到，算係一個幾新奇嘅體驗。食物方面，我就食咗 $128嘅「燒汁香煎珍寶帶子」，食物擺盤相關精緻，平時好難煎得好嘅帶子都處理得唔錯，入面熟得嚟好juicy，連埋最底青瓜一齊食更加有新奇的口感。另外加$48就可以飲埋「天吹 純米大吟釀」，入口有米香，少少苦味之後再有回甘感，質素相當唔錯！

對住個無敵大海景🥰食慾都大增我諗呢間都算全港數一數二最靚嘅酒樓，主要贏在佢個景，身心都舒服啲😌對住個靚景，最啱就係飲番杯清酒🍶餐廳有做緊一個清酒同海鮮嘅活動，我就叫左呢一款蝦子蘆筍炒鮮鮑片$128，另加$48配一杯清酒。點知道佢係先鮑片？成個鮑魚殼都俾埋你睇😆🐚🤓🤓大廚刀法一流，鮑片切得薄身，但仍保持到鮑魚嘅口感。仲做咗少少調味，帶點微辣感🤤🤤食唔停口是日清酒：南部美人吟銀河🌌🍶

香港好少有嘅落地玻璃海景酒家，九龍海逸君綽酒店二樓嘅「海雲天」就係其中一間！位處於黃埔海濱！餐廳不斷都有唔同嘅推廣活動，早排先食完佢哋個點心放題，覺得好食好出色，所以都間唔中留意住佢哋有咩其他推廣🤓🤓近期有留意到佢哋有個清酒🍶x海鮮🥳活動，覺得幾特別，就拉埋屋企人一齊黎！個人覺得最特別嘅係呢個👇🏻🐚燒汁香煎珍寶帶子 配 天吹愛山珍寶帶子一啲都唔惹少，厚身大粒，燒汁味又唔會蓋過帶子嘅鮮味🤩天吹愛山入口順滑，幾突出到帶子嘅鮮味，幾唔錯🥂如果係星期六日嚟嘅話都一定要book位，因為個場真係好爆好多人😱

今次就去咗紅磡海逸君綽酒店入面嘅中菜廳「海雲軒」食啦，海逸君綽酒店係一間五星級酒店，環境一定係無可挑剔㗎喇，一入門口，都即刻比佢華麗嘅裝潢吸引到。😍😍😍今次就試左佢新既sake menu，話有野抽咁話😆$98 雪地松葉蟹拑份量老實講就唔多，不過最底嘅醬汁有驚喜！食落有少少似茶碗蒸嘅質感。作為下酒小菜係好唔錯既😆同樣加$48都可以飲到「一本義久保本店 伝心「稲」純米酒」，依隻酒嘅酒味重少少，試真啲之後米香味會喺尾段回甘返上嚟，整體嚟講兩者都幾配合。

嚟到酒店staycation又點可以唔試吓酒店嘅餐廳😀個景真係無得輸，一望就係對住個海景，枱同枱之間嘅位置夠闊，坐得舒服。一打開餐牌就見到夾住呢份Menu，主要係唔同菜式配搭唔同嘅清酒🍶我叫咗個蝦子蘆筍炒鮮鮑片配南部美人吟銀河🌌$128/份+$48(一杯清酒)朋友就唔係好飲清酒，所以都係叫點心為主。蝦子蘆筍炒鮮鮑片好有驚喜，估唔到咁好食！鮮鮑片口感煙韌，重點係表面上嘅調味粉，但有少少辣未，而且好香，令人食唔停口。呢杯清酒味道平衡，飲落幾順口。可以帶出到鮑魚嘅鮮味，菜式又提升到酒嘅甘味，配搭得幾唔錯👍🏻👍🏻有機會可以試埋其他組合

120分鐘的點心放題，提供芝士點心頗有新意，坐位闊落，用apps自己落單夠方便，可以睇番已點東西，食物種類雖不太多，但質素還可以，侍應態度殷勤，提醒我地先食炸物，收碟速度滿意，唯今次未能坐靠窗口位置有啲失望，或因是團餐關係！推介芝士蝦餃，芝士咸水角，芝士撻，玫瑰芝士球必食，腸粉及包類可以不點

週六選擇了11點入場的點心放題，入座還算順利。不過在門口已遇見好多旅行團來的式客已被優先安排入座。90分鐘限時，落單時間60分鐘。入座後三分鐘已掃二維碼下單，沒想到過了45分鐘一籠蒸點都未上，體驗差到離譜，只有避風塘茄子、冰鎮豬腳這些事先製作好的點心給了我們。而隔壁旅行團來的台，蒸點已上了三四轉，仲聽到講已經飽咗。同兩位職員反映，第一位無跟進，第二位說有好多單，電腦見到有我單。我說那你是否優先給我，90分鐘限時現已過去一半我食咗啲咩，他又叫我再落單（？又說電腦有見到我單，簡直不知所謂。）補時間給我，但不能優先給我點心。過了十分鐘終於有蒸點上來，但都不知是哪一次下單的。食物正常質素，但食物品種少，九月點心放題連豉汁鳳爪這麼平常的點心都無。最後點心只來了一轉，還需要補茶錢及加一服務費，完全不值，甚至不如在一般酒樓飲茶，食一肚氣。總體來說管理混亂，或許是週末只掛住做旅行團生意😓😓😓

上年食過一次覺得伏，但今次見到芝士點心放題 決定比多次機會誠哥！平日90分鐘任食點心上網買coupon做緊$168/位，茶芥加一後其實係$210/位。都係果句，平時飲餐茶都唔駛咁貴，不過決定左去試就算啦～今次熱潮無上年咁勁，早兩日訂座都有位（上年係要提早一個月計座～）今次個座位望到維港景，雖然當日唔係藍天，但開揚景觀的確令飲茶心情都好啲。落單用QR code，總共有44款選擇，大部分有圖參考，其中15款係芝士點心。芝士明蝦餃及芝士燒賣皇看得到芝士，但吃不出有分別。芝士素粉果，芝士饅頭，芝士蛋撻，芝士蝦春卷，芝士和牛酥及玫瑰芝士球都唔太重芝味；芝士煎腸粉，芝士燴飯及芝士燴伊麵看圖感覺太膩無叫，結果最芝士的是芫茜芝士魚腐，流心芝士幾正！其他點心選擇其實無咩特別，但整體食物質素唔錯，感覺比上年好。我推介黃金涼瓜，鹹蛋黃包住少少甘味涼瓜條，味道口感都係雙重享受！另外鮑汁鳳爪都正，腍之餘亦夠入味。其他糕點亦都唔錯。