海雲天

营业中

休息中

今日係假日，點心放題好多人，QR code手機落單。首先，點左既點心有十樣黎左一樣，等左一陣，嗺完待應之後，一黎黎左三籠（12件）蝦餃，但我只叫左2件，其他既野都打孖上左，同我點既份量完全唔同。跟住，同待應講佢check都唔check就話係我禁多左，d待應又好似唔識邊張枱打邊張枱噤，亂噤放低d食物就走左。結果想食既野，到走果刻大部份無黎到，但食同一樣野就食飽左。佢最後仲拎住一d人地枱唔要既點心問我地要唔要，第一次食放題噤差既體驗。

「海雲天」除左點心出色外，最近佢地主打外賣原隻「片皮鴨🐤🥢」～一次過買左2隻同家人開心share😊😊主角片皮鴨真係切得好靚，1隻鴨個量都多，仲要排得好整齊～味道更加唔洗講，肥瘦適中👍🏻👍🏻至於個皮極薄但包左鴨都唔會穿窿，又係做得出色，而且仲好多塊添～特別要講一講個「山楂條」，估唔到同隻鴨咁夾，酸甜解肥膩之餘更令食起上嚟層次感更豐富🤩最後就係紅棗糕，煙煙韌韌，唔會太甜，紅棗味濃👍🏻真係每一樣都高水準，激讚💯

九龍海逸君綽酒店嘅海雲天推出37折嘅外賣京式片皮鴨套餐呀！套餐包括片皮鴨約24塊，手工烤餅，青瓜條，京蔥條。仲送四件招牌棗皇糕同山楂條添。🔸片皮鴨套餐(KKday訂購💰$180)一入酒店已經聞到超香。鴨有兩盒，一盒鴨多肉，切靚靚。另一盒主要係皮。返屋企用焗爐/氣炸鍋焗返熱😋原來夾埋山楂係咁好味，之前真係未試過，甜甜酸酸，真係好食又抵食！不過啲青瓜同京蔥條就可以俾多少少。🔸鴨肉炒飯(+$40)非常普通，無乜鴨肉。不過好大盒。仲可以+$18要個鴨殼，不過我就無加啦，拎返去煲湯煲粥應該幾正！評分: 8/10👍🏻 抵食之選，過下口癮😋

首次係KKdays訂放題，打算和家人去試下，一行五人，要分三張枱，訂2:30pm，門口已有一班人在輪候，因應要做安心嘟機，首先要排一條隊嘟左機然後拎飛等叫飛安排入座。等到3:30pm才正式入座，仲要比門口位我地座（話本身已經寫名冇得揀位，所以好睇彩數）因為我地坐喺門口位，成日聽到個外賣員大聲叫外賣no.，仲衰過大排檔，點樣令人食得開心，明知連續係假期一定會人多，但食物種類超小，而且入單後竟然同我哋講廚師好忙，已經得返好少點心，點心味道也不太好，這樣的價位，去普通茶樓食仲好過，以後不值得再去。真後悔在訂購前沒有好好看食評。

早幾日係KKDAYS見到海雲天片皮鴨套餐做外賣優惠，平時都好少過去嗰邊，不過我見個價錢好似都OK，於是就上KKDAYS訂咗啦京式片皮鴨套餐（原價＄428）•每隻內包 片皮鴨約24片（視乎情況而定）• 京式手工烤餅18塊、京蔥條、青瓜條KKday優惠價：•星期一至五＄160/隻• 星期六、日及公眾假期＄180/隻加購項目：•原隻鴨殼 另加＄18• 二食只加＄40可選七彩炒鴨絲/醬爆鴨件/ 鴨肉炒飯我係平日訂嘅，就咁訂咗一食，即係$160，訂嘅時候要揀埋時段，要喺時段內取，我嗰日訂咗係3:00 ，大概3:20左右有職員打電話俾我問我係咪訂咗片皮鴨💕我自己就覺得呢一個舉動幾窩心👍🏻去到之後職員同我對完名之後，大概8分鐘左右片皮鴨就已經預備好啦首先講啲皮，係獨立包裝，大概手板咁大塊，而且好薄，每一塊都有紙格住，係食之前我就拎啲皮去蒸返熱👍🏻效果同係堂食一樣至於片皮鴨，佢分開一盒主要係皮一盒係肉，打開個盒聞到鴨嘅香味，食落口亦都有濃郁嘅鴨肉味👍🏻片皮鴨厚薄切得啱啱好，加埋蔥同埋青瓜仲有甜醬，食落口感豐富💕酒店嘅片皮鴨以呢個價錢來計的確唔錯，如果再做優惠嘅時候我都想食多一次

《海雲天☁️》⁡再度登場的芫荽點心放題🤔⁡有超過40款招牌點心任食，分90分鐘同120分鐘，假日收貴啲~⁡芫荽點心大概有12款左右，同朋友都試左9款。⁡🌿芫荽點心系列⁡點心賣相多芫荽，但入口芫荽味欠奉🥲，滿足唔到芫荽迷….⁡🦐爆荽燒賣皇算係系列中芫荽味比較濃啲😅。⁡🧆最荽牛肉球雖然外表有唔少芫荽，但冇荽味🌿…..⁡🐮爆荽和牛酥味道唔錯，但都係冇荽味🌿….⁡⁡唔愛芫荽嘅都有好多其他點心任食。⁡🍞黑金流沙包細細粒，奶黃味道濃郁😋~⁡燒賣蝦餃，其他點心都正常味道，冇咩過人之處。⁡🐟酸菜魚冇咩酸辣味，魚肉都滑嘅。⁡另外，每人都有一個灌湯餃，有隻鮑魚仔，味道麻麻😅。🍬甜品方面⁡金絲蜜糖脆脆香脆，🍯蜜糖都多。⁡煎堆仔就皮太厚了😶。⁡⁡環境寬闊👍🏻，但裝修偏舊。⁡如果早到，應該可以坐窗邊位，欣賞個海景🌊~⁡服務普普👨🏻‍💼👩🏻‍💼，上菜都唔算慢。⁡⁡總括黎講，假日以每位$210食90分鐘點心放題，可一不可再，或者唔需要試呢🙅🏻‍♀️。⁡

第3次去海雲天食點心放題，上網睇以為去果日已經變咗芝士主題，但都仲係芫荽主題，可能係因為幫襯第2日已經要暫時關閉到2月24日先開番，而家餐廳真係唔易做，以為係酒店會好啲，所以想食真係要把握機會食。一如以往，如果想要坐海景窗口位，請務必早到，位置唔多。果日去仲係有分c區d區，冇影定針紙櫃檯仲話唔知安唔安排到窗口位（但我明明第一個到），好彩最後都安排到。現場見到職員唔少都戴兩個口罩，或kf94，防護都算係咁。芫荽主題我覺得一定要叫芫荽燒賣，因為好大粒，肉汁飽滿，平時酒樓係頂點嚟。芫荽鮮竹卷：湯頭芫荽味濃，同鮮竹卷好夾。叫芫荽牛肉球嘅時候留意係用份，而其他係用粒，我就叫錯咗4籠，以為係4粒。鮮蝦莧菜餃比芫荽蝦餃出色，蝦餃冇咩芫荽味，可能驚客人覺得太濃味，畢竟有人比較討厭食芫荽。而鮮蝦莧菜餃入面莧菜份量多，食落口感豐富。芝士撻：不過不失每人會附送一碗灌湯餃，入面有鮑魚仔。椒鹽豆腐好脆口，一份份量都多。我叫咗90分鐘點心放題，大概可以點菜時間為60分鐘，一入坐即刻計算，臨走前會有職員埋嚟收茶錢，就算喺購票平台比咗package錢都要再畀嘅。

這是香港試過的第4間點❤️放題😂😂😂，那麼多間，最棒棒，cp值最高，一定是這間第一：點❤️送上速度，夠快夠熱第二：質素真是超棒👍👍👍非常之有水準我們購買是120mins約💲298/per（包茶芥和服務費價錢）每位會奉上，灌湯餃一客其它食品就需要QR code 點餐⭐蝦餃，燒賣，上素餃，和牛酥，鮮蝦腸粉，薑茶湯丸，黑金流沙包，酸菜魚，香芋鮮排骨，芝士蛋撻仔，香煎蘿蔔糕，陳皮紅豆沙，椒鹽豆腐粒，胡椒咸菜豬肚，鮑汁鳳爪，豉蒜虎皮椒👆味道👍👍👍，有些食品追加多次😂😂😂怎樣好吃，怎樣。。。客套說話不說了⭐莞茜肉鬆湯飯，咸骨粥，這兩款味精重了一點，但都ok⭐莞茜藥膳豬手，非常香，但豬手非常堅韌，不夠火喉莞茜食品，不是超重莞茜味道，可以接受整個點心放題體驗，就是最後半小時需要用點心紙入單，速度慢了點😂

-{黃埔酒店港式點心放題🥟}今次嚟到黃埔海旁嘅酒店試咗個點心放題 計埋茶芥$210🤤推薦！🤤 黑金流沙包: 包體食落有啲竹炭嘅感覺 個包一撕落去就爆汁出黎😋入邊仲食到啲鹹蛋黃碎😚蝦餃: 都係大大嚿蝦滑同埋蝦肉 皮唔太癡口👻芝士蛋撻: 面層嘅芝士有少少鹹香 蛋嘅餡好香甜😙外面係酥皮encore 左次～糯米飯:呢個整得幾香口 糯米飯有應有嘅煙韌度😎灌湯餃: 入邊勁多料 有鮑魚仔同冬菇 個湯都好清甜🤤普通🤤 全部芫荽款式都冇乜芫荽味😂😂😂 得燒賣有少少芫荽味👐叉燒包瑞士雞翼煎堆仔芝士伊麵😀唔洗試😀有餡腸: 腸粉嘅外皮勁乾 黐埋咗一舊硬晒咁款😂椒鹽豆腐: 完全冇椒鹽味🤭👖褲評: 7.3/10總括嚟講酒店有得$200點心放題係幾好 值得一齊係個海景真係好靚☺️望住食嘢心情都特別好 不過有啲曬😂😂性價比: 7.5/10服務: 8/10環境: 9/10🚩 海雲天 🚩地址: 紅磡德豐街20號九龍海逸君綽酒店2樓 #fuudjai #fuudjai黃埔 #fuudjai中菜 #fuudjai紅磡 #fuudjai麵包 #fuudjai港式

在酒店住，買了open rice餐券， 但不能用。因為訂位時已告知有OR券， 他們說可以用。。。到達餐廳, 門口reception完全不理會怎樣幫忙， 只想打發我們走。。說因為沒有whatsapp 他們coupon..其實餐廳不忙， 疫情下只有6-7 枱客。不明為什麼前台有這樣的疏忽

大家千祈唔好食佢下午放題。兩個人食咗$420點心質素極差 瘋狂漏單 職員服務態度差 唔知邊張枱打邊張枱 啲點心餸飯全部都是凍的 估唔到酒店嘅質素竟然仲差過街市點心唔明點解佢可以收咁貴可能啲人係為咗個景你以為點心放題有好多款點心 你錯喇點心選擇少到冇人有 跟住加少少麻辣落啲燒賣蝦餃度就話係創新點心 你試吓點過蘿蔔糕仲衰過落樓下大家樂食 服務叉到爆漏單又唔追單 當完咗落單時間你話漏單佢亦都唔會理你話時間已經夠喇 大家切勿以身試伏

一個令人失望及氣憤嘅聖誕下午茶！2:45 入座點餐後，喺人流唔算多嘅情況下，竟然可以3:40先送上第一輪點嘅點心，3:45再送上第二輪點嘅點心，3:56就送上賬單一張，然後過多15分鐘左右就刪咗大半個場嘅燈通知你喺時候走人！即係叫你20分鐘食完你嘅放題下午茶!😡而且途中，有一個黑西裝侍應收走咗我哋壺熱水，過咗15分鐘都冇俾返我哋，再問佢攞又話轉頭俾我哋，點知見佢行行企企過咗15分鐘都唔俾返我哋！都唔知係咩服務？🤬下午茶期間，聽到多張枱有同我哋相同遭遇嘅不滿投訴，亦有感嘆同佢哋理論都冇用嘅不滿聲，重見到一枱客食咗少少嘢已經俾人叫埋單，嬲到攞曬d散紙出嚟埋單，跟住d侍應就喺背後喺咁話佢….真心唔明點解一間5星級酒店嘅點心放題竟然可以差到咁！埋單後出去去埋個廁所…重嚇死人..10分污糟滿分佢真係可以攞到100分！女廁有兩隔塞咗…一個門鎖壞咗…滿地都係紙巾…對於一間5星級酒店嚟講…真係有非常大嘅空間可以改善！

本人在網上平台購買2人120分鐘點心放題，我之前時常聽朋友食這個，見今次放假趁機常試一下。這間海雲天酒樓在九龍海逸君綽酒店裡面，又鄰近黃埔地鐵站，地點方便容易找，環境不錯又看到海景，賞心悅目。重點講一下這個120分鐘點心放題，星期一至五每人$218不包加一和茶介，期望不高就不會失望，由於在限時任點各款美食，要求不能太高，點心不是太熱，可能天氣冷，食物好快變涼。 有幾款點心如芫荽燒賣，蝦餃，牛肉球，黑椒和牛酥唔錯，幾特別，又驚喜，另外，一口腸粉很適合放題，每人可常試不同口味又不浪費， 還有黑金流沙包，趁熱食口感不錯。總觀各方面，以這個價錢可以任點任叫算不錯，加上，上菜時間算正常，但又一點要注要，我們用QR Code 點第一輪很快到來，導致我們不敢咁快叫第二輪，但過了60分鐘不能再點，要職員給點心紙才可再叫。

與幾年前質素相比，差得好緊要，服務差，食物質素一般，浪費左成個靚景，絕對唔會再幫襯。以前食grand好多， service 正常好多，依加搞到成間屋邨茶樓咁仲要做埋本地團客，鯉魚門團餐…..

諗住聖誕假一家人飲茶上網又見到呢度有放題諗住試試一去到海雲天已經見到d 服務員係度抱怨應該係做到好燥入到去就坐低叫野食第一round 都好保守咁叫一件因為怕食唔哂等左幾個字，先黎左一碟呢個時候已經聽到隔離枱話9個字先黎得一碟仲要幾台都係咁投訴陸陸續續咁逐碟上，黎左4，5碟野期間又黎左幾次我地冇叫過既野我同服務員講呢d我冇叫過得返黎既回應係： 你食埋佢啦我話：我唔想浪費點知佢話：你唔食就擺係度啦 等左9個字都係差好多野到我地叫第2round 既時候，原來已經唔比叫因為佢係限你一個鐘叫咁我見d野未黎，都唔會叫定之後就催服務員啦服務員問我地叫左咩但係叫左咩係完全冇record 咁d野係掃qr code 叫 但都係唔會比你睇返叫過d咩叫服務員check 返佢又唔肯你只可以逐樣搵返黎叫之後就有人過黎催你埋單但d野都未黎齊！最後係要再催促先上多幾碟最後都係冇黎齊過成餐飯就不停係度等同催野食周圍台都不停投訴黎既野食中意就黎一下完全係好求其最後仲好趕咁催埋單！服務態度係其差叫人斟熱水都要叫好多次有d仲要睇到叫都唔肯幫人手係嚴重缺乏野食方面好多野黎到已經凍左味道就還好但咁既服務真係唔會再有下一次