海鱻城

营业中

休息中

在電視上經常見到此間酒楼出鏡，又見常常賓客滿門，在好奇心驅使下5月3日揾食肥華和靚媽，就到樂富一試此酒楼有何優點令到門庭若市，客此雲來，當日上午9：40肥華靚媽俩人便到達此酒楼門外，衹見人頭湧湧，多人齊集此店接待處攞筹等知客通知入座，照正常情況揾食肥華绝唔會為一餐普通早茶，肯嘥時間在呢個環節上，但今日係要一窺此店有何本領能做到此熱鬧場面，肥華衹好入鄉隨俗乖乖攞筹排隊等位，大約過咗25分鍾知客姐姐终於可以安排我倆入座，此店環境座位濶落，侍應姐姐招呼服務茶客亦到位，奉客茶葉也有水準，雖然食物點心没有令肥華有驚為天人感覺，但仍算可口，若用價錢衡量仲有少少超值感覺，所以此店能成為爆埸食店，係實至名歸值得等位捧場

疫情下真的怕了出街，平時買外賣很少會選擇點心，但是今天真是忍不住了，決定早餐買點心食。原來疫情下雖然沒有早市飲茶堂食 ，但是這間酒樓很早就已經開了早市外賣，我們早上八點去買點心已經有很多款，所以不用擔心因為太早而款式不多。作為環保分子，強烈建議大家買點心外賣時帶一個大玻璃盒，我們將所有點心放在一個玻璃盒，都冇問題，因為如果每一碟點心放咗一個發泡膠裏面，真的是太浪費了。這間餐廳的燒賣的確比連鎖店的燒賣更勝一層樓，鮮蝦真有鮮蝦味，而且是彈牙的。除了燒賣，我們叫了鳳爪，棉花雞。

跟几个朋友一起来的，是一个本地朋友，带我们一块的，个人觉得，除了凤爪和皮蛋这种我本身就不咋爱吃的东东之外，其他的都蛮好吃的，店里的茶非常好喝，爱喝水的我没记错的话，至少得喝了一壶的量。

今晚一行 8 人六點入座晚飯，七時半就食完兼埋單，好似食180分鐘放題咁超快。燒雞雞肉嫩滑味道好，蒸魚啱啱好夠滑，魚腐娃娃菜清得來味道適中加上魚腐白軟滑唔似得有些食店又黃又老，苦瓜花膠煲夠特別，花膠夠淋之餘苦瓜唔會太淋。薑汁芥蘭變左薑粒芥蘭，椒鹽魷魚筒好油膩。食物味道同份量尚可接受但服務需改善，比人有趕客走的感覺。落單時超趕時間咁都未講完個侍應就走開要我叫著未得仲有，同埋一路話“系咁多無啦”。侍應見枱上食物已清得八八九九來問有無加單，我答無佢就話咁埋左張單先，問題系我仲食緊禾，系咪真系咁趕呀。呢樣請管理層注意同改善。

海鱻城， 一聽個名就知道係食海鮮㗎啦，冇奶油唔叫海鮮。我叫咗大閘蟹，龍蝦伊麵，鮑魚，仲有燒鵝。 酒樓咁嘅樣，坐得好舒服，晚市最啱一家大細嚟食。脆皮燒鵝真心唔錯，外脆內嫩，而且唔算太多肥膏，啖啖肉好正。椒鹽五頭南非鮑魚， 通常我鍾意清蒸，再淋啲蒜蔥豉油。呢隻椒鹽煮法都幾好， 另一番風味，唔錯。 完全唔會over cook。 而龍蝦伊麵大大啖肉。 鹽焗奄仔蟹，好多膏， 金黃色㗎， 係金黃色㗎， 好甘醇。讚～真係膽固醇超標都要嚟食一餐，呢個奄仔蟹超高水準。 我見好多枱都點奄仔蟹同埋燒鵝，真心推介👍🏻👍🏻👍🏻呢餐食得好滿意。

疫情關係已經有好耐冇試過一班人食飯🥢， 今次到海鱻城慶祝生日🥳， 位於樂富聯合道198號樂富廣場二期UG2樓U206-U209號舖。 平日都幾多人， 基本上全場爆滿， 所以都幾嘈吵， 老人家做生日多數都喜歡吃中菜， 所以就點鮑魚星斑宴 ～ 鴻運乳豬全體、 羊肚菌石斛燉豬、 黑蒜野菌牛柳粒蝦球、 原隻鮑魚伴玉掌、 麒麟炸蝦丸、 清蒸海星斑、 蟲草花浸田園時蔬、 金沙脆鳳凰、 櫻花蝦炒飯 、北海道桃膠露、宮廷美點、 珍寶大壽包。 🔸鴻運乳豬全體 ～ 乳豬的皮不夠脆， 肉質偏瘦。 🔸原隻鮑魚伴玉掌 ～ 賣相就唔係太靚， 芡汁太多， 食落鮑魚和鵝掌都幾軟腍入味。 🔸麒麟炸蝦丸 ～ 大大粒炸蝦丸， 不過太熱氣， 食完有少少覺得喉嚨痛。 🔸清蒸海星斑 ～ 條魚都幾滑， 蒸得剛剛好。 🔸羊肚菌石斛燉豬 ～ 羊肚菌石斛燉豬的味道清清地， 但不夠一圍份量，所以後來又補了烏雞燉湯給我們， 我喜歡飲烏雞燉湯多一點， 味道較為濃。🔸黑蒜野菌牛柳粒蝦球 ～ 蝦球爽彈， 牛柳粒都好味。 🔸金沙脆鳳凰 ～ 炸子雞細細隻，皮脆肉嫩。 🔸櫻花蝦炒飯  ～ 炒飯乾身，櫻花蝦的味道很出， 有點似蝦膏炒飯。 🔸蟲草花浸田園時

成為樂富首選好簡單，這裏的中菜碟頭大，價錢合適，海鮮新鮮，又可以叫套餐。如果知道樂富有兩間中菜餐廳，都一定會知道另外一間份量很少，所以這間的晚市日日都爆，我試過幾次6pm Walk in都話要等到八點。所以，有心食的話記得要book位。

喺呢間酒樓飲過兩次茶，食物唔錯，有啲款式都特別，但服務態度不佳。有一次想訂枱食飯，門口訂枱個知客好趕客，唔想做你生意咁，態度串到爆，對話期間有另一位客人致電訂枱，佢都係串到爆咁覆人，其實好多食評都話呢度啲員工態度差，希望你地酒樓管理層認真改善一下。

呢間位於聯合道198號樂富廣場二期UG2樓U206-209號舖，店名海鱻城，由於疫情，好耐沒有一家外出食飯，打左疫描，可以坐埋一齊一張枱食飯，又甘巧合適逢政府派消費券，所以大家話食要好d，我都是第一次去呢間店食飯，聽朋友介紹燒鵝、奄仔蟹係呢間酒樓著名菜，所以我地決定叫來試下，由於大家不是大食之人，燒鵝叫半隻，奄仔蟹開邊鹽焗，每人半隻、炸子雞半隻、蘇格蘭聖子煎米粉底，每人一隻、海星班一條、燉湯等等。所有食物都算好味，服務態度亦很好，是值得一試的。

每次路過這食店都勁多人等位，試過多次等位，等咗好耐都無位，次次都要轉場，今日（29/7/2021）閒日放假，決心等一次，十點等，等到十點五終於有位。入座後發現，內有多張枱，食客已離座，但無侍應有空執枱。點咗2份早市優惠孖寶及二個點心皮蛋瘦肉粥，淡而無味，唔好食叉燒包，肉汁多，好食潮洲粉果，皮硬，勁多唐芹，唔鍾意牛肉球，肉太鬆金勾咸水角，皮好厚，同埋炸起了一段時間蝦餃皇，算係咁多個點心中最好食的一個

係呢到飲過好幾次下午茶，食物都ok，雖然唔算平不過都叫對得住個價錢但係最大問題係小動作多多，由於算係附近比較好食既一間，日日都好多人飲下午茶，基本上入客入到差唔多3點，最少都2點9先入哂然後就黎料，3點收點心紙，唔夠3點半推隔板，跟住就開始吸塵，試過一次又吸塵又吸冷氣槽，附近啲客都仲食緊，部吸塵機又周圍走，吸塵機啲風就周圍吹，今時今日都仲咁做野當然唔會開口叫你走，但係就小動作多多逼你走，基本上成個黃大仙區淨係得呢間係咁如果你用食M記既速度飲茶係絕對無問題，不過如果你想坐耐啲就諗清楚先，因為基本上坐唔到4點你就會被逼走

外子喜歡吃海鮮，後輩有孝心，一早打聽了樂富海鱻城海鮮又靚又值價，立即託熟人訂位，怕父親節當天太多人，所以提前一天慶祝。我們六點去到，已見人頭湧湧，好不熱鬧。我們沒選擇當天提供的套餐，而是請相熟經理發板，替我們安排嘗試他們的拿手菜式。結果，菜單如下：1. 排翅雞腳豬𦟌清補涼燉湯——超足料靚湯，清甜潤肺，吃不完的湯渣打包回家，翌日再吃，仍然好味。2. 脆皮燒鵝——外脆內嫩，微微焦香味，很有水準。3. 白雲鹵水雞腳——朋友極力推薦，的確美味。4. 椒鹽五頭南非鮑魚——鮮甜有咬勁但不韌，乾身，椒鹽調味，豐富了味道，比平常果皮清蒸更好吃。5. 避風塘瀬尿蝦——大大隻，微微辣更突出蝦肉爽甜。6. 盬焗奄仔蟹——滿滿金黃蟹膏，令人齒頰留香。7. 煎墨魚餅——啖啖墨魚香味，外脆內爽甜。8. 清蒸大東星班——鮮嫩肉滑，火候掌握恰恰好，薑葱絲及悉心調教的醬油，提升了魚肉的味道。千多元一條，頗貴但值得的。9. 蒜蓉水東芥菜——爽脆清甜，味道清新。10. 甜點——益力多甜糕、紅棗糕及楊枝甘露。樣樣精彩，味味可口，外子大快朵頤之餘，頻説這是他近年來吃最好的一頓海鮮餐，後輩雖花費不菲，但能使長輩心滿意足，享受美食

第二次黎，第一次寫食評，啲野食都正常既！但因為大家宜家都好著重衞生，但呢間酒樓既侍應就無乜衞生常識，所以寫出黎，希望有所改善！我地嗌左龍蝦伊麵，因為師傅都無扑開啲龍蝦既鉗同肩膊位，所以自己用鉗爆開，個殼都好厚同硬，所以都要用啲時間同力水去爆，幾經辛苦咁鉗好，滿心歡喜同期待咁放係隻碗度，諗住鉗多一舊先一次過食，當時有個侍應出於好意黎幫我地換碟，咁我當時左手拎住隻鉗，右手拎住舊龍蝦，係隻碗上面，於是我縮手俾佢換，點知佢竟然將檯面污糟既野用手拿起掉入我隻碗度我話：「我仲食緊架喎！」個侍應就用手指係我隻碗入面，舊龍蝦上面，拿起返果舊野⋯我話：唔使啦！唔該你！我隻碗同舊肉都唔敢要啦⋯咁污糟明白侍應係出於好意，但建議要留意下客人既碗有無食物，換碟/碗前問一問，職員要多加強衞生意識！最後我地食左大約一個鐘左右，可能係星期六啦，岩岩食完野，就有個經理開口話想做多轉客，叫我地埋單咁我地都即刻埋單走了下次假期應該唔考慮呢間，因為食中菜都希望可以有返兩個鐘時間，同親友慢慢食下飯同傾下計，飲杯茶，咁趕時間就唔考慮呢間，加上價錢都唔係好平，但好似食快餐咁！

公司食飯，4人一枱照食！頭盤：豬腳仔，好入味夠淋！小食：椒鹽豆腐，外脆內軟豆夠juicy主食：龍蝦刺身，12個人一人有3片左右，塊塊都大塊彈牙而且堅甜一大盤上完，姐姐幫我分一枱一碟👍🏼豉汁龍蝦頭腳米粉底，米粉煎到脆撈埋啲汁好惹味鹽焗奄仔蟹至愛登場見隻蟹唔係好大，但夠實肉爆膏！唔洗開蓋已經可以啜到膏，好甘香又有少少酒香。嘩～蓋入面啲膏好似咸蛋黃咁，我都驚膽固醇超標😂避風塘癩尿蝦拎住交剪剪嗰陣個殼仲好鬼熱，個殼都炸到脆哂其實可以食。不過食落啲肉散咗啲，我個人好實肉。椒鹽鮑魚，招牌菜必食山楂骨，切到細細條基本上冇骨益力多榚同桃膠糖水作結，今餐都好完美。重點係老闆出錢

尋日收工去開樂富廣場買 D 野, 順便食埋個 Dinner 先返屋企 ! 上次係呢度食特價原隻長腳蟹, 再加小菜都唔錯, 今次見到做澳洲龍蝦特價 $168 一斤, 於是乎再入去試下服務方面比起上一次好好多, 可能客人唔多,  一直都有 2-3 個人埋來打點, 睇完餐牌想點菜, 就輪到黑衫埋來, 差 D 以為自己係 VIP, 哈哈 ! 經理一開口就再介紹澳洲龍蝦, 話每隻大概 1斤 11-2 兩左右, 相信應該唔會太多, 就點左一隻, 用芝士焗加伊麵底 (+$50), 另外再加個薑蔥花膠雞煲過左大概 15-20分鐘, 先上薑蔥花膠雞煲, 一見個煲以為自己叫錯, 點解呢個雞煲係炸雞, 而唔係炆既, 因為本身唔太喜歡食炸野,  後來先明天薑蔥煲真係炸上, 食左幾舊 D 雞都係又乾又無咩味, 仲差過 KFC ! 但自己無睇清楚 order 左, 唯有唔好食都慢慢消滅佢啦, 再過左陣就係今晚既主菜, 芝士焗龍蝦, 好熱好新鮮, 芝士味非常濃而且唔會咸, 加上係完全覆蓋哂整隻龍蝦同埋伊麵, 伊麵軟硬度適中, 龍蝦肉新鮮爽口同好入味, 呢個係無揀錯, 依家做特價, 又足秤, 真係幾抵食, 好值得推介