海鱻城

营业中

休息中

很久沒有晚上堂吃，刚開放4人一枱至十点，便來附近樂富商場吃差點遺忘了味道的海鮮。三個人，只可以點了幾個菜安慰下自已。煎墨魚餅一碟6大件，買相漂亮，經理說是用菲律賓大墨魚自家厨房制作。果然香口Q彈，粒粒墨魚有口感。鹽燒南非五頭鲍鱼烤得乾身，灑上炸蒜椒鹽，味道很香，火候恰當，肉不韌。不防一試這鹽燒的做法。上湯南澳洲大龍蝦伊麵底二斤多些南澳洲新鮮大龍蝦，龍蝦肉鮮甜爽彈，真的比其他產地的龍蝦好吃很多，伊麵也炆得入味。很久沒有吃南澳龍蝦，三人清碟。潮蓮碳燒鹅例牌燒鹅下庄暖暖的，皮脆肉嫩，醃得入味，我覺得比深井名牌店更好。下次人多使點一全隻，看看會不會熱些，那便一定更好吃。薑汁炒芥蘭這炒芥蘭便是這頓飯最差的菜。火猛炒得有些過火，菜葉有燶味，芡似糊。貼心的是芥蘭莖上的硬皮已經削去，如果用心炒這簡單的菜應該不錯的。

此餐是未有二人限聚令時，相約我男人的一家大小一同用膳的。當天因不想外出至太遠地方，便選擇於我男人住家附近的商場用餐，專做粵菜的海鱻城正好適合男女老幼，因而挑選了它。到達餐廳便首先看見有大型魚缸養殖各款海鮮，入內空間寬廣闊大，坐位數量眾多，提供有電視予客人收看，整體走簡約風格，但其天花頂和牆上的大量魚隻裝飾卻甚是吸睛，且正如其名。五指毛桃山藥燉豬前赤廚師用上五指毛桃、山藥、瘦肉、紅蘿蔔、粟米熬製而成，當中五指毛桃又名五爪龍，是近年時興的食材之一，加入湯底可令味道增添淡淡椰子香氣，整體足料清潤，甘甜清香，五指毛桃香味濃郁，更具有補肺益氣、健脾改倦等功效。黃金大蝦球黃金大蝦球使用炸製的假碟脆片盛載上桌，相當用心，內裏的蝦球主角外形大顆，炸得色澤金黃，入口粉漿用量控制恰到好處，香脆酥爽，鹹香滋味，蝦肉結實彈牙，鮮嫩清甜。當紅炸子雞 雞隻選擇了半只份量，外表可見炸製得金黃亮麗，帶有油份光澤，不禁讓人垂涎欲滴。雞皮入口爽脆薄身，皮與肉質中間的肥脂甚少，較為健康，雞肉方面則不夠嫩滑，肉味亦不算出眾，介乎於中級水平。而伴碟灑上炸蒜片，為味道增添了惹味香濃。海南文昌走地雞 海南文昌走地雞同樣點選了半只份

家人住樂富偶爾都會去呢間酒樓食野，質素尚算ok；今早再同老媽子飲早茶，疫情下兩人一枱，安排得好好。到我埋單時，眼見一位老人家唔帶口罩去沖茶（前面放左好多茶具 碗碟），我見到一位樓面姐姐，便跟她說：果邊有位長者，麻煩你叫佢帶番口罩先出黎沖水！樓面姐姐聽後 異常激動 超大聲同我講：關我咩事，佢地唔帶又唔係我唔比佢地帶，佢地唔聽我地講，你黎話我仲咩！我即刻〇哂咀，一來我態度有禮、沒大聲，為何姐姐如此激動，守護店舖衛生問題應該都是員工責任，難道她唔應同？於是，身邊出現了另一位穿黑色西裝褸張經理，問我發生什麼事？我便一一道來，張經理聽到後都沒什麼事反應，看來應該是她們已習慣與客人的溝通方式，對衛生防疫方面，看得很輕！我第一次寫評語，我只想表示疫情嚴重，食店都應該好好守護員工及食客安全，再想可能員工是有工作壓力，就趁疫情請管理層好好的安排她們放無薪假，放鬆一下！再強調一間食店食物質素好，但若果服務態度質素惡劣，環境衛生不重視，再好食都不會再光顧！

話說前兩日同媽咪湊埋2個小朋友去飲茶。2大2細點左五樣嘢。上點心時發現多咗龍雞腳，之後仲不斷送錯嘢來我哋張檯。同佢哋所謂個女經理講啦，女經理拎住我哋張單同我哋對質，語氣差到好似我哋叫完D食物唔認數咁。仲叫埋個落單姐姐過來大大聲用手指指住我媽咪話係我媽咪口頭點嘅。我媽就話「我哋2大2細點會叫八九樣嘢呀！我都冇同你講過嘢」原來其實係個落單姐姐搞錯左，係我哋隔離檯落嘅order，寫左落我哋張單到。OK！唔緊要！落錯單都好正常。但個所謂女經理語氣差，諗都唔諗係咪落錯檯號，就一直啄住我哋。最後連一句「唔好意思或者對唔住都冇」麻煩你哋公司記住你哋做嘅係服務性行業，連最基本尊重禮貌到唔識就培訓下啲員工。因為係你哋啲員工代表緊你哋間公司。

食品我不敢評論，因沒有機會嘗試 話說我同朋友在星期日 一點半等緊位時，突然酒樓知客叫啲客人交回所有號碼飛， 話要準備下午茶，但是當時係沒有枱可以給客人的，這種安排要啲客人企曬喺佢前面等，又容易引起混亂真不知所謂

由於疫情關係，多咗喺屋企食同買外賣。你間酒樓開咗有年紀，但係因為之前係另一間連鎖式酒樓，我哋食過一次怕怕，之後冇再嚟過。估唔到原來開咗一間高質美味嘅海鮮城。第一次嚟海鱻城買外賣嘅時候，我覺得經理好面熟，但係唔記得係邊度見過，後來醒起原來喺以前喺西貢乘機做嘅，早幾年每個星期六去西貢都會去勝記食午飯，等仔女附近學畫畫。同經理傾完先知道原來呢間酒樓係佢哋過嚟呢邊開嘅，咁我哋就有口福啦。由於疫情關係，外賣菜式每一款都只買$60，大大盒仲可以走味精，我哋一個星期起碼有兩三晚嚟呢度買外賣。中秋節同屋企人嚟呢度堂食，四人一台，我哋要分開坐。原本諗住叫套餐，但係因為兩個小朋友話唔想食，於是乎我哋就叫咗三寶，有鮑魚、燒鵝同龍蝦伊麵，再加個雞湯翅煲，10分滿足嘅一個晚飯。個雞湯翅真係冇得頂，雞湯味濃郁順滑，翅份量十足，食完飽咗一半。龍蝦伊麵係小朋友最愛，燒鵝香脆肉味濃。

疫情未爆發前，大家都好開心，對 2020年是充滿了憧景的。在農曆新年之前，我們依然開心地大魚大肉，暢飲暢談。誰知道，一個病毒，令香港，甚至是整個世界停止了營運。這一個聚會，就是農曆年前的一個老同學聚會，大伙兒，來到樂富的《海鱻城》開一圍，來一個以海鮮為主的小小席宴。農曆年前，各大小家庭、商戶同眾首一堂，所以成間酒樓都擺得密密麻麻。當晚，同學一早就訂好餐了，我們坐下吃就好了。首先來的，是餐前小食，其中的一個是鹵水豬腳仔。很香豉味的豬腳，沒有太咸，而且皮同肉都爽口，充滿了膠質口感。一咬，肉立即離骨，很不錯。七味鹽燒豆腐，外皮脆，內心嫩滑已經令人感覺到其功架所在。而且，這豆腐在烤製的過程中，加了鹽，加了七味粉，令到出來的口感更香，也有少少辛口感。作為一個餐前伴茶、伴酒的小食，滿分。主食來了，首先有一個豉汁蟶子。把所有蟶子起肉，再用豆豉爆炒，就成為一個香口得非常的鑊氣炒海鮮。連帶了幾個蟶子殼來證明這是新鮮的。此席珍用上了細隻的蟶子，肉質比較嫩滑，吃入口時，既鮮美又香滑，很不錯。之後來了一碟椒鹽鮑魚。單是賣相已經令大家非常之開心。又是起肉再用椒鹽爆炒的原隻鮑魚。入口味道濃，肉質是帶爽脆的。細味這

這頓飯是三月份時，朋友們為我慶祝的生日飯，他們提早預訂了海鱻城這間餐廳，因為大家均喜歡吃粵菜，而且酒樓位置與我較相近。當日我們點選了龍蝦燒鵝餐，其價格十分合理，只需一千多元便可品嚐七款菜式，而且份量更可供六位享用。意式香草汁龍蝦伊麵龍蝦伊麵分量充足，麵條口感柔韌彈牙，滑溜爽口，配上滿滿的香草汁，使每口麵條均能沾上醬料，而且味道香而不膩，濃郁惹味，頂層放有龍蝦，其肉質肥美飽滿，鮮甜彈牙。潮蓮燒鵝半隻燒鵝肥美飽滿，色澤燒至金黃，賣相吸引，鵝皮香脆惹味，肉質柔軟肥嫩，充滿肉香，適量的油分使味道更香而不膩。豐鳥原盅燉湯燉湯使用魚腥草、羅漢果、蜜棗、瘦肉、生薑、豬前赤、雞腳燉製而成，入口味道濃郁，獨特帶甘，而且此湯有著清熱解毒、潤肺利喉等功效。碧綠愉耳珊瑚象拔蚌師傅把翠肉瓜、珊瑚蚌、象拔蚌一同炒製，色澤碧綠清新，口感味道豐富，翠肉瓜清甜脆嫩，珊瑚蚌爽嫩彈牙，象拔蚌鮮甜爽脆，整體均新鮮美味，嚼勁十足。古法三絲蒸海斑海斑使用了薑絲、冬菇絲、蔥絲蒸製而成，其肉質肥美飽滿，魚肉雪白，入口鮮甜味美，嫩滑彈牙，配搭薑絲使味道鮮而不腥。葛仙米鮮竹野菌浸時蔬整道菜配料眾多，使用上葛仙米、鮮枝竹、野菌、蔬菜、蟲草

現在已很少外出，但一星期怎樣也要出外買二三次食物。今早匆匆出門快吃個bunch先去買餸。今天九龍城買餸，便順道試下樂富商場的海鱻城。 十点十分到門口取票，嘩！要等二十幾個籌，真的疫情後已很久沒有在食肆排隊等位了；好，這麼多人排隊，莫非有好野。等位時間發現這裡指定外買点心均一價20元包外賣盒。等了15分鐘，便可以入坐。點了幾個早茶特價点心品嘗下。2x點心孖寶-黑木耳牛肉腸粉，潮州蒸粉果；銀蘿絲魚餅，順德鲮魚球。腸粉，粉果，不過不失，味道可以。但那鯪魚肉做的煎魚餅和蒸魚球便比平常茶樓做得高一班，特別煎魚餅香脆，混有爽脆蘿白絲，超水準。魚肉一定是師傅現做，所以爽滑彈牙沒有魚腥味。蝦餃皇- 每件都有三隻蝦，有些肥肉，爽身有汁，但多些筍會更好。上湯菜肉餃- 特價HKD9. 8/3件，性價比高。一定會再來幫襯，嘗試一下其他點心。

小朋友搵學校的事情告一段落，打完「最後大佬」，只等結果掲曉。當晚終於有心情食翻餐正嘢！話說之前去過西貢米芝蓮餐館「勝記」，驚為天人，不過價錢又真係唔平。最近聯絡返，原來勝記的部份班底，在市區自組了新海鮮酒家，又咁啱屋企附近，一定要試下啦。廢話不多說，直接吃下去。招牌之一：椒鹽鮑魚。同「勝記」相比，型神區在。椒鹽惹味但唔會蓋住鮑魚鮮味。另一招牌：本地龍蝦（煎米粉底）。一般係芝士龍蝦，今次上了豉汁，都係好味嘅。本地龍蝦爽口，淡淡肉，同波士頓龍蝦完全唔同食法。米粉底吸收了精華，好容易食到唔停口。前菜藍莓鮮淮山、冰燒三層肉、椒鹽魷魚鬚。高水準，特別係鮮淮山，可以清下味蕾。豉汁蟶子。今晚亮點之一。好入味、彈牙、完全無沙！蒜蓉粉絲蒸扇貝。正常。菠蘿咕咾肉。有驚喜，肥瘦適中、皮脆肉嫩。另外加了個上湯菜心。出奇地清甜。經理李先生好好招呼。免開瓶費。值得一提本店提供的酒杯非常不錯！作為屋村商場內的海鮮酒家，裝修、格調始終比較普通。但價錢亦相對親民。有別於西貢各大海鮮酒家的做法，這裡的海鮮就一個價錢，不會分開收海鮮、油料費，更容易預算。4大2細，埋單2000蚊，以新鮮海鮮來講好合理。加上夠就腳，可以行上山

因為要就下爸爸, 唔可以去太遠, 就近近地附近食~樂富都無得揀, 就得呢間~我地6 個人叫左5 個送, 4 個飯....埋單唔係我俾, 唔知幾錢, 但每個送都過百, 估計都850 左右.半隻燒鵝: 勁SO, 比起太興來講, 個係唔食得!!翠肉瓜蚌片 : 個碟野細到, 半條翠肉瓜都唔知有無, 加個幾塊蚌片, 要百4蚊~真係好過去搶.魚香茄子煲 : 鐘意食鹹又多油既人絕對係首選,鹹魚夠曬一流!之後仲有2個係黑松露炒杏鮑菇, 豬頸肉炒荷蘭豆~~平平無~奇~

諗住逆市幫襯一下非連鎖店，點知真係一個好差既體驗先講隻雞 雞 皮好厚 又油 油 肉小！唔知食緊d乜條魚就非常之唔新鮮，魚肉好梅，仲要蒸過龍，搞到肉質un ，而且內臟沒有清乾淨，膽汁穿左，成條魚苦的芒果蝦球個芒果汁就幾特別，味道不錯！但炸蝦係凍既淋既，似係一早炸定一堆仲要擺左幾耐咁，岀面個層炸米粉又凍又淋！我到底食左d咩，仲要收$138上湯豆苗，個湯淡而無味，似係燒鴨瀨粉個隻湯，求其擺幾粒炸蒜就算！無下次 去返連鎖有保證d囉！

海鱻城是樂富商場的2樓的茶樓出現外賣所有點心20$非常吸引入去食沒那麼平一個棉花雞22.8$很大碟有魚肚3 大 件雞肉好多一個冬菇下面滿滿芋頭件真係好大好抵食叫左個南瓜粟米粥18.8$都幾好食我喜歡食粟米而酒樓都盡力落心機南瓜打碎粥底幾好覺得佢地有心機做酒樓電視機不斷播放他們的奮鬥歷史原本想打一片天下的理想：因為疫情的突然和嚴重一切都要改變很多人都要適應連酒樓管理層都係不斷增值改變改善我們需要支持一下

作為街坊經常到樂富廣場海鱻城飲荼，但晚飯就甚少去那裡吃。新年期間難得和家人相聚，於是就到附近晚飯小菜，方便又實惠。海鱻城餐牌上的選擇款式頗多，很大部份都很合我們的口味。我們先點了個燉湯及炸子雞，廣東菜是少不了的，然後新年流流自然點了些生猛海鮮，取個好意頭。上茶很快，先來個燉湯暖暖身子，喝下去即時驅走寒氣，舒服的感覺不言而喻。燉湯的湯汁清澈，味道香濃，非常好喝，燉湯不會上火，適合都市人進補，我一連喝了3碗呢！供4位享用份量充足，侍應很細心把湯料勺起來用碟盛著，可以看得出用料十足，有一大個猴頭菇切成數粒，還有數隻雞腳。由於湯是燉的，湯料很完整，可以連湯一起吃。猴頭菇的營養價值高，猴头菇的鲜味融入了雞的肉香， 吃进嘴巴口感极佳。雞腳口感軟嫩，上面的雞肉也不少，吃起來絕對是一種享受。猴頭菇椰子燉絲雞 供4位用炸子雞隨即送上，最重要的當然是趁熱吃，炸子雞表皮金黃，入口香脆但不會炸得太乾身，肉質雪白，嫰肉很多，未至於吃到有肉汁但已是相當不錯。當紅炸子雞上湯蒜子泡菜苗正好吸一吸口中的雞油，菜苗碧綠得很，油不算多，有上湯的前提下突顯出菜苗的美味。上湯蒜子泡菜苗1斤星斑原來一點也不少，看上去很大條。清蒸

驚喜點心新出嘅流沙包！紫色外皮頂部灑咗啲金粉？唔知係咩整嘅塗鴉feel呢隻紫色加埋金色 好靚影完相即時攞隻試下揸係手軟軟地好舒服已經想像到食落口咩口感咬啖真係好鬆軟！而且流沙流動性好強，咬開即時「搖搖欲墜」，一個唔覺意就流咗落手。入口有蛋香，但唔係平時食到好甜好甜嘅流沙陷，味道剛好！不會太鹹或太甜！係今日最驚喜點心Ps:雞腳札嘅豬皮都唔錯平時唔鐘意食豬皮 豬皮好多時都有陣羶味？ 但呢度整嘅豬皮唔會 冇嗰陣味 而且咬落軟較地 平時食嘅係爽啲 如果鐘意食彈牙口感嘅可能不太喜歡 不過我個人比較能接呢種 影完相之後望落好似…白糖糕 哈哈 幾可愛