淥鼎記

营业中

休息中

第一次黎鍾意佢唔限時由19:00 坐到23:00魚生全部都大大舊好好食中段食烤魚都好正條魚好滑最後打邊爐個麻辣湯底太激成煲都係辣椒同油不左幾碗油出黎🤭所有火鍋料都好味既不錯既火鍋店

第一次上去覺得場好大，人客都好多下，嘢食都幾好唔錯，嘢飲種類都多，甜品都唔錯，但係打邊爐最緊要冷氣夠，因為空氣已經唔夠流通，我同啲朋友個個都食到流哂汗咁，唔知係咪冷氣壞咗定熄咗。

以前聚會多數揀夜晚出嚟食飯吹吓水，依家各自有家庭，想gathering？ 夜晚唔得咪改晏晝囉，今次嚟淥鼎記食堂主套餐，限時2小時店員💁🏻‍♀️講解一輪任食套餐包咗d乜，正式開動酸菜魚■魚肉滑嫩，味道偏淡，重口味嘅我哋，只能說不過不失👌🏻◇四款小食◇鹹菜豬肚■好似湯渣🤧炸魷魚鬚■似朝早炸定，又凍又淋，魷魚又韌，難食👎🏻手拍青瓜■🆗️白雲鳳爪■朋友們話好食👍🏻◇肉類◇安格斯極佳級精修肥牛■第一輪已經唔掂，又嚡又難𡁻，第二輪情況如是，把L👎🏻，好耐冇試過第二輪就停手，究竟知唔知極佳嘅定義係乜😵美國安格斯牛板翼■講多無謂，睇圖，劣質🍌黑毛豬■口感唔得又嚡🙈◇海鮮◇海蝦、廣島蠔、鯇魚片、鯇魚腩，水魷，真係冇邊款好食，係海蝦最好，夠新鮮◇丸類◇手打蝦丸、墨丸、鯪魚丸、全部細細粒，口感冇乜，還有自助區提供各款丸類◇手工餃子◇多款餃子，算係任食項目中最出色🩷，因為其他食物實在好流◇自助飲品區◇多款飲品及自家特式飲料，不錯❤️ ☆☆以前幫襯過淥鼎記晚市，質素唔差，唔明白午巿放題反差咁大，食物質素同收費唔成正比，一致劣評

之前成日去淥鼎記，主要是因為它的火鍋很好吃。最近聽朋友說午市的點心也很不錯，所以我決定來試試看！沒想到燒賣、蘿蔔糕和排骨鳳爪蒸飯都非常美味！燒賣外皮薄，內裡的肉餡鮮嫩多汁，味道迷人。蘿蔔糕的質感恰到好處，口感軟綿。排骨鳳爪蒸飯是我最喜愛的點心之一，排骨肉質鮮嫩多汁，鳳爪也非常入味，蒸飯香氣四溢，一口咬下去真的很滿足！淥鼎記的午市點心絕對值得一試。他們的菜品口味獨特，質量上乘。而且價格也相當合理。除了火鍋之外，現在我也找到了另一個讓我愛不釋手的理由。如果你喜歡點心，不妨前去淥鼎記一嚐，相信你也會被它的美味所征服！

今次同二個朋友朋友試吓呢間觀塘火鍋店😋呢到好啱一大班人食~間舖好大係坐得幾舒服 👍 加一後大概每人$400內 🍭 送江南八小碟、活魚刺身、海鮮拼盤、牛小排及甜品！最正係佢冇限時 💯 1945入座食到 11pm 🕚 多款刺身及海鮮好新鮮～ ✔️ 佢哋提供養生火鍋及高質中式私房菜，如花膠鮮雞美人鍋、江南八小碟、海鮮大拼盤、重慶麻辣鮮雞煲好好味 另外仲有金牌手打丸，雞肉，猪肉等⋯⋯ 樣樣用料十足，而且食物到幾新鮮 👍🏻

慶祝朋友生日, weekend 7個大人食夜晚, 得一個session , 由6:30食到11點先嚟一堆前菜+刺身, 再食烤魚, 最後打邊爐, 呢種格式類似"家嫂", 食材質素，冇乜驚喜. 有QR code 再order 海蝦, 沙白 肉類, 但第二輪海蝦質素明顯下降, 肉霉, 反而沙白keep 到, 脹卜卜, 好食上菜速度算快, 除咗上面d 野食, 仲可以出去自助拎丸類 蔬菜, 野飲甜品只有一杯Häagen-Dazs , 仲要9pm 催你落order抵讚係食生日蛋糕, 無收切餅費, 仲借埋火機, 俾埋餐具👍🏼位位$378加一 , 試一次就夠

因為係開飯book咗枱，所以唔洗等去到就有位👏🏻 午餐係點心時段，叫咗以下幾樣：酸菜魚荔枝球抹茶流心奶黃包太極馬拉糕蘿蔔糕熊仔奶茶👍：點心造型精緻可愛有創意，味道都有特色，可見師傅是花了心思係菜色上的；酸菜魚好食份量足，魚片一啲都唔腥，就算唔食魚的人都食金到👎：午市員工太忙，添水比較慢；碗筷有迹，記得要洗同抹下會好啲～總結：點心價位偏高，但造型精緻有特色，味道都唔錯，值得一試。午市雖然人多，但都冇趕客，我哋食足2個鐘，非常好👍

同朋友食飯，梗係想坐耐啲慢慢傾慢慢食，上OP見到呢間有無限時火鍋，即刻book位試試，好彩有book,估唔到平日夜晚都幾full!我哋揀咗爵爺套餐，包左一款主菜同幾款美食。由於朋友不能食辣，主菜選了酸菜魚，火鍋湯底選了花膠美人湯。飲品醬料可自行調配，飲品推薦竹蔗茅根。先上頭盤，青瓜，雲耳，雞腳&鹽酥雞，4款都不錯，尤其是雞腳，夠酸好入味，鹽酥雞夠熱夠香脆。日本時令刺身，好驚豔，估唔到食火鍋都有咁好的刺身食。元貝大大粒，三文魚厚切主菜酸菜魚，都大大碟，湯底夠味但又不會太濃，魚片夠爽滑，配料有番薯粉，萵苣，蓮藕，每款都入味，我哋清晒。花膠美人湯，花膠有睇頭，湯頭清澈。套豪華海鮮盤，每款海鮮好新鮮好食，推介廣島蠔及沙白，我哋encore咗好多次！火鍋配料推介頂級手切牛肉，肉質滑肉味濃道滘豬肉丸，食落好有肉汁，並非普通貨式。墨魚手打丸，蝦丸手打丸，真材實料夠彈牙。今餐可以慢慢食咁多海鮮，大家都好滿足，下次再約！

服務極差。上網訂咗一張三人枱同朋友食飯，見朋友之前食過好食，又抵食。即管想去試吓。後來朋友唔得閒咁我費事打電話去改，於是直接揸車去到APM，話改二人枱之後，門口個阿姐首先態度差。竟然同我講話冇二人枱，要取消。佢話叫我做上網取消，唔做二人生意。就算我要將三人枱，都要比足三人嘅錢。但係點解訂枱嘅時候又冇講條款。等我哋特登揸車出到去先至話冇枱。唔知係乜嘢服務。荒謬！我會叫晒啲朋友以後唔好再幫襯。好差嘅體驗服務。

呢間舖頭，之前食過諗住帶朋友再食，點知服務差到冇人有，原本預訂左三人自助晚餐，點知有一個朋友唔嚟，得返兩個人，去到呢間餐廳居然叫我哋喺網上取消返個訂位，唔會比枱你。因為有一個朋友唔嚟就冇枱俾我哋，叫我哋走、今時今日，香港食肆已死，咁嘅服務態度咁樣做生意法，叫人哋點樣嚟食！ 另外見到有幾台客，都係一樣。即係話你訂咗三位，一定要三位到，唔到齊人嘅話一係俾晒三位價錢先有枱俾你，一係你走！簡直係不知所謂，唔怪得知咁多香港人要返大陸食嘢啦食物其實都係一般，環境都係一般，極度嘈。

今日約咗個舊同事嚟食嘢，呢間餐廳佢之前夜晚嚟食過打邊爐，今日我哋就嚟試下佢啲點心。門口有好多人喺度排隊，好彩佢都有訂到位。叫左以下呢幾款食物老壇酸菜鱸魚片米線,重慶口水雞，野菌鮮蝦菜苗餃同香芋天鵝酥兩樣辣野都係為愛辣朋友而揀，佢大讚個酸菜魚夠開胃，唔會死辣，有酸味食落味道更豐富，鱸魚片份量既多又新鮮，湯底好味道。口水雞雞肉夠嫩，雖然貌相好紅但食落又唔會辣到食唔到，反而係好香濃惹味，同樣份量都唔少。另外點心都好出色，即叫即製，熱辣辣，菜苗餃皮薄但餡多，好足料，蝦又夠新鮮彈牙，野菌餡滿滿夠晒香。至於天鵝酥外形非常美觀，係天鵝形狀，外皮炸得香酥脆，係幼幼架炸絲外皮，好食！裏面嘅芋頭餡唔會太甜，食落啖啖甜香味，絕對大推介！

約了一班舊同事聚一聚👬👭一行十人比較難揀餐廳。好彩上網💻做足功課揀左呢間打邊爐🍲 🍲🍲👍去到比左張大圓桌比我地 ，仲要係角落位置比我地可以自成一角咁慢慢傾慢慢食。😋😋首先佢會上比一大盆刺身，食完後可以揀雞煲🐔/酸菜魚/🐟烤魚；食完再揀火鍋湯底就可以慢慢打邊爐。出面仲有多款自助飲品🧃/蔬菜🥬/小食可以選擇。整體刺身及海鮮都好新鮮，手切肥牛👍👍😋質素確實係唔錯，大家滿足盡興。

睇Open Rice 好似D相及評語都幾好，位置又方便，價錢合理，仲冇限時，Wow，決定一試！服務員態度，由接電話到樓面，都要比個讚👍，仲要之前Open Rice remind 我之餘，餐廳職員再whats app 同我確認，我沒有取消，仲提我只留枱十分鐘，好細心，無論對客人或是公司都係非常有用，再比一個👍❗️我哋叫豬骨湯底...滿意！鷄煲少棘...正！套餐...跟刺身...，正！套餐...牛肉&羊肉...一般，不過，而家乜都加價，以性價比...ok喇😁！套餐有任食Bar👍，仲有任飲👍。最後，仲有haagen-dazs細細杯雪糕😘👍。

📝套餐 (120分鐘火鍋放題) ($278/人) 💡頭盤小食🍽️頭盤小食有鹽酥雞、麻辣牛肚、無骨鳳爪、青瓜條; 小食份量一d都唔細, 而且鳳爪酸酸地好開胃!!! 💡主菜🥘主菜包括酸菜魚、重慶雞煲、干鍋海鮮雜鍋; 今次就揀咗酸菜魚~酸菜魚份量超多, 兩個人絕對食唔得晒, 魚片超滑, 加上配菜有爽脆既蓮藕片同萵筍片, 食落一D都唔寡! 辣道方面我哋揀咗小辣, 辣度適中, 而且有花椒既麻辣停留係咀唇邊, 好麻~☺️ 💡湯底花膠美人鍋🫕入面有好多大塊既花膠 / 枸杞子/ 紅棗, 超級補身 , 而且湯底清清地, 更加可以品嘗到火鍋料既真實味道呢😋 💡肉類🥩🥓肉類較為出色既有美國安格斯牛板翼、牛小排、伊利比亞黑毛豬; 牛板翼較厚身, 口感滿足; 黑毛豬肉味香濃而且肉質嫩滑, 超正!!! 💡海鮮🦪🦐海鮮有韓國生蠔、脆鯇魚片/腩、海蝦、沙白蜆; 海鮮全部都好飽滿同新鮮, 值得一讚既係沙白蜆, 完全無沙而且味道極度鮮甜!!! 💕即使有豐富既頭盤同主菜, 但係火鍋湯/料一d都唔馬虎, 全部都好新鮮, 加上仲有好多手工製既餃子同飲品亦都唔錯, 鍾意打邊爐既朋友一定要試呀🤗📝呢間打邊爐一直都好full booki

一直都好想試試淥鼎記，今次終於第一次黎食，成場都好爆，一定要book位。今次係食小寶套餐，食完主菜之後打邊爐。喺干鍋海鮮雜錦，同酸菜魚之間掙扎，諗左好耐，都係決定食酸菜魚。上主菜前會有4個小食，正常發揮。想講酸菜魚真係非常之出色，係出色過出去好多專食酸菜魚嘅地方。同行朋友都食到停唔到口，勁誇張，真係好好好好食。餐入面嘅刺身質素都唔錯，但啲打邊爐嘅海鮮就一般水平。之後就開始打邊爐，出面好多蔬菜、水餃類、丸類，都幾好食。值得一提係有鴨血、嚮鈴，大加分。肉類方面，安斯格極佳精修肥牛、美國安格斯牛板翼、牛小排、丹麥網豬、伊比利亞黑毛豬都叫過，特別鍾意牛板翼同黑毛豬。而飲品都係任飲，好多選擇，想無糖就主要都係飲冷泡茶。至於打邊爐部份，我地加錢揀左兩個湯底，分別係大紅袍麻辣鍋同花膠美人鍋。喺前面幾個環節咁精彩之下，期待度自然好高，點知！兩個湯底嘅水準就比較失色，尤其係麻辣鍋，死咸，完全無香味！！至於花膠美人鍋都係冇乜特別，同出面平凡嘅雞湯差唔多。淥鼎記其他環節都做得咁好，係湯底唔好，真係好可惜呀！！！不過佢最好係不限時，任坐，可以慢慢食，慢慢傾偈，呢方面都加返唔少分！