深味餃子 (已搬遷) 新店位置

餐廳比一般餃子店設計有心思同埋寬敞，算係食完飯都可以打下牙胶唔使即刻走嗰啲類型裝修比較新潮，餐具桌面座椅等等都比較新淨。睇嚟係決定走別樹一幟嘅新派餃子路線，同傳統餃子店大有不同反而食物嘅選擇上就比較傳統，餃子餡都係韭菜、雲耳、椰菜、芹菜、芫荽呢啲傳統野今次晚餐叫咗兩款餃子同埋蘋果雪梨山楂水：湯餃子- 野菌豬肉 6隻 $46- 一咬落口嘅感覺真係好驚喜。首先餃子餡好飽滿，完全係童叟無欺- 野菌選用野生松茸，老實講係咪野生就食唔出。不過從松茸好香好濃郁，同豬肉配搭比例適中，咬落口淡淡香濃嘅感覺- 同有一代「食神」蔡瀾加持嘅「餃掂」可謂不相伯仲，價錢仲稍為平少少- 湯係粉葛鯪魚湯，粉葛味就好出，魚嘅甜味就略嫌差少少煎餃子 - 韭菜豬肉 10隻 $50- 韭菜豬肉餃就相比之下比較平庸- 餃子餡依舊好飽滿，真材實料- 個底都煎得比較香口。不過佢就底面都有煎一煎，個人就比較喜歡只煎一面- 味道正常蘋果雪梨山楂水（熱）$15- 雪梨同蘋果甜味濃，山楂味好突出。真係鍾意山楂先先叫總括嚟講餃子質素非常不錯，大大隻得來都幾抵食。而且座位寬敞坐得舒服、裝修新潮值得加分美中不足係全店只有蘋果雪梨山楂水係熱飲，

這間餃子店我之前看openrice見到好似好吸引，同事又想試，所以一齊試。店子小小，只有幾張枱，餃子選擇幾多喎，仲有其它小食。餐牌也有兩頁既，有湯及煎餃子，單點及雙拼。麵，小食，飲品，仲有生餃賣的。仲有埋圖片介紹每人也叫了蘋果雪梨山楂水，跟餃子8元，係咁叫15元，我們也叫熱的，顏色比較淺，酸酸甜甜幾好味呀，唔係特別甜的。酸甜蘿蔔，幾好味，不過蘿蔔有d渣。惹味鴨腎片，這個好味，少少辣，夠爽口。湯餃子，雲耳椰菜，芹菜合共10粒，好脹卜卜呀，湯底是粉葛鯪魚湯，個湯係原味，幾甜呀，要自己加鹽，雲耳椰菜餃子，雲耳幾香爽口，豬肉也好多，好飽滿，豬肉夠juicy，芹菜也是夠香。櫻花蝦雞翼，櫻花蝦係雞翼面，都好多的，不過就較普通，不是很突出。煎餃子~韭菜豬肉及野菌豬肉，都煎到金黃色好香的，不過感覺冇湯子那樣脹卜卜。味道韭菜好出，好味，野菌豬肉(選用野生松茸)食唔到野菌味道，估唔到煎反而冇湯咁好味。現場有一位婆婆同一位女仕在包餃子

位於荃灣享和街嘅小店，自家包餃子，仲有無味精嘅老火湯做湯底，好有住家飯Feel😍⁣⁣餃子有湯餃/煎餃選擇⁣(6隻/$45 10隻/$55)⁣⁣餃子餡料都有幾款 - 芹菜豬肉，芫茜豬肉，雲耳椰菜，韮菜豬肉，野菌豬肉(+$8)，黑松露豬肉(+15)⁣⁣餃子好足料，芫茜豬肉好啱芫茜控，芫茜味好香😋⁣煎餃時間煎得剛剛好，皮脆但又唔油👍🏻⁣⁣櫻花蝦雞翼 (5隻/$32)⁣煎雞翼上面放滿櫻花蝦，甜甜地，幾特別，但個人感覺就唔係幾match🤣⁣⁣P.S. 食餃子幾得點佢地個菜莆辣醬，阿姐話係佢地自家製，整得好香

🥢荃灣粉葛鯪魚老火湯手工餃子 🥢發現近期手工餃子店越開越多，一直以來都好鐘意食餃子，由其是手工包的，行過荃灣廣場，經過附近有間餃子店未食過，寫明老火湯底，一於去試下🥢雲耳椰菜豬肉餃 湯餃子跟老火湯10隻$48十隻餃子份量都幾多，如果細食可以叫六隻，包到隻隻漲卜卜夠曬飽滿，皮很薄滑滑的，餡料爽口的雲耳，夾雜了滿滿豬肉，口感很正，湯底因為聲稱老火湯，味道溫和，粉葛味重，無咩魚味，有見及此可以加入佢地家的菜莆辣油，增加辣味🥢見到旁邊檯有酸蘿蔔食緊，所以都膽粗粗問下有無，原來要問先有，呢到的做到好脆口，酸甜度剛剛好，可惜份量比較少，唔好意思叫店員再俾🥢一間唔錯的餃子店，餃子質素唔錯，下次會試下煎餃子，有款是價錢是$95 十隻的黑松露餃子有點貴，下次都好想試下深味餃子 地址: 荃灣享和街43-49&53-59號都城大樓地下E1號舖 

前排好想食餃子 近近地去荃灣食 舖頭喺荃灣廣場附近 行大概兩三分鐘就到 疫情影響 平日夜晚去 舖頭都唔多人 嗰陣未有隔離措施 但係舖頭嘅衛生都算足夠 小食叫咗個櫻花蝦蜜餞雞翼 又估唔到幾夾喎餐單最好一樣野就係有雙拼水餃同煎餃 可以試吓唔同口味 湯餃嘅湯底比較清 冇味精 雖然有啲淡 不過加埋啲辣椒醬其實已經釣到未味煎餃都唔算油 內餡都多 嘢飲叫咗蘋果山楂雪梨水同豆漿 都算清甜呢間餃子店雖然唔係話好惹味 不過啱晒想食得清清地健康d嘅人 埋單百零蚊 可以再翻兜

這間是自家包製餃子, 雖然餃子款式比較少, 但是皮薄餡靚!!剛好進去時2點正, 下午茶時間送飲品!我跟朋友都點了水餃湯麵餐!雲耳椰菜豬肉餃湯麵 $43餃子好多餡, 皮好薄, 雲耳令餃子好爽口! 麵是上海幼麵, 幾好食, 唯獨是湯底比較一般, 這碗麵選了清湯, 結果清得像沒有味道....飲品選了豆漿, 好濃好香豆味!! 好飲!!芹菜豬肉餃湯米線 $43朋友選的餃子未食已經好香, 餃子亦都好食!! 米線不錯! 朋友的是肉碎湯底, 但肉碎看到不是有好多...飲品是蘋果雪梨山楂水, 自家製的, 都好飲!

雙併湯餃子(雲耳椰菜+ 韭菜) 💰 HKD$54/ 10隻-有天路過荃灣時突然很想吃餃子，於見在網上看見荃灣廣場附近有間比較新的餃子店，而且在openrice上也很多正評。Ok!一於就試試看吧。喜歡餃子的你可以看看下文啊～-一進店內，看見有位女性在角落中默默地包餃子，所以這裡的餃子應都是全人手製作的。-首先，我個人覺得吃湯餃的話，湯和餃子的味道同樣重要。因為有好的湯底會為整碗湯餃增添了不少的分數。所以先說說湯底吧。湯是粉葛鯪魚湯，喝上時不甜不咸，甚至和平時在家中喝的住家湯沒有分別，整體味道以清淡為主。但個人認為實在「太過清淡」，所以在吃到一半的時候，我直接把少許豉油倒進湯裡，才覺得「夠味」。。。-到餃子方面，餃子的尺寸與灣仔碼頭的差不多。餃子皮薄且滑溜，口感不錯。可惜，餃子內乾而無汁，肉味也欠奉。吃雲耳椰菜餃子時，雲耳和椰菜的味道皆不突出，只到嚐到少許的味道，令我有點失望。相比起雲耳椰菜餃，我更喜歡韭菜餃，或許是因為韭菜餃整體的味道比較濃烈。話雖如此，個人仍覺得韭菜餃的韭菜味不太濃郁，表現都是平平無奇，如果味道濃郁點就會更好了。-整體來說，無論是湯還是餃子，兩者皆是清淡為主，且餃子欠缺

之前去過呢個地置既舊鋪食過一次LUNCH，覺得性價比好高，但當我再次去既時候已經結業…原來而家開左餃子店，中意食餃子既我相當興奮。餐廳除左有平時常見既椰菜餃、韭菜餃之外，仲有比較少見既芹菜餃、黑松露餃，最特別係有我中意食既芫茜整出黎既豬肉餃!! 芫茜湯餃十隻 $53餃子晶瑩剔透，可見餃子皮非常薄，入口唔會成口麵皮。菜同肉既比較近乎一比一，算足料，亦有莞茜香。可惜，無肉既鮮甜味，而老火湯亦十分淡味，飲落似滾湯多過老火湯，呢兩個位有點失望。韭菜餃湯麵加底轉米線 $38加底後既麵量唔覺特別多，但無得對比唔知正常係咩份量，麵質一般。友人話餃子味道唔錯，但湯底淡味。櫻花蝦雞翼五隻 $32送上枱果陣櫻花蝦香氣撲鼻，櫻花蝦唔知係炸定焗過，令其香氣更特出，而且脆卜卜。雞翼調味唔錯，帶點甜，不過肉質偏實唔夠嫩滑，口感麻麻。豬肉餃子內餡包含好多肥豬肉，所以屬於一種油份好高既食物，但呢度既湯餃食落比較清淡，油膩感唔重。另外我見附近幾枱客人都會點煎餃，我賣相唔錯，而且出現率都幾高，有興趣既朋友可以試下。

🤣餃子盛宴🥟·超級足料！粒粒都脹卜卜👅湯底較淡.不過無咩所謂👻反正我都落好多醋同少量辣椒油調味🤤3款餡料各有不同口感.款款都鍾意😋🥟芹菜豬肉湯餃（$45）🥟雲耳椰菜湯餃（$45）🥟韭菜豬肉湯餃（$45）·🐥蜜餞雞翼（$20@3隻）好難唔好食🤣甜甜地不錯·☕️蘋果雪梨生渣水（$8）點左湯餃/煎餃可以$8優惠價加配蘋果雪梨生渣水🍎微酸口感.不太喜歡🤪·📍深味餃子荃灣享和街43-49&53-59號都城大樓地下E1號鋪

今日喺荃灣同朋友打泰拳，肚餓到不得了，朋友又話想食餃子，所以就嚟到荃灣廣場附近嘅深味餃子。 嚟到鋪頭全場都坐滿晒，不過我哋等左10分鐘左右就可以入去。環境10分舒適，枱櫈都算闊落。超級肚餓既我一坐低就落單，揀咗肉碎麵同埋煎黑松露芝士餃子。麵底分量十足，湯底都好入味。而餃子嘅皮煎得好脆，黑松露同埋芝士兩樣嘢夾埋一齊非常好味。 另外朋友就揀咗雲耳椰菜同埋野菌湯餃子，仲有櫻花蝦雞翼。湯餃子嘅湯底非常清甜，夾埋皮薄餡靚既湯餃，好有媽媽嘅味道。櫻花蝦雞翼嘅口感好特別，雞翼甜甜地咬落啲櫻花蝦到趣卜卜。最後值得一提嘅係佢有個蘋果雪梨山楂水，酸酸甜甜超級好飲。下次再黎都一定會嗌！

喺荃灣打完拳之後好肚餓想搵餃子店食，上網就搵到呢間就黎試下，餐廳裝修幾別緻，就咁睇唔似般餃子店setting, 沙發超級舒服好坐。我先點左小食櫻花蝦雞翼，雞翼賣相幾靚，表面佈滿櫻花蝦， 而雞翼本身係蜜糖雞翼，甜度好夠，每啖都食到蜜糖味，雞翼肉質嫩滑，熟度啱啱好，飲品方面我揀咗蘋果雪梨山楂水，非常滋潤，消滯排毒，男女都啱飲，主菜我點左湯餃雙拼，分別係雲耳椰菜同埋野菌豬肉餃，湯底味道較清但好潤，客人可以選擇沾辣油或者醋調味，餃子餡足料，特別野菌味好香。

朋友話荃灣享和街，都城大樓地下E1號舖是新開張的餃子店，裝修簡潔 、乾淨企理、座位寬坐得很舒服。有酸蘿蔔送，每人一小碟，好 開胃。黑松露芝士煎餃子 🥟$97有10隻，黑松露味濃、芝士半溶流出，加肉汁香脆可口，服務員推介自家製菜莆醬一齊吃，極惹味超芹菜豬肉餃麵$43和韭菜豬肉餃麵$43🍜豬肉味香，麵質、湯底唔錯。蘋果雪梨山楂水 餐加$8，山渣味酸，蘋果、雪梨帶酸甜。這店真材實料，用心製作，真是很好吃👍👍👍

平時喺深水埗太子一帶都已經好鍾意食餃子，不論湯餃定係煎餃都一樣咁鍾意食，而且我覺得每日餃子店都係各有特色，不論係湯底定係餃子既餡料，都係每間餃子店都唔同！今日去到荃灣都比我發現到呢間特色餃子店。呢間餃子掂喺一田附近，行完街過黎食都幾方便。餐廳係餃子專門店，所以選擇唔算好多，主打餃子有六款選擇，分別係韭菜餃、雲耳椰菜餃、芹菜餃、芫茜餃、野菌餃同埋黑松露芝士餃。煮法就有湯餃或者煎餃可以揀，另外亦可以跟麵。而小食類都有幾款可以選擇。雙拼湯餃（10隻）（雲耳椰菜豬肉餃拼芫茜豬肉餃）（跟老火湯）（$55)老火湯鮮甜，餃子皮薄餡靚，隻隻都夠飽滿。芫茜豬肉餃係芫茜愛好者既必食之選，芫茜味勁出！雲耳椰青餃既口感都好正。野菌豬肉煎餃（10隻）（$68)呢個野菌餃我係超級recommend 大家一定要試，松茸味勁香，加上煎餃皮脆，餡料肉嫩，真係勁好食。真係一試難忘！而且之前喺其他餃子店食過松茸餃係貴好多！呢度$68 有10隻煎餃真係好抵食！！蘋果雪梨山楂水（跟餐+$8)酸甜度適中，開胃醒神！惹味鵝腎片（$20)腎片少少辣，加上芝麻同芫茜同埋佢個醬汁勁香口，令人一件接一件咁食唔停！

餃子市場可以說是百家爭鳴，百花齊放的狀態，沒有自己的特色，很難在這市場上生存。深味餃子憑著紮實的餡料，純人手包製取勝，並多了一份家的味道。我們點餐後，店員為我們送上酸甜蘿蔔，這是免費的，每人可獲贈一份。酸蘿蔔酸中帶甜，甚有水份，脆脆的咬感，教人回味無窮。吃飯不能只吃肉，也要吃些菜，故我們點選一份和風醬拌秋葵及一份涼拌青瓜。涼拌青瓜開胃好幫手，酸酸甜甜，口感爽脆，大家都搶著吃。我本身很愛吃秋葵，和風醬拌秋葵的胡麻醬好不香濃，抿在嘴裡散發出香味，就連鼻腔都能感受到胡麻香，秋葵水嫩又不失清爽，令人天天想吃。我們各點一份湯餃子和煎餃子，一致獲得好評。湯餃子我們選了野菌豬肉餃子和韭菜豬肉餃子，餃子內餡塞得滿滿，圓呼呼就像金元寶似的，皮薄帶韌性，十分討喜。韭菜豬肉餃子使用新鮮的豬肉搭配韭菜，一口咬下，滿是韭菜的清甜和豬肉的鮮美，無可挑剔的美味。至於野菌豬肉餃子集野菌的彈性鮮香，肉汁滿溢，給人山珍的大滿足。煎餃子則挑了黑松露芝士餃子，煎餃子尺寸也很大，每個餃子都煎得金黃，看起來超好吃。筷子能輕鬆分開餃子，證明煎功了得。

今晚想出街食唔想去咁遠諗住附近食啦 又唔想食飯 只想食少少野 通常我都會諗住食餃子 可以食一點菜😆雲耳椰菜豬肉湯餃跟老火湯 （粉葛鯪魚湯）湯底唔會好鹹 健康冇味精 味道清甜 皮薄餡靚 餡料豐富 脹卜卜 餃子皮又夠滑 好有口感 食得出食材新鮮 高質素 用梅頭豬肉打碎 肉質鬆軟口感唔會好乾好鞋 唔係自己平時食既雪藏餃子是每日新鮮食材用心機整既自家製餃子 另外 -店內嘅辣椒油加小小能帶出餃子更加好味 特別之選 ：👍🏻 黑松露芝士煎餃 外脆內軟 嘩 ！🙂好多好多黑松露呀 📣松露香味好濃 芝士味同黑松露味道平衡得好好絕配  櫻花蝦雞翼 冇諗過有咁嘅配搭 😆 重蝦味香口 櫻花蝦又香又多 有趙口佈滿在煎香佐既雞翼上惹味鵝腎片 鵝腎比雞腎軟熟 唔使點樣趙 微辣好開胃 食唔停口最後凍豆漿 味道唔會太甜 😇 香濃嘅黃豆味中和口腔 用來做結尾就最完美