添財記

营业中

休息中

星期日實施「4人聚餐」後，第1次係疫情中食添財記，數數手指都已經3個月冇食！今日經開買餸，又睇下有冇開門，咁啱又見到門口有位，唔洗坐入面😊😊😊財哥話店鋪已經咁樣間住食好耐，可想言之我幾耐冇嚟...今日有叫沙嗲牛肉紅腸通心粉（多蔥），但唔記得影相，添財記係過咁多茶記中，每次食水準都係第1次咁好食嘅水準，從來冇失手過！皮蛋瘦肉粥，真啱降火，平時煲劇捱夜多，又清清腸胃！粥底好綿，而且足料又點少得我最愛「齋腸」再加混醬呢！腸粉好夠米香又滑，入口就sir到落喉嚨，小朋友老人家最愛！下次再嚟食都唔知幾時，希望疫情快過！香港加油！

這裏一直很出名，呢次係第一次來臨，抱著希望可以嚐到好食的粥。我叫了碎牛豬紅粥同齋腸，都係42元，粥好夠味，足料，粥唔會稀，上枱嘅時候仲有滾緊嘅泡泡，牛肉醃得好好味，豬紅唔腥。而腸粉亦夠嚼勁，唔會斷唔會(hai)口夠滑！仲有枱面有埋芝麻任用，好正！會再去食。

艇仔粥😏$21炸兩腸粉😛$18炒麵😉$14沙嗲牛肉三文治(烘底)🥪$21九龍城名店之一😝好多年無嚟食☺️不過我又搬咗第二區😂佢哋搬舖之後就少去咗🙈早前Running Man走咗去搵發哥🤣瞬間變成旅客必到之處😅今日去到都好鬼多人，排晒大隊😣不過好好彩，好快就有位😎艇仔粥依舊足料😛炸兩好好食，油炸鬼夠鬆脆😚炒麵還可以🙂沙嗲牛肉三文治就一般🤪添財記 (九龍城)九龍城龍崗道35號地舖

嚟到九龍城舊社區，想搵啲有傳統風味嘅食物，揀咗呢間據聞連周潤發都會幫襯嘅添財記試下。我同朋友11點幾到達，都幾多人。唔少食客好似同店員都幾熟絡，會打招呼，又會寒暄幾句。同友人叫左艇仔粥、牛肉腸、豬排一丁同埋腐乳通菜，每樣食物都好滿意。艇仔粥粥底好綿，配料都好多，有肉絲、魷魚、花生等等，$21蚊好抵食。牛肉腸夠滑、豉油夠香，牛肉都幾新鮮。通菜好靚，腐乳味好香。炸豬扒明顯係即叫即炸，仲好似沾左蛋漿先炸，外層又香又脆，肉又滑又嫩。呢餐我同友人食得非常滿意。呢間舊式傳統小店，除咗食物質素做得好，店員都好友善，環境又算衛生，值得支持呀

無論係鴛鴦紅豆冰定係炸兩，每一碟、每一杯、每一碗都係用心做出黎架！一定要試試！又新鮮！又好味！傳統嘅味道！有鹹有甜！一家人食又得！一個人又得！依家好難搵到咁有良心嘅舖頭啦！

上星期在網上發現原來關閉了的添財記已重開，今天便突意去九龍城吃個早餐先。～艇仔粥 $21熱騰騰的粥底是綿綿的，粥內有滑滑腐竹、脆口花生、瘦肉絲、清香蔥花、爽口豬皮和魷魚鬚，材料豐富，味道適中。～蔥花蝦米腸粉 $18腸粉滑溜之外，亦有小小煙韌。蔥花蝦米增添鮮香味，豉油味稍淡。～炸兩 $18腸粉皮滑溜，饀內的油炸鬼脆口，吃起來外軟內脆，極有口感。加點醬油和甜醬吃更加味美。久違了的味道今早又回來了，我倆對是日早餐感到滿足。

肥仔知道打颱即摌Vienn 起身「衝」去街市買餸🍇🥦🐠🦞以前打颱好會去睇戲🎬唱k🎤飲🍻依家會買好哂乾濕糧，做好措施‼️又會同小公主講下流浪貓狗會點⁉️有冇人衰到叫外賣🥡⁉️有冇樹倒塌⁉️大澳低漥地區水浸嚴重⁉️☝🏽都係1個好好親子話題，順便畫下🌪路向圖（上埋地理堂），又一齊煲下劇⋯打颱當然最中意食junk food🍔🥜🍫🍿但依家就好想食 #添財記 人大了，好多事都改變。唔知大家又係咪呢⁉️ 添財記 (九龍城)地址：九龍城龍崗道35號地舖#肥dodo食記#2019第1波#宅在家都手機變成收銀機

九龍城的粥粉麵茶餐廳，店內地方頗寬闊，見左右枱的客人都是在吃粥，便叫咗艇仔豬肚粥（走豬皮）和蝦米腸粉。粥有單或雙拼，艇仔是其中一款，基本認識以為艇仔多數有花生、魷魚絲、豬皮、炸米粉與碎牛肉的混合體等，再加埋豬肚應是相當豐富。粥來了，咦！同我的期望有些出入，原來這店只有魷魚、花生（走了豬皮）和豬肚，配料唔多，忍不住詢問一下，老細話仲有肉絲，於是同佢一齊搵，終於在高度集中力下，在粥中找到一兩條微細的肉絲仔。粥底綿但很鹹，豬肚一般，魷魚尙算爽脆。蝦米腸粉，即叫即做的，粉漿蒸出來依依靱靱黏黏的，很有彈性，蝦米仔咬落有淡淡蝦乾味，加上葱花，有些解膩之用。比粥出色得多。

兩口子早左起身諗住揾早餐食日日返工喺公司附近都係得西早食難得唔洗返工一於揾返個中早食啦呢間粥店成日都見好多人食今次去到 門口好多人企晒喺度不過原來都係黎買外賣嘅😆等左唔洗3分鐘就有得入座碎牛粥粥底軟綿綿 米香十足碎牛都好足料 啖啖都食到牛肉送粥食加埋幾粒脆口花生同胡椒粉炸兩其實炸兩本人真係少食覺得炸完又點汁整到淋晒 唔係咁好囉😅所以其實係老公點嘅油炸鬼係炸得幾香口架炒米粉 撈少少甜醬食就最perfect池真係好難怪發哥咁鍾意黎食🤯味道有保證 仲要夠貼地丫嘛隔幾條街有間粥店賣緊$37一個炒半粉連咖啡或茶🧐呢度3樣野加埋$60有找性價比高 岩晒我地呢啲貧賤夫妻😏

差不多每一日都路過，都看見很多人在排隊，今天路過看見不是很多人，便進入試試。這裏沒有套餐，只有散點，有粥、粉、腸粉、公仔麵、三文治、冷熱飲品之類。我要了豬扒超力伊面$31，另加一杯熱鴛鴦$15。如果要出錢一丁另加$2。熱鴛鴦奶茶味和咖啡，味道差不多，都算合格。豬扒都算大塊，廚師已經切開味道都可以，不過由於連骨的部份未全熟，通知了侍應之後，她另外再給我一塊。這裏的價錢不便宜，不過食物質素都算合格，可以一試。

好耐無去九龍城 外國朋友話想食香港傳統早餐 所以就帶左佢黎呢度我地叫左三樣 (炒麵$14 + 炸兩$17 + 艇仔粥$20) 價錢平 兩個人食都好飽👍🏻😋雖然係老店 但係伙記既服務態度好好 加分！

老店重生，作為龍城的粉絲，當然要來捧一下場....自從老遠從前在街市熟食市場內的粥店結業後，印象中在龍城區內的粥舖除了那間連鎖店之外，就只剩下這一間老店了....搬了新舖，環境光鮮了，侍者的服務亦變好。唯一不變的，是價錢仍然是貴....就這樣一個白粥加牛肉腸的組合，竟要接近三十大洋。若在茶記內食的話，我已可叫一個麵餐連炒蛋多士了....不過無可否認，這裡的米王的確煲得相當夠火路，口感綿滑起膠又滿具米香，是出類拔萃的....牛肉腸事前已吩咐要少油少醬，但弄出來還是不太合我意....粉皮算滑的，偏厚的它勝在容易飽肚；碎牛肉沒很重膻味但就有點筋....近來吃得偏清淡的我，連這一個餐也要吃剩....看來廉頗真的老矣.....

由朋友推薦，聞說曾經執左但依家又從新再開番嘅，所以尊登過去試一試。我叫左一碗皮蛋瘦肉粥同埋腸粉，粥食落夠棉，味道也很洽到好處，價錢到位，比出面相對平少少腸粉俾我感覺很好味，質感是滑溜的，而且淋上的油很香，吃得出是有誠意下次會再試其他款式

呢間路經過幾次 好想入去試一試冇套餐 單點艇仔粥 細碗$19元 加料大碗$24 (有豬肚 魚片 皮旦... )忘記咗問係咪用牛肉碎 ... 咁就上咗咸瘦肉 水尤魚 豬皮 料都多嘅粥底很傑身 脆口花生粒 唔重米香味食咗有啲啲頸渴 ..... 即拉牛肉腸~ $18 很快就上枱 可能預早拉定 唔太熱 算滑嘅 有2條 冇落蔥 牛肉就..... 用咗沙嗲牛肉 很咸 (沙嗲牛肉公仔麵嗰啲)“齋腸“ 唔係齋用粘米粉 有啲彈性加番傳統必落嘅 麻醬 甜醬 辣醬 芝麻就 Very good .....招呼好好 街坊感

今日老媽突然想食粥同腸粉，我地就黎左九龍城以前好出名嘅粥舖添財記。中午一點鐘去到，好少人。望完個餐牌我哋就決定點以下食物:牛肉好重味精，花生黑萌萌，感覺似食壞人料都足夠嘅，但成碗都勁鹹映真唔掂，皮蛋瘦肉粥嘅瘦肉都唔知係乜嘢肉，好奇怪的賣相已經負分，成碟野白雪雪，唔好以為佢淡而無味，反而係食落勁咸炸兩做得好差蝦米腸亦唔見好總結: 所有食物勁鹹勁重味精，三碗粥食到最尾變晒水，油炸鬼我懷疑都係買返嚟嘅，唔係鋪頭自己炸嘅。好失望，以前舊舖喺九龍城做咗幾十年好出名嘅粥鋪，新舖今時今日食物質素一落千丈，真係差好遠一次過，唔會有下次