清心齋

营业中

休息中

呢間齋舖係我屋企附近，之前試過一次，覺得糕點太甜，但點知今次質素大大改善！今日適逢星期日，人氣十足。好多人買嘢，排左陣隊終於到我啦。星期日想屋企人食好啲，所以每款嘢食都買咗一件。糕點$23/4件，唔算係最平，但份量都幾大，而且質素令人滿意。上次食覺得糕點太甜，今次甜度大大減低，終於食得出食材真味，特別要讚下芋頭糕，入口有芋泥口感，香芋味道突出，口感夠creamy。紅棗糕亦比上次更加濕潤，酸酸甜甜幾好味。呢舊就比較普通，其實只不過將啫喱粒放埋一齊，不過氹下小朋友都幾好嘅。$30一盒唔算貴喎，仲可以自由配搭款式，今次揀咗酸齋、咖喱齋、同埋齋叉燒，始終都係酸齋最好食，酸酸甜甜嘅醬汁用嚟送飯最啱。芝麻糊嘅甜度亦明顯大大減低，依然好幼滑，係好好嘅飯後甜品。

喺將軍澳 TKO Gateway 行街, 行過地下嘅 Food Lane, 唸住入去行個圈睇下有咩嘢食, 見到呢間清心齋, 除左齋鹵味, 腐皮卷之外, 仲有好多糕點, 忍唔住停低睇下之餘, 仲買返屋企去試下先齋鹵味😋😋齋鹵味有四款, 買大盒就可以一次過試哂啦, 齋鴨腎, 口感真係好似鴨腎咁, 甜甜地；甜酸齋, 煙韌又酸酸甜甜,好好味；咖哩齋, 咖哩味好香；蠔油齋, 顧名思義咸咸地嘅蠔油鮮味腐皮卷👍🏻👍🏻餡料有木耳, 沙葛, 紅蘿蔔, 店員話就咁食, 煮或煎都得, 我地鍾意食香口嘢, 於是就煎左嚟食, 饀料咬落爽口, 調味好好, 好好味糕點見到好多款糕點, 心多多就買幾款試下, 芋頭糕, 咬落去有陣陣芋頭嘅香味, 係咁多款𥚃面, 最鍾意嘅一款； 桂花糕, 清香又不太甜； 芒果西米糕, 芒果同西米一向係最好配搭, 做成糕點, 一樣出色；彩虹椰汁糕 , 彩虹即係啫喱, 小朋友嘅至愛； 椰汁蘆薈糕, 清新又健康

小妹細個成日係厚德街市徘徊，好鍾意係一間士多入面買糖食，轉眼又過左十年八載，今日舊地重遊，已經煥然一新，物是人非，隔離仲開左個叫Food Lane 既飲食街，順路就行下啦！ 入到去即刻俾呢間糕點店吸引住，因為色彩繽紛 有選擇困難症o既小妹好頭痕，最後豪氣咁每樣買左一件（實情是揀唔到😂而且23蚊4件，試晒都係6x蚊）桂花杞子糕 - 清甜又明目，岩淡口味o既朋友芋頭糕 - 睇落好吸引眼球，但味道就不過不失啦椰汁蘆薈糕 - 小妹幾推薦，椰汁🥥味突出仲有粒粒蘆薈椰汁彩虹🌈糕 - 推介俾鍾意食啫喱o既朋友紅豆糕 - 足料紅豆，而且大大粒，鍾意食甜o既朋友可以一試紅棗糕 - 推介食法 蒸一蒸 （因為唔蒸會偏硬）芒果布甸 - 俾小妹細佬食左，佢話正常味，合格😆黑：芝麻糊 + 白：豆腐花小妹唔太好.. 但媽媽話好食芝麻糊豆腐花甜酸齋 - 15蚊 1小盒 .. 送飯一流 開胃必備咁多野200蚊都唔使，性價比

平時收工都會過嚟食下小食買砵仔糕/ 豆腐花星期日同3個朋友黎食，一定要試下啲新嘢 :Take away:腐皮卷2盒 18hkd@（ 喺屋企加熱咗之後食好正，推! 又健康!）齋鹵味大盒2盒 30hkd@（有四種齋鹵味揀）芒果布甸2盒 12hkd @（ 冇蛋牛奶都可以做到呢個質數）糕點唔會太甜 23/ 4件桂花*1椰汁蘆薈*1香芋*1西米糕!*1芝麻糕*1紅豆糕*1 馬蹄糕*1馬豆糕*1有機豆漿*1. 12hkd（ 無糖）黑白配*1 . 12hkd（ 上面一層黑芝麻糊，底下就係豆腐花）全部貨品都係自家製， 有機黃豆，豆漿冇渣，做得非常之仔細，可揀無糖/有糖。

作為一個為食街坊，一早已聽過呢間清心齋豆腐花出名滑，芝麻豆腐花係我最愛，豆腐花真係超滑加埋芝麻糊，有益又好味。但近排小朋友好鐘意食糕點，於是試試佢d糕點原來一樣咁正，小朋友最愛砵仔糕，因為新鮮整起，即買即食，仲有微暖特別好味，紅豆夠多，小朋友食一個當下午茶飽曬呢度有好多唔同種類嘅糕點，每件都係幾蚊，大大嚿好味又抵食試吓新野椰汁糕同埋香芋糕，椰汁糕入邊有蘆薈有口感椰汁味好香，香芋糕好重芋頭味，小朋友對香芋高10分喜愛我自己鐘意食芒果布甸，好香芒果味，仲有好多新鮮芒果係入面而老公就鐘意食紅豆糕，超多紅豆而且唔會太甜，食兩舊都唔覺溜最後呢度豆漿有微糖同無糖選擇，少甜健康d，大人細佬都啱飲。下次可以試下佢d仔，我見好多人一盒二盒買回家做餸，下次要試埋你😂

坑口重華路厚德商場 Food Lane 開業差不多一年，平日下午茶時段好多人都嚟幫襯，裏邊有好多小店，聽聞有一間專賣糕點，朋友試過話都唔錯，所以今日決定買啲下午茶同屋企人分享。去到見到原來除咗糕點之外，仲有四款齋，同埋其他豆類製品，價錢親民。$23/4個糕點，屋企有四個人，一於買八件，每人兩件。雖然紅豆糕好似冇咩顏色咁，但紅豆味非常香濃，而且如圖中所見，有唔少紅豆，粒粒飽滿。馬豆糕相對失色，粉多過馬豆，而且味道偏甜，食落去有一陣豆粉口感。反而幾欣賞桂花糕，除咗賣相非常吸引之外，味道相當清新，甜度適中，真係有好自然嘅桂花清香。芝麻糊打得嘅幼滑，冬天食一碗成個人即刻䁔笠笠，不過味道仍然偏甜，加返少啲糖，味道會更加自然。個人覺得甜酸齋係四款齋中最好食，酸酸甜甜好開胃，晚上加餸，用嚟送飯很好食。

我媽媽向來食得健康，屋企平時已經會係明德商場間素食店買材料返屋企煮，買到明德商場個呀姨都認得我地，仲會送野俾我地添。將軍澳TKO Gateway 最近都新開左間素食店，叫清心齋，一路都想搵機會黎試下。機會黎啦，飛雲！今日，我屋企個駐米大蟲懶妹豬，起左身唔願出街食野，老點我出街去幫佢買外賣俾佢食，由我拍板食咩，XD有好西齊齊試，有屎齊齊食，咁先係好姐妹呀嘛！係TKO Gateway果邊我係新樂園買左個水餃麵之外，另外，就係呢度大肆掃貨，諗住拎黎做Lunch，同埋留返D俾媽媽夜晚試。糕點1件$7，4件就$24，我呢份兼職家庭主婦就咩味都叫D黎試下，叫左桂花糕、芋頭糕、芝麻糕同紅豆糕。D糕都幾煙煙韌韌，同唔算係好甜，感覺好健康。桂花糕陣味幾清香，仲可以食到少少花；芋頭糕入面真係有芋頭粒，相對黎講係較甜果款，幾有咬口，幾得意好食；芝麻糕比我想像中重芝麻味，但我不嬲都鐘意係芝麻，自然係Like；紅豆糕入面粒粒紅豆，都幾充料。叫左碗熱豆花黎食，._.豆花好滑同好香豆味，店家話成日有人掛隊等買豆花，唔係無佢道理。而佢GE豆漿都非常OK！又滑又香豆味，我GE白滑皮膚之進代路就交俾你地啦！叫左盒齋魯味(

每逢初一，十五我都盡量會食齋，今日下午同媽咪行街，經過TKO Gateway 地下的Food Lane見到有一間清心齋，就啱曬我今日初一食齋的習慣。 除了有齋之外，還有很多糕點，芝麻糊，豆腐花等等。 睇到我都花多眼亂樣樣都想食， 所以就買了很多返屋企慢慢試。 齋鹵味大盒$30，小盒$15，糕點$23/4件，點了甜酸齋， 齋燒鵝， 蠔油齋， 咖哩齋， 腐皮卷$18，芒果布甸 $12， 芝麻糊$12 ，豆腐花$8， 香芋糕，椰汁蘆薈糕，彩虹椰汁糕， 桂花糕，紅棗糕，芝麻糕，紅豆糕，馬豆糕， 砵仔糕， 無糖豆漿$12。甜酸齋 ~ 甜甜酸酸，又煙韌。齋燒鵝 ~ 唔硬但係味道甜咗小小。蠔油齋 ~ 味道不太突出。咖哩齋 ~ 香濃的咖哩味， 比起出面的咖哩齋味道更濃更好吃。腐皮卷 ~ 有水準，腐皮卷的餡料有紅蘿蔔，木耳，健康又好吃。芒果布甸 ~ 入面有粒粒香濃的芒果，布甸口感香滑美味，推介。芝麻糊 ~ 香濃的芝麻味但比較甜。豆腐花 ~ 用有機黃豆製成的豆腐花，豆香味濃。香芋糕 ~ 畀佢鮮豔的紫色吸引，入口味道唔錯，有芋蓉的口感，個人比較喜歡這一個。椰汁蘆薈糕 ~ 味道不太甜，唔錯！還食到有一絲絲的蘆

舊郵局翻新變小食街後一直都未嚟過，今日經過見到呢間店比啲糕點吸引住，好多款式呀！23蚊4件決定買好幾款返去試下。講幾個特別嫁啦：彩虹椰汁糕。七彩顏色嘅糕好少見，原來係加咗啫哩，好特別呀。芝麻糕。雖然個樣烏卒卒唔吸引，但食落甜甜地好香芝麻味，食過返尋味呀。香芋糕。啲芋蓉味道濃郁，甜道剛好！仲買咗腐皮卷，$18有4條好抵食！仲有酒樓水準添！有木耳，紅蘿蔔等包係腐皮入面好健康，好適合素食者。雖然呢間叫做齋店，啲糕點真係好高質，仲有賣豆腐花同芝麻糊，下次會再試！

之前已經覺得佢地豆腐花唔錯決定又再encore今日星期日 去tkogateway foodlane買多d唔同野食一家大細 齊齊食買果時唔算多人排隊menu見到個玻璃櫃 我就知好多野都想食大齋滷味 走咖哩齋豆漿D糕好colourful而且有10種選擇我就選擇左 馬蹄糕 馬豆糕 芒果西米糕 同桂花糕呢個一定必買--豆腐花再買埋芝麻糊終於回家 開餐芝麻糊交俾我hubbyhubby話好濃 好好味真材實料 好香芝麻味招牌豆腐花交俾我 同小朋友依舊咁滑溜 好出黃豆味我地就食少糖 小朋友都食得happy豆漿 買來是for之後整野食用至於糕點我食馬蹄糕 同桂花糕馬蹄夠清甜 爽脆同埋個質地煙煙軔軔 唔會太甜桂花好香 唔會好多渣我最愛係甜酸齋味道剛剛好 而且都有5-6件第二最愛 齋燒鵝粒好入味 口感唔難啃！蠔油齋 平時食開果d無太大特別

今日行過坑口TKO Gateway地下個food Lane，發現原來嗰度好多嘢食！有間賣素食嘅店舖，但我唔係對佢地嘅齋有興趣，反而係比佢地嘅糕點吸引住！佢哋除咗賣唔同款式嘅糕點，仲有豆腐花同芝麻糊。睇到我眼花撩亂，$27/4件，最後決定每樣買兩件返去同媽媽一齊食，豆腐花、芝麻糊都係自家製作，無添加防腐劑，仲寫住係用有機黃豆，而且價錢都唔貴，豆腐花$8、芝麻糊$12，都係每樣要兩碗。返到去媽媽見到咁多糕點變得好興奮，佢嗰樣顯得好有興趣先食左豆腐花同芝麻糊先，豆腐花我食開無糖，所以對佢要求都幾高，一定要豆香先合格！呢碗$8水準唔錯，大碗之餘，豆香味有又夠滑！芝麻糊都好香濃，濃稠度適中，但甜度偏高，配無糖豆花剛好！糕點方面，馬豆糕、紅棗糕、桂花糕、香芋糕、馬蹄糕、彩虹椰汁糕、芒果西米糕、砵仔糕、椰汁蘆薈糕、紅豆糕，件件都好有份量啊！食完咁多件之後，最欣賞係紅豆糕！每啖都好似食緊紅豆沙，甜度適中，紅豆粒粒飽滿粉香！而馬豆糕入面嘅馬豆偏硬，呢款一般！香芋糕都唔錯，睇佢顏色以為係芋頭粉開，但食落真係有芋蓉嘅口感覺，雖然就無食到芋頭粒，但味道真係唔錯，芋香味濃郁！不過比起紅豆糕會甜啲。而桂花糕質感

禮拜六，睡得飽飽的落街覓食，姐姐一家說晚上過來吃飯，雖然飯不用我煮，但決定買些飯後甜品或水果，裝裝有付出過的樣子吧！然後讓我看見了這家叫‘’清心齋‘’的小店。明亮的玻璃櫃裡是琳琅滿目的中式糕點。雖然有時去街市或者飲茶的時候，都會見到有中式糕點賣，但款式那麼多的還真是少見！除了中式糕點外，還發現了我兒時最愛的芒果布甸同甜酸齋！木桶裝著的豆腐花也很吸引，價錢又不貴。下次一定要來嚐嚐。在反覆考慮一陣子之後，便選了以下幾款帶回家咯！齋滷味（大）$30小時候我超喜歡吃甜酸齋的，甜甜酸酸煙煙韌韌！今天為配合各人口味，還是選了盒綜合款帶回去加餸！家人都覺得味道不錯。芒果布甸 $12買給我自己作下午茶的甜品。這個超級推薦！芒果味濃郁，口感柔滑香甜，裡面還有粒粒芒果，吃完一個便想立刻encore一個。各款糕點 $23/4件我個人最愛杞子桂花糕和馬豆糕，前者清香清甜，後者煙韌有口感有清香椰汁味。小瑕疵是有部分糕點對我這種不太嗜甜的人來說有點太甜，幸好很多人分，小食多滋味！另外，這家的彩虹椰汁糕內裡有加啫哩，很特別，小朋友愛吃！看似樸實無華的中式糕點但其實制作過程挺繁複的，所以有得買就應該覺得知足了。

今天和朋友在將軍澳踩完單車，於是去掃街，來到街市附近的food court，被這家舖擺出來的糕點吸引了，還有那標註著無糖現磨豆漿，正好適合我們！我們一口氣買了很多糕點回家和家人分享分別有紅豆糕，芝麻糕和紅棗糕，全部都是低糖健康製作！我怕胖但也吃不停最喜歡是紅豆糕，粒粒紅豆好足料。紅棗糕有很濃郁的紅棗味，感覺十分養生另外有買現磨低糖芝麻糊給媽媽，正好能養髮！芝麻糊濃稠到不得了！甜度適中，非常香濃芒果布丁是妹妹的最愛，裡面加了許多新鮮的芒果肉，甜而不膩，非常適合小朋友吃還有各式各樣的糕點我們都想食，下次經過一定會再買

前幾日去將軍澳探朋友，之後朋友爸爸請左我食唔同既中式糕點，原本我麻麻地呢d甜品，但食完之後上左癮咁，好好味！所以我今日再黎將軍澳，專登坐小巴黎坑口買清心齋既糕點食，係一吃難忘既味道😭😭今次都係買返上一次食既味，紫色：香芋糕白色：馬荳糕黑色：芝麻糕粉色：紅豆糕四款都好好味，首先香芋糕好香，甜度適中，食落有小小綿綿既質感，好似食緊香芋糊咁，口感好正，中間仲會見到一粒粒好細既芋頭粒，可見用料都唔馬虎👍🏻馬荳糕食落好清新，馬豆硬度岩岩好，不錯！之後就到我最鐘意既黑芝麻糕，呢個質感較有彈性，好似食緊實版既啫喱，不過係我鐘意既，黑芝麻味好濃，甜度剛好👍🏻最後係紅豆糕，質感都係比較實，紅豆份量都幾多，煮得岩岩好唔林，好好味！下次經過坑口一定會再入去買！

行過將軍澳厚德商場，見前郵政局遷出， 改動成各式各樣嘅小食亭，打冷轉一轉，見清心齋門前人來人往，望望原來小食凉品 砵仔糕，23元4件，隨手4件， 紅豆糕馬豆糕 西米糕 加多件件 蘆薈椰汁糕23元，再買多件6元，散買都差唔多。人來人往買嘅人買完就走，不設坐位。4款糕點，入口馬行先，馬荳糕同昔日嘅別不同，4倍價錢但有得食已經好回味喇，嗱！絕對好食㗎。跟住茜米糕，易入口無失水準，都係正。哈哈！蘆薈椰汁糕，正，清甜可口，入口清甜清清喉嚨無得頂。最後紅荳糕，粉味較重略實，都可入口無 障礙。唔覺又另一批人喇。回去試完真我清心矣。