清心齋

营业中

休息中

今日去將軍澳探朋友，當然不能兩梳蕉就上去，上人屋企當然問人想食乜佢竟然指明叫我去樓下TKO Gateway地下Food Lane嘅<清心齋> 買芝蔴餬豆腐花同埋糕點上去，仲要話係超好食的。排緊隊嘅時候已經見到店員叔叔幫前面嘅客人喺木桶度裝豆腐花出來，熱辣辣噴曬煙都不特止，仲見到真係超滑！！原來豆腐花係自家石磨，淨係睇都已經覺得令人覺得滑到不能信服！！〈豆腐花〉我寫得食評就當然有圖有真相，真係滑到一個點！！豆味又夠香濃，話係本兔兔生食過嘅最滑最正豆腐花都絕對冇誇張！！有豆腐花當然少不了芝蔴餬，同樣都是自家磨製的！！〈芝麻糊〉烏卒卒夠濃郁，帶有芝麻嘅自然油香，正！！〈豆漿〉見豆腐花咁靚，所以都買咗支豆漿邊行邊飲，果然沒有令我失望！！淡淡嘅黃豆香沒有加入過多嘅糖分，清香濃厚。而家仲要做緊優惠價，$10一大支，超抵飲另外見到七彩繽紛嘅各式凍糕，就每樣要咗一件上朋友屋企食。馬蹄糕（左）~馬蹄夠爽脆，晶瑩通透，口感清新。杞子桂花糕（上）~有淡淡嘅桂花清香，剛好用筷子夾到卻不會過硬，軟硬度適中。蘆薈椰汁糕（下）~初初以為冇乜驚喜，但原來甜又滑嘅椰汁糕入面加入爽口嘅蘆薈，軟中帶爽，口感

我家有不少東西都要修理和執整，一人真的攪唔掂，點算好？要兩老出動啦！他們一早上來，我也要準備下。決定去Foodlane買些外賣，發現有間齋舖，廚櫃放滿齋品、糕點、豆漿，旁邊還有木桶豆腐花，岩晒兩老。*****************************先要盒齋滷味（$30/大），有齊蠔油根、甜酸根、咖哩根和齋鴨腎，全部都大大件，份量好足。蠔油根味道剛好，不會太鹹；咖哩根香而不辣；齋鴨腎弄得入味，有咬口得來亦不會太硬；甜酸根最討大家歡喜，酸咪咪好醒胃。*****************************腐皮卷（$18）一客四大件，腐皮柔軟，捲着木耳、沙葛、紅蘿蔔和冬菇，口感豐富，且不油膩，健康之選。還要了一條素鴨（$15），它是我由細到大都喜歡的素食。煎又得，蒸又得，就留待今晚做餸吧！*****************************糕點超多選擇，數一數，連埋砵仔糕足足有十款，揀了其中六款，共八件，有紅棗糕、芝麻糕、紅豆糕、椰汁蘆薈糕，各一件，香芋糕和杞子桂花糕各兩件（$23/4件），超豐富！我最喜歡是紫色的香芋糕，軟滑的糕身中夾雜香芋茸，啖啖芋頭香，香甜而不膩。老爸愛

餐廳位於tkogateway,位於港鐵站5分鐘路程，與東港城相連接，地理位置十分方便。駕駛人士可以停泊於商場的停車場。跟朋友在商場內行街，路過food court,看見這間食齋的小食店有很多不同款式的小食，於是一試。今次點了芒果布甸，豆漿，各款齋類，還有豆腐花。價錢上，經濟實惠，能夠以合理價錢嘗試不同的小食。整體上，各款小食味道不錯，甜度適中，比較推薦豆腐花和芒果布甸，不會太甜，能夠食得出原材料的味道。

👁‍🗨各式糕點(7/10)💲 23/4件呢日屋企有聚會，就同屋企人去左買啲糕點同小食番去慶祝🤡佢既種類真係有好多，除左糕點仲有齋，豆腐花，豆漿之類😬我地想試多幾款，決定每款要一舊😂個人特別推介佢既香芋糕，芝麻糕，馬蹄糕同埋彩虹椰汁糕😊雖然香芋糕望落好色素，因為真係好紫😂但係食落又真係有濃濃天然既香芋味，又吾會話整得太粉太腍，黏住哂既質感👻芝麻糕同樣夠哂芝麻味，馬蹄糕爽口甜度亦都岩岩好仲有佢既芒果布甸都係推介之一，係驚喜之選，冇諗過食落會咁香甜好味，軟硬度適中，吾會話太濃奶味蓋過芒果味🤓但係馬豆糕同酸齋就相對失色，馬豆糕啲豆硬左啲啲，令到食落會覺得冇咁香冇咁好味，酸齋又酸左些少，只可食一兩舊😳🔛 整體評分（7/10)

自從有重華路商場裏面嘅呢個food court，想買小食或甜品多咗好多選擇，屋企人鍾意食傳統港式糕點，所以今日特別買啲甜品返屋企😊呢間鋪頭主打糕點同埋傳統齋菜，仲有豆腐花同芝麻糊。$30一盒嘅齋有四種味道可以選擇，之前食過幾次，覺得呢三種味最好食。仔細啲睇，就見到裏面嘅結構都幾軟熟，明顯係幾新鮮嘅製作，特別要讚下個醬汁嘅調味，酸甜平衡適中，用嚟送飯最啱。我最鍾意食呢間嘅芝麻糊，但因為食得出係真材實料，芝麻磨得非常幼細，所以口感好滑，芝麻香好突出，而且甜度適中，屋企人特別鍾意食。芝麻糊可以同豆腐花黑白配，咁就可以一次過食兩種口味。糕點款式有唔少選擇，有芝麻糕、馬豆糕、紅豆糕、紅棗糕、椰汁蘆薈膏、西米椰汁糕、桂花糕、芋頭糕...$23/4件，價錢尚算合理。佢呢間野嘅芝麻出品幾可靠，無論係芝麻糊定芝麻糕質素都幾好，不過糕點就偏甜，用來做甜品，食少少就可以了。食過咁多款，我個人最鍾意芋頭同芝麻糕，真係食土食材嘅真正味道，用足料。砵件糕$8/件，我就有點失望，因為裏面紅豆份量不多，味道好一般，我只係食到輕微嘅蔗糖嘅清甜，整體不太特別。

這天相約到朋友家探訪，當然不能空手啦！之前看過報導，TKO Gateway的Foodlane有著林林種種各式各樣的食店。經過這間小店就被它的自家製的齌滷味和糕點吸引住了！很可惜我們到達的時間大約７點多，很多食物例如腐皮卷，豆腐花和芒果布甸都售罄了。唯有等下一次啦！結果我們買了齌滷味(大盒)！酸甜齋最開胃，而滷水和咖哩齋都很入味，而個人最喜歡齋鴨腎，質地和味道都跟真鴨腎很相似呢！我們每樣糕點各點了一件，貪心的可以試試所有味！由左起馬豆糕、紅棗糕、芝麻糕、紅豆糕、砵仔糕。特別推薦芝麻糕，味道真的太香了，而咬下去也是淡淡的黑芝麻，超香濃的！而馬豆和紅豆糕的豆子份量也不少，充滿口感！接著還有桂花糕、椰汁蘆薈糕、芒果西米糕、香芋糕、彩虹椰汁糕。香芋糕是首選必起的，第一次吃到如此濃郁十足的香芋味道呢！而其他糕點都比較新穎，非常有新鮮感！我們還點了枝自家製石磨鮮豆漿(低糖)。淡淡的甜度再加上滿滿的豆味，真材實料又健康呢！下次經過必定會再encore！

今日去探舊同事班，正考慮要否買西餅之時，比我無意中見到厚德食街𥚃竟然有間齋鋪，在全是肉食的環境下長出一㸃紅，於是由西餅變成齋類糕點，比佢地調和一下，過年後中和下。種類繁多，有咸、有甜丶有酸。想佢地清一清之餘，又想有D新意，於是揀咗糕㸃類做主力，再叫咗兩款齋陪襯下。叫店員執咗D熱門款式，一式兩份，＄7件，＄23有4件，又幾低食，另外再叫理自家制芝麻糊、豆腐花、豆漿，芒果布丁(＄12)先說糕點先，有九種味道，芝麻丶桂花丶蘆薈椰汁丶芒果西米丶椰汁彩虹丶紅豆丶馬蹄丶紫芋同馬豆糕，材料足，味道恰到好處，不會太甜，夠實身，不會一夾即散～齋滷味又夠酸又入味。自家制系列豆味夠，芝麻味濃，香甜美味，健康之選，仲有砵仔糕同埋壽包提供，其實仲有好多款，下次有機會會試埋佢，特別提下，節慶食品係要預先訂製，如有須要，記得預先order

嚟將軍澳探小鬼，有人話要一盡地主之誼，帶我到商場四處逛逛。行完街市，小鬼問我這個「大鄉里」是否有興趣去 TKO Gateway 地下 Food Lane 行下。原來這裡雲集了超過二十間人氣食店，而且環境乾淨企理，場內更特設多個立食位置，方便大家放置食物。行了一個圈，被路口附近這間「清心齋」吸引，原來除了幾款齋之外，這裡還有芒果布甸、豆漿、糕點，甚至芝麻糊同豆腐花等供應，款式非常之多，而且價錢亦十分經濟，齋滷味大盒都只是 $30，糕點 $23 四件，非常抵食。見已很久沒吃過齋，提議買一些回家一起品嚐。買了齋滷味、腐皮卷、芝麻糊、豆腐花、9 件糕點、芒果布甸，另外仲有豆漿及無糖豆漿各一支。睇下陣容幾鼎盛，可以開餐了。齋滷味 ($30/大盒) 揀左酸甜根、咖喱根、蠔油根，幾款調味都很出色。酸齋酸甜適中，令人開胃；咖喱齋香濃帶微辣；蠔油齋入味之餘又不過火，香氣十足。腐皮卷 ($18) 一盒有 4 條，入面的餡料有甘荀絲同木耳絲，咬下一點也不油膩，香口好味。食完齋就輪到吃甜品，先吃暖笠笠的芝麻糊 ($12) 同豆腐花 ($8)。芝麻糊黏稠幼滑，入口帶芝麻的芳香，毫無苦澀味，既暖胃又有益。豆腐花亦

今日去坑口拜年，正在煩惱要買乜嚟送禮之際，發現一間切合我須要的小店，於是靈機一觸，決定送個既健康又特別嘅＂禮物＂，就是齋，除鹹酸同滷味外，仲設有好多款糕點，除做餸外，亦可作甜品之用，人流不絶，應該有一定水準自家石磨豆腐花齋滷味都有四五種口味選擇，分別有大嘅雜錦同埋細嘅雜錦，味道分別係咖喱根、齋鴨腎、蠔油根丶甜酸根腐皮卷同埋齋素鴨豆漿都係自家製造，豆味香濃清新怡人甜糕類亦有好多選擇~芝麻糕丶馬蹄糕同較特別嘅蘆薈椰汁糕仲有紫芋糕丶芒果西米糕同埋杞子桂花糕都好出色當然唔少得紅豆糕同埋馬豆糕啦正值午飯時間之後，所以我買咗好多糕點比佢哋當係甜品，芝麻糕味道夠濃，馬豆糕同埋紅豆糕都有好大粒豆同夠實身，而馬蹄糕就夠爽口，另外的一盒都是水準到位，特別D有蘆薈椰汁糕同埋芒果西米糕，香甜不膩，桂花糕更係出色之至，而紫芋糕帶出芋香及粒粒芋頭自家製豆腐花同埋芝麻糊，芝麻香滑濃味，豆香四溢而齋滷味我只叫咗兩種，甜酸根夠酸又大件，齋鴨腎就一粒一口，入味至極，而芒果布丁是好甜者必選之一

將軍澳Gateway Foodlane 前身係厚德街市，仲記得細細個陪麻麻買餸，見到週圍都係各種形形式式既食物，都覺得好新奇是日走回細個既地方，回憶都返哂黎，還記得細細個麻麻經常請我食椰汁糕，回想起都仲會有點心癮。沿途行過門口，見到一間齋店，「清心齋」名字已讓人感到安靜 望著櫥窗內各種五顏六色糕點，忍不住叫了一大盒，4件23蚊價錢合理，而且對比其實齋店，清心齋糕點款式相對較多將款特色糕點要特別推介：1. 蘆薈椰汁糕🥥椰汁味相當重，配埋清新既蘆薈，清甜爽口2. 香芋糕🍠香芋粉絲一定鍾意，芋頭味道非常濃郁，好似飲馬芋頭汁一樣3. 彩虹椰汁糕🌈🌈七色既材料其實係啫哩，甜甜當地好有咬口😋4. 椰汁芒果糕芒果肉一粒粒，椰汁味相當較輕，芒果香味覆蓋椰汁，但都幾出色☺️☺️5. 馬豆糕🥠傳統特色糕點，回想起麻麻既手藝，馬豆煙韌，椰汁味濃😆😆整體糕點好有特色，買回家眨眼食哂，下次可以再試試其他齋菜小食🤤🤤🤤

今日下午和朋友想找點小吃， 剛巧朋友是素食主義者， 於是便找了這間清心齋試一試。這間店舖位於坑口tko gateway 內， 距離坑口地鐵站大約五分鐘路程。這間素食店內有很多不同種類的食物款式任君選擇， 例如齋鹵味 ，自家製豆漿， 懷舊小食如砵仔糕 ，芒果布甸， 甚至乎連賀年糕點也有提供。由於受童年回憶影響，我點了砵仔糕，芒果布甸和 甜酸齋滷味。砵仔糕做得很出色， 首先顏色夠均勻， 望落已食慾大增， 淡淡的蔗糖味和小時候吃的砵仔糕 一模一樣。芒果布甸的芒果吃得出是新鮮芒果， 布甸的口感幼滑， 搭配出嚟每一啖的鮮甜芒果味 令人回味無窮。甜酸齋滷味 是正常水準， 酸酸甜甜的味道非常醒胃。價錢相宜， 而且食落感覺健康， 路過的朋友 不妨一試。

屋企樓下有間齋店，媽媽好鐘意食架。今日我放假媽咪叫我去屋企樓下間齋店幫佢買餸今晚加料！我去將軍澳商場間清心齋幫佢買糕點。我好鐘意食糕架！砵仔糕係媽媽最愛！我就外賣左幾盒糕番屋企啦！砵仔糕、紫薯糕、芝麻糕、紅棗糕、椰汁糕、馬豆糕、桂花糕等等，我每樣都叫左一件！糕點好香軟，甜度完全唔高，清清地好清新！媽媽最愛芝麻糕，芝麻味夠哂濃厚，好似成啖芝麻放入口！我最愛紫薯糕，紫薯味道突出，薯味夠哂香！唔會好鬆散！

最近食得肉類多,都係時候要轉下口味清心齋賣的是港式齋舖小食, 正合我所需。齋舖在TKO Gateway, 門口總是圍著人, 看來十分受歡迎。小店有售賣各款齋鹵味小食， 甜酸齋、素鴨、齋叉燒等等，先叫了一份齋, 咖喱齋麵筋厚身扁平帶濕, 香而不辣甜酸齋酸甜味道十分醒胃齋鴨腎口感煙韌內裏帶爽, 中間爽口賣相幾可亂真, 味道和質感也十分似真鴨腎，令人在味覺同視覺都好有滿足感。另外又叫了腐皮卷腐皮卷外表酥脆，內裏多汁，全素蔬菜夠多，沙葛絲、木耳絲、紅蘿蔔絲等等, 腐皮卷外面脆卜卜，入面爽口這裡所有齋、甜品、豆花、芝麻糊等食物都係自家製。除了齋以外, 糕點也是不能錯過的, $23已經有四件大大件，清心D凍糕是有水準桂花糕～又爽又滑，又不會太實，平時在酒吃開那些是比較冧身的，如外賣返家，隨時變了一灘水了椰汁龍眼糕～龍眼肉，細細粒，好爽口，椰汁糕，幼滑香口香芋糕～顏色是誘人的，可能是材料關係，是比較冧身的椰汁啫喱糕～這款糕小朋友一定喜愛的，連我這個大人也喜歡到不得了，雖然祇是椰汁糕加上彩色的啫喱粒，很是吸睛啊！芒果布甸芒果肉多, 味道亦都不太甜豆漿有無糖和正常, 十二蚊大大枝, 豆味濃豆花有凍有熱,

今日一大班朋友入將軍澳探朋友，住在將軍澳朋友叫我哋去 將軍澳常寧路2號 Tko Gateway 地下裡面嘅food lane間「清心齋」買齋點一齊嘆。「清心齋」是一間主要賣素食糕點，朋友講平時成日都嚟幫襯，呢度全部食物都係自家製，每天新鮮製造，難得嚟到梗係要買多幾款大家一齊品嚐下。先來各一碗豆腐花香滑無比，豆香非常濃郁。芝麻糊都不錯， 不會太甜太杰。再來一個指黑芝麻糊配豆腐花，同樣是濃郁的芝麻糊，入口芝麻香味極濃！大盒齋鹵味人人最愛，滷得入味香口，味道非常好，食得出好新鮮！糕點是多到花多眼亂，有香芋糕、芝麻糕、馬蹄糕、紅棗糕、桂花糕、彩虹糕等等，多款糕點甜度比較低，入口清甜，健康之選啊！最後都買返一樣石磨豆漿，豆味濃郁，又真係很不錯。怪不得街坊朋友點名要我哋去「清心齋」買素食榚點啦，食物質素好，價錢又合理，性價比極高呀～

餐廳位於將軍澳， 距離坑口地鐵站， 大約需時五分鐘， 還算十分方便。這次下班過來， 路程還算便利， 前往一個素食者的聚會，當然買一點點東西上去， 於商場內發現此素食店， 當然一試。餐廳售賣種類眾多， 有傳統的素菜， 酸齋， 咖哩齋， 當中我最驚喜的是， 無基因改造豆腐花， 有機天然又味美， 另外，還有芒果布甸選擇。店舖更有傳統糕點， 好像紅豆糕， 桂花糕選擇眾多。味道方面， 還是芒果布甸比較安全， 鮮果製成， 沒有失敗的理由。和我們家中平常做的有點分別， 因為沒有花奶， 吃起來沒有我們平常的那麼滑， 但口感獨特， 彈牙有口感， 也是一個不錯的嘗試。一買買了十二個， 朋友們也十分開心高興。