清雅越南粉

营业中

休息中

好友推介呢間越南餐廳，特登約埋朋友山長水遠入何文田試下。餐廳座位有限，好彩早到，如果唔係都唔知要等幾耐位啦。而且都見好多人外賣~~~餐牌款式都算多，有飯有麫，仲有越南小食。平時去越南餐廳都係食開生牛肉河，不過見到呢間有碗好特別既麪，就係蟹膏湯粉 (內有豬肉碎、蟹膏同札肉)，可選河粉或檬粉，最緊要價錢又唔貴！個湯底有D似龍蝦湯，唔洗加魚露/青檸/辣椒都已經好好味啦..另一碗就係雞絲札肉河粉同平時越南餐廳差唔多味道...呢間既香芧豬排飯都唔錯，個豬排唔會好un又夠味~~另外再叫左兩個小食，庶蝦同粉包~~個庶蝦大大件，碌庶又甜，加埋泰式辣醬，食過番尋味粉包就麻麻，無乜味道，而且無醬汁最後就係飲品啦~~大多數都係飲青檸梳打，夏天飲夠解渴！

經過見冇乜人，快快入去食個lunch，叫左一個香茅雞扒檬粉，落單時，職員佢已經覆錯單，我已糾正一次，點知最後都係錯，黎左個香茅雞扒河粉，我係唔食得河粉，食完會胃痛既，所以我落單時已經再三強調係檬粉，最後竟然都係會錯。我已經即刻客氣同佢講黎錯左，佢拎起張單，答我張單係寫河粉，完全冇諗住換俾我😒 大佬丫張單你落既，你聽錯，咪會錯囉😨 係個客既錯嗎？ 佢最後講左句唔好意思就行開😤😤😤 我又趕時間返工，最後$60食塊雞扒走人，d河粉一啖都冇食，因為我真係唔食得。ps.坐我對面果位小姐都有錯單，人地叫春卷河粉，佢就咁俾春卷人地🤷🏻‍♀️我明白如果要換，就會浪費左d河粉，但個客真係唔食得河粉，你都有責任去處理，而唔係就咁拋低句唔好意思，就好似唔關你事咁，如果你地係錯黎左碗豬扒檬粉，總之唔係河粉，我都食得到就冇所謂，同埋如果職員態度好d, 我就咁$60食完塊雞扒走都冇咁嬲，依家就真係谷鬼氣，所以冇下次。至於食物味道，老實講，唔難食，又唔算好好食既，普普通通囉，如果減少少咸會再健康d,正正常常一餐咁囉😒😒😒😒 同埋大家幫襯時真係要睇清楚張單，唔好諗住自己再三強調，人地就唔會聽錯，因為有d人係聽唔到野既，

燒雞扒湯河雞扒燒到岩岩好，肉嫩，多汁，不得了真係好正！生牛肉湯河湯頭入口較甜，濃郁的牛肉份量都唔少，唔食蔥的記得叫走青啦！🤪🤪餐牌有唔少選擇雖然加$23蚊可以變成套餐有野飲又有小食，個餐成$78都唔係特別平！座位唔算多，午餐時間都滿晒人！

Since it opened I always wanted to try their food because I drive past their restaurant everyday. The restaurant is small and narrow but pleasant. There are selection of sauces on the table along with cutleries. The menu is extensive and look authentic. With any Vietnamese restaurant I try to order the most basic, which is the beef pho. Taste wise it was delicious, but lacking in fragrance. The broth was slightly cloudy. Beef was tender and the noodles were soft and silky. Overall I highly recom

一向愛越菜的太太一看到這店眼睛馬上就放光，主要原因就在於店身處的位置實在太接近我們每個週日都會在附近出沒的地區。若想吃越南嘢的話，路過一進去就有得食了....這兒的前身是一所西餐廳。基本上店都沒有經過大裝修，唯一看得出的分別，便是檯上多了樽魚露及是拉差醬而已....一人各點一碗粉及凍檬各自修行。我點例牌常叫特別牛肉金邊粉，湯頭甚甜，不過回到家後發現喉頭有不良反應所以要扣分；金邊粉有少許咬勁夠煙齦，處理得不俗；牛丸彈牙；生與熟牛肉兩者拍埋一比，前者的嫩與後者的柴形成強烈對比....沒有多嚐小友的豬頸肉湯粉。聽他說，水準一般而已....太太的春卷凍檬，賣相一般，不過試了一口炸春卷，皮脆饀多味甚佳....主食很一般，但小食代表牛油雞翼就吃得人欲罷不能 ---- 牛油及蒜味超香濃突出，雞翼皮脆肉嫩多汁，可是近年食過最出色的牛油雞翼....最近很少有食物會讓我給至五粒星的，這雞翼可真算是異數....

今日下午拎左半日假, 出左黎何文田。終於來到何文田呢間新開的越南餐廳, 前身是西餐廳, 已結業。下午 4:30 pm, 餐廳不設下午茶, 主要是一個 menu, 也不分午餐或晚餐的, 就係散叫。好啦, 就叫左一個特別牛肉湯粉試下佢啦! 轉金邊粉加 $5 不是問題, 最緊要啱自己口味嘛。起初來了一碗, 只得碎濕濕的小小片牛肉, 而且是全熟的 (說好的生牛肉哩??? )!當那個碗一放下, 家人即投訴。幸好餐廳經理同服務員肯聽取意見, 即時重新換過一碗出來。新的這碗就要讚啦! 湯底夠濃味又夠熱, 生牛肉還過得去, 熟牛肉很美味, 但牛筋丸有點穌。整體是非常好的! 有誠意的小店, 下次一定再來。今時今日, 周圍都是餐廳, 競爭激烈, 要突圍而出並不容易。如服務不好, 固步自封, 客人是不會回頭的。服務良好, 餐廳也是希望有回頭客吧!

作為何文田之友，見見到依度開咗間新餐廳，梗係即刻泥試下啦。見到餐牌,除咗越南pho之外，佢地都有唔同既飯類同小食，好似有越南蝦餅同雞翼都有。而飲品方面，就連越南既滴漏咖啡都有。咁似我地叫左生熟牛肉湯河同特別pho- 有牛丸,生熟牛肉同牛肩。呢度嘅價錢比起其他越南餐廳係平啲既。就算係碗特別pho都係60蚊有找。個人覺得湯底味道10分好，而且生牛肉又夠嫩，唔會un到咬唔到。不過佢就冇好似正綜越南河粉咁，有碟菜加落個湯度。最後，其實六十蚊唔洗既pho泥講，味道同份量都足夠。

見開左一段時間, 搵個朋友一齊去試下呢間越南野. 食物款式唔算多, 不過係屋企附近就試下.坐低睇個menu有啲貴, 叫左個檬粉, 一個湯河再加個雞翅, 咁就差唔多兩舊水.食落無乜驚喜, 個豬扒好硬, 差啲要問佢拎把刀用.可能坐得比較近廚房, 洗手間. 食食下聞到一陣陣臭渠味.可能呢排天氣開始熱先會咁. 搞到我都無晒胃口.睇黎summer 都係唔好再去. 而家諗起都唔知佢廚房夠唔夠乾淨, 應該無下次.