渣哥一九九六 (已結業)

今日去咗九龍灣德福諗住去渣哥買生菜魚肉翅及煎釀三寶食啦…點知一肚氣！！！店員態度超差！😡，我係收銀處點完想要的食物及飲品之後，店員就叫我簡煎釀三寶先，我簡完之後就去雪櫃度攞嘢飲，然後再去返櫃台見到有一袋食物係台上面，咁我以為係我的，正當我想拎袋嘢食嘅時候，點知個店員非常冇禮貌及大聲地講：哩袋唔係你架！當時我來不及反應！因為冇諗過佢咁冇禮貌！😡，就算唔係都唔需要好似呼喝嘅態度呀！另外食物都比以前差咗好多，碗生菜魚肉翅杰撻撻，煎釀三寶d豆腐好硬！哩間嘢我已經black list ！以後都唔會再嚟買嘢食！😡😡😡

今日同事超好,幫我買埋早餐,佢想食渣哥腸粉燒賣,咁我唔太好就叫佢幫我買咸牛蛋治一開袋嘩,不得了厚到一個點,點會食得曬,正常女人食一半都夠飽,而我本身大食,可以食到四份三咁就分四分一比同事,根本就厚到唔可以一啖咬得曬嘅厚度但想講呢佢嘅麵包超軟綿綿,蛋就稍為熟咗D,但味道係唔錯,份量驚人,$28包熱飲,超抵食

位於德福廣場平台位置方便正正係返工主要路上趕時間都可以考慮返由於不設堂食流水作業式運作方便快捷有時見鋪頭前等候人數多 都係5-10分鐘左右利申：三文治款可能會耐啲始終即叫即整而我未試過😂呢間主打簡單小食早餐有多款早餐可供選擇叫左個頭抽腸粉套餐有齊魚蛋，燒賣及頭抽腸粉配上香滑奶茶緃使價錢略貴但CP值高頭抽腸粉皮薄 香滑 分量唔算多恰恰好魚蛋用上陳皮魚蛋 爽滑彈牙魚肉燒賣真材實料唔會食到成口粉奶茶順滑香濃即叫即沖值得推介

今晚要去九展睇『而婆』演唱會，但睇嚟睇去九龍灣大商場都唔啱食，突然想起渣哥，一於行過去，食完再行去九展睇show夜晚時分，大渣哥唔洗等位黑牛黑麵餐：係比一般沙嗲牛色澤比較黑，味道更濃，正呀！對一個向來鍾意食沙嗲牛肉嘅人嚟講，呢個絕對要一試香煎雞扒常餐：呢個反而失色，雞扒皮已經係林身，沒有香煎感覺！調味又重手咗，好鹹！兩個餐都配有常餐必備，多士和火腿煎蛋！份量剛好！以茶餐廳水準，大渣哥屬中上，若經開九龍灣都會成必選之食店！

其實我本來很想購買和享用「渣哥一九九六」製造的外賣膠裝飲品「樽仔奶茶」，可惜每次「樽仔奶茶」都售罄。看來「德福廣場」每次一到早餐時間，就已經瞬即被其他光顧「渣哥一九九六」外賣早餐的食客所搶購一空。我幾乎把「渣哥一九九六」售賣樽仔飲品的雪櫃完全翻查過，確認雪櫃裡面真的沒有「樽仔奶茶」之後，唯有退而求其次，改為購買「樽仔柚子蜜冰茶」飲品。「渣哥一九九六」製造的「樽仔柚子蜜冰茶」實際甜味濃度，雖然沒有「奶茶」裡面的淡奶味道那麼濃郁，但是至少還有來自水果「柚子」，配合「柚子」糖分而產生的濃縮甜味感覺。而且我在「樽仔柚子蜜冰茶」飲品底部，意外發現「渣哥一九九六」還有為「樽仔柚子蜜冰茶」實際製成品，加入來自「柚子」的皮肉甜味還有少許酸味。雖然我跟「渣哥一九九六」的「樽仔奶茶」無緣，就算喝不到「渣哥一九九六」製造的奶茶，但是喝到味道甜甜酸酸的「柚子蜜冰茶」也不算差。我除了享用飲品之外，還另外購買了「四寶丸」，「渣哥一九九六」的「四寶丸」共有四款肉丸供食客自由選擇，我選擇了「牛筋丸」、「龍蝦丸」跟「墨魚丸」三款肉丸食品，配「蒜蓉醬」。我最初沒有為意收據裡面的「蒜蓉醬」實際味道，後來才發現「渣哥一九九六

🇭🇰💛渣哥一九九六係旺角見過但一直冇幫襯 直到佢係黃先去食九龍灣返工 次次早餐都好多人排唯有專登早D出門去買 放工就買tea🥪腿蛋治(💰$28/ 2pc 連熱飲, 凍飲特飲另加$)*早上10點前供應睇相都知佢地蛋治🥪真係好用心💛整厚厚的蛋🍳啊 連塊包🍞都厚過人包係冇烘底架 如果有得揀烘就正到爆🤭配火腿🥓係常識吧蛋治真係好大份😱二人分最好通常會早餐食一個 午餐一個岩岩好-芝士蛋治(💰$28/ 2pc 連熱飲, 凍飲特飲另加$)*早上10點前供應又試下新野 叫左🧀🧀芝士 勁多而且帶咸味🧂都不錯芝士控一定要試下啊但都係腿蛋最正 下次試埋鹹牛肉先😆🍢燒賣 (💰$15/8粒)燒賣係神級好食👍🏻👍🏻係暫時食過最正的 👅勁香💯口感煙煙韌韌 好有咬口 好似食緊珍珠咁豉油辣油必落🧂 *注意有機會要自己落佢既辣油香得黎唔辣❌🥵連食開譚仔十小辣都唔覺辣🍲兩溝魚肉碗仔翅 (💰$30)有得揀兩溝/三溝 (+🥬生菜)怕重口味 所以剩係加左麻油同醋🧂👍🏻勁足料🤤未見過咁多魚肉既碗仔翅😍食到落底都未食得哂D魚肉🐟魚肉係粗身&完全冇刺可以大啖大啖咁食唔同出邊買到個D幼幼的仲有刺😖😖

係德福行街行到餓餓哋想食啲小食😛記起一期同二期中間有渣哥就去試試🤩嗌咗一份燒賣八粒 $15 同一份魚蛋十粒 $15😋😋落單時冇特別講 店員都貼心問番要辣定唔辣💦今次揀咗辣魚蛋試一試🤩🤩五分鐘都唔駛就有得食🤩🤩滿滿一碗望到口水都流埋🤤🤤攞上手熱辣辣🔥辣魚蛋食落微辣😛喉嚨小小痛 係好快辣完果種🤤食落爽口彈牙🥢一啖一粒好過癮😋燒賣見到咁大粒嘩咗聲🤩唔怪得只係一份八粒🧆一粒分兩啖食好滿足☺️☺️冇腥味又彈牙😋不過要吹凍啲食🤣🤣食完冇口渴感覺👍🏻讚

每朝都見唔少人買外賣今日我都食吓佢嘅頭抽腸粉套餐（$26）包腸粉-夠滑加埋啲醬燒買-唔夠熱！偏實咖哩魚旦-咖哩味唔重都係偏實唔夠熱熱檸茶-落單時講咗要濃啲！但張單無寫

今日得八度，食到個熱辣辣煎釀三寶係一種小確幸，點知一打開個袋，凍的，仲要25蚊5件，完全失望，已經唔係要求野食好食，只係想啲野熱，原來已經咁難，即使黃店都唔會再食了。

渣哥嘅早餐真係又方便又抵食又飽肚，如果好餓，我會揀食佢嘅蛋治系列(連熱飲)$28，超厚身、超好食、超飽，蛋又好滑，試過可以分兩餐食！如果知道當日工作係冇咩時間食午飯，我會揀炒麵套餐(連熱飲) $26(有炒麵、魚蛋、燒賣)，個炒麵多到不得了，根本正係食炒麵都已經食唔哂，呢個餐我就係會分兩餐食！超抵🤣今日唔算好餓，就食腸粉套餐😋【腸粉套餐】$26（送熱飲）有腸粉、燒賣、魚蛋。我平時好中意食燒賣，對燒賣都有啲要求，我最怕食好粉嘅燒賣，而渣哥嘅燒賣頭啱晒我嘅口味，非常煙韌，仲有啲魚味😋腸粉都好滑，我揀咗辣魚蛋，辣得過癮，但唔會係食唔落嘅辣😁— — — — — — — — — — — — — — — — — — — — —✅總評：（5分為滿分）衛生：4/5味道：4/5性價比：5/5推薦度：5/5

2021年第一個開工日，當然要食返個又靚又黃嘅早餐，咁先好意頭嘛。公司附近有渣哥一九九六，要搵早餐就唔洗頭痕啦。 頭抽腸粉套餐($26)套餐包括腸粉、燒賣4粒、魚蛋4粒、熱飲一杯。腸粉好滑，甜醬、麻醬、頭抽唔會太濃，甜醬仲令到條腸粉好靚💕燒賣彈牙，好好食☺我係燒賣控魚蛋實淨，唔係發到好大粒嗰啲，感覺好實在奶茶都好香滑，一包糖就夠啦好味指數 😋😋😋😋😋抵食指數 💰💰💰💰打卡指數 📸📸📸

平時我返工都會搭巴士，少有經過德福。今天因為某些原因改搭地鐵，經過德福平台，好耐無食渣哥，一定要支持一下。買了一份蛋牛治，雞蛋和鹹牛肉的餡料非常充足，十分飽肚。加上雪於雪櫃的凍奶茶，沒有加冰，茶味香濃，非常好飲。想講一下排隊，只是等了5分鐘，比以往的快。食物應該不是即叫即整，但又依然有熱洪洪的溫度。估計應該預備了大量，所以可以減少排隊時間。最往要是店舖裏貼滿加油字句，令人一早充滿了力量又有人情味。

今日（5-11-2020 Thur）放工後，同老公，男友人RK嚟德福睇戲兼食晚飯，由於我早到又有少少餓，最好喺喥食少少嘢，睇見呢喥嘅價錢都算公道，咁我就要$15.00有十粒嘅唔辣魚蛋。俾完錢即有，自己唧啲甜醬食，由於唔辣，所以只有魚味，口感都仍好唔會太腍，甜醬味道又唔太濃，幾好。其他:見佢煎釀三寶5件只係$25.00，同$30.00撈烏東幾抵，可惜當時未有人同我share。服務:雖然只係俾同找錢，但都好有禮貌。

在德福看完電影，周圍的食肆都人龍不絕，便在渣哥買了一些小吃，站在銀行附近便吃起來。要了腸粉套餐$26 ，煎釀三寶$25五件。腸粉套餐有咖喱魚蛋及燒賣各四粒，腸粉滑溜

Lunch 時間唔知食乜好，就去咗渣哥度買碗仔翅同渣哥三寶，價錢一D都唔平，兩個外賣小食已經要五十蚊。我再三問店員係咪有匙，佢話有，點知返到公司先發覺冇匙，所以服務態度真係好一般。食物方面，碗仔翅除咗好油之外，我就食唔到其他味道，淡到呢.....至於渣哥三寶，都成三十蚊㗎，不過蘿白佔八成，其餘只有少量豬皮同魚旦。蘿白多唔緊要，不過D蘿蔔又係無味，好似用水洽熟一樣，好難食。下次免費都唔會食，再一次講好難食，嘔。