港原味 (已搬遷) 新店位置

小弟本身唔係住大角咀的，因為要來大角咀呢頭整車既關係，等師傅整車既途中我同我老婆又覺得好肚餓。見到附近有間茶餐廳，5點半左右唔洗等位就企係餐廳外面睇下餐牌先，餐牌d野食好有住家風味，中式西式任君選擇，粉麵常餐仲要係全日供應啊，仲有埋我個人最鍾意既all day breakfast，價錢好似幾平民，於是就入去試試。間餐廳既環境睇落幾乾淨，後面有好多幅香港生活既壁畫，諗起好多兒時回憶，感覺好貼地同埋好切合間餐廳名「港原味」，食起野上黎胃口都好d!餐廳侍應既服務態度好好，一坐低就即刻拿兩杯水同紙巾來，服務態度值得一讚！講下食物先，all day breakfast。可以選雞扒／豬扒／牛柳／吉列魚柳／吉列雞扒／吉列豬扒／吉列牛柳是但一款，感覺誠意十足。配火腿、腸仔、炒蛋、煎蛋、太陽蛋、午餐肉是但兩款。牛油多士、薯餅、茄汁豆同埋沙律菜就一定有。有杯熱飲，凍飲就加$3。小弟我呢就叫左雞扒配腸仔、太陽蛋，牛油多士係用焗爐烘焗過的，薯餅炸得夠晒香脆，茄汁豆有一大碗，沙律菜夠晒新鮮，飲品就叫左杯凍咖啡（多奶走甜），杯咖啡好creamy，好飲！加埋杯凍咖啡都係$51，性價比極高既all day break

真心覺得好才會寫食評。店員有禮。我們叫二人餐，湯沒有味精，足料。蝦也新鮮、菜份量唔馬虎、蒸肉餅應該是人手挆的。整體味道唔錯，份量不會太少。比起附近其他的餐廳好好多。價錢也非常合理。希望可保持到

招牌酸菜魚(細份)Price：$108📌小妹一直好想食酸菜魚，今次終於試到☺️唔好睇佢上面好似好多辣椒🌶️，但其實唔算好辣，但好夠麻香，花椒味比較重😚魚肉好嫩滑，完全索哂啲麻辣汁，真係好正😍底下有芋絲同娃娃菜，唔係淨係得魚㗎，仲有酸菜食完好開胃，配料嘅份量都唔少😋麻辣雞煲(細份)Price：$108📌諗唔食咩小炒，所以試下呢間嘅雞煲😂一上到枱就聞到好香🤤小妹嫌佢未夠辣，可以再辣啲😛雞肉不過不失，唔算好嫩滑，但未到好鞋，可接受😉雞件唔算好多骨，食到好多舊都啖啖肉嚟🤩兩個餐都配飯同飲品，食大排檔一定要餸飯，小妹嗰日食咗2碗飯添😎

今日經過大角咀，見到有間食港式小炒嘅餐廳叫港原味，就走入去試下。今次點咗新派避風塘牛柳、椒鹽鮮魷、例湯就係冬瓜瘦肉湯、甜品揀咗 意大利tiramisu。 例湯好清甜，飲得出燉咗好耐 。新派避風塘牛柳就絕對值得推介，用咗避風塘嘅嘢味炒法，牛柳炒得啱啱好，好有牛味道而且入面亦都好juicy。椒鹽鮮魷絕對係外脆內軟，鎖住鮮魷嘅海鮮味，點埋喼汁食一流。 tiramisu就有咖啡同朱古力嘅龍濃味，而且甜品好鬆軟，依餐又係好滿足嘅一餐。

今晚到大角嘴，因朋友新居入夥，專程過嚟參觀新屋，然後就一起食晚飯🥣，原來他家樓下已經有間好特別嘅茶餐廳🍴餐廳牆身以香港懷舊街景、昔日漁港、舊機場為主題，令你好似置身昔日舊香港嘅情懷🥰🥰懷舊香酥豬扒餐 $65薄切豬扒煎得香脆，肉質鮮嫩、煎香腸、午餐肉、太陽蛋、沙律菜🥗，再加上芝士黑松露醬汁，好creamy ，簡簡單單已食出好味道👍(有多種dressings 可選：咖喱、芝士黑松露、鮮茄汁、粟米汁及甜豉油)咖哩牛肉農夫包 $99農夫包焗得外層香脆，而麵包充分吸收到香濃咖喱汁、牛肉嫩滑、薯仔🥔、洋蔥🧅都好好味😋😋跟歺湯🥣是日餐湯，花生眉豆雞腳湯，飲落去好鮮甜，餐廳每日新鮮熬製，完全冇味精架😚😚跟歺雪山紅豆冰🥤 $10 、熱奶茶☕️紅豆冰加上香滑忌廉，奶茶香滑😍😍意大利芝士蛋糕配一口泡芙（跟歺）$20蛋糕同泡芙好鬆軟，唔太甜，朱古力醬香濃😍😍

窮遊香港-大角咀惹味開胃酸菜魚 仲要不時eatigo有優惠半價 幾鐘意呢間 環境風格重港式味道 牆上面有壁畫 係茶餐廳食到出色既酸菜魚 有d驚喜.⭐️招牌酸菜魚$108小 $198大😊都算大份 點多個主菜 就夠兩個人食賣相幾靚仔 味道方面勁有層次 👍🏻第一啖試試湯底 小酸 bb辣 幾香幾麻🤔覺得唔太夠辣 但都好惹味 送飯一流🙈食下食下 愈黎愈濃味 個嘴開始 麻到比蟻咬咁😋酸菜都好開胃 但同辣椒好似樣‼️如果唔小心食錯陰濕椒/黃色剁椒‼️食食下會變左小至中辣 😋對我來講啱啱好👍🏻魚肉好滑 冇骨 冇魚鱗底下仲有啲菜 同埋芋絲👍🏻飯粒 粒粒分明 偏有口感 加湯岩岩好.簡單講埋其他嘢食⭐️咕嚕京都骨$78👍🏻幾香甜既醬汁 旁邊有菠蘿👍🏻連骨豬扒肉嫩.👌🏻特飲都唔錯👎🏻係今日個湯小凍整體幾高分 如果半價果時去食 cp值爆高. #港原味 (大角咀)地址：大角咀福澤街18號利奧坊地下G701號舖.⭐️評分：味道：4.5/5環境：4/5服務：3.5/5抵食：4.5/5.

相約舊同事見面，她居位在大角咀，我便去找她。舊同事帶我去「港原味」，食店人流很旺，被它的中式餐廳所吸引，打算進入去覓食。地理位置方便，有一份雅緻休閒，這裡十分墟冚，很多顧客前來捧埸，所以我和好友平日過來。環境寛敞開揚舒適，充滿中式的格調，繁華的背後，能夠停下來暫時忘憂，用餐更輕鬆暢快，清靜地同朋友談天一個晚上。 門口巳看見餐廳美食的圖片，未食巳吸睛了，令我胃口大開，真要細膩當中的滋味。我們叫了二人餐，包括小菜任選兩款，白飯兩個，沒味精湯兩個，仲有一款甜品。中湯中湯沒味精，湯入口剛好，散發著香濃的味道，恰到好處，香氣四溢，味道可口。俄國汁煮牛牛肉肉質鮮嫩，紮實彈牙，廚師拿捏得剛好，面層巳熟，不會過韌，保留微紅色澤，滲出鮮味肉汁出來，啖啖肉有嚼勁，配合俄國汁，送飯一流，感覺很滋味，吃得滿足。黃金軟殼蝦黃金軟殼蝦份量十足，外型已相當討好，味道同樣鮮甜，填飽了我的肚子，口腔中的香味久久不散，正合我的口味。白飯兩個白飯十分香，飯不會太硬或太軟，口感細膩，滿載的味道清新，別有一番風味。飲品我們叫了熱柚子蜜及冷檸檬茶，熱柚子蜜香滑芳香細膩，不會太甜，味道適中，感覺很不錯。凍檸檬茶容易入口，非常止渴，

The quality of the food is average, the chicken is less spicy but it gives me strong spicy. The chicken has many bones, the chicken is burnt, and the meat is not fresh. The restaurant is just as bad. I wish the restaurant can get a better understanding of the chicken and food quality. All of the review just normal customer reviews 由頭到尾徹底的垃圾，最後一啖都無吃扔掉了，完全就是吃不下口全部都是骨頭，以上全部代表普通自己付錢光顧客的意見

一行入去餐廳已經覺得好有香港風味牆上面嘅畫都係大家熟悉嘅香港事物 特別有親切感☺️今次去到嗌咗兩道小菜📍魚香豆腐豆腐採用咗滑豆腐 食落口好滑 但係又唔會碎晒 值得一讚😌魚香少不免會落啲辣椒 有啲辣味 但係惹味得嚟又唔算好鹹 送飯一流🤤📍椰菜粉絲炒肉碎呢味餸健康得嚟又好食 如果鐘意食清淡小菜就可以揀下呢款😌😌大廚落咗蒜蓉炒菜 而粉絲就吸晒蒜蓉同肉碎嘅香味食落唔會太寡🤤🤤📍雪山紅豆冰呢杯紅豆冰嘅特別之處就係 佢上面加咗cream雲呢拿味好重 唔算係太甜 配埋下面嘅紅豆冰味道剛剛好☺️📍意大利芝士蛋糕配一口泡芙最估唔到就係港式餐廳居然有西式甜品本來想試好多人推薦嘅甜心蘋果可惜當日店員話暫時未有 有啲可惜但意大利芝士蛋糕都冇令人失望蛋糕底鬆軟 上面嘅咖啡粉亦冇令蛋糕味道苦澀

今日去咗大角咀一間懷舊主題茶餐廳 #港原味，有多幅充滿 #舊香港 風情壁畫，可以盡情打卡📸。食物方面除咗 #茶餐廳 的食物外，特別在連All day breakfast 都有，我當然要試下啦！全日早餐主食可以自己配搭，我選擇吉列魚柳🐟、炒蛋同腸仔，本身仲有牛油多士同薯餅。我喜歡 #吉列魚柳 同 #薯餅 炸得香脆，但外層唔會油膩👍，多士充滿牛油香味，感覺到製作用心。另外點咗炸雞脾🍗配薯條，雞脾都幾大隻，外脆內嫩，薯條香脆。另外加咗特飲 #雪山紅豆冰🍧，面層有香滑忌廉，紅豆大粒又夠淋，飲起來充滿奶香值得一試😋

阿喵今次遊到大角咀食食食😚這個地區建築物新舊交替綜合咗各國美食😋今次同大家分享這間"港原味"從店面到餐牌設計 滿滿香港舊式情懷牆身更加刷上色彩繽紛壁畫吸睛之餘 最啱打咭📸📸主打多款經典菜式 懷舊飲品經典滾水雞蛋飲過未呀？？😆食咗啲乜🥢🥢#黑椒美極牛柳鑊氣十足 香噴噴 量多大件 牛柳軟腍啖啖肉 醬料黑椒味好出 最啱送飯啲飯都好軟熟 甚有飯味😋#迷你咖哩農夫包(豬肉)抵食茶餐 香脆脆豬包搭上港式咖哩😋懷舊飲品#熱鴛鴦#龍鳳檸七價錢唔離地 相當實惠👍

惹味夠辣勁嘅咖喱農夫包～～～週末過咗嚟奧運呢邊睇示範單位 睇完之後就喺附近搵嘢食 不得不說 呢一區最近發展得越嚟越好 成個奧海城都好多人 有時食飯等位都真係有啲迫😆～～～所以我哋就決定直接行遠少少去附近嘅地方搵嘢食 最後就嚟咗離奧海城商場唔係好遠嘅利奧坊 見呢間港式餐廳裝修幾特別 今晚又想食下小菜 就入咗嚟食晚飯😋～～～餐牌裏面有好多款小菜 仲有是日快餐 扒餐 雞煲 酸菜魚等等 睇到我哋眼花撩亂 又三心兩意 最後就揀咗佢哋嘅招牌咖喱農夫包 同鮮魷西蘭花 再搭多兩碗冇味精燉湯😁～～～咖喱農夫包 可以揀 豬扒 牛肉 雞肉 唔鍾意咖喱仲可以轉為芝士黑松露 第一次食我就揀咗原味嘅咖喱 咖喱食落非常濃郁 但係偏辣 鍾意食辣嘅人會好鍾意 唔食得辣嘅就可能會頂唔到 豬扒亦都非常香脆軟腍 整體味道都唔錯 仲幾大份添 食到辣辣地 飲番啖清甜嘅冇味精燉湯就最適合😇～～～鮮魷西蘭花 整體調味都幾出色 魷魚雖然食得出係冰鮮嘅但係爽口彈牙 處理得幾好 都係好食嘅 而西蘭花就算係好出色 入味而夠軟腍 顏色翠綠 咬落好juicy 係幾唔錯嘅健康下飯小菜～～～推薦度：🔥🔥🔥🔥🔥🔥🔥港原味 (大角咀)大角咀福澤街18號

剛剛搬到新屋不久，就試下附近的餐廳。呢間直情在我屋下，裝修骨子，一定要試。今晚來到，吾算太多人，位同位都隔得幾開，在疫情下選擇餐廳，呢係個好重要的條件。而且，每張枱上有一包紙巾，在疫情下實在好需要紙巾，要來包口罩，清潔餐具等，所以覺得呢間相當貼心。我哋叫左個二人套餐 $198，包任選兩個小菜、兩個白飯、兩個例湯、一個芝士焗蟹蓋及兩杯飲品。先來兩個例湯，好特別，用上好靚好有特色的碗盛住。裏面是熱辣辣的青紅蘿蔔湯，好好味，好好飲。之後上芝士焗蟹蓋，味道吾錯，重芝士味，creamy, 用料都可以，不過如果多少少不同料，更好。小菜，我哋選擇了黑椒薯角牛柳。黑椒令成碟餸好野味，炒得好香，好有鑊氣。薯角的表面好脆口，牛柳也好嫩滑，好多吾同的口感。另一小菜，我哋選了黃金脆蝦。呢碟真係好好食，鹹蛋黃包住隻蝦，炒得好脆香。同出面的不同係，蝦係剝哂殼，吾駛自己剝，所有蝦都被超級邪惡的鹹蛋黃包住，正！用雀巢殼來盛住，賣相也好好。仲有野飲呢個二人餐，性價比高，而且味道好吾錯。呢間餐廳仲有好多其他野食，一定要再來試先。

今日經過大角咀，見到一間裝修得幾靚嘅茶餐廳，入咗去試一試。二人套餐 $198呢個二人套餐可以任選兩款小菜，仲有兩款白飯、兩碗冇味精靚湯，仲可以喺甜品同芝士蟹蓋當中揀一個。辣子牛柳粒 辣子牛柳粒用上花椒八角、三色椒、和辣椒一齊炒，香味十足，辣椒與牛柳粒的配搭非常配襯，撈飯食一流，喜歡食辣嘅朋友一定要試吓。椒鹽鮮魷椒鹽鮮魷，外皮香脆鬆軟，椒鹽味帶出鮮魷嘅鮮味，蒜香粒和蔥花同鮮魷好夾。無味精靚湯粉葛湯鮮甜，冇味精，落足料煮，有家的感覺。芝士蟹蓋蟹蓋上的芝士，焗得好香，芝士味好出。咬落煙韌，好味。白飯超大碗，飯粒軟硬適中。呢間茶餐廳嘅裝修幾企理乾淨，都幾多人食。

大角咀呢邊越黎越多新野行，是日黎新商場打下卡，之後順便食個tea。朋友話試下呢間港原味，有懷舊要素的打卡熱點。係門口睇左陣餐牌先入黎，午餐四十幾起，下午茶廿十幾起，好平呀！即刻叫番一人一個餐啦，飲品好快就到，good，可以除罩啦。朋友嘅熱奶茶，茶香奶滑又夠熱，好飲。好耐無飲凍杏霜，而加唔係間間茶餐廳有啦，呢杯杏霜夠濃又唔過甜。午餐嘅腸仔窩蛋肉醬意粉，朋友話未食晏所以要叫份大餐。肉醬同意粉都好多喎，放滿成個碟。拌混隻蛋再加幾滴辣椒仔，又香又惹味，正。自己叫份下午茶夠啦，吉列牛柳配薯條～吉列豬扒魚柳就食得多啦，試下少見嘅吉列牛先。炸得外層香脆，內裏軟嫩唔會乾淨淨，牛扒落左黑椒醃過，辣辣地幾正，仲有好多脆卜卜嘅薯條，抵食。無加一收費㗎～