港原味 (已搬遷) 新店位置

奧運「港」原味呢間好有港式風味同設計風格嘅餐廳主打所有嘢都係盡量原汁原味！星期日去食就比較靜少少啦。不過都唔少人去咗幫襯。同中學同學兩個港女就叫咗兩杯特飲打卡，本來淨係叫咗個芝士農夫包，不過仲有啲肚餓下午茶時段見到個乾炒牛河都幾平就叫埋一齊試吓！下午茶迷你乾炒牛河 -41落咗啲青椒我麻麻哋但係個味幾好同埋小油！食完都唔會覺得油lumlum/太肥🤩芝士農夫包 松露雞肉 -99本來諗住要咖喱味但係怕辣，個侍應姐姐同我講可以轉黑松露芝士，同埋唔使補錢😚 所以就叫咗呢個啦！個包好脆，但係兩個女仔食就有啲太多啦雪山紅豆冰 -30呢個真係有驚喜，本來以為係雪糕但係係忌廉不過都好好食，雖然唔係好鍾意紅豆但係又鍾意紅豆味嘅你一定啱！因為佢啲紅豆會唔會太多，對我來講就啱啱好啦龍鳳檸 -30呢個係新鮮檸檬同鹹檸檬加梳打嘅特飲鹹檸七啲friend老火湯 - +$8超級好飲好鮮甜，好飲到好似落咗味精咁🤨希望佢冇落啦哈哈😋😋😋

約咗朋友喺大角咀食飯，記起嚟過呢間有好多香港特色圖畫嘅餐廳，印象中味道又幾好，咁就帶咗朋友一齊去開餐😊叫咗$72嘅「南乳花生炆豬手」，$73嘅「蝦仁炒蛋」，同$49嘅「蒜蓉時菜」，呢啲全部都係小菜，晚餐時段每個小菜送一碗白飯😋-「南乳豬手」超級腍，燜煮得極軟熟，豬手有香濃南乳味，連花生都好好食；南乳豬手汁撈飯食仲好正，呢個餸真係食到舔舔脷😋-「蝦仁炒蛋」蝦肉新鮮結實，雞蛋炒得好滑，又係非常適合送飯😋-「蒜蓉時菜」要咗菜心，新鮮簡單味美😋

After a busy day at work, I decided to pack food back home for dinner tonight. Hong Kong Taste was located at Fuk Chak Street, Tai Kok Tsui. Being a modern style cha chan teng, their menu was comprehensive, offering a wide range of food such as snacks, noodle, rice, main dishes and drinks etc. Iced lemon tea and hot lemon tea were sweet and refreshing, with strong tea taste and lemon flavour. Singapore style fried vermicelli - It was fried till flavourful and chewy, with generous serving of praw

Weekend 去咗「港原味」嘆下午茶，叫咗豬扒米，跟熱奶，份量剛剛好，豬扒唔會過肥，亦唔會過乾，茶奶比例亦剛剛好，好味！😋另一個我就點咗，炸雞脾跟hot lemon tea，雞脾大小適中，雞肉嫩，但唔會見血水（一般唔見血水嘅話，d肉就唔會嫰滑㗎啦！），亦乾身（唔會好似其他餐廳咁「滴哂油」），老闆亦好好人，雖然只係好平嘅下午茶，都好好心機咁介紹，難得！今次下午茶好滿意，推介！我亦會再幫襯！😋👍🏻

餐廳裝修懷舊趣緻，牆壁繪上 顏色鮮豔懷舊街道、建築物 、信箱、經典巴士等， 勾起了兒時很多開心的回憶， 餐廳提供好多經典港式食物， 令人津津回味。全日早餐: 炸魚柳、煎蛋、午餐肉、薯餅、 茄汁豆、 多士 $51全日早餐配料好豐富，吉列魚柳外皮炸到金黃鬆脆， 熱呼呼， 令人垂涎， 仲有惹味茄汁焗豆， 厚切香煎午餐肉和脆口薯餅， 牛油多士烤得十分 香脆， 充滿牛油香氣， 最喜歡將茄汁豆， 塗在多士上面一起吃，別有一番風。常餐: 雞扒、太陽蛋、 湯意粉、 奄列、奶醬多士$55肥美的雞扒，外皮煎得香脆， 雞肉滑溜 ，湯意粉軟硬適， 與雞扒一起吃， 十分搭配 ，火腿奄列炒得好嫩滑， 蛋香誘人， 奶醬多士入口鬆脆之餘， 配上香甜的奶醬， 更加滋味吸引。炸髀沙律(下午茶)$39 即叫即炸的雞髀，外形十分肥美， 雞脾炸到脆卜卜， 香噴噴， 令人垂涎，雞皮鬆脆， 雞肉嫩滑多汁， 伴碟的雜果沙律， 酸酸甜甜，開胃又解膩， 不消一會，給我通通吃光了。一口西多士(下午茶 )$30金黃色的一口size西多士，賣相吸引， 熱燙燙之餘， 口感軟綿、滑溜， 加上蜜甜糖漿， 慢慢被西多士吸收，甜味升華， 是我必點茶餐。

大角咀開了非常多的特色餐廳，既有實力裝潢又好，像這家港原味就是其中一家餐廳企理乾淨，但牆壁上畫滿老香港的裝潢，喜歡香港的朋友不妨來訪食物：二人餐$198點了二人餐 外賣首先就有兩個湯，果然是靚湯，媲美家母的湯品！兩個小菜選了避風塘牛柳的炸蒜很慷慨，牛柳非常軟稔，筋位不多，也不會很辣，非常惹味，創意滿滿腐乳蒸雞雞件非常嫩滑！腐乳香濃而creamy，咸香濃郁，正點！甜心蘋果在燉煮後的蘋果肉內釀入黑糯米，配以洛神花汁調味，不會甜膩又開胃，很內驚喜的中式甜點呢！

今日見完客....要趕緊5:30前食晚餐...因為香港仲維持緊六點後禁堂食...本來今日想食西餐...但係行行吓經過一間餐廳....俾佢出邊嘅櫥窗吸引咗入到去原來都有幾多唔同嘅選擇除咗有公仔麵三文治之類之外...仲有港式地道小炒王而且入到去嘅裝修陳設...都充滿着港式風味好似去到七八十年代嘅餐廳一樣...我自己就叫咗一個海鮮芙蓉炒蛋佢有別於一般嘅芙蓉煎蛋...因為裏面仲加咗一啲新鮮海鮮作為配料...我老友就揀咗呢個京蔥雞佢仲話好鍾意食雞上面嘅京蔥...唔單止切得幼細...而且京蔥仲吸晒雞嘅鮮味...連汁送飯一流最緊要佢話啲雞都好嫩滑所以簡簡單單...叫個港式地道小炒...都係一個不錯之選

非一般茶記港原味大角咀福澤街18號利奧坊地下G701號舖人靠衣裝, 出街食飯如果間餐廳靚, 用餐體驗好係會有分加的。呢間成間CAFE一樣, 見到個晚市MENU仲好合理, AROUND $80-$100一個人, 傳統多野食架茶餐廳絕對係生活飲食去最多。二人餐抵食$198 兩個餸，白飯，湯，芝士蟹蓋，甜品DINNER 以廣東餸菜主打, 基本上都會跟上一碗白飯, 熱飲加 $6, 凍飲加$9, 例湯加$8小炒皇料多鑊氣夠，味道濃郁，有乾貨海鮮吊味，唔經意就食多左白飯。 薑蔥雞, 雞幾入味所以好岩配白飯, 雞架份量都比得好足, 鑑於我又是一何食肉獸嘛, 雞皮滑的的, 我係一個要有米氣落肚架人。估唔到好多位都幾岩影相打卡 ,D 牆畫了好多色彩繽紛架圖畫, 都是用了舊香港作主題, 是80後出生架人的回憶呢! 見到咁多顏色, 心情自然好起來, 胃口都強左, 哈哈。同埋仲加了湯加or 甜品Cream puff 同甜心蘋果是日晚餐每人都唔洗一百蚊, 有飯有湯。

疫情橫行既時候，晚餐都想食餐好既，之前一直想試下港原味既小菜，今晚特登去買外賣一嘗下香港既原味道😋😋哩度既裝修勁有心機呀❤️天氣凍冰冰，最好梗係食羊腩煲，如果無時間整既叫外賣就岩岩好喇，港原味既羊腩煲份量十分，膻味十足嘅羊肉，炆得夠哂腍，啖啖肉好惹味，加上冬菇，大蔥，同吸收左湯汁精華嘅腐皮，令到人停唔到口，食完成個人暖笠笠，真係冬天最傑出菜式☺️洋蔥鮮露雞，洋蔥鮮露大多數都配搭豬排，不過其實雞都一樣咁夾得埋㗎☺️爆香左嘅洋蔥加埋鮮露可以將雞嘅味道更加之突出嚟，個人覺得唔會有汁嘅味道蓋過左肉味本身嘅情況出現😍😍除咗洋蔥雞沙薑雞都一樣咁出色，蒸到岩岩好既雞，令到雞肉十分之嫩滑，加上大量既薑蓉，兩種雞都各有千秋喎，yummy🤪

呢間餐廳既menu超級多元化，完全係花多眼亂，樣樣都好吸引。不過最吸引我既一定係招牌菜農夫包($99)，完全係打卡之選!個包可自選牛/雞/豬，又可以選咖哩汁或芝士黑松露汁，我就選左咖哩汁配牛肉。個包焗得鬆脆，牛肉夠稔，咖哩味唔會太辣，餡料充足，除左牛仲有三色椒同薯仔，加上伴有沙津菜，可以解解膩，個包浸下浸下個咖哩汁，好快就清左。後尾先知原來農夫包好搶手，我地落完單冇幾耐就賣晒。但見好多台都叫左下午茶餐既迷利農夫包，都非常精緻!芝士黑松露牛柳焗飯($70)，份量算大，焗得好香，個炒飯底非常唔錯，芝士唔算太濃但反而吊起左黑松露味，牛柳又係稔同大塊，本身成個飯望落以為會好漏，點知慢慢傾傾下計就食晒!茶餐廳類既餐廳好少有甜品，但呢間竟然有!叫左個意大利芝士蛋糕配一口泡芙 ($35)，泡芙入口溶化又唔太甜，意大利芝士蛋糕都幾軟滑，面頭上有滿滿既可可粉，食完正餐可以食埋個甜品好滿足!特別一提係幾鍾意佢既環境，滿滿港式風味既壁畫，有D位仲好似整到有立體既錯覺效果，超級用心!

今天下午無所事事，因為想起了這裏的土魷蒸肉餅，便專程坐車來到。銀牙肉絲炒麵$68，熱鴛鴦。肉絲和炒麵分開上，這個安排很特別，不影響炒麵的香脆，如果將麵放在肉絲銀牙芡汁來，增加味道層次。熱鴛鴦，奶茶和咖啡的味道香濃，份量比例均衡。土魷蒸肉餅$84，凍檸茶加$3。土魷蒸肉餅，土魷煎過帶出了香味，肉餅肉味十足，覺得味道比上次更好，沒有令人失望，如果下次再來，都會因為這道小菜。凍檸茶，茶和檸檬的比例適中。一口西多配朱古力$30 ，雪山紅豆冰加$10。一口西多配朱古力，西多每粒都炸得外脆內軟，配上朱古力的味道，創新又美味。雪山紅豆冰，紅豆煮得軟腍，用軟雪糕代替了花奶，溶化在紅豆冰內，令到紅豆冰更加美味。

咁凍嘅天氣真係懶得煮，今日又叫外賣啦。今日食呢間叫港原味，個名好特別，你講完未啊🤣🤣位置響利奧坊入邊，外賣自取，今次都算係第一次嚟到利奧坊！古法京蔥雞見到響OpenRice好多人都推薦呢個菜，不過我哋今次試就真係有啲失望。。成隻雞係冇味㗎，感覺好似連鹽都冇落去醃😂 不過啲京蔥分開食就好味喎 魚香茄子炆米炆米好入味，茄子煮到好綿！仲有魚香味！不過炒得太油啦，食到成個咀都勁肥勁油。黃金四季豆不過食落就冇鹹蛋黃味 應該係比錯左。。個四季豆比較油，真係要撈飯食先冇咁肥膩！雖然我哋一早響App叫咗外賣，不過去到都仲要等一陣，應該咁凍嘅天氣下，大家都懶得煮飯，簡簡單單的叫外賣便算了😂

上次幫襯Homeland時，已發覺呢家茶餐廳「港原味」，一來個名幾特別，二來從門口望入去，見到幾多本土牆畫，好多都好有集體回憶。所以，今晚趁有事過嚟大角咀辦理，又得一個人，所以，就晌度簡單食餐晚飯先再打道回府。入到嚟，有時間可以慢慢睇番啲牆畫，真喺畫得好有心機，所有畫作都喺反映昔日本地唔同場景，對於小弟呢啲年紀嘅人，份外有共鳴感。而餐廳嘅枱櫈編排，亦比一般茶記無咗逼夾。餐牌好大本，好多頁吓，好在有啲外賣單張攞，貼出嚟就一眼睇晒，又清清楚楚。如大多數茶記咁，乜餐物餐、碟頭飯、小炒、二人四人套餐……等等，甚至連全日早餐都有，亦可留意吓幾款招牌菜。足料靚湯 +$8小弟今次會揀啲小炒食，而每款餐都會包熱飲，此外，加$8仲可配多一客足料靚湯，好難講划唔划算，因為出面唔少茶記都包湯包嘢飲。不過，單講個湯，小湯盅奉上，外觀加咗分先，撈一羹，喺蓮藕綠豆湯，真喺勁足料，而且，蓮藕味濃，呢「8蚊雞」抵俾。芝麻西檸雞 $73今次得一個，唔使就老婆口味，所以，專登揀呢道西檸雞，因為佢好唔鍾意食，成日話啲汁好假。呢道嘅西檸雞色澤明顯比出面常見嘅深，但睇到落咗唔少檸檬去煮，所以，個汁嘅檸味好清香自然，酸酸甜甜，撈

上次同媽咪去大角咀個附近出街出到夜晚就順便搵下有咩好西食🤣跟住發現係利奧坊個帶有幾間受歡迎既餐廳上網見呢間「港原味」口卑幾好又唔洗排就直接入咗去😆！入去第一個feel係覺得個環境設計幾特別，餐廳牆身有好多昔日香港風貌既壁畫圖案😆～年長啲既朋友仔如無意外望到就有共嗚的感覺（媽咪就係咁！）😄❤for打卡係幾一流🙊～除咗環境幾好之外，食物價錢都好夠貼地抵食😍，跟本就超級大眾化！餐廳啲小菜款式種類好多🔪，好多既賣相都好吸引😍😍～簡簡單單2個人食個便飯係幾好既選擇❤！用膳期間都見到有唔少熟客黎食！店員對舊客都幾親切😆！我對呢度既整體印象都幾好喔～😍個晚我同媽咪叫咗2人套餐＄198👇：套餐包咗兩款餸，一份小食／甜品，白飯例湯各兩碗～🍚🍚🥣🥣免加一實數198就落得樓，仲要我同媽咪都食得好飽好滿足😆❤！－🥔黑椒薯仔牛仔肉：薯仔係焗薯個種，炒至香口有啲脆邊，超惹味😆！牛肉切開小件，炒得幾有鑊氣，我最欣賞佢個肉質，滑嫩軟冧好好味，份量又多，兩者夾埋啲黑椒汁食送飯絕配😆❤！－🥦鮮魷炒西蘭花：鮮魷炒至爽口彈牙😆，西蘭花落咗蒜一齊炒，熟度恰好唔會太冧或太生，夠哂惹味～但我個人覺得呢碟可以炒至完全乾身唔洗落芡會更

上網睇到好多人都去打卡既港式餐廳，一去到已經立即影相打卡。《甜心蘋果》超級特別的中式甜品，原材料係蘋果+洛神花汁+黑糯米，酸酸甜甜咁好開胃，同朋友爭住食，原本仲以為係紅酒汁，真係冇諗過係洛神花汁，完全無諗過港式茶餐廳有咁高質同有特式既甜品。《西洋菜湯》冇味精嘅西洋菜湯好有住家飯味😋如果太耐無係屋企煲湯，一睇到無味精就立即好吸引我去叫🥰不得不提餐牌設計都好靚好好睇，睇得出成間餐廳都好有心，睇到餐牌都仲有好多嘢想食，但實在太飽食唔落，已經決定下次試咖喱農夫包，望到個圖就好吸引😍見到隔離枱食小炒都好似好吸引咁❤️