港宴海鮮火鍋

营业中

休息中

呢日同朋友去咗港宴打邊爐，真係好開心呀！點解？因為食物好好味啊！而且店面好寬敞，裝修簡約又有現代感，令人感覺好放鬆。🏠今晚令我最回味既，當然係佢地嘅杏汁豬肺湯底啦！個湯底好滑，加上杏汁嘅香味，飲落真係好舒服啊！🍜而佢地嘅牛白肉同桂花蚌都好新鮮，味道好濃郁，真係令人食完都想再食返一次！😋而最令人驚喜嘅菜式係佢地嘅4色手打丸啦！有牛丸、鯪魚丸、蝦丸同埋墨魚丸，每隻丸子都係手打嘅，唔係咁機械化嘅製作方法，所以味道更加地鮮美同爽口彈牙！🍢最後，我地仲食咗皇帝菜，蔬菜新鮮翠綠，中和其他口味較油膩嘅菜式。🥬Like佢地社交平台仲送糖水，係芋圓涼粉，都幾好味，為呢一個晚餐做一個完美嘅句號🥰

今日同個舊同事聚舊，去咗佐敦打邊爐。一入去已經俾食店嘅裝修吸引左，行入去好有神秘感。環境舒適，每枱食客都有自己嘅專有空間。值得一提侍應姐姐服務態度好殷勤，令到食客心情愉悅。我哋叫左美顏花膠雞湯底，非常足料的，除左有唔少花膠之外，仲有好多粒粒桃膠、竹笙，啖湯係好好好鮮甜。盤安格斯手切肥牛賣相好靚，色澤新鮮均勻，稍為浸一浸即可入口，肉質鮮嫩鬆軟，一盤兩個人分量啱啱好！再黎個珊瑚蚌，好新鮮爽口，厚度適中，一啲都唔腥，食得出海鮮食材新鮮味美。仲有個雙拼蝦滑墨滑，一啖就知道手打得恰到好處，好彈牙！呢個我特別覺得係一定要叫嘅打邊爐料，後面仲有雙拼雲吞水餃，皮薄餡靚，唔會滾到散晒，咬落去口感一流！我哋再一人一杯特色春飲夏飲，其實即係蘆薈啫喱特飲同果茶，打邊爐飲爽過飲汽水，最後食完仲有甜品芋圓上，為成個邊爐錦上添花！兩個人食其實唔算食咗好多野，但係每一道都食得出質素、食得出滿意，成個感覺係高檔次享受打邊爐，一定會再返黎品嚐其他湯底！

今天去了一家裝修華麗、私隱度高的新開火鍋店，作為一個火鍋愛好者，很滿意今次的食物質素。餐廳環境華麗，燈光昏暗有格調，唔知以為去咗食西餐。醬料區附近，有一個大魚缸，不乏品質上乘的新鮮海鮮🦞。近門口的三張枱，都是落地玻璃看到戶外的風景。餐廳設有很多屏風，營造出私隱度，令有些包廂，特別適合公司客人聚會。我們點了花膠雞湯底，花膠雞湯口感鮮美，材料豐富，塗膠和花膠份量很充足，亦有半隻雞和蟲草花，加上一些冬瓜，令湯底更加鮮甜。象拔蚌也非常新鮮，肉質鮮美，爽脆彈牙，令人回味無窮，非常值得推薦。安格斯牛也很嫩，手切的關係，厚薄適中。而家做緊優惠， like佢社交平台，仲送牛奶仙草芋圓，芋圓有咬口，配濃濃的牛奶，為晚餐一個完美終結。店員的服務態度也非常好，熱心地介紹各種菜式，令我們感到非常舒適和自在。整個用餐體驗讓人感到非常愉快，下次我一定會再來這家火鍋店用餐！

高質新開一人火鍋餐！重點有我最愛的炸芋件！個人超鐘意打邊爐食 但好少火鍋店有架！仲要有8塊！大驚喜～❤️❤️❤️另外都好推薦手打蝦同墨魚滑！好彈牙係高質！環境服務都不錯！好似fine dining 咁同落地大玻璃！仲要有免費甜品🍮！油麥菜 $58皇帝菜 $68稻庭烏冬 $48雙拼蝦墨滑 $128炸芋件 $68新鮮珊瑚蚌 $128牛舌 $128荔枝紅茶 $48花膠雞鍋 $78海鮮冬瓜鍋 $78加一服務費港宴海鮮火鍋 (尖沙咀)尖沙咀柯士甸道122號麗斯中心地下

前晚去左尖沙咀既「港宴海鮮火鍋」，覺得佢地既用料非常新鮮，而且份量十分足夠，湯底都非常惹味，加埋舒服既環境，大家不妨去試下。1. 海鮮冬瓜湯：湯底清爽，無過多既油脂，冬瓜非常鮮甜，加埋海鮮湯既味，依個湯底絕對不容錯過。2. 胡椒豬肚湯：湯底非常濃郁，超重既胡椒味，豬肚都好入味，而且豬肚份量十分足夠，令人吃得非常滿足。如果你中意濃郁口味既湯底，這款胡椒豬肚湯絕對值得一試。3. 安格斯特級手切肥牛：肉質鮮嫩，口感非常的柔軟，而且整體既味道非常濃郁，而且，大家仲可以自由搭配唔同既醬料，值得一提佢地既自家製XO醬，個醬一啲都唔hea，睇圖見到有幾多蝦米辣椒乾🤤4. 鬼馬雙星：依款小食係炸墨魚滑同炸蝦餅加左油炸鬼，油炸鬼酥夠脆，滑用料夠新鮮，食多幾舊都覺得唔夠喉。5. 香炸魚片頭：魚片頭味道夠香口，而且外皮酥脆，加埋酸辣醬夠開胃。👍🏻

尖沙咀柯士甸道隱藏吾少美食，新開港宴海鮮火鍋環境奢華，型格有氣派🖤中菜亦可以食得好有格調🤓以為咁樣嘅裝修加埋喺尖沙咀價錢會好貴，原來系正常價錢。✿ 杏汁豬肺湯 $68杏汁本身清甜，連同豬肺及其他配料感覺滋補。✿ 美顏花膠雞湯 $78一人一鍋都可以好足料！裡面有好多舊花膠，估吾到仲有勁多桃膠！以呢個大小嘅鍋黎講非常足料🤩雞湯索曬雞肉精華好飲🐔👍🏼✿ 香煎黑松露墨魚餅 $128黑松露味道濃厚，墨魚餅爽口🦑做餐前小食吾錯。✿ 桂花蚌打邊爐黎講桂花蚌向來系吾錯嘅選擇，整熟之後好新鮮。✿ 雙拼滑蝦、墨魚滑 $128蝦滑蝦膠打得好實，墨魚滑都系，兩種亦爽口彈牙呢。✿ 安格斯特級手切肥牛 (大) $368食打邊爐點都要整番個肥牛先😍手切牛太好味了，油脂分佈非常均勻，入口即溶☺️✿ 春 $58由青提子汁、青檸汁、檸檬汁🍋薄荷葉🌱梳打水、原味爆珠製成，白色同綠色分開兩層吸睛👀提子🍇檸檬味明顯，甜度十足。✿ 夏 $58由百香果汁、鮮青檸汁、梳打水、原味爆珠製成，酸酸甜甜頗為開胃。✿ 牛奶仙草紅豆芋圓 以甜品為一餐火鍋劃上句號頗特別～呢個好有驚喜🥰用牛奶浸滑溜溜，仙草事先切成一粒粒好易咬，芋圓入面竟然有抹茶味

港宴海鮮火鍋坐落在柯士甸繁華地帶，佈置氣派非凡，格調優雅， 配上半圓型的舒適沙發卡位、 柔和的燈光，食材選料高質，是宴會及聚餐的好地方。一人鍋湯底特色一人火鍋湯底， 一群人可以選擇自己喜歡的湯底，獨享個人口味。美顏花膠湯底 $78真心推介花膠雞湯底，分量十足，有嫩滑的雞肉及滑溜花膠在湯鍋裏面。水滾後，冒著煙的湯底，香氣十足，呷一口湯底，鮮香味甜，潤膚美顏。女士至愛，未打火鍋前，可先飲一碗湯，認真一流。杏汁豬肺湯 $68奶白色的湯底，散發陣陣誘人的杏汁香氣，清甜美味，感覺健康，還有軟綿豬肺片。 安格斯特級手切肥牛 $268吃火鍋怎可少得高質的牛肉，安格斯特級手切肥牛，顏色嫩紅，油花滿佈，賣相吸引。輕輕一涮已經肉質軟稔，鮮味的牛肉汁，在口中迴盪，有入口即溶的口感，讓人食指大動。鱔片 $138雪白的白鱔片，入口充滿彈性，油香充滿口腔，再沾上豉油，令鱔片鮮味提升。手打四寶丸 $148有蝦丸、墨魚丸、鯪魚丸及牛丸各兩粒，每款手打肉丸，特別爽彈，口感一流 ，鮮味十足。 自家製雙拼餃子 $108 雙拼餃子有韭菜餃及水餃皇，餃子外型脹卜卜，皮薄餡靚。大口咬下，內𥚃包裹著滿滿的蝦粒，鮮味彈牙。韮菜餃，啖

新派高級火鍋店，裝修華麗，餐桌佈置都好高貴，而且每張枱都有私人空間，令人感覺好舒服🍽 美顏花膠雞湯窩🥘🫕$268雞湯有花膠、冬瓜、蟲草、桃膠，侍應先將雞肉放入雞湯窩，待煲滾後就可以先享受花膠雞湯，花膠滋潤養，還含有高蛋白質，可以提升免疫力👍 安格斯特級手切肥牛🥩$268手切安格斯肥牛雪花分明，油脂平均分佈，放入花膠雞湯拾一下，又美味又香牛味 手打四寶丸🍡 $148蝦丸、墨魚丸、鯪魚丸、牛丸，四款丸都好味道又彈牙，新鮮手打製額外美味 自家製餃子🥟 $108可以選擇雲吞加水餃雙拼餃子，一次過食到兩款，各具特色，雲吞入面有鮮蝦，而水餃有蝦又有雲耳 百香果特飲🍸$58巨峰提子特飲🍹 $58兩款特飲都好出色又大杯火鍋後仲有台式糖水送，入面有好多丸子

今日去了佐敦。我們去了"港宴海鮮火鍋"嘩一入餐廳好靚！裝修好高雅！我們坐近玻璃窗，like 社交平台 有甜品送～仙草芋圓可以出去自助吧自己拿～醬料有一個特色的是秘制XO醬香鮮辣的，有蝦乾，瑤柱.....我們點了美顏花膠雞湯$368安格斯特級手切肥牛（大）$368手打墨魚滑$118自家鮮蝦雲吞$98美顏花膠雞湯$368雞半隻，有花膠，竹笙和冬瓜......雞不太新鮮，不過花膠和竹笙好吸收曬湯汁之後好好味。安格斯特級手切肥牛（大）$368牛肉味香濃，肉味濃濃😝😘😘手打墨魚滑$118好爽口彈牙，好鮮甜😍。自家鮮蝦雲吞$98👍🏻👍🏻👍🏻雲吞好真材實料，好香大地魚味！連湯底都好好味！

尖沙咀依間火鍋店環境一流，裝修高級雅緻，空間闊落，一枱一凳，枱上配備都好有質感。醬料區乾淨企理，器皿都特別靚，旁邊係大玻璃缸，望到可能會即刻想食海鮮同刺身😋海鮮冬瓜拼秘製麻辣鍋 $298麻辣鍋好香但唔算好辣，湯底自帶冰豆腐同鴨血🌶一個咁惹味，另外揀番個清甜既海鮮冬瓜湯，有海鮮做底，飲番碗湯先開始打邊爐😋香煎黑松露墨魚餅 $168墨魚餅面煎到金黃色，口感彈牙，香口得黎黑松露味都好出✔本地手切騸牯頸脊 $398牛味香濃，油花多入口牛油香都重，口感軟熟，好味✔台山蠔 $188蠔身肥美大隻，口感滑溜juicy，帶子位勁大粒鮮甜✔自家鮮蝦雲吞 $98自己手工野，粒粒都漲卜卜，烚完個皮又薄又但唔會散哂✔牛奶鮮草紅豆竽圓 $free打邊爐可以食個好味甜品堅開心，follow 社交平台就有😱好多粒竽圓同鮮草，牛奶底好似仲加左花奶🍼香甜😋p.s 試業期間8折優惠❗

尖沙咀奢華風格一人火鍋尖沙咀柯士甸道新開嘅一間火鍋店～裝修走奢華風格路線💕環境高級 食物質素亦都好有質素 醬料喺調味區位置~行到嗰個位好似置身於水族館一樣 可以望住啲魚 一路調配醬汁 真係非常有feel 💕最欣賞佢哋秘製嘅XO醬 同埋蒜油 ❤️混合埋一齊嘅濃度啱啱好 好香呢度嘅一人一鍋有別於一般～有十多款嘅湯底任君選擇 我哋今日就試咗花膠湯底同麻辣湯底 我既花膠湯材料十足 有新鮮雞 同花膠越煲越濃郁🥰另外朋友叫咗個麻辣湯 打開個已經聞到陣陣嘅花椒味主食方面我哋order咗牛肉套餐$788～啱晒我同我朋友兩個都係牛魔王 有本地手切騸牯牛、安格斯特級手切肥牛、新鮮牛黃喉、牛白肉、牛肉粒、牛骨髓、黑栢葉同埋牛舌 基本上佢全部牛嘅質素都好高～最欣賞佢嘅牛白肉 入口即溶 牛肉粒嘅油脂分布好平均同juice我哋仲叫咗一個蔬菜藍🥰菜藍用一個裝飾盒盛載 擺盤好精緻 一次過有晒咁多款唔同嘅菜 真係滿足晒我哋咩都想食嘅人飲品方面Autumn 🍂 秋飲品有草莓汁、薄荷葉、青檸汁、梳打水同草莓味爆珠飲落唔會太甜，好有驚喜🥳成杯飲品都好FlashSpring 春飲品加入左青提子汁、青檸汁、檸檬汁、薄荷葉、梳打水同

《貴氣火鍋盛宴🌟》———————————————#港宴海鮮火鍋 🌠-呢間新開張嘅火鍋店裝潢典雅，十分高質，我哋坐喺窗邊，食嘅時候不斷有路人關注我哋，夠哂吸睛👀 如果想要啲私隱度，餐廳亦設有vip房，好啱一家人聚會食好啲🤤-我同男朋友就一人嗌咗一個一人鍋，分別係冬瓜湯同花膠雞，尤其中意個花膠雞湯底，認真足料，有花膠、竹笙、蟲草花、桃膠同滑雞件🐥味道好濃郁，就咁飲都唔口渴～-🐮 牛肉拼盤佢個圓形盤好搶眼，打卡一流😘 包咗本地手切騙牯牛，安格斯特級手切肥牛，新鮮牛黄喉，牛白肉、牛肉粒，牛骨髓同牛舌，超濃牛肉味，特別好中意牛黄喉同牛白肉，好特別，爽口彈牙😝-另外仲叫咗佢嘅自家即炸響鈴卷，十分香脆，而個蔬菜盤嘅擺盤都好靚，款式亦好豐富☺️ -特飲方面，呢杯叫「春」嘅係由青提子汁、青檸汁、檸檬汁同梳打水混合而成，裡面仲有爆珠，味道酸甜，口感清新🌿而「冬」就係芒果汁溝菠蘿汁同牛奶，香甜醒胃❄-我哋喺新張期內幫襯，全單有成85折，like完IG同FB仲會送埋糖水，自家製牛奶仙草紅豆芋感覺滋潤，甜而不膩😊-⭐價錢參考：（另收加一）牛肉拼盤：$788一人鍋冬瓜湯：$78一人鍋花膠雞：$78蔬菜盤：$98自家

今日好友生日，梗係要找番間靚靚餐廳食嘢啦， 位於尖沙咀嘅「港宴海鮮火鍋」，座位好闊落，樓底極高，坐得非常舒服！《杏汁豬肺湯》， 杏仁味超香，豬肺清洗乾淨，沒有異味，入口軟化， 仲可以飲返碗湯先打邊爐，豬肺湯，味道可口。靚靚自助醬吧， 醬料可以自由配搭，鍾意點混醬都得，想辣又得、唔辣又可以。 《安格斯特級手切肥牛》， 牛味又香又濃， 油脂分布平均， 口感不錯， 亦唔太肥膩， 食落香滑， 配上醬汁就更好啦《花雕醉雞件》， 雞件鮮嫩幼滑，有雞味，口感極佳， 帶有香濃花雕酒香味， 超正！《自家水餃皇》，餃子皮薄餡靚， 脹卜卜，超大隻蝦，爽口彈牙， 好食。《脆肉鯇魚腩》，口感超爽口，鮮甜可口，仲要係厚切，正呀！《手打四寶丸》包括有墨魚丸、蝦丸、鯪魚丸& 牛丸，每人兩粒，份量啱啱好! 只要like同follow IG, 就糖水送， 芋圓口感煙韌，甜度適中。

這間新開張的火鍋店正在試業中，現在還有試業優惠八折（不包括海鮮和酒水），裝修給人的感覺挺豪華的，還有包間！入座以後店員還特別介紹這裡的海鮮不錯很新鮮，叫我們試試看，看到其他配料便宜了就狼下心試試看了！加拿大象拔蚌例牌（380元）這個是刺身的，雖然只是例牌，但份量也比我想像中的要大，滿滿一大盤肉！而且有兩款不同的部位，一個厚切一個薄切的，薄的吃起來很滑很嫩會帶點彈牙口感，而厚切的吃起來會更嫩的口感，而且厚的吃起來味道會更加鮮甜和有肉感！二人牛肉（468元）這個包括了本地手切騸牯牛，安格斯手切肥牛，牛白肉和牛肉粒，一共四款不同的牛肉，一次過滿足你不同的願望！本地手切騸牯牛肉味濃帶點嚼勁，安格斯手切肥牛肉質滑嫩帶有油香，牛白肉亦即胸口油吃起來爽中帶嫩又有油香，牛肉粒肉嫩多汁。美顏花膠雞湯（78元）香濃沙嗲湯（58元）這裡最特別是湯底除了有大鍋可以選擇，還可以選擇以一人一鍋的方式，當然大家的份量有差別，但能以一個比較便宜的方式吃到駌鴦湯底也不失為一個好方法！這兩個湯底來說，我們都是比較喜歡沙嗲湯的，因為他真的很濃香，而且加了湯也不會變淡的。而花膠雞湯就會清淡一點，但料挺多，除了有雞件和花膠外，

今日同朋友黎到佐敦天氣凍經過見到呢間新開火鍋店就決定入去試吓店內裝修好豪華，好有格調餐牌有好多選擇，豬牛雞海鮮都有有醬料自助區，好有醬汁選擇，特別推薦蒜油唔係個個地方有，非常之香，一試難忘魚枕鳳飛湯呢款係美顏花膠雞湯，潤膚同益氣補腎飲落好鮮甜，膠質感重唔止係女士，一家人都岩飲安格斯特級手切肥牛(大)肥牛擺碟我俾100分，好工整肉睇得出好高質，肥瘦均勻淥10秒就食得，肉味好濃郁食到手切獨有既口感墨肉丸拼蝦丸2款口感都好彈牙好新鮮炸魚皮炸到好酥脆，浸落湯到索一索湯汁更惹味