湘蜀人家

营业中

休息中

清炒雜菜，呢個清炒什菜炒得幾香口，同埋好惹味。芫茜魚頭豆腐湯，呢個湯裏面有條魚，咁條魚會包埋個魚頭，個魚頭同埋個魚身都有好多魚肉，啲魚肉都煮得幾滑，另外啲湯係煮到奶白色㗎，成個湯都充滿魚嘅香味。個湯會有埋啲豆腐喺裏面。另外，啲芫茜都唔少㗎鍾意食芫茜嘅朋友，呢個湯啱曬。鄉下嫩雞煨麵，呢個麵都幾大碗㗎，足夠兩個人食，碗麵嘅湯底整得唔錯，鹹鹹香香幾好食。呢間餐廳嗰啲位置坐得幾舒服，大部分都係卡位，兩個人都可以坐一張四人嘅卡位。

食得多西餐厭厭地，今次同朋友食飯就約咗去鰂魚涌嘅湘蜀人家食湘菜🎉餐廳門口到店舖裝修以深色木質家具、燈籠為主，好有中式風格🏮 餐廳座位間隔坐落好闊落舒適，值得一讚👍🏻餐廳俾左個開胃小菜- 醃製椰菜頭，味道酸酸辣辣，食完令人胃口大開😍鮑魚燉雞盅 $88一打開個盅即刻聞到好香濃嘅雞湯味，入邊仲有兩粒鮑魚，睇得出熬咗好耐飲落好鮮甜🤤一定要試吓！京蔥爆牛肉 $108蔥嘅香氣令到牛肉食落香口又有鑊氣，牛肉食落口感爽口之餘一啲都唔韌😍牛肉又掛汁🫶🏻好食魚香茄子$90睇落好似好辣咁🤣但師傅同我哋講原來佢哋嘅魚香茄子用豆瓣醬炒，增加到香氣之外，食落又惹味！同出邊食嘅魚香茄子唔同，食落好有驚喜😳🎉 叫佢嘅話一定要叫白飯😆送飯一流酒釀丸子 $43酒釀小丸子好香桂花香味，同埋有紅棗杞子配搭，好味又養生🤤小丸子好軟糯，本身食得好飽都忍唔住食咗成碗🥰太好食啦😍😍紅油抄手 $53 6隻紅油抄手大大粒皮薄餡實，鮮肉同鮮蝦嘅搭配好食，相對唔係好辣，都啱唔辣嘅朋友食👍🏻清炒雜菜 $90食咗咁多惹味食物，梗係叫返個炒雜菜😆都好有驚喜雜菜食落鮮甜爽口，唔會好dry🤤整體覺得餐廳環境坐得舒服，餐廳雖然係食湘菜，但其實都有好多唔

🤭好鍾意食辣嘅我，今日就同朋友去咗一間位於鰂魚涌嘅湘蜀人家食川菜過下口癮！🌶️我哋叫咗四川口水雞、擂椒拌皮蛋、土家酸菜粉條燉鮮魚(少辣）、糖醋魚片同埋紅糖糍粑。四川口水雞麻辣口水雞係我最愛！麻辣惹味醬汁配上鮮嫩雞肉，啖啖滋味，用嚟送飯一流！擂椒拌皮蛋金黃色皮蛋內裏流心，配上香辣醬汁，入口有溶化嘅感覺，皮蛋控必點！土家酸菜粉條燉鮮魚(少辣）呢度嘅酸菜魚比較特別，魚肉比較結實，口感唔錯，而且一盤都有好多魚肉，配上酸菜同紅薯粉食，別有一番滋味！糖醋魚片呢款酸酸甜甜嘅糖醋魚片都幾啱送飯，香炸魚片配上酸甜醬汁，咬落唔會好油膩，而且啖啖魚肉，小朋友都啱食！紅糖糍粑呢款甜品類似炸糯米條，口感煙韌，配上紅糖漿，食落又幾特別，未試過嘅朋友可以一試！

又嚟到1001，今次食酸菜魚，環境企理，牆身掛滿京劇相，設計用心。而特別要讚呢度嘅服務好好，每位店員都好友善！茶芥 $15/位 餐前小食 - 麻辣花生土家酸菜粉條燉鮮魚 (例) $185我哋揀咗走辣，鍾意魚湯有少少胡椒味，鮮魚新鮮爽滑，鍋內仲有索咗魚湯嘅薯粉，份量夠二人食，啱啱好。香醋拌紅海蜇頭 $118見多人介紹，就想點嚟試，紅海蜇頭片片都超爽口，又夠入味，連底下嘅青瓜都好味，不可錯過嘅涼拌開胃菜！鮮肉蒸餃 $53豆沙鍋餅 $58飯後甜品，即點即製嘅豆沙鍋餅，夠哂熱辣辣，要攤一陣先食到，鍋餅鬆脆，豆沙甜度適中，呢餐圓滿了！

今晚屋企人想食川菜，就黎到鰂魚涌呢邊嘅湘蜀人家度食晚餐。湘蜀人家顧名思義就係可以食川菜同湖南菜啦，呢度唔止個店名詩情畫意，連裝修風格都別具特色。而且呢度既店員都好親切，令我有賓至如歸既感覺。我地開左壺鐵觀音，坐低食住美味既花生先花生又香又脆等左無幾耐就上菜啦！呢碟係涼拌土豆絲，土豆絲食落好爽口，少少辣味，酸酸地好開胃！跟住再要左個夫妻肺片，呢度既夫妻肺片好好食啊！材料每一片都切到好薄，麻辣鮮香，十分惹味，送飯食一流啊！跟住呢一碟係芹菜炒豆乾，芹菜炒到又脆又香甜，鹹淡剛剛好，豆乾都嗦左芹菜既鮮甜味，味道一流！飯後甜品我地就要左個酒釀丸子，一打開蓋就聞到淡淡的嘅酒香味，又有桂花既香氣，加埋紅棗枸杞，呢個甜品真係又香又甜蜜啊！糯米同丸子都煙煙韌韌，口感好正！係好滿足既一餐

湘蜀人間，一間位於太古英皇道上，以湘蜀川菜為主的餐廳，餐廳佈置有特色，餐廳座位以卡座為主，寬敞舒適。餐廳餐牌選擇非常多，雖以湘蜀菜為主，但其實亦有辣有不辣，老幼咸宜。前菜香醋拌紅海蜇頭，香醋酸酸甜甜，海蜇頭爽脆，伴碟傳統拍青瓜，入口多種不同口感味道，作為開胃菜一流。京蔥爆牛肉絕對是不辣之算，牛肉份量非常多，牛肉軟嫩味道濃，配搭京蔥確實一流。涼拌士豆，土豆絲爽脆，帶微辣，辣油味道愈食愈刺激。甜品豆沙窩餅，餅底脆卜卜，甜而不膩。

湘蜀人家係鰂魚涌嘅湘川菜館，所有菜式均可自選辣度！餐廳光猛整潔，佈置典雅，仲有露台座位方便呼吸！四川口水雞 $108/例雞肉極為滑嫩入味，連雞胸都一樣軟腍可口！大量嘅青瓜增加咗呢道涼菜嘅清爽度，辣得嚟又夠爽，仲幾消暑！擂椒拌㭌蛋 $63/例金黃皮蛋晶凝通透，配埋流心嘅蛋黃，口感一流！土家酸菜粉條燉鮮魚 $195/例大量嘅魚片鮮嫩美味！內含大量酸菜絲同埋薯粉，真係夾極都有！例牌都咁大盤，夠2-3人share！無糖可樂 $22藍妹啤酒 $38啤酒同埋汽水，都係食辣嘢嘅良伴！茶芥 $15/位

今日和朋友兩人去鰂魚涌吃湘菜，去了一間環境優靜湘菜館。我們叫了燉湯、爆椒炒牛肉、水煮鯛魚、麻婆豆腐。燉湯超正，味道甘甜！各款菜式各有特色：爆椒炒牛肉口感麻辣、味道浓郁，牛肉鲜嫩多汁，青椒爽脆清甜。水煮鲷鱼辣味十足，汤汁鲜美，口感麻辣整道菜色泽鲜艳，鲷鱼片鲜嫩可口，豆芽爽脆，整道菜色香味俱佳。麻婆豆腐的绵软质感和肉末的鲜香口感相得益彰，令人回味无穷，配上米飯超正。還有值得一提的是前菜夫妻肺片和涼拌木耳，非常開胃🤤，服務員態度也很好。總括來說，這一餐的體驗非常滿足，值得一試！

在鰂魚涌英皇道1001號8樓有一間新開的食四川湖南菜嘅中菜館，叫湘蜀人家，地點方便，食物價錢亦都唔算貴，所以我哋就去試吓。 我哋叫咗半隻湘西啤酒鴨($228)，上菜嘅時候覺得份量好多啊！鴨的味道濃郁，微辣，鴨肉肥厚，有姜蔥洋蔥等配菜，送白飯好正。雜糧窩窩頭($58)有五隻可愛的小窩窩，在窩裏放一啲青辣椒雪菜豬肉碎一齊食，惹味，喜歡吃辣的會喜歡。小蔥醬油炒飯($75)我最喜歡，飯粒粒分明，伴蔥一起炒，味道適中，不會太鹹。我特別喜歡吃蔥油餅。蔥油餅($30)外面好脆，裏面有好多蔥，咬落去沙沙聲。我們都是餃子控，叫了一籠鮮肉蒸餃($53)，大大隻。裏面嘅豬肉餡好多，另外韭菜豬肉餃($62)有六隻，韭菜豬肉夾味，點醋一齊食，很有風味。兩個人食到好飽，還可以打包回家今晚再吃呢！下次可以再來，試土家酸菜粉條燉鮮魚。

一黎到有茶水飲，而且無額外收茶錢。環境夠光夠大，卡位座得舒服，菜單都有好多選擇。我地2個人叫左3個前菜同1個主菜試下。 四川涼粉，酸酸地好開胃，唔會太辣主要帶出辣油香味。涼皮晶瑩通透。涼皮睇落粗厚，食落滑溜溜口感淋軟。 香醋拌紅海蜇頭，香醋味濃烈。海蜇頭厚身好爽口彈牙。份量好足夠。 夫妻肺片，薄切牛滷肉片、牛肚、牛筋片。透亮又透薄。調味唔算濃烈，但做到好入味。又唔會太辣。下面仲有青瓜清清口腔， 土家酸菜粉條燉鮮魚，主菜酸菜魚用左鮮魚片。魚肉爽口外皮爽脆。酸菜夠酸，下面仲有薯粉係底吸收晒湯汁，湯汁夠香口所以叫左碗飯，同飯一齊食更加開胃。 門口見到平日午餐有唔同Lunch Set 價錢更加實惠。食物口味唔會太辣，偏同同偏酸。夏天食好開胃。

夏天已來臨，天氣炎熱令我近日都無甚胃口，朋友相約我食川菜，正合我意。餐館位於太古，位置方便，而且座位舒適，菜式選擇頗多。⭐茶芥$15前菜中式泡菜。⭐菊花茶菊花茶具有清熱明目功效，兼且備有清肝之用。⭐️黑醋小排骨$118排骨肉質嫩滑並不油膩肥瘦適中，就如一口排骨一樣；配以黑醋濃而不膩、酸中帶甜，令人食不停口。⭐️土家酸菜粉條燉鮮魚$185 誠意推介之作，店家貼心地用火一直溫熱著整盤酸菜魚，值得一讚👍🏻湯頭濃香與酸菜甚為配合 ，酸菜爽脆；薄切魚片鮮甜可口 ，滑溜無骨，超多份量；而且可自由選擇辣度。⭐️京蔥爆牛肉$108這是一道極為惹味的北京菜，牛肉肉質嫩滑再配以味道帶甜的京蔥，鹹甜配搭得宜，相得益彰，令整道餸菜變得香濃可口惹味。

家附近的新大厦(英皇道1001號)開了不少新食店，其中一間叫湘蜀人家，菜式頗吸引。今晚媽媽不想煑飯，便和她去試下新店水準如何?店裝飾具中國風，卡位寬敞舒服，喜歡可以坐出露台吹風看風景，爽!店主要提供湘菜和川菜，有特色。媽媽不能吃太辣，我們揀了不辣和少辣的菜式。湘西啤酒鴨微辣惹味，鴨上桌加熱慢慢享用好滋味，鴨肉香肉質嫩，鴨腳鴨腎都好食，汁香濃，半隻份量都好多。黃骨魚燉豆腐湯人間美味，在店入口的魚缸有遊水黃骨魚。第一次吃黃骨魚，魚肉滑又鮮甜少骨，魚湯好甜有營好飲，有胡椒香菜吊味飲落無腥咪，豆腐滑，真材實料，一份湯有三條魚，真係物有所值。雜糧窩窩頭好食有特色，那些肉末和辣椒都幾辣，但愈食愈想食。豆沙窩餅皮脆豆沙多，是個好味的甜品。今餐吃得好滿足，下次再訪試下其他菜式。掃描成為會員即享晚市全單95折。我要讚下店員，樓面人手有限，但店長李先生待客友善服務態度效率都很好，傳菜也有禮盡責，讚!

唔食得辣嘅小編，平時好少會揀川菜類型嘅中菜🫣 今日夜晚為咗慶祝貪得意試左一間湖南菜，點知好有驚喜喎！😍呢間餐廳嘅設計充滿中國傳統特色，牆上面掛咗粵劇入邊會見到嘅臉孔，又展示左中式煮食入邊常用嘅辣椒同埋香料。餐廳有好舒服嘅卡位，亦都可以選擇坐喺室外。餐廳環境亦都好乾淨整齊。職員好貼心，會主動幫我哋碗碟，亦都問我哋使唔使幫手切開豬仔骨。烤豬仔骨：豬仔骨烤得好香好脆，但係亦都保持住入邊有肉汁，食到滴晒汁🤤食得岀豬仔骨有事先醃製好，所以非常入味。孜然山羊肉：孜然配羊肉已經係天下絕配👍🏻最正係加埋洋蔥同埋其他香蔥炒，收晒啲肉汁非常惹味，食到唔停口🤌🏻糖醋魚片：經典嘅甜酸汁配上魚片🐟 最鍾意魚片夠滑，最正係健康得黎唔會似咕嚕肉咁食多兩舊就濟常德大盤花菜: 一大盤椰菜花配上肉片同埋香菜，超級惹味😍碟菜本身應該係辣嘅，但因為唔食得辣就諗住問吓職員可唔可以走辣，職員好爽快咁幫我哋安排，值得一讚！唔食得辣嘅朋友亦都可以同職員講👌🏻

湘蜀人家 既環境好光猛 乾淨，員工亦有禮貌，上菜亦快！👍🏻👍🏻今晚叫左個精選二人套餐，份量夠3人食左突，飽肚又抵食！😋😋首選推薦: 酸菜粉條鯛魚！鯛魚魚肉好爽彈！亦無骨。😍😍😍夫妻肺片、涼拌兔耳尖: 開胃前菜😋燉湯係茶樹菇雞腳紅棗豬骨湯，足料好飲！😋小菜方面要左紅燒豬軟骨、糖醋魚片：好惹味！豬軟骨夠冧又入味，糖醋魚片魚肉夠滑亦無骨，送飯食一流！😋😋總結：抵食！可以encore!!

北角雖然係個比較舊嘅社區，但係大家唔好唔記得附近有好多小店好值得支持，今日屋企人就帶小妹去呢間湘蜀人家食好西。平時小妹冇咩機會食大茶飯，唯有交俾屋企人拍板啦。我哋叫咗一份乾炒豬什和啤酒鴨，真係好興奮呀。餐廳環境都好舒適，小妹留意到有四人枱亦都有大枱俾大家選擇，如果要來嘅就提早book啦。話咁快食物就上枱，我哋都比食物嘅味道吸引咗，而且店家好貼心提供埋火源，等啲食物唔會咁快凍啊。乾炒豬什好足料，我哋等唔切呀嘛，好快已經清左佢。小妹特別欣賞佢嘅豬潤，調味適中，如果大家想飽啲都可以點一碗白飯架。啤酒鴨份量都好㗎，屋企人鍾意佢啲肉唔會好鞋，而且個菜式好有特色。下次有機會，等我帶埋男朋友仔嚟食下先