湯宴燉湯專門店 (已結業)

4/5太子區，門面唔太靚，店舖細細，賣七十幾元一個燉湯？回到家打開袋子，才看到原來一整個大椰子真空了。鮑魚雞燉湯，超濃超甜，有好多雞，有鮑魚仔。(Google translate)Prince District, the facade is not too beautiful, the shops are detailed, selling a stew for more than seventy yuan? When I returned home and opened the bag, I saw that the whole big coconut was vacuumed. The abalone chicken stew soup is super thick and sweet, with lots of chicken and an abalone.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #fo

點了最貴花膠湯$70湯用椰盅上 超大個 湯頭好甜好多湯料外賣帶走都打包得好好吾怕漏之後過開去都會再買的佢另外仲有蒸飯小食等等賣的希望都可以多d人幫襯下呢d小店值得推介👍🏻

前身是蒸美味。當時執左笠都有d傷心，因為呢間蒸飯好食，湯好飲。易左一手後，見同一址變左湯加煲仔飯。一看之下竟然係同一個老闆娘！好開心😆，又一唔想煮飯時的外賣之選返來啦🎊老闆娘的飯餐份量足料，又好味。材料有肉有菜，新鮮又健康。加十多元就有一個燉湯，cp值極高。今次點了滑雞香菇飯，醬香排骨飯。湯就是花旗參竹雞湯和海底椰排骨湯。雖然是外賣，但飯的底部真的有飯焦。排骨和雞也很滑很新鮮。湯就很足料。平時自己也不會買烏雞煲湯，太麻煩了。外食當然是選自己處理不了的食物啦😎喝得出來是沒味精的!支持美味小店，我要繼續吃！老闆娘加油💪🏻

今日在太子經過這間外賣店，看到久違的煲仔飯，價錢超級抵食，即刻買回家做晚餐。這裡的煲仔飯雖然是外賣，但以外賣的質素來說，已經是非常不錯👍咸蛋肉餅煲仔飯&鳳爪排骨煲飯個人認為這裡的煲仔飯十分高質，因為是即叫即做，所以等的時間比較耐，店員說還有十分鐘，所以我們去附近行行再回來取餐。首先煲仔飯份量超多，應該有2-3碗飯，但價錢只是$48/份，如果不加湯，只是$32，超級便宜。另外除了肉類還有菜食, 當晚餐食，又便宜又比較健康。味道方面，飯質做到煲仔飯的感覺，質感偏硬，而且還有飯焦，這是令我們超級驚訝的一點！而配菜質素都超高，肉餅厚實，肉汁多，不會硬/乾，加上咸蛋自帶鹹味，其實不落豉油都已經足夠。而排骨肥瘦適中，都不會過乾過硬，這個可以加豉油。湯沒有味精，配料超多，而且煲得很入味。另外叫了一個雞翼包飯，只是$15，$28還有2隻，之前食過都是$20up，所以喜歡的絕對有食呀！味道就是平時食的雞翼包飯，外皮是蜜糖雞翼，入面是炒飯加什豆，皮脆，入面有雞肉，食落不乾，不錯不錯。

呢間店應該唔系開左好耐，有朋友啱啱生完bb🤰🏻，諗住買湯水俾佢，咁啱就搵到呢間店，今次就買來試下味先，下次再買俾佢❤️👉🏻竹笙烏雞椰子盅 $47燉湯之餘俾佢椰子盅吸引左，到底會咩味，湯料入面都有唔少烏雞肉、雞腳、有d竹笙、杞子等，呢個價錢算抵食之選，賣點系湯唔加鹽同味精，飲落甜味較重，個種甜相信系椰子盅內椰子水帶落湯到，都裝到2碗半份量嘅湯，一至二人飲都唔錯❤️👉🏻秘製口水雞 $18見平平地買尼試下，一試就知種辣唔系地上有😂比起出平口水雞更辣，不過我當然系食得辣覺得辣得滿足，佢個辣油似似地韓式辣醬個種味道，如果配飯/麵食更正❤️👉🏻椰皇鮮奶凍$39最後就緊係要食番個甜品咖喇，呢個亦系我最最最期待嘅甜品，一標落去就發現奶凍內藏左唔少椰子絲，爽口感唔錯，月燉奶都幾重椰子香味，有少許汁水，相信系椰子水尼🤤唔錯唔錯✍🏻終於都放心咁諗到買咩俾坐月媽媽👩🏻，呢間店出乎預料外比到驚喜，湯水、小食、甜品到盅仔飯乜都有，下次買湯水時或者應該試埋盅仔飯添🤭👍🏻🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著

返工成日都要出街食飯 想飲啖湯水都好難經朋友介紹之下原來公司附近有一間外賣燉湯專門店 主打椰子盅湯 冇鹽冇糖冇味精 仲有煲仔飯等等款式同種類都好多而且佢哋主打嘅椰子盅湯 市面上比較少有 原隻椰子再加其他材料去燉 保證新鮮今次叫咗一盅姨媽四物烏雞椰子盅 補血活血調經止痛作用 成隻椰子盅可以叫外賣 用真空處理 非常衛生 而且唔會怕外賣倒瀉 外賣返屋企路程大概要半個鐘 但係返到屋企都仲keep到熱度 四物烏雞椰子盅 材料十足 有烏雞肉 當歸 熟地川芎 白芍 再加埋椰子一齊燉 鮮甜 而且可以保留材料嘅原味道 食完之後個胃暖笠笠 最啱我呢啲無飯主婦 唔得閒煲湯養身 返工放工經過就可以買一盅拎返屋企飲 值得推薦同店員傾傾下原來佢哋會做埋送外賣 如果返工或者煮附近嘅朋友仔可以一試

近期多左出街食野, 面上暗瘡靜雞雞出了一兩粒, 睇黎真係要飲下d湯水. 嚵嘴嘅我行去搭車都不忘買返件蛋撻, 望望隔離街有間燉湯店, 好奇睇下原來賣原個燉椰子盅🥥.>竹笙烏雞椰子🥥盅 (HKD47)等緊個陣問鋪頭姨姨點整返熱黎飲, 姨姨霸氣地說唔使整熱因為已經好熱: 原個椰子盅由朝早燉足4-6個鐘架. 即場以真空包裝搭左成個鐘車返屋企仲係熱辣辣👍🏻, 仲一滴不漏添.>剪開包裝揭蓋就飲得實在方便, 好想講椰味非常之香味道wise就雞肉味較突出, 小小一個椰子🥥放左勁多烏雞肉同竹笙, 每一啖都會聚哂椰香, 烏雞精華, 而烏雞本身脂肪含量較其他雞少同事肉質一啲唔嚡, HKD47包料包心機實在抵飲, 事關自己喺屋企未必會燉成6個鐘咁長時間, 飲得多仲有齊養顏+降膽固醇嘅好處呢☺️.>見到伯伯喺裡面身水身汗燉靚湯, 經過梗要支持呢.

最近身邊多咗人患上感冒，所以要預防感冒，湯水一定唔少得。路過太子，發現了燉湯專門店，有出名的椰子盅燉湯。如果行得攰，又可以去入邊坐，如果天氣太熱，就會建議外賣。長白山人蔘烏雞椰子盅🥥（$56）可以補氣增強體質，4小時精心燉制，冇鹽冇糖冇味精，全部真空包裝處理，非常衛生。椰子盅有香濃椰子🥥味，落足配料，飲完個人都精神左。奧爾良烤翅兩隻（$15）雞翅包飯（$15）特色美食，雞翅𥚃面有飯，好好味😋😋

#湯宴燉湯專門店前幾日放工路過太子，發現新開不少燉湯店，而且有湯又有飯，所以就買咗個煲仔飯燉湯套餐返屋企試吓😋香辣雞🐓煲仔飯外賣煲仔飯用錫紙兜裝住，所以保溫能力不錯，拎到返屋企仲熱辣辣。以依個價錢黎講，飯既分量真係好多，大大兜仲跟埋菜心。個飯都煮得岩岩好，飯粒分明，乾身，仲有少許飯焦唔黐牙，撈埋豉油食真係一流。辣雞醃得好入味， 值得一提係啖啖肉， 雞滑嫩，少油脂。而且辣得好過隱好好味，辣都想繼續食，雞肉嫩滑好食！海底椰排骨湯海底椰有清凉止咳功效，所以揀左海底椰排骨湯，值得一讚海底椰清甜好好飲，湯更清澈，不帶油份，湯料好充足，真材實料，搭配排骨，火喉十足，清肺止咳，無味精非常健康，依個價錢絕對實惠

#湯宴燉湯專門店 (太子)湯水真係好重要！媽媽一星期先煲一次😟鐘意飲湯既我會出去買湯😍。閒日會買下鴻x堂，但燉湯專門店愈開愈多，我又有多啲選擇。🙆🏻‍♀️朋友介紹我「湯宴燉湯專門店」話無加鹽糖味精，💁🏻‍♀️簡單啲來講即係無添加！主打外賣店黎～雖然都有張枱仔可以堂食，但買返屋企食會舒服好多。#竹笙烏雞椰子盅 🥥 💰$47真係成個椰子連材料燉。材料多到塞滿滿。真空包裝，拎返屋企完全無問題唔會瀉。🥰湯好清澈，無油咁濟。好鮮甜，🥥椰子味比較重。真係唔覺有落調味，但都已經好夠味。真正嘅原汁原味。有個碗仔倒出嚟飲會更加方便。#雞翼包飯 💰$28/2隻燒到脹卜卜，🐥雞肉唔會老，醃料都幾惹味。包住糯米，糯米味好香。🙈雖然裏面得糯米冇其他材料，但都好夠味。🤤幾好食！#香辣雞煲仔飯 加湯套餐💰$48呢個飯一拎出黎係勁香，香味不斷由綁好咗既袋係咁傳出黎。💃🏻令我地9秒9衝返屋企開餐！雞肉有好多，嫩滑！似係雞腿🍗肉。辣味唔會好辣但係好香好香好惹味。雖然係外賣煲仔飯，🤩食到底都會食到好香嘅飯焦。再加埋湯 #海底椰排骨湯又係好好飲，🤩排骨好腍好有肉味。飯加湯夾埋都只係$48 好抵食！🤤十分羨慕住喺附近嘅居民。

今晚過左太子買外賣番家，發現太子道西附近開了間燉湯外賣專門店。店舖主打燉湯、椰子盅湯、煲仔飯同小食款式都算多，而且價格相宜。店內擺放住一個個椰子盅好得意。櫃內一個椰子盅湯抽晒真空，乾淨衛生。我就選擇了煲仔飯加湯套餐。$48有飯又有湯。再加多一隻雞翅包飯）$15外賣用環保袋包好，貼心環保香菇滑雞煲仔飯、海底椰排骨湯+雞翅包飯香菇滑雞煲仔飯真係好夠份量，雞肉幾滑，而且底部仲有微焦飯焦香。海底椰排骨湯，飲得出完來係天然無添加、無味精的豬骨味，而且湯頭幾清唔油。雞翅包飯脹卜卜$15雞翅係奧良爾風味。包住炒飯，啖啖滋味。

娘親大人不在家數天過得特別DRY， 前幾日路過太子發現新開不少燉湯店， 其中以湯宴燉湯專門店一盅盅椰子湯特別吸睛， 即時決定要買一盅滋補一下弱小的身軀與心靈。湯宴位於太子道西， 店面小小不過招牌大大個不會找不著， 除了燉湯， 也有煲仔飯、小食等供應， 晚飯時間有不少客人在店外等外賣呢！燉湯以椰子盅為主， 價錢由$47至$70不等， 種類不少還標記了不同的滋補功效， 潤肺清熱、滋陰補身、提升免疫力的都有， 全部燉湯都無鹽無糖無味精， 真正健康補身。提袋結實不怕湯盅會在裡面翻滾， 厚身塑料還有些許隔熱功能， 抱在懷裡也不會被燙到。(其實湯盅也沒有很燙啦)椰子盅以真空包裝方便外帶， 攜帶時也不怕會怕湯打翻， 購買時已經事先加熱， 剪開包裝就可以直接享用嚕。 而且湯盅的保溫力不錯， 坐了一小時車回家還是溫熱的， 不用自已再翻熱實在太方便！選了長白山人參烏雞椰子盅， 介紹說能補氣增強體質好吸引。 打開蓋子只見湯料放得滿滿的， 烏雞經4小時燉製肉質已變軟， 入口即化還吸收了椰子的香甜， 是預想之外的美味。除了烏雞還有一大根人參， 真材實料絕不不欺

行過見到呢間原個椰子燉湯，好耐冇飲過湯，一於買個去partyroom度飲。因為我係打包，個姐姐好細心咁除左會幫你真空打包成個椰子外，仲喺個膠袋頂剪左個細細開口，方便你撕開。👍🏼一打開佢個椰子蓋已經見到好厚肉同埋好香椰子味。個湯真係將啲料塞入去連成個椰子去燉，簡簡單單三樣料，所以一開係超香椰子味，飲落去仲甜甜地，我呢個係石斛花旗參豬展椰子，好清甜，最重要係佢冇味精，飲完湯仲可以掘啲椰子肉出嚟食，好正👍🏼

燉湯主打以原個椰子水加上不同材料燉製，例如烏雞、竹笙、豬展、排骨、人蔘等，具調理功效，真材實料，非常適合平日忙碌到沒有時間煲湯水的朋友。我點了【姨媽四物烏雞椰子盅】：因四物湯是一道傳統藥膳，以當歸、川芎、白芍、熟地黄四味藥材為主要原料熬制而成，有助補血、活血、調經止痛，是中醫的經典藥膳湯料。並以紅枣、枸杞、冰糖掩蓋了濃濃的中藥味，再加入烏雞肉，做成滋補藥膳，喝了後，氣血通暢，臉色紅潤、肌膚光滑，補身又養顏。再來【竹笙排骨椰子盅】值得一讚，椰肉香而爽甜，因為相對烏雞，這款湯更清澈，不帶油份，視乎個人喜好。湯料以杞子、淮山、椰子水及椰子肉，搭配排骨，火喉十足，清肺止咳，適合秋冬飲用。

途經太子望見對面街大大個招牌寫住燉湯專門店，尼排太忙都少飲湯水，一於行去買盅補下先燉湯有10款，仲有小食、煲仔飯類，甜品，小小一個店舖食物都幾多選擇，櫃內放滿大大個原盅椰子，場上擺滿一啲藥材裝飾，相信用嘅都係優質藥膳，唔想外賣，可以即場係店內食最後點竹笙烏雞椰子盅，真空包裝，外賣就最方便！唔怕𠊷瀉，打開真空包裝，已聞到好香椰子味，盅內滿滿嘅湯料，有烏雞，准山，南棗，竹笙吸收湯精華份外好味，呻一口湯，清甜無比，椰子嘅清甜充斥着整個口腔，食材新鮮，飲完整個湯，真係滋陰又養顏店員介紹雞翼包飯係熱賣食品，於是買來試一試，脹卜卜嘅雞翼包住炒得粒粒分明嘅有味飯，雞肉嫩滑，烤得恰到好處，唔會太乾，依然好juice,果然無介紹錯煲仔飯連湯套餐都只係$48，仲有原個椰皇甜品，下次一定要買回家慢慢品嚐