湯宴燉湯專門店 (已結業)

小編今日太子收工，甘岩屋企冇飯食，經過依間外賣店，就買左晚飯番屋企食。🐓北茹滑雞煲仔飯 - $32以依個價錢黎講，甘大盒既飯真係好抵。而且餐廳用左錫紙盒裝個飯，小編過左半個幾鐘番到屋企食都未凍，仲係熱騰騰的。雞滑嫩，少油脂。個飯都煮得岩岩好，乾身，仲有少少飯蕉，撈埋豉油食真係一流。🍗雞翅包飯 - $28就甘睇個色澤，個雞翅燒得靚，而且入味。雞翅夠曬新鮮。入面個包飯都十足，$14一隻好抵。如果下次再經過太子，都會考慮再試下佢D燉湯。整體黎講，依間餐廳都係外賣既健康之選，似足住家飯。

今天主要在九龍塘區工作，走到了太子一間燉湯專門店，此店雖然細小，但都有各式各樣的湯，不只是一兩種，可見店主的心思。先講一講湯是可以即場在店裡喝，了大又或者打包回家喝的，打包的是真空包裝，外帶時都不會打翻或漏湯，相當方便。喝湯前先把蓋拿走，已經從椰殼中散發出陣陣香濃的椰子湯味，我今天飲的是<竹笙排骨椰子盅>,此湯除了有足料的排骨和竹笙外，還有一些藥材在裏面，飲上來非常似住家湯一樣，非常適合上班一族在家裏沒時間煲湯的人群。超讚

屋企人又掉底我去左旅行，我今晚餐飯點算啊？今晚又係孤獨食既時候！行過見到呢度有人排隊，反正自己一個，外賣返屋企吧。好，睇下有咩好食先。外賣仲有個靚袋，可以番用。雞翅包飯，肥美既雞翼裡面包住炒飯，好得意，每啖咬落去，好像一啖肉一啖飯。竹笙烏雞椰子湯，個湯係用全個椰子裝住，仲用膠袋密封，衛生又乾手淨腳，外賣番黎果陣，點拎都唔怕漏。個湯飲落係清雞湯，唔油膩，仲飲到好香濃椰子味，裡面仲有烏雞架，足料又好味。

我一直都對燉湯情有獨鍾，聽講太子開咗一間燉湯嘅外賣店，今日即刻嚟到店鋪 try try。呢度有好多唔同嘅燉湯可以選擇，價錢由$47到70不等。今日我九點幾到，有部份嘅燉湯已經賣晒，最後我就揀咗冬瓜排骨椰子盅，有清熱怯濕之效。除咗燉湯，呢度仲有其他唔同嘅特色小食。如果嗌燉湯外賣，仲會有個環保袋俾你攞住燉湯走。所有燉湯都係獨立包裝嘅，方便衛生。燉湯清甜滋潤，有非常香濃嘅椰子味，令人忍唔住一口接一口。冬瓜吸收晒燉湯嘅精華，多汁軟稔。土豆絲都幾辣，不過呢個價錢黎講都算抵食。

湯宴燉湯專門店（外賣店）Environment: ★★★★☆Service: ★★★★★Taste: ★★★★★1️⃣鳳爪排骨煲仔飯: 飯方面粒粒分明，鳳爪醃得好入味， 值得一提係排骨都啖啖肉， 唔會只係得啲骨，仲有好多菜心，真係為我哋健康著想啦。2️⃣花旗參竹雞湯: 好清甜好好味 滋陰潤肺，清熱降火，捱夜必飲。飲完覺得成個人都refresh咗。3️⃣茅根竹蔗水($12): 大熱天時一定要諗方法解解暑，飲完真係覺得成個人好滋潤，仲好清甜可口。💡 主打外賣，不設堂食。💡 一加二係套餐，會更實惠($48)。💡主張無鹽無糖無味精，岩哂愛健康嘅你。💡外賣盒用錫紙包住，就算住得好遠都唔怕食物凍曬。💡燉湯香到撲鼻，仲好清甜，好足料，一試難忘。認真呢個價錢都買到燉湯真係好坻，岩哂忙碌嘅都市人。💡成個套餐份量多，再大食都一定夠飽。💡上面咁多野加埋都係$60，絕對係性價比高之選。💡 聽店員講椰子湯係最受歡迎，下次一定要試下啦。🔛🏃‍♀️🏃‍♀️🏃‍♀️太子太子道西102號A 3號#湯宴燉湯專門店#foodie #hkfoodie #hkig #foodiehk #foodstagram #美食 #香港美食 #hkblog

Lunch同同事覓食，見到依間小店門外一個個燉盅好得意，停低睇下Menu幾抵食就試下，依間店係外賣店，不設堂食的，嗌完即煲。鳳爪排骨煲仔飯加海底椰排骨湯套餐外賣盒用錫紙兜裝住，所以保溫能力不錯，拎到返公司仲熱騰騰的。大大兜仲跟埋菜心，飯粒分明，排骨半肥瘦而且夠味，鳳爪醃得好味，淋上甜鼓油非常開胃，仲有少許飯焦唔黐牙，最近成日咳，海底椰有清凉止咳功效，所以揀左海底椰排骨湯，清甜好好飲，湯料好充足，真材實料，無味精非常健康，依個價錢絕對實惠香辣雞煲仔飯依個飯都頗辣，但辣得好過隱好好味，辣都想繼續食，雞肉嫩滑好食！雞翅包飯雞翅烤得皮好脆，如果烤的時候加多一點蜜糖會更好，配上小小的辛辣味，超惹味！雞翅入面的飯同雞肉比例平均，配料亦很足夠，飯唔會燒得過乾，仲保留到多汁軟綿綿的，$15抵食

星期一放工 去咗太子附近買啲嘢經過呢一間燉湯專門店 櫥櫃入邊有一個個椰子 望一望餐牌 原來呢度係有椰子燉湯 出面比較少有 除咗小食之外 亦都有煲仔飯 諗起屋企煮咗飯但係冇煲湯 一於就買個椰子湯返屋企飲 揀咗一陣決定要咗個 花旗參豬展椰子盅$62其實加埋個飯都係加$6 但係因為屋企煮咗飯所以就冇要啦侍應比完我之後 望一望入面 原來已經真空左 一剪開就已經可以飲 又唔使驚會倒瀉 非常方便返到屋企 飲落去好重嘅椰子味道 加上花旗參嘅甘甜 大量豬展係入邊 非常足料 非常甜嘅燉湯下次再去太子可以試其他款！

喺太子食完晚飯經過呢間燉湯店, 就俾佢櫥窗滿滿嘅椰子燉盅吸引到😍鋪頭樓面空間唔大, 只有一張小巴枱俾客人享用燉湯, 有兩個小朋友喺度做緊功課, 睇得出係家庭式經營嘅燉湯店🥰小朋友見我睇緊牆上嘅menu, 即刻大叫 有人客呀!😂好可愛! 女店主即刻喺廚房探出頭嚟招呼我哋我揀咗鮮鮑蟲草土雞椰子盅, 湯盅係真空包裝, 燉湯超級足料, 除咗鮮鮑魚同蟲草花之外, 仲有瑤柱, 杞子, 淮山同其他湯料, 湯鮮甜濃郁! 好滋潤!! 下次經過一定要encore!♥️♥️♥️